دەستەی یونیپاس
هێرشە نایاساییەکانی حوسییەکان لە دەریای سوور نەک هەر پشێوی لە ناوچەکەدا بڵاوکردووەتەوە بەڵکو هەڕەشەی دروستکردنی قەیرانی ژینگەییان بۆ وڵاتانی دراوسێش دروستکردووە.
لە 2ی ئەیلولی 2024 حوسییەکانی سەر بە ئێران بە دوو مووشەکی بالیستی و سیستەمی ئاسمانی بێ کارمەند هێرشیان کردە سەر دوو کەشتی هەڵگری نەوتی خاو بە ناوەکانی Blue Lagoon I و ئەمجەد، هەردوو کەشتییەکەیان پێکا.
دوو هەفتە بەرلەوە حوسییەکان هێرشیان کردە سەر کەشتیی Delta Sounion و ئاگریان تێبەردا، بەڵام دەرکەوت ئۆپەراسیۆنەکانی ڕزگارکردنی ئەو کەشتییە ناسەلامەتن و لە 4 ـی ئەیلولدا هەڵوەشێنرایەوە، ئەمەش بەگوێرەی ماڵپەڕی جیهانی کارگۆ نیوز. کەشتیەکان پێکەوە زیاتر لە 3 ملیۆن گاڵۆن نەوتی خاوی هەڵگرتبوو.
لە مانگی شوباتدا، تاقمە تیرۆریستییەکە لە دەریای سووردا لە کەشتیی Rubymarـیان دا. لەگەڵ دەستپێکردنی نوقمبوونی کەشتییەکە، تیمی کەشتییەکە بەرەو جیبۆتی هەڵهاتن و 21 هەزار تەن پیتێنەری گۆگرداتی فۆسفاتی ئامۆنیۆم.
هەرچەندە ئەحمەد بن موبارەک وەزیری دەرەوەی یەمەن هۆشداری دا سەبارەت بە زیانەکانی ژینگە بەهۆی دەردانی ئەو ماددە کیمیاییانە، بەڵام Rubymar لە مانگی ئازاری 2024 لە دەریای سووردا نوقم بوو.
کارەساتە ژینگەییەکانی دیکە بە کەمی ڕێگرییان لێکرا. لە مانگی کانونی دووەمی ساڵی 2024 تانکەری M/T Pollux کە نەوتی خاوی هەڵگرتبوو، بە مووشەکێکی حوسییەکان هێرشی هێرشی کرایە سەر. تیمی کەشتییەکە توانیان کەشتییە زیانلێکەوتووەکە ڕزگار بکەن پێش ئەوەی هیچ نەوتێک بچێتە ناو دەریا.
وەزارەتی دەرەوەی ئەمریکا ئەنساروڵای، کە بە شێوەیەکی باو بە حوسییەکان ناودەبرێت، وەکو گروپێکی تایبەتی تیرۆریستی جیهانی دەستنیشانکرد.
لە تشرینی دووەمی 2023ەوە حوسییەکان هێرشی بێ وێنەیان بۆ سەر کەشتییە دەریاییە نێودەوڵەتییەکان لە دەریای سوور و کەنداوی عەدەن ئەنجام داوە، هەروەها هێزی سەربازیی لەو ناوچەیە بۆ دڵنیابوون لە سەلامەتی و ئاسایشی کەشتییە بازرگانییەکان جێگیر کراون.
دەستنیشانکردنەکەی وەزارەتی دەرەوە بەوردی داڕێژراوە بۆ ئەوەی بڕگەکانی یارمەتی مرۆیی لەخۆبگرێت. بەگوێرەی ئاماری نەتەوە یەکگرتووەکان، زیاتر لە 18.2 ملیۆن کەس، نیوەی دانیشتوانی یەمەن، پێویستیان بە یارمەتی مرۆیی هەیە لە قەیرانی ئابووری، برسیەتی و ئاوارەبووندا.
سەرچاوەکان: USCENTCOM، ڕۆیتەرز، وەزارەتی دەرەوەی ئەمریکا، وەزارەتی گەنجینەی ئەمریکا