جێگری سەرۆک وەزیران و وەزیری دەرەوەی کازاخستان موراد نورتلێو لە مانگی حوزەیرانی 2025 بۆ گفتوگۆی ئاست بەرز سەبارەت بە بەرەپێشبردنی پەیوەندییەکانی نێوان هەردوو وڵات و فراوانکردنی دەرفەتەکانی بازرگانی و وەبەرهێنان، سەردانی ئەمریکای کرد.
لە میانی کۆبوونەوەی نورتلیۆ لەگەڵ مارکۆ ڕوبیۆ وەزیری دەرەوەی ئەمریکا، دیپلۆماتکارە باڵاکانی هەردوو وڵات ”باسیان لە هەماهەنگیی سیاسی و ئابووری، وزە، بازرگانی و لۆژیستی کرد،“ وە بەگوێرەی ڕۆژنامەی ئاستانا تایمز، و ”بیروڕایان لەسەر ئاڵنگاریی ئاسایشیی ناوچەیی و جیهانی ئاڵوگۆڕ کرد.“
نورتلیۆ جەختی لەسەر پابەندبوونی کازاخستان بە ”هاوبەشییەکی سووددمەندی دوولایەنە“ لەگەڵ ئەمریکا کردەوە و تیشکی خستە سەر ڕۆڵی سەرەکی وڵاتەکەی لە پاراستنی سەقامگیریی وزەی جیهانی و زنجیرەکانی دابینکاریی کانزا گرنگەکان.
ڕوبیۆ لە کۆبوونەوەکەدا سەبارەت بە داهاتووی پەیوەندییەکانی کازاخستان و ئەمریکا گەشبین بوو و بەگوێرەی بەیاننامەیەکی باڵیۆزخانەی ئەمریکا لە کازاخستان، ”پابەندبوونی ئەمریکای بە سەربەخۆیی، سەروەری و یەکپارچەیی خاکی کازاخستان،“ دووپاتکردەوە.
”ئەمریکا بۆ ڕەخساندنی دەرفەتی ئابووریی بەرژەوەندی هاوبەش، بەوپەڕی خۆشحاڵییەوە دەڕوانێتە پەرەپێدان بە هەماهەنگییە لەگەڵ کازاخستان،“ ڕوبیۆ ئاماژەی پێدا.
جگە لە زیادبوونی پەیوەندییە دووقۆڵییەکان، هەردوو نورتلیۆ و ڕوبیۆ بۆ باشتر پشتیوانیکردن لە ئاسایشی نێودەوڵەتی و ناوچەیی جەختیان لەسەر گرنگی بەهێزکردنی هەماهەنگیی ناوچەیی فرەلایەنە کردەوە لە چوارچێوەی کاری C5+1 کە کازاخستان، کۆماری قڕغستان ، تاجاکستان، تورکمانستان، ئۆزبەکستان و ئەمریکا لەخۆدەگرێت.
نورتلیۆ لە سەرهەڵدانی ستراتیژییەکی ناوچەیی کە تێیدا دەوڵەتانی ئاسیای ناوەڕاست، بە سەرۆکایەتی کازاخستان، هەوڵی بەکارهێنانی چوارچێوەی کاری فرەلایەنە، وەک چوارچێوەی کاری C5+1، بۆ کەمکردنەوەی پشتبەستن بە هاوبەشە بازرگانییە نەریتییەکانی سەردەمی یەکێتی سۆڤیەت، پێشەوایەکی سەرەکی بووە.
هەروەها نوترلیو لەگەڵ نوێنەری بازرگانیی ئەمریکا جەیمسۆن گریر کۆبووەوە. بابەتەکان بریتی بوون لە ”ئاسۆی فراوانکردنی ڕێڕەوەکانی گواستنەوە و لۆژیستی، هەمەچەشنکردنی ڕێگاکانی هەناردەکردن، پەرەپێدانی ژێرخانی پەیوەندیدار و باشترکردنی دەستڕاگەیشتنی هاوبەش بە بازاڕە کشتوکاڵییەکان،“ ڕۆژنامەی ئاستانە تایمز ڕایگەیاند.
سەرچاوەکان: ڕۆژنامەی ئاستانا تایمز، تایمزی ئاسیای ناوەڕاست، باڵیۆزخانە و کونسوڵخانەی ئەمریکا لە کازاخستان