سەربازانی کازاخستان لە پێناو تاوتوێکردنی هەماهەنگیی سەربازی لەگەڵ پاسەوانی نیشتمانیی ئاریزۆنا و فەرماندەیی ناوەندی ئەمریکا، لە مانگی ئابی 2022 ـدا بەرەو ئاریزۆنا لە ویلایەتە یەکگرتووەکانی ئەمریکا گەشتیان کرد.
لیوا کێری مۆڵینبێک، فەرماندەی کارگێڕی ئاریزۆنا، ستایشی سودە هاوبەشەکانی کرد کە لە هاوبەشیی 30 ساڵەی نێوان هێزەکانی کازاخستان و پاسەوانی نیشتمانی لە ژێر سایەی بەرنامەی هاوبەشیی ویلایەت بەدەستهاتوون.
”ئەمریکا پابەندبوونی کازاخستان بە ئاشتی و ئاسایش لە ئاسیای ناوەڕاستدا بە گرنگ دادەنێت. ئێمە پابەند دەبین بە هاوبەشیی بەهێز و گەشەسەندووی نێوان وڵاتەکانمان. لەو باوەڕەداین لە ڕێگەی سەرکەوتنەکانی هاوبەشییەکەمان بتوانین پاڵشتیی سەقامگیری و سەربەستیی ناوچەیی بکەین،” لیوا مۆڵینبێک ڕایگەیاند.
”گفتوگۆکانی دەستەی ڕاوێژکاریمان بەڵگەیە لەسەر ئامانجە سەربازییە هاوبەشەکانمان و گەڕان بەدوای بیرۆکەکان بۆ هەماهەنگیی داهاتوو لە سەر ئاستی ئۆپەراسیۆنی و ستراتیژی. لە پلانەکەماندا کە لەلایەن هەماهەنگیی ئاسایشیی ئەمریکا بۆ کازاخستان دابینکراوە لە پێناو گەیشتن بە ئامانجە هاوبەشەکان، چەند چالاکییەک بوونی هەیە.”
لە مانگی ئابی 2022، بۆ بەشداریکردن لە مەشقی دوو هەفتەیی هەماهەنگیی ناوچەیی 22 ـی سەرپەرشتیکراو لەلایەن فەرماندەیی ناوەندی ئەمریکا، تیمێکیی 11 سەربازیی سوپا و ئاسمان لە ئاریزۆناوە بەرەو تاجاکستان گەشتیان کرد. بە هەمان شێوە قرغستان، مەنگۆلیا، پاکستان، تاجاکستان و ئۆزبەکستانیش لە مەشقە ئاشتیپارێزەکەدا بەشدارییان کرد.
”ئەو کارکردنە هاوبەشەی کە لەم جۆرە مەشقانەوە سەرچاوە دەگرن وەسف ناکرێت،” لیوا مۆڵینبێک ڕایگەیاند. “بەرنامەی پاسەوانی نیشتمانیی هاوبەشی ویلایەت دەرفەتمان پێدەدات بۆ ئەوەی بە شێوەیەکی تەکتیکی و ستراتیژی بەیەکەوە کاربکەین و ئەمەش نەک تەنها سود بە وڵاتانی هاوبەش دەگەیەنێت، بەڵکو بە هەمان شێوە بە پیاوان و ژنانی چەکدارانی ئەمریکاش.”
سەرچاوە: پاسەوانی نیشمانیی ئاریزۆنا