|
Getting your Trinity Audio player ready...
|
ئۆزبەکستان بە پەسەندکردنی ڕێکەوتنێک لە مانگی ئایاری 2024 بۆ پاراستنی زانیارییە سەربازییە نهێنییەکان کە لە نێوان وەزارەتی بەرگری خۆی و وەزارەتی بەرگری ئەمریکادا ئاڵوگۆڕکراون، هەماهەنگیی سەربازی لەگەڵ ئەمریکدا قووڵتر کردەوە.
ئامانجی ڕێککەوتنەکە بریتییە لە بەهێزکردنی هەماهەنگییەکانی نێوان هەردوو وڵات و باشترکردنی تواناکانی ئاسایش و بەرگریی ئۆزبەکستان. ڕێککەوتنەکە ئاسانکاری بۆ ئاڵوگۆڕی زانیارییە سەربازییە نهێنییەکان لەسەر پرسە پەیوەندیدارەکان دەکات و چوارچێوەیەکی کار بۆ وەرگرتنی هاوکاری سەربازی-تەکنیکیی ئەمریکا بۆ ئۆزبەکستان دابیندەکات.
ڕاڤشانبێک عەلیمۆڤ، سەرۆکی لیژنەی پەیوەندییە نێودەوڵەتییەکانی ئەنجومەنی پیرانی ئۆزبەکستان، جەختی لەسەر پێویستیی پەرەپێدانی هەماهەنگییە سەربازییەکانی ئۆزبەکستان لەگەڵ ئەمریکا و وڵاتانی دیکە کردەوە. لەم ڕووەوە، پەسەندکردنی ڕێککەوتنی نێوان دەزگاکانی بەرگریی ئۆزبەکستان و ئەمریکا سەبارەت بە پاراستنی زانیارییە سەربازییە نهێنییەکان “بریتییە لە درێژکراوەیەکی لۆژیکیی هەوڵەکان بۆ پەرەپێدانی پەیوەندییە دووقۆڵییەکان،” عەلیمۆڤ ڕایگەیاند.
لە ستایشکردنی یاساکەدا، تانزیلا نارباێڤا، سەرۆکی ئەنجومەنی پیران جەختی لەوە کردەوە کە ئەمە هاوبەشپێکردنی زانیاری سوودبەخشی دوولایەنە دەگرێتەوە، کە بڕگەی دابینکردنی ئامێری سەربازی و ڕاهێنان بۆ سەربازانی ئۆزبەکستان لەخۆدەگرێت.
ئەم واژۆکردنە فەرمییە سەردانەکانی فەریقی یەکەم مایکڵ کوڕیڵا، فەرماندەی فەرماندەیی ناوەندی ئەمریکای بۆ ئۆزبەکستان بەدوای خۆیدا هێنا. فەریقی یەکەم کوڕیڵا بۆ زیاتر تێگەیشتن لەو هەڕەشانەی ڕووبەڕووی ئۆزبەکستان دەبنەوە و دۆزینەوەی ڕێگاکانی بەهێزکردنی هەماهەنگیی نێوان هەردوو وڵات سەردانی ئۆزبەکستانی کرد.
لەگەڵ ئەوەی ئۆزبەکستان پەیوەندییە سەربازییەکانی لەگەڵ ئەمریکادا بەهێزدەکات، ڕێککەوتنەکە هەنگاوێکی گرنگە لە ستراتیژیی بەرگری و پێگەکەی لە ئاسیای ناوەڕاست.
سەرچاوەکان: KUN.UZ ،Podrobno.uz