تورکمانستان و ئەمریکا ئامادەن پەویوەندییە دوو قۆڵییەکانیان بەرەوپێش ببەن، بە دیاریکراوی لە بوارەکانی ئاسایشی سنور، بەرەنگاربوونەوەی تیرۆریزم و بڵاونەکردنەوەی چەکی کۆمەڵکوژ.
لە 28 ـی ئەیلوولی 2022، جێگری سەرۆک وەزیران و وەزیری دەرەوەی تورکمانستان ڕەشید مێرێدۆڤ لە ئەشقئاباد پێشوازیکرد لە لیوا جۆن پ. هڕۆنێک، فەرماندەی کارگێڕیی ویلایەتی مۆنتانا، فەرماندەی پاسەوانی نیشتمانیی مۆنتانا و بەڕێوبەری وەزارەتی کاروباری سەبازیی مۆنتانا.
ئەوان دەستپێکردنەوەی بەرنامەیەکی هاوبەشی نێوان فەرماندەیی ناوەندی ئەمریکا، یەکەی پاسەوانی نیشمانی و وەزارەتی بەرگری تورکمانستانیان تاوتوێکرد. پێشتر تورکمانستان لەگەڵ پاسەوانی نیشتمانیی نیڤادادا لە بەرنامەی هاوبەشی ویلایەت هاوبەش بوو، کە یەکەکانی ئەمریکای لەگەڵ هاوتاکانیان لە وڵاتانی تردا کۆدەکردەوە.
وەکو بەشێک لە بەرنامەی هەماهەنگیی ساڵانە، تورکمانستان و ئەمریکا ژمارەیەک چالاکی و ڕاهێنان بۆ پسپۆڕانی ئاسایشی ئەمریکی و تورکمانستانی لە ئەشقئاباد و دەرەوەی تورکمانستان ڕێکدەخەن.
هەروەها وەزیر مێرێدۆڤ و لیوا هرۆنێک باسیان لە بەرەوپێشبردنی هەماهەنگییەکانی نێوان وەزارەتی سەربازی وڵاتەکانیان کرد، لە بوارەکانی وەکو کارەساتی سروشتی، دۆخە فریاگوزارییەکان و ئاسایشی ئەلیکترۆنی. لە کۆتایی کۆبوونەوەیکەدا، ئامادەیی خۆیان بۆ زیاتر بەهێزکردنی هاوبەشیی سەربازیی دوو لایەنە نیشاندا.
هەماهەنگیی ئاسایش لەگەڵ تورکمانستان لەلای فەرماندەیی ناوەندی ئەمریکا بە گرنگ دەمێنێتەوە. لە ساڵی 2020، فەرماندەیی ناوەندی ئەمریکا ڕاهێنانێکی یەک هەفتەییان لەسەر بەرەنگاربوونەوەی چەکە کیمیایی، بایۆلۆژی، تیشکدەر و ئەتۆمییەکان لە تورکمانستان ئەنجامدا.
سەرچاوەکان: ئەتڤاتان تورکمانستان، دەزگای هەواڵی ئاسیای ناوەڕاست