کۆماری قڕغستان و کازاخستان لە بواری گەڕان و ڕزگارکردنی ئاسمانیدا هەماهەنگی یەکتر دەکەن

دەستەی‭ ‬یونیپاس

بۆ‭ ‬باشترکردنی‭ ‬بەدەمەوەچوونی‭ ‬کارەساتەکان‭ ‬لە‭ ‬ناوچەی‭ ‬ئاسیای‭ ‬ناوەڕاست،‭ ‬کۆماری‭ ‬قڕغستان‭ ‬و‭ ‬کازاخستان‭ ‬ڕێککەوتنێکی‭ ‬هاوبەشیان‭ ‬پەسەند‭ ‬کرد‭ ‬بۆ‭ ‬هەماهەنگی‭ ‬کردن‭ ‬لە‭ ‬ئەرکەکانی‭ ‬گەڕان‭ ‬و‭ ‬ڕزگارکردنی‭ ‬ئاسمانی‭ ‬کە‭ ‬دەکرێت‭ ‬سنوورەکان‭ ‬ببڕن‭.‬

لە‭ ‬مانگی‭ ‬شوباتی‭ ‬ساڵی‭ ‬2024‭ ‬پەرلەمانی‭ ‬کازاخستان‭ ‬یاسایەکی‭ ‬بە‭ ‬ناونیشانی‭ “‬سەبارەت‭ ‬بە‭ ‬پەسەندکردنی‭ ‬ڕێککەوتنی‭ ‬نێوان‭ ‬حکومەتی‭ ‬کۆماری‭ ‬کازاخستان‭ ‬و‭ ‬کابینەی‭ ‬وەزیرانی‭ ‬کۆماری‭ ‬قڕغستان‭ ‬سەبارەت‭ ‬بە‭ ‬هەماهەنگی‭ ‬لە‭ ‬گەڕان‭ ‬و‭ ‬فریاگوزاریی‭ ‬فڕۆکەوانی‭” ‬دەرکرد‭. ‬

‭”‬ئامانجەکانی‭ ‬ڕێککەوتنەکە‭ ‬بریتین‭ ‬لە‭ ‬پتەوکردنی‭ ‬هەماهەنگی‭ ‬نێوان‭ ‬خزمەتگوزاری‭ ‬گەڕان‭ ‬و‭ ‬فریاگوزاری‭ ‬هەردوو‭ ‬وڵات،‭ ‬هاوبەشکپێردنی‭ ‬زانیاری‭ ‬لەسەر‭ ‬ڕووداوەکانی‭ ‬فڕۆکە،‭ ‬هەروەها‭ ‬گرتنەبەری‭ ‬ڕێوشوێنی‭ ‬گەڕان‭ ‬بەدوای‭ ‬فڕۆکە‭ ‬کەوتووەکان،‭ ‬سەرنشین‭ ‬و‭ ‬تیمی‭ ‬فڕۆکەوانی،‭ ‬ئەنجامدانی‭ ‬مەشقی‭ ‬هاوبەشی‭ ‬خزمەتگوزاری‭ ‬گەڕان‭ ‬و‭ ‬فریاگوزاری‭ ‬دوو‭ ‬لایەنە،‭ ‬وە‭ ‬ئاڵوگۆڕی‭ ‬زانیاری‭ ‬و‭ ‬ئەزموون‭.” ‬وەزیری‭ ‬گواستنەوەی‭ ‬کازاخستان‭ ‬مارات‭ ‬کارابایڤ‭ ‬ئاماژەی‭ ‬بەوەدا‭.‬

ئۆپەراسیۆنەکانی‭ ‬گەڕان‭ ‬و‭ ‬ڕزگارکردن‭ ‬پەیوەستن‭ ‬بە‭ ‬ستاندارد‭ ‬و‭ ‬ڕاسپاردەکانی‭ ‬ڕێکخراوی‭ ‬فڕۆکەوانی‭ ‬مەدەنی‭ ‬نێودەوڵەتی‭. ‬

هەروەها‭ ‬واژۆکارانی‭ ‬ڕێککەوتنەکە‭ ‬ڕاھێنانی‭ ‬گەڕان‭ ‬و‭ ‬ڕزگارکردنی‭ ‬هاوبەش‭ ‬ئەنجام‭ ‬دەدەن‭ ‬و‭ ‬زانیاری‭ ‬و‭ ‬شارەزایی‭ ‬هاوبەش‭ ‬دەکەن‭. ‬هەروەها،‭ ‬ڕێککەوتنەکە‭ ‬هانی‭ ‬هاوکاری‭ ‬یەکتر‭ ‬دەدات‭ ‬لەسەر‭ ‬داوای‭ ‬هەر‭ ‬لایەنێک‭ ‬لە‭ ‬کاتی‭ ‬ئەرکەکانی‭ ‬گەڕان‭ ‬و‭ ‬ڕزگارکردندا‭.  ‬سەرچاوەکان‭: ‬Vlast.kz‭, ‬Inform.kz‭, ‬Trend.az