حەزدەکەم تێڕوانینێک سەبارەت بە داهاتووی جەنگی ئاسمانی، کە بە خێرایی نزیک دەبێتەوە پێشکەش بکەم. پێشکەوتنە تەکنەلۆژییەکان بە شێوەیەکی بەرچاو مەترسییەکانی سەر فڕۆکەی فڕۆکەواندار زیاد کردووە. ئەم هەڕەشانە لە سیستەمی بەرگریی ئاسمانی زەمینییەوە دەست پێدەکات تا دەگاتە فڕۆکە جەنگییەکانی نەوەی پێنجەم کە هەڵگری مووشەکی دوور مەودای ئاسمان بۆ ئاسمانیان هەڵگرتووە.
بۆ ئەو فڕۆکەوان و بەگەڕخەرانەی کە دەبێت ئەم هەڕەشانە لە کاتێکدا بەڕێوەببەن کە ئەرکەکان بە شێوەیەکی پیشەیی و کاریگەر ئەنجام دەدەن، بواری بڕیاردانیان بە تەواوی تەسککراوەتەوە. کاتیک کە مەترسییەکە ئێجگار گەورەیە و پێویستی هەستەوەر و چەک بە قەبارەیەکی زۆر لەئارادایە، ئەوا یەکێک لە ڕێگاکانی کەمکردنەوەی هەڕەشەکان لەسەر فڕۆکە فڕۆکەواندارەکان و فراوانکردنی بواری بڕیاردان بۆ فڕۆکەوانان و بەگەڕخەران بریتییە لە خۆدەوڵەمەندکردن بە سیستەمی بێ کارمەند.
من باس لە سوودەکانی فڕۆکەی بێ فڕۆکەوان دەکەم، کە چۆن فەرماندەیی ناوەندی هێزی ئاسمانیی ئەمریکا (AFCENT) پێشکەوتنەکانی تەکنەلۆژیای بێ کارمەند و سنوورداریی سیستەمی بێ کارمەند ، وە ئەوەی چۆن ئۆپەراسیۆنە هاوبەشەکانی نێوان سیستەمی مرۆیی و بێ کارمەند دەتوانێت کاریگەریی ئۆپەراسیۆنەکان چەند هێندە بکات، بەکاردەهێنێت.
ئۆپەراسیۆنەکانی سیستەمی بێ کارمەند
با لە لۆژیکی ئۆپەراسیۆنە هاوبەشەکانی مرۆیی و بێ کارمەندەوە دەست پێ بکەین. بۆ ئەوەی پێکهاتەی ئاسمانی ئەرکەکەی تەواو بکات و لە هەموو بوارەکان کاریگەری دروست بکات، ئەوا پلەیەک لە باڵادەستیی ئاسمانی پێویستە. تادێت بەدەستهێنانی باڵادەستیی ئاسمانی بەهۆی ئەو مەودا فراوانانەی کە پێویستە ببڕدرێن، بەشداریکردنی چەکی ئامادە و هەڕەشەکان لە هەموو بەرزایییەکدا ئاڵنگارتر دەبێت، ئەمە ئەگەر باسی جەنگی ئەلیکترۆنی و کاریگەرییە بێ جووڵەکانی تر نەکەم کە ئامانجیان لاوازکردنی باڵادەستیی ئاسمانییە. زاڵبوون بەسەر ئەم ئاڵنگارییانە پێویستی بە هەوڵێکی یەکخراو و پەیوەندیداری تواناکانی باڵادەستیی ئاسمانی دەبێت.
تەکنەلۆژیای بێ کارمەند بریتی نییە لە تەواوی چارەسەرەکە بەڵکو ڕەگەزێکی سەرەکییە لەم هەوڵەدا. پێویستە سیستەمی بێ کارمەند ئەرکی درێژخایەنی مەودا بەرفراوان کە پێویستە بۆ شەڕکردن لە جەنگەکانی داهاتوودا، ئەنجام بدات. هەروەها توانای ئەنجامدانی ئەرکە درێژخایەنەکان کاتێکی زیاتر بۆ سامانە ئامرازییەکان بۆ دەستنیشانکردنی ئامانجەکان و هەستکردن بە ژینگەی ئۆپەراسیۆن لەناو ناوچەی جەنگیی دوژمنێکدا دابین دەکات.
دەبێت سامانی ئامرازیی ئاسمانی بێ کارمەند چ لە ڕێگەی ژیریی مرۆیی یاخود دەستکرد (AI)ـەوە بێت، لە ناو ئاسمانی دوژمن و بە پەیوەندییەکی کەم یان هیچ پەیوەندییەک لەگەڵ فەرماندەیەک لە بارەگای دواوە، بڕیاردەران ئاگاداربکاتەوە یان تەنانەت بڕیارەکانیش دەربکات. سیستەمی بێ کارمەند، بە پێشکەوتنی خۆکار و ژیریی دەستکرد، بە خێرایی داتاکان شیبکاتەوە تا بڕیاردانی دەستبەجێ چالاک بکات. دەبێت ئەم سیستەمانە لایەنەکانی دۆست، بێلایەن و دوژمن بناسنەوە و بۆ ئەنجامدانی خێرا، ئەو زانیاریانە لە نزیکترین کاتی ڕاستەقینەدا بگوازنەوە.
سوودەکانی بەرگەگرتنی مەودا درێژ و شیکارکردنی داتاکانی سیستەمی بێ کارمەند کاتێک لەسەر بنەمای بارستە بەکاردەهێنرێن، چەند هێندە دەبن. کەمیی تێچووی سیستەمی بێ کارمەند، بە بەراورد بە سەکۆ مرۆییە پێشکەوتووەکان، بوار بە بەرهەمهێنانی پیشەسازی دەدات بە قەبارە و گڕوتینێکی پێویست بۆ وەڵامدانەوەی مەترسییەکە. زیادبوونی توانای بەرهەمهێنان بوارمان بۆ دەڕەخسێنێت تۆڕێکی ناوخۆیی سیستەمەکان پەرەپێبدەین، چەندین سیستەمی بێ کارمەندی ئامێربەندکراو بە هەستەوەری جیاواز ڕەوانەبکەین، بۆ داپۆشینی ڕووبەرە گەورەکان و ناردنی زانیارییە تەواوکەرەکان کە هۆشیاریی بارودۆخیی ناوچەی جەنگ زیاد دەکات.
ئەم چەمکە لە بەکارهێنانی سەکۆ بێ کارمەندەکان تەنها ئەگەر بە نرخێکی گونجاو بنیاتبنرێن و بتوانرێت بە خێرایی دروست بکرێن، کاردەکات. لە ژینگەیەک کە داوای بەرهەمهێنانی خێرا دەکات، پیشەسازییە هاوبەشەکان کە “گرانبەها”ـن و ئەو سیستەمانەی کە پێویستیان بە تێچووی زۆرە ناتوانن کێبڕکێ لە دابینکاریی داهاتووی سامانی بێ کارمەنددا بکەن.
سوودێکی بەرچاوی سیستەمی بێ کارمەند بریتییە لەوەی ئەوان بە بەراورد بەو سیستەمانەی پێویستیان بە مرۆڤە لەناو کابینەی فڕۆکەوانیدا پێویستییەکی کەمتریان بە پشتیوانیی مرۆیی هەیە لەبری سیستەمەکانی بەڕێوەبردنی ژینگەیی، دەتوانرێت بوارەکە بۆ هەستەوەرەکان و هێزی کۆمپیوتەری خۆکار بۆ شیکارکردنی زانیاری و دەرکردنی بڕیاری ئاستی خواروتر لە جەنگدا تەرخان بکرێت. لە کۆتاییدا سیستەمی بێ کارمەند بژاردەی باشتر بۆ دۆزینەوە، چاککردنەوە، بەدواداچوون، بەئامانجگرتن، بەشداریکردن و هەڵسەنگاندنی ئامانجەکان لەکاتی بەڕێوەبردنی مەترسیدا بۆ فەرماندەکە دابین دەکات.
سنوورداریی سیستەمی بێ کارمەند
سەرەڕای سوودەکانی سیستەمی بێ کارمەند، زۆرێک لە کێشەکان تەنها لە ڕێگەی دەستوەردانی مرۆڤەوە چارەسەر دەکرێن. سیستەمی بێ کارمەند بریتی نییە لە “یەک قەبارە بۆ هەمووان” بۆ چارەسەرکردنی هەڵبژاردنی ناچاریی باڵادەستی ئاسمانی. بەڵکو، باشتر وایە سەکۆی بێ کارمەند بۆ بەهێزکردنی کاریگەری کرداریی سیستەمی مرۆیی بەکاربهێنرێت. پێویستە سیستەمی بێ کارمەند و داهێنانە هاوشێوەکان بەکاربهێنرێن، تاقیبکرێنەوە و بە دووبارەکردنەوەی چەمکەکانی کارکردن بسەلمێنرێن تا لە ژینگەی چاوەڕوانکراوی کارکردن کاریگەر بن.
ئێمە لە زۆر بواری سوڕەکەدا بۆ دڵنیابوون لەوەی بڕیارەکان لەگەڵ مەبەستی فەرماندەیەکدا هاوتان، پێویستمان بە مرۆڤ دەبێت.
بوارى یەکەم بریتییە لە ناسینەوە و هەڵسەنگاندنى ئامانج. مێژوو سەلماندوویەتی کە، لە ناڕوونی جەنگدا، دەکرێت دەستنیشانکردنی هەڕەشەکان و ئامانجەکان لە ئاسمانەوە ئاڵنگار بێت. سیستەمی بێ کارمەند دەتوانێت لە دەستنیشانکردنی هەڕەشە و ئامانج، هەڵسەنگاندن و ناسینەوە لەگەڵ توانا بۆ شیکارکردنی بڕێکی زۆر لە داتا لە چەندین سەرچاوەوە یارمەتیدەر بێت، کە بوار بە دەستنیشانکردنی دەستبەجێ و متمانەپێکراوی هەڕەشەکان و بە ئامانجگرتنی نەیارێک چالاک دەکات. سەرەڕای ئەوەش، ئەمە بوارێکە دەکرێت هەر دەستنیشانکردنێکی بەهەڵە تێیدا ببێتە هۆی دەرەئەنجامی کارەساتبار.
سیستەمی خۆکاری و ژیریی دەستکرد لە گەمژەیی پارێزراو نین؛ ئەوان بابەتیین بۆ سنووردارکردنی داتاکان، ئەلگۆریتمەکانی فێربوو و توانای کۆمپیوتەر. بۆ هەندێک حاڵەت، مرۆڤ بۆ پشتڕاستکردنەوەی بڕیارەکان و ئەرکەکان لە بەرامبەر سنووردارییە زانراوەکان پێویستە. بەگشتی، ئاست و گرنگی پشتڕاستکردنوە بەندە لەسەر 1) پێگەیشتوویی خۆکاری و ژیریی دەستکرد و 2) ئاڵۆزیی ژینگەکە و 3) دەرئەنجامە ئەگەرییەکانی بڕیارەکە. لە جەنگدا، پشتڕاستکردنەوە بە پشتبەستن بە ئاڵۆزیی ژینگە، ناڕوونی جەنگ و دەرئەنجامەکانی کە زۆرجار بریتین لە ژیان یان مردن، زۆر پێویستە.
تەنانەت لە سیناریۆ ناجەنگییەکانیشدا، بنەماکە جێبەجێ دەکرێت. بۆ نموونە، ئەگەر بە فڕۆکەیەکی بازرگانی لە کەشوهەوای خراپدا کە توانای بینینی لاوازکردبوو، بۆ ناو دۆحە، قەتەڕ فڕییت، ڕەنگە بەلاتەوە باش بێت کە فڕۆکەوانەکە سیستەمی خۆکار بۆ نیشتنەوەی فڕۆکەکە بەکاربهێنێت. بەڵام ئایا ئەگەر فڕۆکەوانەکە بێتە دواوە و لە تەنیشت تۆوە لە کابینەکەدا دانیشت کاتێک کە گێڕ دابەزیبوو و فڕۆکەکە نزیک بووەوە لە نیشتنەوە هەمان هەستت دەبێت؟
بۆیە پێویستە ئێمە بیر لەوە بکەینەوە کە چۆن بەرپرسیارێتی لە ناو تەکنەلۆژیا بێ کارمەندەکانمان بنیات بنێین. پێویستە فەرماندەکان پلەیەکی چاودێریکردن بەسەر هێزەکانیان بهێڵنەوە، و ئەو بنەمایە بە ڕادەیەکی زۆر زیاتر بۆ سەکۆ بێ کارمەندەکان پێویستە. ئەگەر بمانەوێت بۆ تەواوکردنی کارە مرۆییەکان پشت پە سامانی بێ کارمەندەکان ببەستین، ئەوا دەبێت دڵنیابینەوە لەوەی کە سیستەمێک بە دروستی کاردەکات و هائاهەنگە لەگەڵ مەبەستی فەرماندەکە. ئەو شێوازەی سیستەمە بێ کارمەندەکان دەگەیەنن بە بڕیارێک هێندەی خودی بڕیارەکە گرنگە؛ دەبێت وردبینی بۆ بکرێت و شیکارییەکانیان ڕوون بن. هەروەها پێویستە شیکارکردنی داتاکانی سیستەمی بێ کارمەند بۆ دڵنیابوونەوە لەوەی کە تایبەتمەندییە گرنگەکانی سەلامەتی پشتگوێ نەخراون، چاودێری بکرێن.
خستنە بواری کارپێکردنی داهێنان
ئێستا کە ئەوەمان دەستنیشانکرد چۆنە سیستەمی بێ کارمەند دەتوانێت زۆرێک لەو ئاڵنگارییانە چارەسەر بکەن کە لە جەنگەکانی داهاتوودا ڕووبەڕوومان دەبنەوە، پێویستە باس لە چەسپاندنی ئەم چەمک و تەکنەلۆژیایانە بۆ کردار بکەین. لە فەرماندەیی ناوەمدی هێزی ئاسمانیی ئەمریکا (AFCENT)، ئێمە تیمێکی تایبەتمان هەیە کە ئەو ئەرکەیان پێ ڕاسپێردراوە؛ خستنە بواری کارپێکردنی داهێنانەکەمان تا لەگەڵ ئەو بوارە جەنگییەی کە هەمیشە لە گۆڕاندایە، بتوانین بە خێرایی خۆمان بگونجێنین.
هێزی ئەرکیی 99 (TF-99) بریتییە لە تیمی داهێنەرانەی فەرماندەیی ناوەندی هێزی ئاسمانیی ئەمریکا (AFCENT) کە توانای دیجیتاڵی و بێ کارمەندی بازرگانی بەردەست بۆ دروستکردنی ناڕوونی بڕیار بۆ نەیارەکانمان و دەرفەتی نوێی هەماهەنگی لەگەڵ هاوبەشەکانمان بەکاردەهێنێت. ڕوانگەکە بریتییە لە تیمێکی بچووک و دەستەبژێر کە کۆمەڵێک پسپۆڕیی بەرفراوان، لەگەڵ توانای فراوانکردن لەسەر بنەمای لێهاتووییە بەدەستهێنراوەکان و ئەرکە دیاریکراوەکان، بەکاردەهێنێت. لە ماوەی زیاتر لە دوو ساڵ لە ئۆپەراسیۆنەکاندا، هێزی ئەرکیی 99 (TF-99) گەشەیەکی بەرچاو، فراوانکردنی دەستڕاگەیشتنی جوگرافی و زیادکردنی تواناکانی بەخۆیەوە بینیوە.
هێزی ئەرکیی 99 (TF-99) خاوەنی سێ هێڵی سەرەکیی هەوڵە: زیادکردنی ناوچەی هۆشیاریی ئاسمانی، دیاریکردنی شوێنی ئامانجە سەختەکان، وە چەسەپاندنی تێچوونەکان و دروستکردنی ناڕوونیی بڕیار بۆ نەیارەکانمان. ئەمانە هەموویان توخمەکانی چەمکەکانی سیستەمی بێ کارمەند لەخۆدەگرن کە تا ئەم ساتە ئاماژەیان پێدراوە و بۆ ئەو پرۆسە داهێنەرانە بەکاریاندەهێنن کە گەشەی پێدەدەن.
یەکەم هێڵی هەوڵەکان بریتییە لە زیادکردنی هۆشیاری بواری ئاسمانی بە دروستکردنی تۆڕێکی ناوخۆیی خۆڕاگری هەستەوەری کەم تێچوو کە زانیاری بەردەوام پێشکەش دەکەن، وە وەکو چاو و گوێچکەکانمان لە دەریا، لەسەر وشکانی و لە ئاسمان کاردەکەن.
دووەمیان بریتییە لە دیاریکردنی شوێنی ئامانجە جوڵاوەکان کە بە سەختی دەستنیشان دەکرێن، کە شێوازە کۆنەکانی بەئامامجگرتنمان ئاڵۆزتر بکەن. ئامانج لەوە بریتییە لە خێراکردنی سوڕی بەئامانجگرتنمان بۆ خێراییەکی زیاتر لەوەی دوژمنەکەمان بتوانن ئەنجامی بدەن، بابەتێک کە ئێمە لە ئێستاوە بە بەکارهێنانی ژیریی دەستکرد پێشکەوتنی گەورەمان تێیدا بەدەستهێناوە.
لە کۆتاییدا، تیمی هێزی ئەرکیی 99 (TF-99) کەمکردنەوەی تێچوونەکان و دروستکردنی ناڕوونیی بڕیاری نەیارانی کردووەتە ئامانج. نەیارەکانمان تاکتیکەکانی ئێمە دەزانن، ئەوان لە پرۆسەی بڕیاردانمان تێدەگەن و چەمکی ئێمە دەخوێننەوە. بەڵام بە داهێنان بە تێچووی کەم، بەردەوامبوونی لە دوای هەر شکستێکی سیستەمی بێ کارمەند، توانای کارکردنی نیمچە سەربەخۆ بە خێرایی و ڕادەدار، دەتوانین یاساکانی بەشداریکردن لە بەرژەوەندیی خۆمان بنووسینەوە.
چەند هێندەکردنی کاریگەری
لە ڕێگەی پشکنینی توانا و سنووردارییەکانی سیستەمی بێ کارمەند، ئێمە لەو باوەڕەداین باشترین بەکارهێنان بۆ ئەم توانایە بریتییە لەوەی کە سامانی مرۆیی و بێ کارمەند بەیەکەوە کار بۆ گەیشتن بە ئامانجە سەربازییەکان بکەن. ئەنجامدانی ئۆپەراسیۆنی هاوبەشی مرۆیی و بێ کارمەند دەبێتە هۆی بەرزکردنەوەی ئەو سوودانەی کە هەردوو سەکۆکە لە میانی ململانێدا پێشکەشی دەکەن.
چەمکی یەکخستنی سەکۆی مرۆیی و بێ کارمەند بابەتێکی نوێ نییە. ساڵانێکی زۆرە، ئێمە سیستەمی بێ کارمەندمان ئاوێتەکردووە، وەکو سیستەمی MQ-1 Predator، کە لە ئۆپەراسیۆنەکانی ساڵانی نەوەدەکانەوە بەکارهێنراوە، و سیستەمی MQ-9s. بەڵام، پەرەسەندنی داهاتووی ئەو چەمکە بریتییە لە بەکارهێنانی فڕۆکەی جەنگیی هەماهەنگ (CCA) بۆ ئەنجامدانی ئەرکی جۆراوجۆر بۆ چالاککردنی و بەرەپێشبردنی توانای فڕۆکە جەنگییە فڕۆکەوانییەکان. چەمکی فڕۆکەی جەنگیی هەماهەنگ (CCA) پێشبینی ئەوە دەکات کە کاتێک فڕۆکەی جەنگیی فڕۆکەواندار بە یەک یان چەندین سیستەمی بێ کارمەند هاوڕێیەتی بکرێت، ئەوا فڕۆکەوانەکە لە شەڕدا کارامەتر و کاریگەرتر دەبێت.
فڕۆکەی جەنگیی هەماهەنگ (CCA) مسۆگەرکردنی چەند هێندەکردنی توانا یان دووبارە گەڕاندنەوەی بنەمای بارستە بۆ ناو قافڵەیەکی فڕۆکەی جەنگی کە تادێت بچووکتر دەبێتەوە پێشکەش دەکات. ئێمە پەنجەمان خستووەتە سەر چەمکی سیستەمی بێ کارمەند کە بتوانن وەکو “تۆڕێکی ناوخۆی”ـی هەستەوەرەکان کاربکەن، بەڵام لەگەڵ فڕۆکەی جەنگیی هەماهەنگ (CCA)ـدا ئێمە ئەو “تۆڕی ناوخۆیی”ـە بە سەرمایەیەکی مرۆییەوە کە لە گۆڕەپانی شەڕدا مانۆڕدەکات، دەبەستینەوە. بەدەر لە هەستەوەرەکان، فڕۆکەی جەنگیی هەماهەنگ (CCA) توانای دابینکردنی وەستێنەری بەرگریی و ڕێوشوێنی بەرپەرچدانەوەی پێویست بۆ زیادکردنی توانای مانەوەی خوودی فڕۆکەی جەنگیی هەماهەنگ (CCA) و فڕۆکە فڕۆکەواندارەکەی هەیە. لە کۆتاییدا دەتوانرێت بۆ زیادکردنی هێزی تەقەکردن، فڕۆکەی جەنگیی هەماهەنگ (CCA) بە چەکی ئاسمانی بۆ ئاسمان یان ئاسمان بۆ زەوی پڕچەک بکرێت.
تۆڕێک لە فڕۆکەی جەنگیی هەماهەنگ دەتوانێت بۆ دابینکردنی توانا و فراوانکردنی ئەرکەکان بەدەر لە لێهاتوویی یان توانای یەک شەڕکەری فڕۆکەواندار، شان بە شانی فڕۆکەیەکی فڕۆکەواندار کاربکات. لە ڕووی تیۆریەوە یەک فڕۆکەی جەنگی لەگەڵ تیمێکی فڕۆکەی جەنگیی هەماهەنگ (CCA) دەتوانێت ئەم توانایانە بۆ کاریگەرترکردنی ئۆپەراسیۆنەکەی بگونجێنێت، ئەمەش بواری پێدەدات هەڕەشەکان تێکبشکینێت، بەشداری لە ئامانجە جوڵاوەکاندا بکات، ئامانجە مەبەستدارەکان بپێکێت و لە هەمان کاتدا زانیاریی هەواڵگری لەسەر ئامانجەکانی داهاتوو کۆبکاتەوە.
بۆ ئەنجامدانی هەموو ئەم ئەرکانە، فڕۆکەوانی بەرپرس لە بەڕێوەبردنی تۆڕێکی لەم چەشنەی فڕۆکەی جەنگیی هەماهەنگ (CCA) پێویستی بە هاوکاری دەبێت. بۆ ئەوەی کاریگەر بێت، فڕۆکەی جەنگیی هەماهەنگ (CCA) پێویستی بە کەمێک سەربەخۆیی هەیە، کە لە ئێستادا هۆکارێکی سنوورداریی تەکنەلۆژیای فڕۆکەی جەنگیی هەماهەنگ (CCA)ـە. لە کاتێکدا ڕوانگەی ڕاستەقینەی ئیستای فڕۆکەی جەنگیی هەماهەنگ (CCA) بریتییە لە دوو یان سێ دانە بۆ هەر فڕۆکەیەکی جەنگیی فرۆکەواندار، بەڵام دەکرێت لە داهاتوودا لەگەڵ پێگەیشتنی تەکنەلۆژیا ئەم ژمارەیە زیادبکرێت.
وەک بەراوردێک، فڕۆکەی جەنگیی فڕۆکەواندار وەکو مۆسیقاژەنێکی پێشەنگ کە لە میوزیکی سێ ژەنیارییدا مۆسیقا دەژەنێت ڕۆڵ دەگێڕێت، وە لە کۆتاییدا لەگەڵ پێشکەوتنی تەکنەلۆژیای فڕۆکەی جەنگیی هەماهەنگ (CCA)، فڕۆکەی جەنگیی فڕۆکەواندار دەبێتە ڕابەری ئۆرکێسترایەکی گەورە، کە لە ڕاستیدا خۆی هیچ ئامێرێک ناژەنێت بەڵکو بە دارێک بەڕێوەی دەبات.
دەرەنجام
ئیمە پێشکەوتنی بەرچاومان لە تەکنەلۆژیای سیستەمی بێ کارمەنددا بەدیکردووە، کە توانای بەرزکردنەوەی کاریگەرییەکانی سامانی مرۆیی هەیە. لەگەڵ ئەوەشدا، ڕۆژانە هەڕەشەی نوێ سەرهەڵدەدەن و پێویستە ئێمە بۆ دەربازبوون لێیان تاکتیک، تەکنیک و ڕێکارەکان بگونجێنین و گۆڕانکارییان تێدا بکەین.
فەرماندەیی ناوەندی هێزی ئاسمانیی ئەمریکا (AFCENT ) لەڕێگەی هێزی ئەرکیی 99ـوە هەوڵی ئەنجامدانی ئەم کارە دەدات، کە ڕێگا خۆشکەرە بۆ هەماهەنگیی داهێنەرانە لە نێوان سیستەمی مرۆیی و بێ کارمەند. ئێمە لەوە تێدەگەین کە سیستەمی بێ کارمەند چارەسەرێکی سەرتاسەری بۆ هەموو ئاڵنگارییەکانی بواری ئاسمانی دابین ناکات. بەڵام هاوکاتکردنی ئۆپەراسیۆنەکان لە نێوان سیستەمی مرۆیی و بێ کارمەند کاریگەریی هێزی ئاسمانی چەند هێندە دەکات و لە گەیشتن بە ئامانجی باڵادەستیی ئاسمانی نزیکمان دەکاتەوە.
- سیستەمی بێ کارمەند بوار بە جێگیریی و توانای مانەوەی زیاتر دەدات بە تێچوویەکی کەمتر.
- هێزی ئەرکیی 99 ڕێگا خۆشکەرە بۆ هەماهەنگیی داهێنەرانە لە نێوان سیستەمی مرۆیی و بێ کارمەند.
- سیستەمی بێ بێ کارمەند چارەسەرێکی تەنها بۆ هەموو ئاڵنگارییەکانی بواری ئاسمانی دابین ناکات.
- هاوکاتکردنی ئۆپەراسیۆنەکان لە نێوان سیستەمی مرۆیی و بێ کارمەند کاریگەریی هێزی ئاسمانی چەند هێندە دەکات.