دەستەی “یونیپاس”
سیمینارێکی نێودەوڵەتی لە تورکمانستان لە مانگی ئازاری ساڵی 2022 دەربارەی هاوکاریی مرۆیی بۆ پەنابەران، کۆچبەران و کەسانی ئاوارەی ناوخۆ – هەموو بابەتە پەیوەندیدارەکانی تر بە دەستبەسەرداگرتنی تاڵیبان بەسەر ئەنغانستاندا – چوار وڵاتی ناوەڕاستی ئاسیای پێکەوە کۆکردەوە.
ڕێکخراوی هاوکاری و کارکردنی پێکەوەیی لە ئەوروپا (OSCE) دەیان بەرپرسی لە سەرانسەری ناوچەکە بانگهێشت کرد بۆ عەشقابادی پایتەختی تورکمانستان. سەڕەڕای ئامادەبووانی دامەزراوەکانی سنوری نیشتمانی لە تورکمانستان، کازاخستان، ئۆزبەکستان، قرغستانەوە، بەشداربووان لە ڕێکخراوی هاوکاری و کارکردنی پێکەوەیی لە ئەوروپا، نەتەوەیەکگرتووەکان، ڕێکخراوە ناحکوومیەکان، و بەرنامەی سەرپەرشتیکردنی سنور لە ناوەڕاستی ئاسیا، کە کۆمەکی دارایی کراوە لەلایەن یەکێتی ئەوروپاوە، هاتبوون.
جۆن مەکگرێگەر، سەرۆکی ناوەندیی ڕێکخراوی هاوکاری و کارکردنی پێکەوەیی لە ئەوروپا لە عەشقاباد، جەختی کردەوە لەسەر گرنگیی مامەڵەی هەمەلایەنەی کۆچکردن لە سەر ئاستی ناوچەکە.
“لە سەرانسەری جیهانەوە، لە نێوانیانیشدا لە ناوچەی ڕێکخراوی هاوکاری و کارکردنی پێکەوەیی لە ئەوروپا، ملیۆنان خەڵک لە دەرەنجامی شڵەژانی ژینگەیی یان دەستکردی مرۆڤەوە لە کۆچدان، لە زۆربەی دۆخەکانیشدا ئەم کۆچکردنە ناچارییە. هەر لەبەر ئەمەش، برەودان بە سیاسەتێکی کاریگەری کۆچکردن بوارێکی گرنگی ستراتیژییە بۆ سەقامگیری و گەشەی ئابووری” مەکگرێگەر ڕایگەیاند.
بەرپرسانی وڵاتانی کازاخستان، قڕغستان، تورکمانستان و ئۆزباگستان باشترین چالاکیی کرداری وڵاتەکەیان لە بەڕێوەبردنی کۆچبەراندا خستەڕوو. ئامادەبووان تیشکیان خستە سەر کارکردنی پێکەوەیی نێوحکومی و نێوڕێکخراوەیی لە بەڕێوەبردنی قەیرانی کۆچکردن، بە ئاماژەدان بەوەی کە تێپەڕاندنی سنورەکان لەلایەن مرۆڤەوە بریتییە لە تایبەتمەندیی سەرەکیی سەدەی 21 و بەجۆرێك لە داهاتوشدا ئەمە هەر وەکو خۆی دەمێنێتەوە.
بە سەرپەرشتیکردن لەلایەن حکومەتی نەرویجەوە، سیمینارەکە بەشێك بوو لە پڕۆژەیەکی ڕێکخراوی هاوکاری و کارکردنی پێکەوەیی لە ئەوروپا کە پێی دەوترا “بەهێزکردنی توانای خزمەتگوزاریی سنوری تورکمانستان.”
Comments are closed.