کاروباری گشتی فەرماندەیی ناوەندی هێزی دەریایی ئەمریکا
هێزە دەریاییەکانی پاکستان و ئەمریکا لە مانگی ئایاری 2024دا مانۆڕی مەشقی دوولایەنەی چوار ڕۆژەی ‘یەکێتی هاندراوی 2024’ ـیان لە کەراچی تەواو کرد.
’یەکێتی هاندراو’ سەرنجی لەسەر ئۆپەراسیۆنەکانی قەدەغەکردنی دەریایی؛ فڕێدانی یاسایی تەقەمەنی؛ تاکتیک و تەکنیک و ڕێکارەکانی بەرپەرچدانەوەی مین؛ و ئاسایشی بەندەرەکان بوو. ئەم مانۆڕە دەرفەتی بۆ باشترکردنی ئامادەیی، بەرزکردنەوەی ئاسایش و سەقامگیری دەریایی و پێشخستنی ئازادی کەشتیوانی لە ناوچەی ئۆپەراسیۆنەکانی کەشتیگەلی پێنجەمی ئەمریکادا ڕەخساند.
”مەشقەکانی هاوشێوەی ‘یەکێتی هاندراو’ بەردەوامن لە باشترکردنی ئامادەیی و هەماهەنگیمان لە بواری دەریاییدا.”عەقیدی هێزی دەریایی ڕۆبەرت پۆرتێر، فەرماندەی هێزی ئەرکی 52 ـی هێزە دەریاییەکانی ئەمریکا ڕیگەیاند. “پاکستان هاوبەشێکی گرنگە، ئێمە شەرەفمەندین بە میواندۆستییان هەم لە کاتی ئەم مەشقانە و هەم لە پێشینەکاندا. بەوپەڕی خۆشحاڵییەوە دەڕوانینە دەرفەتەکانی داهاتوو دەکەین بۆ کارکردن لەگەڵ هاوبەشێکی گرنگی وەک پاکستان.
تیمێکی بەشداریکردنی دەریایی پاسەوانی کەناراوەکانی ئەمریکا، تیمێکی ئاسایشی دژە تیرۆری کەشتیگەلی هیزی پیادەی دەریایی ئەمریکا، تیمێکی کاروباری مەدەنی و تیمێکی گەشتیاری بۆ پووچەڵکردنەوەی مین و تیمی ژێرەدەریایی بەشدارییان لە یەکێتی هاندراو کرد.
وەک مەشقێکی گەورەی دوولایەنە، ‘یەکێتی هاندراو’ هەماهەنگیی نێوان پاکستان و هێزە چەکدارەکانی ئەمریکا بۆ بەرزڕاگرتنی ڕێکخستنی نێودەوڵەتی لەسەر بنەمای یاساکان کە پشتگیری لە جوڵەی ئازادی بازرگانی لە ڕێڕەوی ئاویی گرنگی ستراتیژی ناوچەکەدا دەکات.
ڕووبەری ئۆپەراسیۆنەکانی کەشتیگەلی پێنجەمی ئەمریکا نزیکەی 2.5 ملیۆن میل چوارگۆشە لەخۆدەگرێت و کەنداوی عەرەبی، کەنداوی عومان، دەریای سوور، بەشێک لە زەریای هیندی و سێ خاڵی گرنگ لە گەرووی هورمز، کەناڵی سوێس و باب ئەلمەندەب لەخۆدەگرێت.
Comments are closed.