گروه هاماورای منطقه کمک‌رسانی طبی تاجیکستان به مردم افغانستان بوسیله Unipath به روز رسانی شده در اکتبر 25, 2019 به اشتراک گذاری کارکنان یونیپاث وقتی برف سنگین و برف‌کوچ راه ارتباطی بخشی از ساکنان شمال افغانستان با دیگر نقاط کشور را قطع کرد، تاجیکستان برای ارائه خدمات صحی رایگان به مردم همسایه جنوبی خود توافق کرد. نسیم علیم‌زاده، وزیر صحت‌عامه تاجیکستان و سیدمعصوم بدخشی، سفیر افغانستان در تاجیکستان در فبروری 2019 برای گفتگو درباره همکاری‌های مشترک در عرصه طبی با یکدیگر ملاقات کردند. سفیر بدخشی بالای ضرورت تداوی ساکنان افغان ولایت بدخشان در منطقه مجاور گورنو-بدخشان تاجیکستان تاکید کرد. طوفان‌های زمستانی فلج‌کننده امکان کمک‌رسانی به ساکنان بدخشان از داخل افغانستان را از بین برد. ده‌ها تن از شهروندان افغانستان در شفاخانه‌های تاجیکستان در نزدیکی سرحد افغانستان تحت تداوی قرار گرفتند و علیم‌زاده، وزیر صحت‌عامه، وعده سپرد که ظرفیت کمک‌رسانی افزایش پیدا خواهد کرد. داکتران تاجیک با بودیجه «بنیاد آقاخان» به مردم افغانستان که برای دریافت خدمات طبی اجازه ورود بدون ویزه به تاجیکستان را یافته بودند، خدمات معالجوی ارائه کردند. در بین مجروحان تعدادی نظامی افغان نیز دیده می‌شدند. یک گروپ از داکتران افغان در اپریل 2018 برای اشتراک در همایش متخصصین قلب و تراپیست مخصوص داکتران آسیای میانه و مناطق همسایه وارد دوشنبه شدند. علیم‌زاده اطمینان داد که این گردهمایی زمینه‌ساز همکاری‌های جدید بین دو کشور درعرصه طبی خواهد بود. منابع اوستا، اینترفکس، کاروانسرای به اشتراک گذاری
نظرات بسته شده است.