میسڕ بۆ بەهێزکردنی ئاسایشی دەریایی کاردەکات

نیشاندانی‭ ‬پابەندبوونی‭ ‬میسڕ‭ ‬بە‭ ‬ئاسایشی‭ ‬دەریایی،‭ ‬فەرماندەی‭ ‬هێزە‭ ‬دەریاییەکانی‭ ‬میسڕ‭ ‬لیوای‭ ‬هێزی‭ ‬دەریایی‭ ‬ئەشرەف‭ ‬ئیبراهیم‭ ‬عەتوا‭ ‬لە‭ ‬مانگی‭ ‬نیسانی‭ ‬2024دا‭ ‬باسی‭ ‬لە‭ ‬ڕێگاکانی‭ ‬پشتگیریکردنی‭ ‬ئۆپەراسیۆنە‭ ‬دەریاییەکانی‭ ‬ئەوروپا‭ ‬کرد‭ ‬لە‭ ‬باکووری‭ ‬ڕۆژئاوای‭ ‬زەریای‭ ‬هیندی‭ ‬و‭ ‬دەریای‭ ‬سوور‭.‬‏

لیوای‭ ‬هێزی‭ ‬دەریاریی‭ ‬ئەشرەف‭ ‬لەگەڵ‭ ‬لیوای‭ ‬هێزی‭ ‬دەریایی‭ ‬ڤاسیلیۆس‭ ‬گریپاریس،‭ ‬فەرماندەی‭ ‬ئۆپەراسیۆنی‭ ‬ئاسپیدس،‭ ‬ئەرکی‭ ‬هێزی‭ ‬دەریایی‭ ‬یەکێتی‭ ‬ئەوروپا‭ ‬لە‭ ‬دەریای‭ ‬سوور‭ ‬کە‭ ‬لە‭ ‬کۆتاییەکانی‭ ‬ساڵی‭ ‬2023‭ ‬بۆ‭ ‬وەڵامدانەوەی‭ ‬هێرشەکانی‭ ‬حوسییەکان‭ ‬بۆ‭ ‬سەر‭ ‬جوڵەی‭ ‬کەشتیوانی‭ ‬دامەزرا،‭ ‬کۆبووەوە‭.‬

تا‭ ‬مانگی‭ ‬نیسانی‭ ‬ساڵی‭ ‬2024،‭ ‬حەوت‭ ‬وڵات‭ ‬بەشدارییان‭ ‬لە‭ ‬ئۆپەراسیۆنە‭ ‬دەریاییەکانی‭ ‬ئەوروپا‭ ‬لە‭ ‬کەناراوەکانی‭ ‬یەمەن‭ ‬لە‭ ‬دەریای‭ ‬سووردا‭ ‬کردووە‭.‬

هەردوو‭ ‬فەرماندەکە‭ ‬باسیان‭ ‬لە‭ ‬پێشخستنی‭ ‬هەماهەنگی‭ ‬و‭ ‬هاوبەشی‭ ‬جیهانی،‭ ‬پشتڕاستکردنەوەی‭ ‬سەقامگیری‭ ‬و‭ ‬ئاسایش‭ ‬لە‭ ‬ڕۆژهەڵاتی‭ ‬ناوەڕاست‭ ‬و‭ ‬پاراستنی‭ ‬ئاسایشی‭ ‬دەریایی‭ ‬لە‭ ‬دەریای‭ ‬سوور‭ ‬و‭ ‬زەریای‭ ‬هیندی‭ ‬کرد‭. ‬

لیوا‭ ‬ئەشرەف‭ ‬یاوەری‭ ‬میوانەکانی‭ ‬بوو‭ ‬لە‭ ‬گەشتێکدا‭ ‬کە‭ ‬بریتی‭ ‬بوو‭ ‬لە‭ ‬پشکنینی‭ ‬کەشتییە‭ ‬میسڕییەکان‭ ‬بۆ‭ ‬پیشاندانی‭ ‬ئامادەیی،‭ ‬توانا،‭ ‬ئامێرە‭ ‬پێشکەوتووەکان‭ ‬و‭ ‬دەریاوانە‭ ‬مەشقپێکراوەکانیان‭. ‬

مانگێک‭ ‬پێشتر‭ ‬جێگری‭ ‬فەریق‭ ‬ئیمانوێل‭ ‬سلارس،‭ ‬فەرماندەی‭ ‬هێزی‭ ‬دەریایی‭ ‬فەرەنسا‭ ‬کە‭ ‬لە‭ ‬زەریای‭ ‬هیندی‭ ‬و‭ ‬دەریای‭ ‬سوور‭ ‬جێگیرکراون،‭ ‬لەگەڵ‭ ‬لەگەڵ‭ ‬لیوای‭ ‬هێزی‭ ‬دەریایی‭ ‬ئەشرەف‭ ‬کۆبووەوە‭. ‬بابەتێکی‭ ‬گەورە‭ ‬هەماهەنگی‭ ‬نێوان‭ ‬هێزە‭ ‬دەریاییەکانی‭ ‬میسڕ‭ ‬و‭ ‬فەرەنسا‭ ‬بوو‭ ‬بۆ‭ ‬ڕاگرتنی‭ ‬دەوڵەتان‭ ‬و‭ ‬کاراکتەرە‭ ‬نادەوڵەتییەکان‭ ‬لە‭ ‬قاچاخچێتی‭ ‬و‭ ‬چالاکییە‭ ‬نایاساییەکانی‭ ‬دیکە‭. ‬

بەشداریکردنی‭ ‬میسڕ‭ ‬لە‭ ‬ئاسایشی‭ ‬دەریایی‭ ‬ناوچەکەدا‭ ‬درێژدەبێتەوە‭ ‬بۆ‭ ‬هێزە‭ ‬دەریاییە‭ ‬هاوبەشەکان‭ (‬‏CMF‏‭) ‬کە‭ ‬لە‭ ‬نیسانی‭ ‬2021‭ ‬بەشداریکرد‭. ‬هێزی‭ ‬دەریایی‭ ‬هاوبەش‭ ‬کە‭ ‬3‭.‬2‭ ‬ملیۆن‭ ‬میل‭ ‬چوارگۆشە‭ ‬لە‭ ‬ئاوە‭ ‬نێودەوڵەتییەکان‭ ‬دەگرێتەوە،‭ ‬چەندین‭ ‬هێزی‭ ‬ئەرکی‭ ‬بەڕێوەدەبات‭ ‬کە‭ ‬دەوریەی‭ ‬هەندێک‭ ‬لە‭ ‬گرینگترین‭ ‬هێڵەکانی‭ ‬کەشتیوانی‭ ‬جیهان‭ ‬دەدەن،‭ ‬لەوانە‭ ‬کەناڵی‭ ‬سوێس،‭ ‬بابلمەندەب‭ ‬و‭ ‬گەرووی‭ ‬هورمز‭. ‬

بۆ‭ ‬بەهێزکردنی‭ ‬ئاسایشی‭ ‬دەریایی‭ ‬لە‭ ‬دەریای‭ ‬سوور،‭ ‬بابلمەندەب‭ ‬و‭ ‬کەنداوی‭ ‬عەدەن‭ ‬هێزی‭ ‬دەریایی‭ ‬هاوبەش‭ ‬لە‭ ‬نیسانی‭ ‬2022ـدا‭ ‬هێزی‭ ‬ئەرکی‭ ‬یەکخراوی‭ ‬153ـی‭  ‬دامەزراند‭. ‬

هێرشەکانی‭ ‬حوسییەکان‭ ‬بۆ‭ ‬سەر‭ ‬کەشتییە‭ ‬نێودەوڵەتییەکان،‭ ‬بە‭ ‬بەکارهێنانی‭ ‬چەک‭ ‬و‭ ‬تەکنەلۆژیای‭ ‬دابینکراو‭ ‬لەلایەن‭ ‬ئێرانەوە،‭ ‬زیانیان‭ ‬بە‭ ‬ئابووری‭ ‬میسڕ‭ ‬گەیاندووە‭. ‬بەپێی‭ ‬وەزارەتی‭ ‬دارایی‭ ‬میسڕ،‭ ‬تا‭ ‬مانگی‭ ‬ئازاری‭ ‬ساڵی‭ ‬2024،‭ ‬داهاتی‭ ‬کەناڵی‭ ‬سوێس‭ ‬کە‭ ‬2‭%‬ی‭ ‬بەرهەمی‭ ‬ناوخۆیی‭ ‬نیشتمانی‭ ‬وڵاتەکەی‭ ‬پێکدەهێنێت،‭ ‬هەتا‭ ‬ڕێژەی‭ ‬50%‭ ‬دابەزینی‭ ‬تۆمارکردووە‭.‬