فەریقی یەکەم شوکرەت خالموخامێدۆڤ، سەرۆکی گشتی دەستەی ئەرکانی ئۆزبەکستان، و فەریقی یەکەم مایکڵ “ئێریك” کوڕیڵا، فەرماندەی فەرماندەیی ناوەندی ئەمریکا، لە مانگی ئەیلوولی 2023ـدا بە هاوبەشی میوانداری کۆنفرانسی ئاسایشییا کرد، کە سەرکردە باڵا سەربازییەکانی ناوچەکە تێیدا ئامادەبوون.
سەرنجی کۆنفرانسی بەرگریی سەرکردەکانی ئاسیای ناوەڕاست و باشوری ئاسیا لە تاشکێنت بریتی بوو لە ئاشتی و سەقامگیری لە ناوچەکە. فەریقانی یەکەم خالموخامێدۆڤ و کوڕیڵا لەلایەن سەرۆکەکانی بەرگریی کازاخستان، قڕغستان و تاجاکستانەوە بەشداریان لەگەڵدا کرا؛ سەرۆکی لیژنەی هاوبەشی دەستەی ئەرکانی پاکستان؛ وە ئەفسەری باڵای بەرگریی تورکمانستان لە ئۆزبەکستان.
شاندی باڵا بۆ ڕێزگرتن لە قوربانیدانی سەربازانی ئۆزبەکستان لە جەنگی جیهانیی دووەمدا، کۆنفرانسەکەیان بە ڕێوڕەسمی ڕێزلێنانی تاجە گوڵینە لە یادی ئۆدە بۆ خۆڕاگری دەستپێکرد. پاشان، ئامادەبووان بەهێزکردنی هەماهەنگییە سەربازییەکانیان بۆ سوودگەیاندن بە تەواوی ناوچەکە، کە ناسەقامگیری لە ئەفغانستان هێشتا خاڵێکی زیانبەخشە تاوتوێکرد.
”قووڵبوونەوەی پەیوەندییەکان لەگەڵ هاوبەشەکانمان لە ئاسیای ناوەڕاست و باشوری ئاسیادا بۆ ئاشتی و سەقامگیری لە ناوچەکەدا گرنگییەکی زۆری هەیە،” فەریقی یەکەم کوڕیڵا لە میانی کۆنفرانسی 26 و 27ـی مانگی ئەیلولدا ئەمەی ڕایگەیاند. “پابەندبوونمان بۆ گەلانی ئاسیای ناوەڕاست و باشوری ئاسیا نەگۆڕە و ئێمە ئەم گفتوگۆیەمان لا گرنگە، کە لەسەر بنەمای متمانە، ڕێزگرتن و ئامانجی هاوبەش دامەزراوە.”
شاندی فەریقی یەکەم کوڕیڵا بۆ ئەنجامدانی دانوەستانی دوولایەنەی زیاتر لەگەڵ وەزیری بەرگری ئۆزبەکستان فەریق باخۆدیر قوربانۆڤ، کە تیشکی خستە سەر بەرەوپێشچوونەکان لە پەیوەندیی بەرگریی لەگەڵ فەرماندەیی ناوەندی ئەمریکادا، گەشتەکەی بۆ ئۆزبەکستان بەکارهێنا.
”پەیوەندیی دۆستانە لە نێوان وڵاتەکانمان لە بواری بەرگریدا ساڵانە لە بەهێزبووندایە،” وەزیری بەرگری قوربانۆڤ لە دیدارێکدا لەگەڵ فەریقی یەکەم کوڕیڵا ڕایگەیاند.
سەرچاوەکان: فەرماندەیی ناوەندی ئەمریکا، وەزارەتی بەرگریی ئۆزبەکستان، دەزگای رۆژنامەوانی AKI