فڕۆکەوانانی هێزی ئاسمانیی ئەمریکا کە سەر بە پاسەوانی ئاسمانیی نیشتمانیی تەکساسن، شانبەشانی هێزەکانی سەر بە هێزی ئاسمانیی فەرماندەیی ناوەندی ئەمریکا لە پێشانگای فڕۆکەوانیی نێودەوڵەتیی 2026ـی میسڕ لە فڕۆکەخانەی نێودەوڵەتیی ئەلعالەمەین پەیوەندییان بە سەرکردە سەربازییە نێودەوڵەتییەکان، دەسەڵاتدارانی فڕۆکەوانیی مەدەنی و نوێنەرانی بەرگرییەوە کرد.
پاسەوانی نیشتمانیی تەکساس و میسڕ لە 2020ـەوە لە ڕێگەی بەرنامەی هاوبەشیی ویلایەتیی نووسینگەی پاسەوانی نیشتمانیی وەزارەتی جەنگی ئەمریکاوە هاوبەشن، پەیوەندییە سەربازی بۆ سەربازییەکان، هاوکاری و هەمانگیی نێوان هەردوو وڵات بەهێزتر دەکەن.
پێشانگا چەند ڕۆژییەکە وەک سەکۆیەکی ستراتیژی بۆ دەستەبەرکردنی ئاسایش، سەقامگیری و خۆشگوزەرانی لە سەرانسەری ناوچەی بەرپرسیارێتی فەرماندەیی ناوەندی ئەمریکا، کار بۆ تیشک خستنە سەر تەکنەلۆژیای پێشکەوتووی فڕۆکەوانی، ڕێکخستنی توانا ئۆپەراسیۆنییەکان و بەهێزکردنی پابەندبوونە نێودەوڵەتییەکان دەکات.
«نمایشە ئاسمانییەکان و پێشانگە بەرگرییەکانی وەک EIAS 26 بواری پەیوەنیی و هاوکاریی نێوان هێزەکانی هاوپەیمانانمان بەرز دەکەنەوە،» عەمید ڕوکن جۆشلین لویس لە پاسەوانی ئاسمانیی نیشتمانیی تەکساس ئاماژەی پێدا. «کاتێک هاوپەیمانان و هاوبەشەکان سەکۆی هاوشێوە بەڕێوەدەبەن و تێگەیشتنی تاکتیکی هاوبەش پێدەکەن، ئەوا کاریگەریی ڕاستەوخۆی لەسەر بەرزکردنەوەی ئامادەیی ئۆپەراسیۆنی و یەکگرتوویی هێزی ئاسمانی دەبێت.»
بەدرێژایی چالاکییەکە، فڕۆکەوانانی یەکەی 136ـی گواستنەوەی ئاسمانی گەشتی نمایشکردنی فڕۆکەیەکی جۆری C-130J Super Herculesـیان پێشکەش کرد، ئەمەش دەرفەتی بە هاوبەشە سەربازییە بیانییەکان، شاندە نێودەوڵەتییەکان و نوێنەرانی ڕاگەیاندن بەخشی تا لە نزیکەوە سەیری ئەم سەکۆ تاکتیکییەی گواستنەوەی ئاسمانی بکەن. نمایشەکە تیشکی خستە سەر ئەوەی کە سیستەمە هاوبەشەکان چۆن توانای هەماهەنگی بەرەوپێش دەبەن و لە سەرانسەری ناوچەکە پشتیوانی لە پێکهاتەی بەرگریی یەکخراو دەکەن.
جگە لە نمایشی فڕۆکەکان، ئەندامانی تیپی ناوەندی هێزی ئاسمانیی ئەمریکا نمایشێکیان بۆ ئامادەبووانی هێڵی فڕین ئەنجامدا، لە کاتێکدا کە ئەندامانی خزمەتگوزاریی سەربازیی ئەمریکا گۆڕینەوەی دوولایەنەی باجە سەربازییەکان و گفتوگۆی پیشەیییان لەگەڵ تیمەکانی فڕۆکەوانیی نێودەوڵەتی ئەنجامدا. عەمید ڕوکن لویس، عەقیدی هێزی ئاسمانیی ئەمریکا کۆرت ئەندەرسۆن، فەرماندەی یەکەی 136ـی گواستنەوەی ئاسمانی و عەریفی گشتیی باڵای فەرماندەیی هێزی ئاسمانیی ئەمریکا پاوڵ مەکگێرک، سەرۆکی پاسەوانی ئاسمانیی نیشتمانیی تەکساس بۆ تاوتوێکردنی هەڵوێستی هاوپەیمانان و پابەندبوونی بەردەوامی ئەمریکا بە سەقامگیریی ناوچەکە لەگەڵ دەزگاکانی ڕاگەیاندنی ناوچەکە کۆبوونەوە، لەنێویاندا ڕۆژنامەی گازێتی میسڕی.
«هەماهەنگی بەردی بناغەی هەر هاوپەیمانییەکی کاریگەرە.» ئەندێرسۆن ئاماژەی پێدا. «چالاکییەکان لە ئاستێکی ئاوادا دەرفەت بۆ فڕۆکەوانەکانمان دەڕەخسێنێت تا لەگەڵ کارمەندانی نەتەوەی میواندار و هێزەکانی وڵاتانی هاوبەش پەیوەندی ڕاستەوخۆ دروست بکەن، ئەمەش دڵنیایی دەدات لەوەی ئێمە وەک هێزێکی متمانەدار و ئامادەباش دەمێنینەوە.»
وەک بەشێک لە ڕێبازی گشتگیری فەرماندەیی ناوەندی ئەمریکا بۆ ئاڵنگاریی ئاسایشیی ئالۆز، بەشداریکردنی ئەمریکا لە پێشانگای ئاسمانیی نێودەوڵەتیی میسڕ پەیوەندییەکانی نێوان وڵاتانی هاوبەش بەهێز دەکات، پشتیوانیی یەکخستنی فرۆشتنی سەربازیی بیانی دەکات و پابەندبوونێکی بەکۆمەڵ بۆ ئاشتیی ناوچەیی درێژخایەن نیشان دەدات.