د برید جنرال محمد المصطفی پیاوړې مشري یو ځانګړي سمندري کنډک د هغه د نړیوالې پېژندنې لامل ګرځېدلی
یونیپث کارکونکی | انځورونه د لبنان وسلوال ځواکونه له خوا
![]()
د لبنان د ملي یووالي منځ کې درز رامنځته کولو او له یو بل سره د لبنانیانو د ښکېلولو لپاره د تروریستي ډلو ټولې هڅې له ماتې سره مخ شوې دي. د دوی هڅې چې موخه یې د نهر البارد کډوالو کمپ او په طرابلس او نورو شمالي ښارونو کې د امنیت او ثبات خرابول دي، تر پایه پورې له ناهیلۍ سره مخ شوي. په پای کې د لبنان د خلکو اراده بریالۍ شوه. د دې بریا ترشا یو ملي ځواک شتون لري چې د امنیتي ګواښونو مخنیوی وکړي، هغه ښځې او سړي چې د خپل هیواد سره مینه لري او د خپل حاکمیت څخه دفاع کوي. دا د لبنان د وسلوالو ځواکونو سرتیري دي. د دې اتلانو تر منځ، د سمندري کمانډو کنډک (مغاویر البحر) ولاړ دی، چې له نورو څخه د خپلې زړورتیا، کړنو، او د لبنان په خاطر سرښندنې ته د چمتووالی له مخې توپیر لري. د پرېکنده او غوڅې پرېکړه کوونکي قوماندان، برید جنرال محمد حسین المصطفی لخوا یې مشري کیږي.
د هغه دنده، د هغه مسلکيتوب او هیواد ته د خدمت کولو ژمنتیا څرګندوی ده، او د هغه کمانډو کیسه وایي چې په ډیری جګړو کې یې برخه اخیستې او په پوځي لیکو کې یې د لوړو رتبو ترلاسه کولو حق ترلاسه کړی. هغه په 1994 کې د لبنان د اردو پوځي اکاډمۍ څخه فارغ شو او د بلوک قومندانۍ څخه د ټولي قومندانی ته یې ترفیع وکړه. وروسته، مخکې له دې چې د سمندري کمانډو د کنډک، چې په 2013 کې د ځانګړو ځواکونو یو له پیاوړو کنډکونو څخه شمېرل کیږي، د قوماندان په توګه ونومول شي، د څانګې مشري ورکړل چې د ممتاز ځانګړو ځواکونو یوکنډک دی.
برید جنرال مصطفی وویل، “دا زما ارمان و چې یو سرتیری شم، ترڅو د ملي امنیت ساتنه وکړم او د خپلو خلکو سره په بدمرغیو کې مرسته وکړم.”
عملیاتي څانګه تاییدوي چې د کومانډو کنډک چې د جنرال مصطفی لخوا یې مشري کیږي، ډېر شمېر ناشونې دندې ترسره کړي. د یادونې وړ یوه کیسه یې د سمندر له تل څخه د ایتوپیایي مسافر وړونکو الوتکو د پاتې شونو راایستل وو. دغه الوتکه د 2010 په جنوري میاشت کې له بیروت څخه له الوتنې وروسته لوېدلې وه. د راویستلو لپاره د برید جنرال مصطفی کسانو باید د ژمي له یخو سمندري اوبو سره د مبارزې تر څنګ د دوه میاشتو په اوږدو کې له 1500 څخه ډیرې غوټې ترسره کړې وای.
جنرال وویل، “د خراب اقلیمي وضعیت سربېره، دوی وتوانیدل چې د الوتکې ټوټې راټولې کړي او دواړه تور بکسونه او د قربانیانو مړي راوباسي. په لټون کې ښکیلو بهرنيو ټیمونو د کنډک غوټه وهونکو کړنې د”لیونيانو” د کړنو په څېر بیان کړې. د لوی شمیر غوټو، نامعمول اقلیمي شرایطو او د کمزوري لید سربېره هیڅ ډول غوټه وهونکې پیښې ندي ثبت شوي.”
برید جنرال مصطفی چې د لبنان او اردن څخه په پوځي علومو کې لیسانس لري، د ځانګړو عملیاتو او تروریزم ضد افسرانو لپاره په سیمهییزو او نړیوالو کورسونو کې برخه اخیستې ده. هغه، کورسونه د خپلې مشرۍ د وړتیاوو د ښه کولو، د خپلو پوځي علومو پراختیا او د مختلفو تاکتیکونو د مهارتونو ترلاسه کولو لپاره مهم وبلل.
هغه وویل، “ما ډیرو کورسونو کې ګډون کړ. په دې کورسونو کې د امریکا سمندري ځواکونو، هوایي او ځمکنیو ځواکونو کورسونو، ایس اي اې ایل کورس، او د ایس اي اې ایل د ښوونکو کورس، په مصر کې د تروریزم ضد او تندر کورس، او په اردن کې د 71م کنډک د تروریزم ضد او د یرغمل شوو د ژغورنې پرمختللي کورس ګډون لري.” “ما همداراز د غلچکي نښه ویښتونکو او د هغه د ښوونې کورس، د کشف کورس، د استخباراتو ابتدایي او پرمختللی کورس کې هم ګډون کړی. د دې سربېره د غرنۍ جګړې کورس، د پاراشوټ پرمختللي کورس، د هوایی عملیاتو د پلان کورس، او یو شمیر سمندري جنګي، د ژورو اوبو او د ډوبیدلو طبي کورسونو کې هم ګډون کړی دی.
برید جنرال مصطفی باور لري چې د استخباراتي تحلیل څخه ترلاسه شوو سناریوګانو پر بنسټ دوامداره روزنه او تمرینونه د هر ځواک لپاره د بریا کیلي دي.
هغه وایي، “په شمال کې ترلاسه شوې پایلې د یوې شیبې پایله نه وه، بلکې د ټولو سناریوګانو لپاره له دوامدارې روزنې سره په موازي توګه چې د مسلکیتوب کچه یې لوړه کړه او د اردو دقت او دسپلین کې یې پرمختګ رامنځته کړ، د کشف، تحلیل، چمتووالي او د پلان جوړونې پایله وه.” موږ د کنډک له عملیاتي خونې څخه مشکوک فعالیتونه او د هغوی پر پرمختګونو باندې څارنه کوو. د دوی حرکتونه په دقت سره تحلیل او د احتمالي سناریوونو لپاره چې کیدای شي دښن یې پر وړاندې دسیسه ولري، پلان جوړو او دا چې پر وړاندې یې څنګه مبارزه وکړو.”
برید جنرال مصطفی په دې باور دی چې د یو همغږي پوخي ځواک رامینځته کول د قوماندان وړتیا پورې اړه لري، چې سالم چاپیریال چمتو کړي، د جنګیالیو تر منځ د ټیم روحیه رامینځته کړي، د جګړې پرمهال د اور په کنټرول باندې تمرکز وکړي او د ښکېلتیا قواعد په کلکه رعایت کړي.
“د طرابلس د عملیاتو پر مهال په څو جبهو جګړه وشوه. موږ په کلکه د تروریستي ډلو مخه ونیوله چې ښار او شاوخوا سیمې یې په پرله پسې ډول د جګړو له امله شنډې کړې وې. افسران، ټیټ پوړي چارواکې او د کنډک غړي له خانه خورا ډېره زړورتیا وښوده، په ځانګړي توګه د مولوي او منصور [ترهګریزو] ډلو چې د درنو ډزو لاندې امنیتي دایرې ته ننوتل. د سختو شرایطو سربېره، دوی پرته له دې چې زیان وویني یا خلکو ته زیان ورسوي، خپل ماموریت بشپړ کړ. کنډک د کنټرول شوي اور تاکتیک باندې تکیه کوله، چې له حده ډېر غبرګون ښودلو ته پکې د تصادفي زیانونو د مخنیوي لپاره اړتیا نه وه چې معمولا پوځي عملیاتو کې پېښېږي. موږ یوازې د اور سرچینو له پیژندلو وروسته غبرګون وښود. په کلکه او ډیر دقت سره مو ځواب ورکړ. “
د غیر متعارف جنګ په دور کې، داخلي امنیت د سیمهییز او نړیوال امنیت یوه برخه ګرځیدلې. تروریزم یوازې د پوځ لخوا، که هغه هرڅومره وړتیاوې ولري، نه شي ماتېدی، خو دا باید له نړیوالو سره په ګډه دهغې فلسفې له مخې ترسره شي، چې د نړیوالو ایتلافونو او ګډو ځواکونو اصول پکې تطبیقیږي. پدې توګه لبنان لیوال دی چې پدې سیمه کې فعال غړی واوسي.
هغه د متحده ایالاتو له پوځي ملګرو سره، چې د تجهیزاتو او روزنو په برخه کې د لبنان د پوځ اصلي ملاتړکوونکي دي، د خپلې اردو له پرمختللو اړیکو ستاینه کوي. یو وروستی مثال یې د دوه اړخیز پرېکنده ځواب 20 پوځي تمرین دی.
Comments are closed.