قەتەڕ لە میانی جامی جیهانیدا ڕێگری لە هێرشی ئەلیکترۆنی دەکات

دەستەی‭ ‬یونیپاس

دەزگای‭ ‬ئاسایشی‭ ‬ئەلیکترۆنی‭ ‬نیشتمانی‭ ‬قەتەڕ‭ (‬NCSA‭) ‬بۆ‭ ‬بەشداریکردنیان‭ ‬لە‭ ‬سەلامەت‭ ‬ڕاگرتنی‭ ‬مەودای‭ ‬ئەکیکترۆنی‭ ‬قەتەڕ‭ ‬لە‭ ‬میانی‭ ‬جامی‭ ‬جیهانیی‭ ‬فیفای‭ ‬قەتەڕ‭ ‬لە‭ ‬2022،‭ ‬دەستخۆشی‭ ‬لە‭ ‬38‭ ‬کەرتی‭ ‬وەزارەتی‭ ‬بەرگری‭ ‬کرد‭. ‬

‭”‬سەرکردایەتییە‭ ‬داناکەمان‭ ‬زووتر‭ ‬قەبارەی‭ ‬ئەو‭ ‬ئاڵنگارییانەی‭ ‬بۆ‭ ‬دەرکەوت‭ ‬کە‭ ‬دەکرێت‭ ‬جامی‭ ‬جیهانیی‭ ‬قەتەڕی‭ ‬2022،‭ ‬گەورەترین‭ ‬و‭ ‬هەرە‭ ‬گرنگترین‭ ‬خول‭ ‬لە‭ ‬جیهاندا‭ [‬بە‭ ‬شێوەی‭ ‬ئەگەری‭] ‬ڕوبەڕووی‭ ‬ببێتەوە‭ … ‬یەکێک‭ ‬لە‭ ‬ئاڵنگارییە‭ ‬هەرە‭ ‬ماندووکەرەکان‭ ‬بریتی‭ ‬بوو‭ ‬لە‭ ‬سەلامەتکردنی‭ ‬مەودای‭ ‬ئەلیکترۆنی‭ ‬بۆ‭ ‬پێشبڕکێکە‭ ‬و‭ ‬بۆ‭ ‬ئەم‭ ‬لایەنە‭ ‬دەزگای‭ ‬ئاسایشیی‭ ‬ئەلیکترۆنی‭ ‬دامەزرێنرا،‭” ‬سەرۆکی‭ ‬NCSA‭ ‬عەبدولڕەحمان‭ ‬بن‭ ‬عەلی‭ ‬ئەلفەراحید‭ ‬ئەلمالیکی‭ ‬ڕایگەیاند‭. ‬

NCSA‭ ‬بە‭ ‬جێبەجێکردن‭ ‬و‭ ‬وردبوونەوەی‭ ‬پرسە‭ ‬پەیوەندیدارەکان‭ ‬بە‭ ‬مەترسیە‭ ‬نیشتمانییە‭ ‬ئەلیکترۆنییەکان‭ ‬و‭ ‬هەڕەشەکان،‭ ‬باشترکردنی‭ ‬ئامادەیی‭ ‬و‭ ‬خۆڕاگری‭ ‬لە‭ ‬بەرامبەر‭ ‬تاوانە‭ ‬ئەلیکترۆنییەکان‭ ‬و‭ ‬پاراستنی‭ ‬ژێرخانە‭ ‬گرنگەکان‭ ‬ڕاسپێردراوە‭.‬

NCSA‭ ‬وەکو‭ ‬بەشێک‭ ‬لە‭ ‬ئامادەکارییەکانی‭ ‬بۆ‭ ‬قەتەڕ‭ ‬لە‭ ‬میوانداریکردنی‭ ‬جامی‭ ‬جیهانی‭ ‬فیفا‭ ‬لە‭ ‬کۆتایی‭ ‬2022،‭ ‬چەندین‭ ‬خولی‭ ‬ڕاهێنانی‭ ‬بۆ‭ ‬فەرمانبەرانی‭ ‬حکومەت‭ ‬و‭ ‬کەرتی‭ ‬تایبەت‭ ‬کردەوە‭. ‬خولەکان‭ ‬تیشکیان‭ ‬خستە‭ ‬سەر‭ ‬مەترسی‭ ‬و‭ ‬ئاڵنگارییەکانی‭ ‬بەردەم‭ ‬ئاسایشی‭ ‬ئەلیکترۆنی،‭ ‬لێکۆڵینەوە‭ ‬لە‭ ‬زیانبەخشترین‭ ‬هێرشە‭ ‬ئەلیکترۆنییەکان،‭ ‬چۆنیەتی‭ ‬دەستنیشانکردن‭ ‬و‭ ‬چارەسەرکردنیان‭ ‬و‭ ‬تا‭ ‬چەند‭ ‬دامەزراوە‭ ‬نیشتمانییەکان‭ ‬پابەندن‭ ‬بە‭ ‬ڕێوشوێنەکانی‭ ‬ئاسایشی‭ ‬ئەلیکترۆنی‭. ‬

ڕاهێنانەکان‭ ‬تەنها‭ ‬پەیوەست‭ ‬نەبوو‭ ‬بە‭ ‬بەشداریکردنی‭ ‬فەرمانبەرەکانی‭ ‬NCSA‭. ‬کۆڕبەندێکی‭ ‬مانگی‭ ‬ئەیلولی‭ ‬2022،‭ ‬بەشداریکردنی‭ ‬685‭ ‬فێرخوازی‭ ‬لە‭ ‬خوێندنگە‭ ‬و‭ ‬دامەزراوەکانی‭ ‬وەزارەتی‭ ‬پەروەردە‭ ‬و‭ ‬خوێندنی‭ ‬باڵا‭ ‬لەخۆگرتبوو‭. ‬خولی‭ ‬مانگی‭ ‬تشرینی‭ ‬دووەمی‭ ‬2022‭ ‬بۆ‭ ‬برەودان‭ ‬بە‭ ‬ئاسایشی‭ ‬ئەلیکترۆنی،‭ ‬خوێندکارانی‭ ‬زانکۆی‭ ‬بانگهیشتکردبوو‭.  ‬سەرچاوەکان: ئەلڕایە، Al-Sharq.com