یەکێک لە تایبەتمەندییەکان لە ڕۆژهەڵاتی ناوەڕاست و باکووری ئەفریقا بۆ نمایشی گەورەی ئامێرەکانی هێزی تایبەت بریتییە لە 13ـەمین پێشانگە و کۆنفرانسی هێزە تایبەتە نێودەوڵەتییەکان (SOFEX) لە ژێر سەرپەرشتی شا عەبدوڵڵای دووەم ئیبن ئەلحوسێن، لە بنکەی ئاسمانیی شا عەبدوڵڵای دووەم، لە عەممانی پایتەختی ئوردن، لە تشرینی یەکەمی 2022.
پێشانگە و کۆنفرانسی هێزە تایبەتە نێودەوڵەتییەکانی 2022 سەدان شاندی سەربازی و زیاتر لە 300 بەشداربووی پێشانگەی لە 38 وڵاتەوە بەلای خۆیدا ڕاکێشا، کە بەرهەم و سیستەمەکانی خۆیان لە زیاتر لە 13 کۆشکی نێودەوڵەتیدا نمایش کرد.
لە ڕۆژی یەکەمدا، کە بەزۆری بۆ کۆنفرانسی فەرماندەکانی ئۆپەراسیۆنە تایبەتەکانی ڕۆژهەڵاتی ناوەڕاست (MESOC) دیاری کراوە، سەرۆکی هێزە چەکدارەکانی ئوردن، سوپای عەرەب، لیوا یوسف ئەل حەنیتی بەخێرهاتنی ئامادەبووانی کرد و جەختی لەسەر گرنگی هێزەکانی ئۆپەراسیۆنی تایبەت کردەوە بۆ ئەوەی شان بە شانی گەشەسەندنە ئاسایشییەکانی ناوچەکە و جیهان بەردەوامبن.
لە کۆنفرانسی فەرماندەکانی ئۆپەراسیۆنە تایبەتەکانی ڕۆژهەڵاتی ناوەڕاست، ئەفسەرانی باڵای ئۆپەراسیۆنە تایبەتەکان و پسپۆڕانی چەندین وڵاتێ کۆبوونەوە و ژمارەیەک بابەتیان تاوتوێ کرد.
بابەتەکان بوارەکانی هەماهەنگیی ناو کۆمەڵگەی هێزەکانی ئۆپەراسیۆنی تایبەتی جیهانی (SOF) بۆ ڕوبەڕووبوونەوەی هەڕەشە سەرهەڵداوەکان؛ ڕۆڵی هێزەکانی ئۆپەراسیۆنی تایبەتی جیهانی لە بەرەنگاربوونەوەی ڕێکخراوە توندڕەوە توندوتیژەکاندا؛ لێهاتوویی هێزەکانی ئۆپەراسیۆنی تایبەتی جیهانی لە ژینگە ئاسایشییە ئاڵۆزەکاندا؛ کاریگەریی کێبڕکێی زلهێزەکان لەسەر سەپاندنی هێزەکانی ئۆپەراسیۆنی تایبەتی جیهانی لە ڕۆژهەڵاتی ناوەڕاست؛ ئۆپەراسیۆنەکانی پەلاماردان، سواربوون، گەڕان و دەستبەسەرداگرتن؛ و چۆنیەتی بەرپەرچدانەوەی هێرشە ئەلیکترۆنییەکانی لەخۆگرتبوو.
پێشانگەی هێزەکانی ئۆپەراسیۆنی تایبەتی جیهانی لە ساڵی 1996ـدا دامەزراوە و هەموو ساڵێک یەک جار بەڕێوەدەچێت، مەبەست لێی هاوبەشیپێکردنی تێڕوانین، بیرۆکە، داهێنان، پێداویستی و دەرفەتەکانە بۆ ڕوبەڕووبوونەوەی ئاڵنگاری و هەڕەشەکان لە ناوچەی ڕۆژهەڵاتی ناوەڕاست/باکوری ئەفریقا. سەرچاوەکان: sofexjordan.com، ئەلدەستور
Comments are closed.