هەماهەنگیی بەرەنگاربوونەوەی تیرۆر لە نێوان پاکستان و ئەمریکا مێژوویەکی دێرینی هەیە. ئەو هەماهەنگییە بە بەهێزی دەمێنێتەوە، وەک لە دەستگیرکردنی ئەم دواییەی محەممەد شەریفوڵڵای پاکستان، تیرۆریستێکی دەوڵەتی ئیسلامیی ویلایەتی خۆراسان، کە بەهۆی پلانداڕێژیی بۆ هێرشە خۆکوژیەکەی مانگی ئابی 2021 لە فڕۆکەخانەی کابول لە ئەفغانستان داواکرابوو، ئاماژەی پێکرا.
سوپای پاکستان لە ئۆپەراسیۆنێکی مانگی شوباتی 2025 لە دوای بەدەست گەیشتنی زانیاریی هەواڵگری لەلایەن ئەمریکاوە لەبارەی شوێنی ناوبراوەوە، شەریفوڵڵای لەسەر سنووری ئەفغانستان دەستگیر کرد و بۆ ڕووبەڕووکردنەوەی سزای تاوانەکانی ڕادەستی کرد.
لە مانگی ئازاری ساڵی 2025، تیرۆریستەکە بە یارمەتیدانی پلاندانان بۆ هێرشەکەی دەروازەی چوونەژوورەوەی ئاببی لە فڕۆکەخانەی کابول، لە دادگای فیدراڵی ئەمریکا تۆمەتبار کرا. دەستگیرکردنی شەریفوڵڵا تیشک دەخاتە سەر بەردەوامی هەماهەنگییەکان سەبارەت بە بەرەنگاربوونەوەی تیرۆر و پرسە ئاسایشییەکانی نێوان پاکستان و ئەمریکا.
دۆناڵد ترەمپ سەرۆکی ئەمریکا لە میانی وتاری ساڵانەی نەتەوە یەکگرتووەکاندا دەستگیرکردنی ئەو تیرۆریستەی ڕاگەیاند و بۆ هێنانی بۆ تیرۆریستەکە بۆ بەردەم دادگا، سوپاسی حکومەتی پاکستانی کرد. بە هەمان شێوە فەرماندەیی ناوەندی ئەمریکا بە شێوەیەکی ئاشکرا سوپاسی پاکستانی کرد، وە جەختی لەسەر “بەرژەوەندیی هاوبەشی هەردوو وڵات لە شەڕی تیرۆر” کردەوە.
لە وەڵامدا سەرۆکی پاکستان شەهباز شەریف ڕایگەیاند: “ئێمە لە هاوبەشیکردنی نزیک لەگەڵ ئەمریکا لە دەستەبەرکردنی ئاشتی و سەقامگیری ناوچەکە بەردەوام دەبین”.
سەرچاوەکان: ئوراسیا ڕیڤیو، بزنس ڕیکۆردەر، دەنگی ئەمریکا