Close Menu
Unipath
    Facebook X (Twitter) Instagram
    Facebook X (Twitter) Instagram
    Unipath
    • Kurdish
      • English
      • Русский (Russian)
      • العربية (Arabic)
    سەبسکرایب بکەن
    • ماڵەوە
    • تایبتمەندیەکان

      لووتکەی دووڕوویی: پێشێلکارییەکانی ڕژێمی ئێران بەرامبەر بە یاسای نێودەوڵەتی

      November 9, 2026

      یەکڕیزی لەسەر کەنداوی عەرەبی

      November 3, 2026

      دەستێکی هاوکاریی مرۆیی

      November 3, 2026

      بەرنامەی هاوبەشیی ویلایەت بەها پێشکەش دەکات

      November 3, 2026

      پاراستنی پێگە

      November 3, 2026
    • بەشەکان
      1. لە سەرانسەری ناوچەکە
      2. پەیامی سەرەکیی سەرۆك
      3. View All

      پلانی ئەردەن بۆ داڕشتنەوەی هێزە چەکدارەکانی

      November 3, 2026

      کازاخستان و ئۆزبەکستان پەیوەندی بە ئەنجومەنی ئاشتییەوە دەکەن

      November 3, 2026

      ئاشتیپارێزانی کازاخستان تەقەمەنی لە بەرزاییەکانی جۆلان لادەبەن

      November 3, 2026

      عێراق تیرۆرستە ئازادکراوەکانی لە سوریا دەستگیر کرد

      November 3, 2026

      پەیامی سەرەکیی سەرۆك

      November 3, 2026

      پەیامی سەرەکیی سەرۆك

      August 11, 2026

      پەیامی سەرەکیی سەرۆك

      April 1, 2026

      پەیامی سەرەکیی سەرۆك

      January 2, 2026

      پلانی ئەردەن بۆ داڕشتنەوەی هێزە چەکدارەکانی

      November 3, 2026

      کازاخستان و ئۆزبەکستان پەیوەندی بە ئەنجومەنی ئاشتییەوە دەکەن

      November 3, 2026

      ئاشتیپارێزانی کازاخستان تەقەمەنی لە بەرزاییەکانی جۆلان لادەبەن

      November 3, 2026

      عێراق تیرۆرستە ئازادکراوەکانی لە سوریا دەستگیر کرد

      November 3, 2026
    • بیبەخشە
      • پەیوەندی
    • دەربارەی یونیپاس
    • سەبسکرایب بکەن
    • Kurdish
      • English
      • Русский (Russian)
      • العربية (Arabic)
    Unipath
    Home » وێنەی مانگی دەستکردی چین هاوکاریی هێرشەکانی ئێران دەکات لە کەنداوی عەرەبی
    پارستنی سنوورەکان

    وێنەی مانگی دەستکردی چین هاوکاریی هێرشەکانی ئێران دەکات لە کەنداوی عەرەبی

    UnipathBy UnipathNovember 3, 202604 Mins Read
    وێنەیەکی مانگی دەستکرد کە لەلایەن کۆمپانیایەکی چینییەوە بڵاوکراوەتەوە، دیمەنی هێرشی ئێران بۆ سەر بەندەری جەبەل عەلی دوبەی نیشان دەدات. ڕەخنەگران پەکین بە بڵاوکردنەوەی داتای مانگی دەستکرد کە یارمەتی ئێران دەدات لە شوێنەکانی وەک ئیماڕات ژێرخانی مەدەنی بکاتە ئامانج، تۆمەتبار دەکەن. X@MIZARVISION
    Share
    Facebook Twitter Telegram WhatsApp Copy Link

    چین‭ ‬بە‭ ‬کۆکردنەوە‭ ‬و‭ ‬هاوبەشپێکردنی‭ ‬وێنەی‭ ‬مانگی‭ ‬دەستکرد‭ ‬لەگەڵ‭ ‬ئێران‭ ‬بۆ‭ ‬بەئامانجگرتنی‭ ‬ژێرخانی‭ ‬مەدەنی‭ ‬لە‭ ‬ناوچەی‭ ‬ناوەڕاست‭ ‬و‭ ‬سامانی‭ ‬سەربازیی‭ ‬ئەمریکا‭ ‬لە‭ ‬کەنداوی‭ ‬عەرەبی‭ ‬تۆمەتبارکراوە‭.‬

    پەکین‭ ‬ئەمە‭ ‬ڕەتدەکاتەوە،‭ ‬بەڵام‭ ‬بە‭ ‬وتەی‭ ‬شارەزایان‭ ‬کە‭ ‬لە‭ ‬هەواڵەکانی‭ ‬کەناڵی‭ ‬ئەلجەزیرە‭ ‬وەرگیراون‭ ‬ئاماژە‭ ‬بەوە‭ ‬دەکەن‭ ‬کە‭ ‬زیادبوونی‭ ‬وردیی‭ ‬بەئامانجگرتنی‭ ‬ئێران‭ ‬لە‭ ‬دوای‭ ‬دەستپێکردنی‭ ‬ئۆپەراسیۆنی‭ ‬توڕەیی‭ ‬ئەفسانەیی‭ ‬لە‭ ‬28ـی‭ ‬مانگی‭ ‬شوبات‭ ‬ئەوە‭ ‬نیشان‭ ‬دەدات‭ ‬کە‭ ‬بەشداریکردنی‭ ‬چینییەکان‭ ‬کاریگەریی‭ ‬چەکەکانی‭ ‬ئێرانی‭ ‬زیادکردووە‭. ‬کەناڵە‭ ‬پەیوەندیدارەکانی‭ ‬تۆڕی‭ ‬کۆمەڵایەتی‭ ‬زانیاریی‭ ‬وردیان‭ ‬سەبارەت‭ ‬بە‭ ‬هێزە‭ ‬سەربازییەکانی‭ ‬ئەمریکا‭ ‬و‭ ‬کۆکردنەوەی‭ ‬فڕۆکەکان‭ ‬لە‭ ‬ئیسرائیل،‭ ‬قەتەڕ‭ ‬و‭ ‬سعودیە‭ ‬بڵاوکردووەتەوە،‭ ‬کە‭ ‬پێدەچێت‭ ‬هۆشیاریی‭ ‬دوژمنانی‭ ‬باشتر‭ ‬کردبێت‭.‬

    وێنەکانی‭ ‬ناوچەکانی‭ ‬جێ‭ ‬ململانێی‭ ‬مانگی‭ ‬دەستکردی‭ ‬چین‭ ‬لە‭ ‬سەرەتای‭ ‬دەستپێکردنی‭ ‬ئۆپەراسیۆنی‭ ‬توڕەیی‭ ‬ئەفسانیەیی‭ ‬پەرەی‭ ‬سەندووە،‭ ‬ڕۆژنامەی‭ ‬وۆڵ‭ ‬ستریت‭ ‬جۆرناڵ‭ ‬بڵاویکردەوە‭. ‬ئەمەش‭ ‬بانگەشەی‭ ‬کۆمپانیای‭ ‬میزارڤیژن‭ (‬MizarVision‭)‬ـی‭ ‬ژیریی‭ ‬دەستکردی‭ ‬چینی‭ ‬لەسەر‭ ‬تۆڕی‭ ‬کۆمەڵایەتی‭ ‬لەخۆدەگرێت،‭ ‬کە‭ ‬ژیریی‭ ‬دەستکردنی‭ ‬بۆ‭ ‬شیکردنەوەی‭ ‬داتای‭ ‬مانگی‭ ‬دەستکرد‭ ‬و‭ ‬بەدواداچوونی‭ ‬جوڵەی‭ ‬هێز‭ ‬و‭ ‬ئامێرەکانی‭ ‬ئەمریکا‭ ‬بەکارهێناوە‭.‬

    سیاسەتمەدارانی‭ ‬ئەمریکی‭ ‬هۆشدارییاندا‭ ‬سەبارەت‭ ‬بەوەی‭ ‬کە‭ ‬ڕەنگە‭ ‬هێزەکانی‭ ‬ئێران‭ ‬لە‭ ‬چەندین‭ ‬سەرچاوەوە‭ ‬پشت‭ ‬بە‭ ‬داتای‭ ‬مانگی‭ ‬دەستکردی‭ ‬بازرگانی‭ ‬ببەستن،‭ ‬ڕۆژنامەکە‭ ‬ئاماژەی‭ ‬پێداوە‭. ‬بە‭ ‬ئەگەرێکی‭ ‬زۆرەوە‭ ‬بەکارهێنانی‭ ‬داتا‭ ‬بازرگانییەکان‭ ‬بواری‭ ‬ڕەتکردنەوەی‭ ‬بەرپرسیارێتی‭ ‬دابین‭ ‬دەکات‭.‬

    سەرهەڵدانی‭ ‬وێنەی‭ ‬مانگی‭ ‬دەستکردی‭ ‬بازرگانی،‭ ‬بووە‭ ‬هۆی‭ ‬ئەوەی‭ ‬کە‭ ‬جۆرێک‭ ‬لە‭ ‬زانیاریی‭ ‬سەنگەرەکان‭ ‬بخاتە‭ ‬بەردەستی‭ ‬خەڵک‭ ‬کە‭ ‬پێشتر‭ ‬لەسەر‭ ‬بنەمای‭ ‬بەرژەوەندیی‭ ‬سەربازی‭ ‬و‭ ‬هەواڵگریی‭ ‬وڵاتان‭ ‬زۆر‭ ‬پاریزراوبوو‭. ‬لە‭ ‬مانگی‭ ‬نیساندا،‭ ‬لە‭ ‬دوای‭ ‬ئەوەی‭ ‬سوپای‭ ‬ئەمریکا‭ ‬نیگەرانیی‭ ‬خۆی‭ ‬دەربڕی‭ ‬لەوەی‭ ‬کە‭ ‬دەکرێت‭ ‬ئەمە‭ ‬”باڵادەستی‭ ‬تاکتیکی“‭ ‬بۆ‭ ‬نەیاران‭ ‬دابینبکات،‭ ‬تاقیگەی‭ ‬پلانێت‭ ‬لابس‭ ‬کە‭ ‬بنکەکەی‭ ‬لە‭ ‬کالیفۆرنیایە‭ ‬و‭ ‬لە‭ ‬بوارەکەدا‭ ‬پێشەنگە،‭ ‬دابینکردنی‭ ‬وێنەیی‭ ‬لە‭ ‬ناوچە‭ ‬جێ‭ ‬ململانێکانی‭ ‬ڕۆژهەڵاتی‭ ‬ناوەڕاست‭ ‬بۆ‭ ‬خەڵک‭ ‬وەستاند‭. ‬کۆمپانیاکانی‭ ‬مانگی‭ ‬دەستکردی‭ ‬چین‭ ‬لە‭ ‬ژێر‭ ‬هیچ‭ ‬سنووردارییەکی‭ ‬لەم‭ ‬جۆرە‭ ‬کار‭ ‬ناکەن‭.‬

    جگە‭ ‬لەوەش،‭ ‬لیژنەی‭ ‬پێداچوونەوەی‭ ‬ئابووری‭ ‬و‭ ‬ئاسایشی‭ ‬ئەمریکا‭ ‬و‭ ‬چین،‭ ‬کە‭ ‬دەزگایەکی‭ ‬ڕاوێژکاریی‭ ‬کۆنگرێسی‭ ‬ئەمریکایە،‭ ‬لە‭ ‬مانگی‭ ‬ئازاردا‭ ‬ڕایگەیاندبوو‭ ‬کە‭ ‬ڕەنگە‭ ‬ئێران‭ ‬دەستڕاگەیشتنی‭ ‬بە‭ ‬سیستەمی‭ ‬جوڵەپێکردنی‭ ‬مانگی‭ ‬دەستکردی‭ ‬بێیدۆوی‭ ‬حزبی‭ ‬کۆمۆنیستی‭ ‬چینی‭ ‬بۆ‭ ‬ئاڕاستەکردنی‭ ‬هێرشە‭ ‬درۆنی‭ ‬و‭ ‬مووشەکییەکان‭ ‬لە‭ ‬سەرانسەری‭ ‬ڕۆژهەڵاتی‭ ‬ناوەڕاست‭ ‬بەکاربهێنێت‭. ‬بێیدۆو‭ ‬بریتییە‭ ‬لە‭ ‬وەشانی‭ ‬چینیی‭ ‬هاوشێوەی‭ ‬جی‭ ‬پی‭ ‬ئێس‭ (‬GPS‭)‬ـی‭ ‬ئەمریکی‭ ‬کاردەکات‭.‬

    کۆمپانیای میزارڤیژنی چینی وێنەیەکی مانگی دەستکردی فڕۆکەخانەی نێودەوڵەتی کوەیت کە تیشکی خستبووە سەر هێرشەکانی ئێران، بڵاوکردەوە. X@MIZARVISION

    دەوڵەتانی‭ ‬کەنداوی‭ ‬عەرەبی‭ ‬هێرشی‭ ‬درۆن‭ ‬و‭ ‬مووشەکیی‭ ‬ئێرانیان‭ ‬بە‭ ‬پێشێلکردنی‭ ‬تووندی‭ ‬سەروەری‭ ‬خۆیان‭ ‬ناوبرد‭. ‬بۆ‭ ‬هەماهەنگیی‭ ‬وەڵامدانەوە‭ ‬بۆ‭ ‬ئەم‭ ‬هێرشە‭ ‬چاوەڕوان‭ ‬نەکراوانە،‭ ‬سەرکردەکانی‭ ‬ئەنجومەنی‭ ‬هاوکاریی‭ ‬کەنداو‭ ‬لە‭ ‬28ـی‭ ‬مانگی‭ ‬نیسان‭ ‬لە‭ ‬شاری‭ ‬جەددە،‭ ‬سعودیە،‭ ‬لوتکەیەکیان‭ ‬ئەنجامدا‭. ‬

    ئەوان‭ ‬”جەختیان‭ ‬لەسەر‭ ‬گرنگی‭ ‬چڕکردنەوەی‭ ‬یەکخستنی‭ ‬سەربازی‭ ‬لە‭ ‬نێوان‭ ‬وڵاتانی‭ ‬ئەندام‭ ‬و‭ ‬خێراکردنی‭ ‬تەواوکردنی‭ ‬پڕۆژەی‭ ‬سیستەمی‭ ‬ئاگادارکردنەوەی‭ ‬پێشوەختە‭ ‬لە‭ ‬دژی‭ ‬موشەکی‭ ‬بالیستی‭ ‬کردەوە“،‭ ‬سکرتێری‭ ‬گشتیی‭ ‬ئەنجومەنی‭ ‬هاوکاریی‭ ‬کەنداو‭ (‬GCC‭) ‬جاسم‭ ‬ئەلبەدەوی‭ ‬ڕایگەیاند‭.‬

    هەتا‭ ‬مانگی‭ ‬ئابی‭ ‬2024،‭ ‬کۆمپانیاکانی‭ ‬مانگی‭ ‬دەستکردی‭ ‬بازرگانیی‭ ‬چین‭ ‬بەشدارییان‭ ‬لە‭ ‬ئاڵوگۆڕکردنی‭ ‬بازرگانی‭ ‬لەگەڵ‭ ‬سوپای‭ ‬پاسدارانی‭ ‬شۆڕشگێڕیی‭ ‬ئیسلامیی‭ ‬ئێراندا‭ ‬ئەنجام‭ ‬داوە،‭ ‬بەگوێرەی‭ ‬ڕاپۆرتی‭ ‬ساڵانەی‭ ‬ساڵی‭ ‬2025ـی‭ ‬وەزارەتی‭ ‬جەنگی‭ ‬ئەمریکا‭ ‬بۆ‭ ‬کۆنگرێس‭.‬

    گومانەکان‭ ‬سەبارەت‭ ‬بە‭ ‬پشتیوانیی‭ ‬چین‭ ‬بۆ‭ ‬ئێران‭ ‬لە‭ ‬کاتێکدایە‭ ‬کە‭ ‬دەزگا‭ ‬هەواڵگرییەکانی‭ ‬ئەمریکا‭ ‬ئەو‭ ‬نیشانانە‭ ‬بەدی‭ ‬دەکەن‭ ‬کە‭ ‬ڕووسیا‭ ‬هەواڵگریی‭ ‬مانگی‭ ‬دەستکردی‭ ‬بۆ‭ ‬یارمەتیدان‭ ‬لە‭ ‬بەئامانجگرتنی‭ ‬ئەمریکا‭ ‬و‭ ‬هاوبەشەکانی‭ ‬بۆ‭ ‬سوپای‭ ‬ئێران‭ ‬دابین‭ ‬کردووە‭.‬

    چین‭ ‬کڕیاری‭ ‬سەرەکیی‭ ‬نەوتی‭ ‬ئێرانە‭ ‬و‭ ‬هاوبەشی‭ ‬بازرگانیی‭ ‬ژمارە‭ ‬یەکی‭ ‬وڵاتەکەیە‭. ‬کاریگەریی‭ ‬خۆی‭ ‬بۆ‭ ‬هاندانی‭ ‬ئێران‭ ‬بۆ‭ ‬سەر‭ ‬مێزی‭ ‬دانوستان‭ ‬بۆ‭ ‬کۆتاییهێنان‭ ‬بە‭ ‬ململانێی‭ ‬بەردەوام‭ ‬بەکارهێناوە،‭ ‬ئەسۆشەیتد‭ ‬پرێس‭ ‬ڕایگەیاند‭. ‬لەگەڵ‭ ‬ئەوەشدا،‭ ‬بەرنامەی‭ ‬مووشەکی‭ ‬بالیستیی‭ ‬ئێران‭ ‬کە‭ ‬لە‭ ‬ڕۆژانی‭ ‬سەرەتای‭ ‬ئۆپەراسیۆنی‭ ‬توڕەیی‭ ‬ئەفسانەییدا‭ ‬لە‭ ‬سەرانسەری‭ ‬ڕۆژهەڵاتی‭ ‬ناوەڕاستدا‭ ‬سەدان‭ ‬هێرشی‭ ‬ئەنجامدا،‭ ‬بە‭ ‬تەکنەلۆژیای‭ ‬چینی‭ ‬دروستکراوە،‭ ‬حکومەتی‭ ‬ئەمریکا‭ ‬ڕایگەیاندووە‭.‬

    فڕۆکەیەکی F/A-18E Super Hornet لە میانی ئۆپەراسیۆنی توڕەیی ئەفسانەیی لەسەر کەشتیی فڕۆکەهەڵگری Gerald R. Fordـی ئەمریکی دەنیشێتەوە. کەشتییە فڕۆکە هەڵگرەکە لەنێوان ئەو هێزانەی ئەمریکادایە کە کۆمپانیا چینییەکان بەدواداچوونیان بۆ کردبوو. هێزی دەریایی ئەمریکا لەڕێگەی ئەسۆشەیتد پرێسەوە

    لەناوبردن‭ ‬یاخود‭ ‬لاوازکردنی‭ ‬بەرنامەی‭ ‬مووشەکی‭ ‬بالیستی‭ ‬یەکێک‭ ‬بوو‭ ‬لە‭ ‬ئامانجەکانی‭ ‬ئۆپەراسیۆنی‭ ‬توڕەیی‭ ‬ئەفسانەیی‭. ‬بڵاوکراوەیەکی‭ ‬هەواڵیی‭ ‬ئەمریکا‭ ‬لە‭ ‬8ـی‭ ‬مانگی‭ ‬نیساندا‭ ‬ئاماژەی‭ ‬بەوەکردووە‭ ‬کە‭ ‬زیاتر‭ ‬لە‭ ‬85‭%‬ـی‭ ‬بنکەی‭ ‬پیشەسازیی‭ ‬بەرگریی‭ ‬ئێران،‭ ‬لە‭ ‬نێوانیدا‭ ‬زۆربەی‭ ‬موشەکە‭ ‬بالیستییەکان،‭ ‬بارهەڵگری‭ ‬مووشەک‭ ‬هاوێژ‭ ‬و‭ ‬درۆنی‭ ‬هێرشبەری‭ ‬دوور‭ ‬مەودا،‭ ‬لەناوبراون‭. ‬لە‭ ‬لیستی‭ ‬زیانە‭ ‬بەرکەوتووەکانی‭ ‬ڕۆژانی‭ ‬سەرەتای‭ ‬ماوەی‭ ‬ئۆپەراسیۆنەکە،‭ ‬بەیاننامە‭ ‬هەواڵییەکە‭ ‬بە‭ ‬هەمان‭ ‬شێوە‭ ‬ئاماژەی‭ ‬بەوە‭ ‬کردووە،‭ ‬”بەرنامەی‭ ‬بۆشایی‭ ‬ئاسمانی‭ ‬ئێران‭ ‬کە‭ ‬پێشتر‭ ‬شانازی‭ ‬پێوەدەکرد،‭ ‬وێران‭ ‬کراوە‭. ‬لەسەدا‭ ‬حەفتای‭ ‬دامەزراوە‭ ‬مووشەک‭ ‬هاوێژ‭ ‬و‭ ‬وێستگەکانی‭ ‬بەڕێوەبردنی‭ ‬زەمینی‭ ‬خاپوورکراون‭ ‬یاخود‭ ‬لاوازکراون،‭ ‬ئەمەش‭ ‬وایکردووە‭ ‬ڕژێم‭ ‬بۆشایی‭ ‬ئاسمان‭ ‬بۆ‭ ‬مەبەستی‭ ‬سەربازی‭ ‬بەکاربهێنێت‭.‬“

    بەگشتی،‭ ‬پەیوەندیی‭ ‬سەربازیی‭ ‬چین‭ ‬لەگەڵ‭ ‬ئێران‭ ‬تیشکی‭ ‬خستووتە‭ ‬سەر‭ ‬مەشقی‭ ‬دەریایی‭ ‬سێ‭ ‬لایەنەی‭ ‬ساڵانە‭ ‬لەگەڵ‭ ‬ڕووسیا،‭ ‬مەشقی‭ ‬سەربازیی‭ ‬دوولایەنەی‭ ‬سنووردار‭ ‬و‭ ‬فرۆشتنی‭ ‬پێکهاتەکانی‭ ‬بەکارهێنانی‭ ‬دوو‭ ‬لایەنە‭ ‬بۆ‭ ‬بەرنامەکانی‭ ‬مووشەکی‭ ‬بالیستی‭ ‬و‭ ‬درۆنی‭ ‬ئێران‭ ‬لەلایەن‭ ‬کۆمپانیا‭ ‬چینییەکانەوە،‭ ‬بەگوێرەی‭ ‬ئەو‭ ‬ڕاپۆرتەی‭ ‬پێشکەش‭ ‬بە‭ ‬کۆنگرێسی‭ ‬ئەمریکا‭ ‬کرا‭. ‬نزیکەی‭ ‬هەر‭ ‬دوو‭ ‬ساڵ‭ ‬جارێک،‭ ‬وەزیرانی‭ ‬بەرگری‭ ‬ئەو‭ ‬دوو‭ ‬وڵاتە‭ ‬سەردانی‭ ‬وڵاتی‭ ‬بەرامبەر‭ ‬دەکەن،‭ ‬بەڵام‭ ‬پێدەچێت‭ ‬پەکین‭ ‬”لە‭ ‬ترسی‭ ‬کاردانەوەی‭ ‬دیپلۆماسی‭ ‬و‭ ‬سزا‭ ‬ئابوورییەکان،“‭ ‬ئامادە‭ ‬نەبێت‭ ‬پەیوەندییە‭ ‬بەرگرییە‭ ‬بێگەردەکان‭ ‬قووڵ‭ ‬بکاتەوە،‭ ‬ڕاپۆرتەکە‭ ‬ئاماژە‭ ‬بەوە‭ ‬دەکات‭.   ‬

    Share. Facebook Twitter Pinterest LinkedIn Tumblr Email
    Previous Articleشمشێری ئاسایشی بەحرەین
    Next Article لوبنان و ئەردەن پابەندی هاوبەشیکردن دەبن

    Related Posts

    لووتکەی دووڕوویی: پێشێلکارییەکانی ڕژێمی ئێران بەرامبەر بە یاسای نێودەوڵەتی

    November 9, 2026

    یەکڕیزی لەسەر کەنداوی عەرەبی

    November 3, 2026

    دەستێکی هاوکاریی مرۆیی

    November 3, 2026

    Comments are closed.

    پارستنی سنوورەکان

    سەبسکرایب بکەن

    Unipath
    Facebook X (Twitter) Instagram
    © 2026 Unipath. All Rights Reserved.

    Type above and press Enter to search. Press Esc to cancel.