لە وەڵامی هێرشە ڕاستەوخۆکانی ڕژێمی ئێران بۆ سەر وڵاتانی دراوسێی خۆی لە کەنداوی عەرەبی و شام، وەزارەتی جەنگی ئەمریکا بۆ پاراستنی هاوبەشەکانی ناوچەکە و هێزەکانی ئەمریکا، سوود لە ڕێوشوێنێکی بەرگریی خێراتر وەردەگرێت.
بەرنامەی پاداشتی وەزارەتی جەنگ (DoWRP) پارە پێشکەش بەو کەسانە دەکات کە زانیاریی باوەڕپێکراو لە کاتی گونجاودا بۆ پەکخستنی هەڕەشە ئاسایشییەکان پێشکەش دەکەن. ئەم پاداشتانە ڕاستەوخۆ بەو کەسە دەدرێن کە زانیارییەکان پێشکەش دەکات، ئەمەش لە دوای پشتڕاستکردنەوە و پێداچوونەوە. بەگوێرەی دروستیی زانیارییەکان، دەکرێت پاداشتەکان بگەنە 5 ملیۆن دۆلار.
فەریقی یەکەم براد کوپەر، فەرماندەی فەرماندەیی ناوەندی ئەمریکا، بەهۆی شەڕ و پێکدادانەکانی ئەم دواییەی ناوچەکە، بەرنامەکە فراوانتر دەکات.
ئەم بەرنامەیە پاداشتی زانیاریی هەواڵگریی پەیوەندیدار بە پاراستنی هێز و بەرەنگاربوونەوەی تیرۆر ، بە هەمان شێوە زانیاری لەبارەی قاچاخچێتی نایاسایی و چەک دەکات. دەتوانرێت هەموو ئامۆژگارییەکان بە شێوەیەکی پارێزراو و نهێنی لە ڕێگەی ماڵپەڕی فەرمیی بەرنامەکەوە پێشکەش بکرێت: www.dodrewardsprogram.net.
ئەم بەرنامەیە سادە و جێگیرە. هاوڵاتیانی مەدەنی، زۆرجار پەیوەندییان بە هیچ هێزێکی حکومی یاخود سەربازییەوە نییە، دەتوانن لە ڕێگەی کەناڵە کۆدکراوەکانەوە لەوانە سەکۆکانی ئینتەرنێت، وەتس ئەپ، تێلێگرام و هێڵی تەلەفۆنی پارێزراوەوە زانیاری پێشکەش بکەن. زمانەکانی وەک عەرەبی، فارسی، ئۆردو و پاشتۆ بۆ مسۆگەرکردنی دەستڕاگەیشتن پاڵپشتی دەکرێن.
خێرایی و نهێنی بوونی بەرنامەکە خاڵێکی ئێجگار بەهێزە. خاوەبوونەوەی کاری کارگێڕی تێدەپەڕێنێت، بوار بە فەرماندەکان دەدات لە کاتی ڕاستەقینەدا لە مەیداندا، هەندێکجار لە ماوەی چەند ڕۆژێک لە دوای وەرگرتنی ئامۆژگارییەکی بەنرخ بڕیاری پاداشت بدەن.
ئامرازێکی سەرەکیی ئەم ستراتیژی بەرەنگاربوونەوەی دەستدرێژییە بریتییە لە دەستپێشخەریی نوێی دەستی کارتی یارییە، کە لەگەڵ بەرنامەی پاداشتی وەزارەتی دەرەوەی ئەمریکا بۆ دادپەروەری پەرەی پێدراوە.
ئەم دەستپێشخەرییە هەوڵی بەدەستهێنانی زانیاری لەسەر 56 کارمەندی سەرەکیی سوپای پاسدارانی شۆڕشگێڕی ئیسلامی دەدات، کە چالاکییە خراپەکارییەکانیان ڕۆڵی بەرچاوی لە هێرشەکانی ڕژێمی ئێراندا هەیە. بە تیشک خستنە سەر ئەم کەسانە و پێشکەشکردنی پاداشتی بەرچاو، ئامانجیی بەرنامەکە برتییە لە هەڵوەشاندنەوەی تۆڕەکانیان و نەهێشتنی کاریگەریی ئۆپەراسیۆنییان.
هێشتا بەربەستی ئۆپەراسیۆنی بوونی هەیە. لە ئێران، داخستنی ئەم دواییەی هێڵی ئینتەرنێت، سەکۆ بنچینەییەکانی گەیاندنی دیجیتاڵی پەکخستووە. نامە ناردنی کورتەنامە بژاردەیەکە، بەڵام تێچووی زۆری دەوێت و ناوەندێکی پارێزراوی دووئاڕاستەی نییە تا تاکەکان زانیاری پێشکەش بکەن. پڕکردنەوەی ئەم کەلێنەی پەیوەندی، لە پێشینەی باڵای کارەکانە.
لە جیهانێکدا کە هەڕەشە ناهاوسەنگەکان خێراتر لە وەڵامە ئاساییەکان پەرەدەستێنن، کۆکردنەوەی زانیاریی هەواڵگریی کاریگەر چیتر بواری تایبەت بە مانگە دەستکردەکان، سامانی ئەلیکترۆنی یان تەنانەت یەکە سەربازییە دەستەبژێرەکان نییە. هەتا دێت، هاوڵاتانی هۆشیار، ئەو خەڵکانەی لەسەر شەقام، لە بازاڕ یان بەدرێژایی ڕاڕەوێکی قاچاخچێتی، ئامرازی هەرە گرنگی وەستاندنی هێرشەکانی داهاتوون