د یمن د ساحلي ساتونکو بیاودانول

د‭ ‬سیمې‭ ‬امنیت‭ ‬یو‭ ‬ځواک‭ ‬ته‭ ‬اړتیا‭ ‬لري،‭ ‬داسې‭ ‬ځواکونه‭ ‬چې‭ ‬د‭ ‬اوبو‭ ‬د‭ ‬ستراتیژیکو‭ ‬لارو‭ ‬د‭ ‬دفاع‭ ‬جوګه‭ ‬وي

تورن‭ ‬جنرال‭ ‬خالد‭ ‬على‭ ‬محمد‭ ‬القملى،‭ ‬رئيس‭ ‬د‭ ‬یمن‭ ‬ساحلي‭ ‬ساتونکی

د‭ ‬یمن‭ ‬جمهوریت‭ ‬په‭ ‬یوه‭ ‬بین‭ ‬المللي‭ ‬پېژندل‭ ‬شوې‭ ‬ستراتیژیکه‭ ‬سیمه‭ ‬کې‭ ‬پروت‭ ‬دی‭ ‬چې‭ ‬ساحلي‭ ‬پوله‭ ‬یې‭ ‬د‭ ‬سویل‭ ‬په‭ ‬لوري‭ ‬له‭ ‬سویلي‭ ‬سور‭ ‬سمندرګي‭ ‬څخه‭ ‬پیلیږي‭ ‬او‭ ‬تر‭ ‬باب‭ ‬المندب‭ ‬پورې‭ ‬رسیږي،‭ ‬چې‭ ‬د‭ ‬څار‭ ‬یوه‭ ‬مهمه‭ ‬سمندري‭ ‬سیمه‭ ‬ده،‭ ‬او‭ ‬مخکې‭ ‬له‭ ‬دې‭ ‬چې‭ ‬ختیځ‭ ‬خواته‭ ‬وغځیږي،‭ ‬دا‭ ‬پوله‭ ‬د‭ ‬عدن‭ ‬خلیج‭ ‬په‭ ‬اوږدو‭ ‬کې‭ ‬او‭ ‬وړاندې‭ ‬د‭ ‬عرب‭ ‬سمندرګي‭ ‬او‭ ‬هند‭ ‬سمندر‭ ‬پر‭ ‬لور‭ ‬غځېږي‭. ‬

د‭ ‬بېړۍ‭ ‬چلونې‭ ‬مهمې‭ ‬نړیوالې‭ ‬لارې‭ ‬چې‭ ‬د‭ ‬یمن‭ ‬د‭ ‬ساحل‭ ‬په‭ ‬اوږدو‭ ‬کې‭ ‬تیریږې،‭ ‬د‭ ‬یمن‭ ‬د‭ ‬سمندري‭ ‬امنیت‭ ‬په‭ ‬معنی‭ ‬ده‭ ‬او‭ ‬د‭ ‬یمن‭ ‬سمندري‭ ‬امنیت‭ ‬د‭ ‬دوامداره‭ ‬خوندي‭ ‬او‭ ‬له‭ ‬خنډ‭ ‬پرته‭ ‬سوداګرۍ‭ ‬د‭ ‬بهیر‭ ‬د‭ ‬ډاډمنولو‭ ‬لپاره‭ ‬خورا‭ ‬مهم‭ ‬دی‭. ‬د‭ ‬باب‭ ‬المندب‭ ‬تړل‭ ‬کېدل‭ ‬به‭ ‬بېړۍ‭ ‬اړې‭ ‬کړي‭ ‬تر‭ ‬څو‭ ‬د‭ ‬کیپ‭ ‬اف‭ ‬ګوډ‭ ‬هوپ‭ ‬پوزې‭ ‬تر‭ ‬شا‭ ‬اوږد‭ ‬مزل‭ ‬ووهي،‭ ‬چې‭ ‬په‭ ‬دې‭ ‬توګه‭ ‬به‭ ‬قیمتونه‭ ‬ډېر‭ ‬لوړ‭ ‬او‭ ‬د‭ ‬مالونو‭ ‬د‭ ‬لېږد‭ ‬وخت‭ ‬کې‭ ‬به‭ ‬ډېروالی‭ ‬راشي‭. ‬دا‭ ‬کار‭ ‬به‭ ‬نه‭ ‬یوازې‭ ‬د‭ ‬یمن‭ ‬بلکې‭ ‬په‭ ‬ټوله‭ ‬کې‭ ‬د‭ ‬نړۍ‭ ‬پر‭ ‬اقتصاد‭ ‬باندې‭ ‬مستقیمې‭ ‬اغېزې‭ ‬ولري‭.‬

‭ ‬له‭ ‬دې‭ ‬کبله،‭ ‬د‭ ‬یمن‭ ‬ساحلي‭ ‬ساتونکي‭ ‬په‭ ‬کال‭ ‬2002‭ ‬کې‭ ‬د‭ ‬جمهوري‭ ‬ریاست‭ ‬د‭ ‬لومړي‭ ‬فرمان‭ ‬پر‭ ‬بنسټ‭ ‬تاسیس‭ ‬شو‭ ‬او‭ ‬خپلې‭ ‬دندې‭ ‬یې‭ ‬په‭ ‬2003‭ ‬کې‭ ‬د‭ ‬یمن‭ ‬د‭ ‬2400‭ ‬کیلومتر‭ ‬ساحلي‭ ‬سرحد‭ ‬په‭ ‬اوږدو‭ ‬کې‭ ‬د‭ ‬یوازنۍ‭ ‬سمندري‭ ‬قانون‭ ‬پلي‭ ‬کوونکې‭ ‬ادارې‭ ‬په‭ ‬توګه‭ ‬پیل‭ ‬کړې‭. ‬د‭ ‬ساحلي‭ ‬ساتونکو‭ ‬دندو‭ ‬کې‭ ‬د‭ ‬یمن‭ ‬د‭ ‬بندرونو‭ ‬او‭ ‬ساحلي‭ ‬اوبو‭ ‬امنیت‭ ‬ټینګول‭ ‬او‭ ‬د‭ ‬قاچاق،‭ ‬غیر‭ ‬قانوني‭ ‬مهاجرت،‭ ‬د‭ ‬انسانانو‭ ‬قاچاق‭ ‬او‭ ‬سمندري‭ ‬غلاوو‭ ‬سره‭ ‬مبارزه‭ ‬کول‭ ‬دي‭.‬

‭ ‬د‭ ‬یمن‭ ‬ساحلي‭ ‬ساتونکي‭ ‬د‭ ‬تورن‭ ‬جنرال‭ ‬خالد‭ ‬علی‭ ‬محمد‭ ‬لخوا‭ ‬رهبري‭ ‬کیږي‭. ‬هغه‭ ‬هڅه‭ ‬کوي‭ ‬تر‭ ‬څو‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬هغه‭ ‬ظرفیت‭ ‬چې‭ ‬د‭ ‬جګړې‭ ‬له‭ ‬کبله‭ ‬کمزوری‭ ‬شوی‭ ‬وو،‭ ‬د‭ ‬سمندري‭ ‬امنیت‭ ‬د‭ ‬تامین‭ ‬لپاره‭ ‬بیا‭ ‬ژوندی‭ ‬کړي‭. ‬د‭ ‬ملګرو‭ ‬ملتونو‭ ‬د‭ ‬مخدره‭ ‬توکو‭ ‬او‭ ‬جرایمو‭ ‬سره‭ ‬د‭ ‬مبارزې‭ ‬سازمان‭ ‬له‭ ‬دغه‭ ‬پلان‭ ‬څخه‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬لپاره‭ ‬د‭ ‬مرستې‭ ‬برابرولو‭ ‬او‭ ‬روزلو‭ ‬له‭ ‬لارې‭ ‬ملاتړ‭ ‬کوي‭ ‬او‭ ‬هوډ‭ ‬لري‭ ‬چې‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬د‭ ‬بېړیو‭ ‬د‭ ‬ساتنې‭ ‬مهارتونو‭ ‬په‭ ‬ګډون‭ ‬د‭ ‬هغوی‭ ‬زیربناوې‭ ‬بیاځلې‭ ‬جوړې‭ ‬او‭ ‬مهارتونه‭ ‬پیاوړي‭ ‬کړي‭.‬

‭ ‬له‭ ‬جګړې‭ ‬څخه‭ ‬مخکې،‭ ‬د‭ ‬یمن‭ ‬ساحلي‭ ‬ساتونکي‭ ‬د‭ ‬نړېوالې‭ ‬ټولنې‭ ‬له‭ ‬پراخو‭ ‬او‭ ‬منظمو‭ ‬مرستو‭ ‬څخه‭ ‬برخمن‭ ‬وو،‭ ‬چې‭ ‬متحده‭ ‬ایالات‭ ‬د‭ ‬پام‭ ‬وړ‭ ‬پیسې،‭ ‬تجهیزات‭ ‬او‭ ‬روزنې‭ ‬ورته‭ ‬برابرولې‭. ‬همدارنګه‭ ‬د‭ ‬تجهیزاتو‭ ‬او‭ ‬روزنو‭ ‬اړونده‭ ‬نورې‭ ‬مرستې‭ ‬د‭ ‬نورو‭ ‬هېوادونو‭ ‬لکه‭ ‬بریتانیا،‭ ‬فرانسه،‭ ‬جرمني،‭ ‬ایټالیا‭ ‬او‭ ‬جاپان‭ ‬لخوا‭ ‬هم‭ ‬چمتو‭ ‬کېدې‭. ‬د‭ ‬دغو‭ ‬مرستو‭ ‬موخه‭ ‬د‭ ‬یو‭ ‬پرمختللی‭ ‬او‭ ‬په‭ ‬ملي‭ ‬کچه‭ ‬رامنځته‭ ‬شوي‭ ‬ساحلي‭ ‬ځواک‭ ‬جوړول‭ ‬وو‭ ‬تر‭ ‬څو‭ ‬وتوانیږي‭ ‬له‭ ‬عدن‭ ‬خلیج‭ ‬څخه‭ ‬تر‭ ‬باب‭ ‬المندب‭ ‬پورې‭ ‬سمندري‭ ‬لارې‭ ‬خوندي‭ ‬وساتي‭. ‬

دا‭ ‬پروژه‭ ‬نږدې‭ ‬70%‭ ‬بشپړه‭ ‬شوې‭ ‬وه‭ ‬او‭ ‬په‭ ‬ځانګړې‭ ‬توګه‭ ‬د‭ ‬عدن‭ ‬خلیج‭ ‬او‭ ‬سور‭ ‬سمندرګي‭ ‬کې‭ ‬ډېره‭ ‬اغېزمنه‭ ‬ثابته‭ ‬شوې‭ ‬وه‭. ‬خو‭ ‬په‭ ‬خواشینۍ‭ ‬سره،‭ ‬د‭ ‬قانونی‭ ‬حکومت‭ ‬پر‭ ‬وړاندې‭ ‬د‭ ‬کودتا‭ ‬او‭ ‬وروسته‭ ‬د‭ ‬خونړۍ‭ ‬جګړې‭ ‬په‭ ‬پایله‭ ‬کې‭ ‬ډېر‭ ‬شمېر‭ ‬زیربناوې‭ ‬ویجاړې‭ ‬او‭ ‬یا‭ ‬داسې‭ ‬زیانمنې‭ ‬شوې‭ ‬چې‭ ‬د‭ ‬بیا‭ ‬جوړولو‭ ‬وړ‭ ‬نه‭ ‬دي‭. ‬له‭ ‬دې‭ ‬کبله‭ ‬ټول‭ ‬هغه‭ ‬نوښتونه‭ ‬یا‭ ‬پلانونه‭ ‬چې‭ ‬موخه‭ ‬یې‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬له‭ ‬بیاجوړولو‭ ‬څخه‭ ‬ملاتړ‭ ‬وي،‭ ‬باید‭ ‬په‭ ‬پام‭ ‬کې‭ ‬ولري‭ ‬چې‭ ‬بشپړې‭ ‬بیاځلې‭ ‬رغونې‭ ‬ته‭ ‬اړتیا‭ ‬شته‭. ‬

د‭ ‬یمن‭ ‬ساحل‭ ‬چې‭ ‬باب‭ ‬المندب‭ ‬یې‭ ‬تر‭ ‬څار‭ ‬لاندې‭ ‬دی،‭ ‬مهم‭ ‬ګڼل‭ ‬کیږي،‭ ‬او‭ ‬یوه‭ ‬حیاتي‭ ‬ستراتیژیکه‭ ‬سیمه‭ ‬ده‭ ‬چې‭ ‬له‭ ‬اطلس‭ ‬سمندر‭ ‬څخه‭ ‬بیا‭ ‬تر‭ ‬منځني‭ ‬ختیځ‭ ‬او‭ ‬آسیا‭ ‬پورې‭ ‬سوداګریزې‭ ‬لارې‭ ‬نښلوي‭. ‬پر‭ ‬دې‭ ‬لار‭ ‬باندې‭ ‬سوداګریزې‭ ‬بېړۍ‭ ‬چلند‭ ‬کوي‭ ‬چې‭ ‬د‭ ‬شمالي‭ ‬امریکا،‭ ‬اروپا‭ ‬او‭ ‬آسیا‭ ‬تر‭ ‬مینځ‭ ‬د‭ ‬تیلو‭ ‬او‭ ‬ګازو‭ ‬په‭ ‬ګډون‭ ‬مالونه‭ ‬لېږدوي‭. ‬د‭ ‬متحده‭ ‬ایالاتو‭ ‬د‭ ‬انرژي‭ ‬معلوماتو‭ ‬ادارې‭ ‬اټکل‭ ‬کړی‭ ‬چې‭ ‬په‭ ‬2016‭ ‬کې‭ ‬په‭ ‬ورځ‭ ‬کې‭ ‬4.8‭ ‬میلیونه‭ ‬بیلره‭ ‬اومه‭ ‬تیل‭ ‬او‭ ‬پترولي‭ ‬محصولات‭ ‬له‭ ‬دغه‭ ‬تنګي‭ ‬څخه‭ ‬تېر‭ ‬شوي‭ ‬دي‭. ‬

دا‭ ‬استراتیژیکه‭ ‬سیمه‭ ‬د‭ ‬سوداګریز‭ ‬بهیر‭ ‬د‭ ‬جاري‭ ‬ساتلو‭ ‬او‭ ‬غیرقانوني‭ ‬فعالیتونو‭ ‬د‭ ‬مخنیوي‭ ‬لپاره‭ ‬دوامدار‭ ‬امنیت‭ ‬او‭ ‬څارنې‭ ‬ته‭ ‬اړتیا‭ ‬لري‭. ‬یو‭ ‬له‭ ‬تر‭ ‬ټولو‭ ‬مهم‭ ‬ګام‭ ‬چې‭ ‬باید‭ ‬واخیستل‭ ‬شي‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬شتون‭ ‬باید،‭ ‬په‭ ‬ځانګړې‭ ‬توګه‭ ‬د‭ ‬بریم‭ ‬جزیره‭ ‬او‭ ‬المخا‭ ‬بندر‭ ‬کې،‭ ‬پیاوړی‭ ‬شي‭. ‬دا،‭ ‬تنګي‭ ‬ته‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬تر‭ ‬ټولو‭ ‬نږدې‭ ‬اډې‭ ‬دي،‭ ‬او‭ ‬ضرروري‭ ‬ده‭ ‬تر‭ ‬څو‭ ‬په‭ ‬دې‭ ‬سیمه‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬د‭ ‬څار‭ ‬او‭ ‬مخنیوي‭ ‬وړتیاوو‭ ‬ته‭ ‬پراختیا‭ ‬ورکړل‭ ‬شي‭. ‬

د‭ ‬یمن‭ ‬د‭ ‬ساحلي‭ ‬ساتونکو‭ ‬بیاځلې‭ ‬په‭ ‬پښو‭ ‬درول‭ ‬به‭ ‬هغوی‭ ‬ته‭ ‬دا‭ ‬توان‭ ‬ورکړي‭ ‬چې‭ ‬د‭ ‬یمن‭ ‬د‭ ‬بندرونو‭ ‬امنیت‭ ‬بیرته‭ ‬په‭ ‬خپل‭ ‬لاس‭ ‬کې‭ ‬واخلي‭. ‬له‭ ‬جګړې‭ ‬مخکې‭ ‬دا‭ ‬د‭ ‬ساحلي‭ ‬ساتونکو‭ ‬یوه‭ ‬مهمه‭ ‬دنده‭ ‬وه،‭ ‬او‭ ‬دا‭ ‬یوازنی‭ ‬سازمان‭ ‬و‭ ‬چې‭ ‬دغه‭ ‬دنده‭ ‬ورته‭ ‬سپارل‭ ‬شوې‭ ‬وه‭. ‬د‭ ‬یمن‭ ‬د‭ ‬ساحلي‭ ‬ساتونکو‭ ‬سمون‭ ‬به‭ ‬دوی‭ ‬ته‭ ‬دا‭ ‬وړتیا‭ ‬ورکړي‭ ‬تر‭ ‬څو‭ ‬هغه‭ ‬معیارونه‭ ‬خپل‭ ‬کړي‭ ‬چې‭ ‬د‭ ‬نړېوالې‭ ‬بېړۍ‭ ‬چلونې‭ ‬او‭ ‬بندري‭ ‬تاسیساتو‭ ‬د‭ ‬امنیتي‭ ‬قانون‭ ‬له‭ ‬مخې‭ ‬لازمي‭ ‬ګڼل‭ ‬کیږي‭. ‬دا‭ ‬هغه‭ ‬معیارونه‭ ‬دي‭ ‬چې‭ ‬له‭ ‬جګړې‭ ‬مخکې‭ ‬په‭ ‬بندرونو‭ ‬کې‭ ‬مراعات‭ ‬کېدل‭.‬

‭ ‬د‭ ‬دې‭ ‬سربېره،‭ ‬د‭ ‬نړېوالې‭ ‬ټولنې‭ ‬په‭ ‬مرسته‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬د‭ ‬وړتیاوو‭ ‬بیارغول،‭ ‬نه‭ ‬یوازې‭ ‬د‭ ‬یمن‭ ‬بلکې‭ ‬د‭ ‬سيمې‭ ‬د‭ ‬ثبات‭ ‬او‭ ‬سمندري‭ ‬امنیت‭ ‬د‭ ‬پیاوړتیا‭ ‬لپاره‭ ‬ضروري‭ ‬دی‭. ‬د‭ ‬یمن‭ ‬ساحلي‭ ‬ساتونکي‭ ‬په‭ ‬سمندر‭ ‬کې‭ ‬د‭ ‬مشکوکو‭ ‬فعالانو‭ ‬د‭ ‬خوځښتونو‭ ‬په‭ ‬مخنیوی‭ ‬کې،‭ ‬په‭ ‬ځانګړې‭ ‬توګه‭ ‬هغه‭ ‬چې‭ ‬له‭ ‬سومالیا‭ ‬څخه‭ ‬تر‭ ‬یمني‭ ‬ساحل‭ ‬پورې‭ ‬راځي،‭ ‬له‭ ‬تروریزم‭ ‬سره‭ ‬په‭ ‬مبارزه‭ ‬کې‭ ‬مرسته‭ ‬کوي‭. ‬د‭ ‬المهرا‭ ‬او‭ ‬حضرموت‭ ‬ساحلي‭ ‬ولایتونه‭ ‬ډېرځله‭ ‬د‭ ‬مخدره‭ ‬توکو‭ ‬او‭ ‬چرسو‭ ‬د‭ ‬قاچاق‭ ‬د‭ ‬لارې‭ ‬په‭ ‬توګه‭ ‬استعماليږي‭ ‬چې‭ ‬بیا‭ ‬له‭ ‬هغه‭ ‬ځایه‭ ‬ګاونډيو‭ ‬هېوادونو‭ ‬ته‭ ‬لېږدول‭ ‬کیږي‭. ‬دا‭ ‬په‭ ‬سیمه‭ ‬کې‭ ‬د‭ ‬هرچا‭ ‬لپاره‭ ‬د‭ ‬اندېښنې‭ ‬وړ‭ ‬خبره‭ ‬ده‭. ‬برسېره‭ ‬پر‭ ‬دې،‭ ‬د‭ ‬ایران‭ ‬له‭ ‬لوري‭ ‬په‭ ‬سیمه‭ ‬کې‭ ‬خپلو‭ ‬لاسپوڅو‭ ‬ډلو‭ ‬ته‭ ‬د‭ ‬بالستیک‭ ‬راکټونو‭ ‬د‭ ‬پرزه‭ ‬جاتو‭ ‬د‭ ‬لېږد‭ ‬په‭ ‬ګډون،‭ ‬په‭ ‬اغېزمن‭ ‬ډول‭ ‬د‭ ‬وسلو‭ ‬د‭ ‬قاچاق‭ ‬د‭ ‬مخنیوی‭ ‬په‭ ‬موخه،‭ ‬د‭ ‬عرب‭ ‬په‭ ‬سمندرګي،‭ ‬د‭ ‬عدن‭ ‬په‭ ‬خلیج‭ ‬او‭ ‬په‭ ‬سویلي‭ ‬سور‭ ‬سمندرګي‭ ‬کې‭ ‬د‭ ‬یمن‭ ‬د‭ ‬ساحلي‭ ‬ساتونکو‭ ‬د‭ ‬بېړیو‭ ‬د‭ ‬ګزمو‭ ‬پیاوړي‭ ‬شتون‭ ‬او‭ ‬څارنې‭ ‬ته‭ ‬اړتیا‭ ‬شته‭.‬

‭ ‬په‭ ‬پای‭ ‬کې‭ ‬ویلی‭ ‬شو،‭ ‬چې‭ ‬د‭ ‬یمن‭ ‬ساحلي‭ ‬ساتونکي،‭ ‬د‭ ‬مشترکو‭ ‬سمندري‭ ‬ځواکونو‭ ‬د‭ ‬یو‭ ‬ځانګړي‭ ‬غړي‭ ‬په‭ ‬توګه،‭ ‬په‭ ‬نړېوال‭ ‬سمندري‭ ‬ایتلافونو‭ ‬کې‭ ‬یو‭ ‬مهم‭ ‬شریک‭ ‬دی،‭ ‬او‭ ‬د‭ ‬متحده‭ ‬ایالاتو‭ ‬د‭ ‬بحري‭ ‬قواو‭ ‬له‭ ‬5مې‭ ‬لوا‭ ‬سره‭ ‬او‭ ‬د‭ ‬متحده‭ ‬ایالاتو‭ ‬د‭ ‬سمندري‭ ‬قواو‭ ‬له‭ ‬5مې‭ ‬لوا‭ ‬سره،‭ ‬چې‭ ‬د‭ ‬بحرین‭ ‬په‭ ‬منامه‭ ‬کې‭ ‬ځای‭ ‬پر‭ ‬ځای‭ ‬ده،‭ ‬مرسته‭ ‬کوي‭. ‬د‭ ‬وروستیو‭ ‬همکاریو‭ ‬د‭ ‬راڅرګندولو‭ ‬په‭ ‬موخه‭ ‬باید‭ ‬وویل‭ ‬شي‭ ‬چې‭ ‬د‭ ‬عدن‭ ‬په‭ ‬خلیج‭ ‬کې‭ ‬په‭ ‬لویه‭ ‬کچه‭ ‬د‭ ‬وسلو‭ ‬له‭ ‬نیولو‭ ‬وروسته،‭ ‬د‭ ‬یمن‭ ‬ساحلي‭ ‬ساتونکو‭ ‬د‭ ‬2018‭ ‬په‭ ‬اګست‭ ‬کې‭ ‬د‭ ‬قاچاقبرانو‭ ‬په‭ ‬نیولو‭ ‬او‭ ‬د‭ ‬عدن‭ ‬محاکمې‭ ‬ته‭ ‬په‭ ‬راکشولو‭ ‬کې‭ ‬د‭ ‬متحده‭ ‬ایالاتو‭ ‬د‭ ‬ويجاړوونکې‭ ‬جنګي‭ ‬بېړۍ،‭ ‬جیسن‭ ‬دونهم،‭ ‬سره‭ ‬په‭ ‬بریالي‭ ‬ډول‭ ‬ګډ‭ ‬کار‭ ‬وکړ‭.‬

مونږ‭ ‬قوي‭ ‬باور‭ ‬لرو‭ ‬چې‭ ‬په‭ ‬سمندري‭ ‬سیمه‭ ‬کې‭ ‬د‭ ‬سمندري‭ ‬امنیت‭ ‬د‭ ‬راوستو‭ ‬لپاره‭ ‬او‭ ‬د‭ ‬غیر‭ ‬قانوني‭ ‬او‭ ‬شخړه‭ ‬اییزو‭ ‬فعالیتونو‭ ‬د‭ ‬مخنیوی‭ ‬په‭ ‬موخه،‭ ‬نړېواله‭ ‬ټولنه‭ ‬په‭ ‬سیمه‭ ‬کې‭ ‬جوګه‭ ‬او‭ ‬ژمنو‭ ‬شریکانو‭ ‬ته‭ ‬اړتیا‭ ‬لري‭. ‬د‭ ‬یمن‭ ‬ساحلي‭ ‬ساتونکي‭ ‬د‭ ‬جوګه‭ ‬او‭ ‬ژمن‭ ‬شریک‭ ‬جوړېدو‭ ‬په‭ ‬هیله،‭ ‬د‭ ‬نړېوالې‭ ‬ټولنې‭ ‬مرستې‭ ‬ته‭ ‬اړتیا‭ ‬لري‭.  ‬