بۆ پیشاندانی پابەندبوونی حکومەتی ئەمریکا بە ئاسایش و گەشەسەندنی عێراق، فەرماندەی فەرمانگەی ناوەندیی ئەمریکا فەریقی یەکەم مایکڵ ئی. کوڕیڵا سەردانێکی دوو ڕۆژەی بۆ عێراق لە مانگی ئابی ساڵی 2022 ئەنجام دا.
لە میانەی سەردانەکەیدا، فەریقی یەکەم کوڕیڵا لەگەڵ سەرکردە سەربازی و مەدەنییەکانی عێراق کۆبووەوە بە سەرۆکایەتی سەرۆك وەزیرانی پێشووی عێراق موستەفا کازمی. بە پێی ڕاگەیەنراوێك لە نوسینگەی کازمی، دەوترێت کە هەردوو بەرپرس پرسەکانی هاوکاری لە بوارەکانی ئاسایش و سەربازی، جەنگی بەردەوامی دژ بە تیرۆر، و دوایین چالاکییەکانی هێزە چەکدارەکانی عێراق دژ بە پاشماوەکانی داعشیان تاوتوێ کردووە.
کازمی جەختی کردەوە لەسەر گرنگیی بەردەوامیدان بە زەبری کوشندە لە جەنگی دژ بە تیرۆر و ڕێگریکردن لە گەشەسەندنی شانەکانی داعش.
“دوای ئەوەی ئەرکی هاوپەیمانیەتی جیهانی دژ بە تیرۆر گۆڕا بۆ مەشقکردن، ڕاوێژکاری، هاوکاری و بنیاتنانی تواناکانی سوپای عێراق، ئێستا پێویستە ئێمە بەردەوامی بدەین بە هەوڵەکانمان و کۆتایی هێنان بە پاشماوەکانی داعش،” کازمی ڕایگەیاند.
لای خۆیەوە فەریقی یەکەم کوڕیڵا لێهاتوویی هێزەکانی ئاسایشی عێڕاق و توانایان بۆ ئەنجامدانی چالاکی مەیدانی بە سوودوەرگرتنی تەواوەتی لە هێزی ئاسمانیی عێراقی بەرز نرخاند.
لە پێناو بەرەوپێشبردنی پەیوەندییە سیاسی، ئابووری، کولتووری و ئەمنییە گشتییەکانی ئەمریکا لەگەڵ حکومەتی عێراق، لە مانگی کانوونی یەکەمی ساڵی 2008 هەردوو وڵات ڕێککەوتنامەیەکی ستراتیژیی چوارچێوەی کاریان بۆ پەیوەندیی دۆستایەتی و هاوکاری (SFA) واژۆکرد.
ڕێککەوتنامەی ستراتیژیی چوارچێوەی کار بۆ یارمەتیدانی خەڵی عێراق بنیاتنراوە تا بتوانن پشت بە خۆیان ببەستن، سەربەستی خاکی عێراق پارێزراوتر بکەن، پەیوەندییە سیاسی، ئابووری، کولتووری و ئەمنییە گشتییەکانی ئەمریکا لەگەڵ عێراق ئاسایی ببێتەوە و ببێت بە بناغەیەك بۆ پەیوەندیی دوو لایەنەی درێژخایەن لەسەر بنەمای بەرژەوەندییە هاوبەشەکان.
بۆ ڕێزگرتن ە پابەندبوونی بە ئاسایش و سەقامگیری عێراق بە بانگهێشتی حکومەتی عێراق، ئەمریکا لە 10ی مانگی ئەیلولی ساڵی 2014، دروستکردنی هاوپەیمانییەکی نێودەوڵەتیی فراوانی ڕاگەیاند کە پێکهاتبوو لە نزیکەی 80 وڵات، بۆ کۆتاییهێنان بە داعش و ئازادکردنی ئەو ناوچانەی عێراق کە لە مانگی حوزەیرانی ساڵی 2014 داگیرکرابوون لەلایەن داعشەوە.
لە دەرەنجامی ئەمەدا، حکومەتی عێراق لە مانگی یەکەمی ساڵی 2017 دا سەرکەوتنی خۆی بەسەر حوکمی “خەلافەت”دا ڕاگەیاند، دوای ئەوەی توانی هەموو شارەکانی لە داعش پاکبکاتەوە. و لە مانگی ئازاری ساڵی 2019، داعش کۆتا ناوچەکانی خۆی لە ڕۆژئاوای شارۆچکەی باغوز لە سوریا لەدەستدا، و حەوت مانگ دواتر پێشەواکەیان ئەبو بەکر بەغدادی لەلایەن هێزی هاوپەیمانانەوە کوژرا.
Comments are closed.