په پاکستان کې نرم ځواک

په خپلو‭ ‬سرحدونو‭ ‬کې‭ ‬د‭ ‬خلکو‭ ‬پر‭ ‬وړاندې‭ ‬د‭ ‬پوځي‭ ‬ځواک‭ ‬کارول‭ ‬د‭ ‬نړۍ‭ ‬د‭ ‬هر‭ ‬پوځ‭ ‬لپاره‭ ‬خورا‭ ‬وحشتناکه‭ ‬او‭ ‬کرکه‭ ‬رامنځته‭ ‬کوونکې‭ ‬صحنه‭ ‬کیدی‭ ‬شي‭. ‬په‭ ‬پاکستان‭ ‬کې‭ ‬د‭ ‬ټولنې‭ ‬ګمراه‭ ‬او‭ ‬فرصت‭ ‬طلبې‭ ‬طبقې‭ ‬وسله‭ ‬پورته‭ ‬کړه‭ ‬او‭ ‬د‭ ‬دولت‭ ‬واک‭ ‬یې‭ ‬وننګاوه‭. ‬د‭ ‬حاکمیت‭ ‬د‭ ‬بیاغزولو‭ ‬لپاره‭ ‬د‭ ‬خوځنده‭ ‬عملیاتو‭ ‬پرته‭ ‬چې‭ ‬د‭ ‬ملکي‭ ‬وګړو‭ ‬زیانمنیدل‭ ‬او‭ ‬د‭ ‬هغوی‭ ‬جایدادونو‭ ‬ته‭ ‬پکې‭ ‬زیان‭ ‬رسېدل‭ ‬هم‭ ‬شامل‭ ‬وو،‭ ‬بله‭ ‬لاره‭ ‬نه‭ ‬وه‭. ‬دا‭ ‬زیانونه‭ ‬خورا‭ ‬ناوړه‭ ‬وو،‭ ‬مګر‭ ‬سولې‭ ‬ته‭ ‬د‭ ‬رسیدو‭ ‬لپاره‭ ‬اړین‭ ‬وو‭.‬

خو‭ ‬له‭ ‬هغې‭ ‬وروسته‭ ‬چې‭ ‬پوځ‭ ‬د‭ ‬وسلوالو‭ ‬تر‭ ‬واک‭ ‬لاندې‭ ‬سیمې‭ ‬پاکې‭ ‬او‭ ‬بېرته‭ ‬ونیولې،‭ ‬نو‭ ‬دا‭ ‬هغه‭ ‬وخت‭ ‬وو‭ ‬چې‭ ‬د‭ ‬خلکو‭ ‬زړونه‭ ‬او‭ ‬ذهنونه‭ ‬باید‭ ‬ګټل‭ ‬شوي‭ ‬وای‭. ‬د‭ ‬دولت‭ ‬واک‭ ‬ساتلو‭ ‬لپاره‭ ‬په‭ ‬دغو‭ ‬سیمو‭ ‬کې‭ ‬چې‭ ‬کله‭ ‬ناکله‭ ‬له‭ ‬پامه‭ ‬غورځول‭ ‬کیږي‭ ‬د‭ ‬خلکو‭ ‬لومړنیو‭ ‬اړتیاوو‭ ‬پوره‭ ‬کولو‭ ‬ته‭ ‬اړتیا‭ ‬لیدل‭ ‬کیږي‭. ‬د‭ ‬پوځ‭ ‬ګټونکو‭ ‬زړونو‭ ‬او‭ ‬ذهنونو‭ ‬کمپاین‭ ‬د‭ ‬ورته‭ ‬کار‭ ‬د‭ ‬ترسره‭ ‬کولو‭ ‬لپاره‭ ‬میکانیزم‭ ‬دی‭.‬

د‭ ‬پوځ‭ ‬ګټونکو‭ ‬زړونو‭ ‬او‭ ‬ذهنونو‭ ‬پروژو‭ ‬کې‭ ‬له‭ ‬عادي‭ ‬کارونو‭ ‬څخه‭ ‬نیولې،‭ ‬لکه‭ (‬د‭ ‬لاسي‭ ‬اوبو‭ ‬پمپونو‭ ‬نصب‭ ‬او‭ ‬د‭ ‬سپورتي‭ ‬وسایلو‭ ‬ویش‭) ‬بیا‭ ‬تر‭ ‬غټو‭ ‬پروژو‭ ‬پورې‭ ‬لکه‭ ‬د‭ ‬سړکونو،‭ ‬پلونو،‭ ‬بندونو،‭ ‬روغتونونو،‭ ‬ښونځیو،‭ ‬بازارونو،‭ ‬لوبغالو،‭ ‬لیلیې‭ ‬او‭ ‬د‭ ‬سخت‭ ‬دریځۍ‭ ‬یا‭ ‬افراطیت‭ ‬د‭ ‬له‭ ‬منځه‭ ‬وړلو‭ ‬د‭ ‬مرکزونو‭ ‬جوړولو‭ ‬اړونده‭ ‬چارې‭ ‬شاملې‭ ‬وي‭. ‬که‭ ‬څه‭ ‬هم‭ ‬د‭ ‬پاکستان‭ ‬فدرالي‭ ‬او‭ ‬ولایتي‭ ‬حکومتونو‭ ‬ګڼ‭ ‬شمېر‭ ‬پروژې‭ ‬تمویل‭ ‬کړي،‭ ‬خو‭ ‬ملګرو‭ ‬هیوادونو‭ ‬هم‭ ‬ورته‭ ‬سرچینې‭ ‬برابرې‭ ‬کړې‭. ‬د‭ ‬پوځ‭ ‬تر‭ ‬نظارت‭ ‬لاندې‭ ‬د‭ ‬پروژو‭ ‬پلي‭ ‬کول‭ ‬د‭ ‬شته‭ ‬سرچینو‭ ‬د‭ ‬بشپړ‭ ‬استعمال‭ ‬ډاډ‭ ‬ورکړ‭. ‬پوځ‭ ‬د‭ ‬نظامي‭ ‬عملیاتو‭ ‬پر‭ ‬مهال‭ ‬زیانمن‭ ‬شوو‭ ‬زیربناوو‭ ‬ته‭ ‬ځانګړې‭ ‬پاملرنه‭ ‬وکړه‭.‬

د‭ ‬پوځ‭ ‬ګټونکو‭ ‬زړونو‭ ‬او‭ ‬ذهنونو‭ ‬عملیاتو‭ ‬سرچینې

د‭ ‬ترهګرۍ‭ ‬اړونده‭ ‬خطر‭ ‬سره‭ ‬د‭ ‬مبارزې‭ ‬لپاره‭ ‬د‭ ‬پاکستان‭ ‬وسلوالو‭ ‬ځواکونو‭ ‬د‭ ‬ولس‭ ‬د‭ ‬بشپړ‭ ‬ملاتړ‭ ‬پر‭ ‬مټ‭ ‬په‭ ‬ټول‭ ‬هیواد‭ ‬کې‭ ‬عملیات‭ ‬پیل‭ ‬کړل‭. ‬د‭ ‬ضرب‭ ‬عضب‭ ‬عملیات،‭ ‬ردالفساد،‭ ‬خیبر‭ ‬1‭ ‬او‭ ‬2‭ ‬او‭ ‬د‭ ‬استخباراتو‭ ‬پر‭ ‬بنسټ‭ ‬ولاړو‭ ‬عملیاتو‭ ‬کې‭ ‬هغه‭ ‬وسلوال‭ ‬ښکار‭ ‬شول،‭ ‬چې‭ ‬ځانونو‭ ‬ته‭ ‬یې‭ ‬د‭ ‬مذهب،‭ ‬توکم‭ ‬یا‭ ‬دودیزو‭ ‬سیمو‭ ‬په‭ ‬جامه‭ ‬کې‭ ‬رنګ‭ ‬ورکړی‭ ‬وو‭. ‬د‭ ‬پاکستان‭ ‬په‭ ‬شمالي‭ ‬سیمو‭ ‬یعنې‭ ‬د‭ ‬فدرال‭ ‬حکومت‭ ‬تر‭ ‬واک‭ ‬لاندې‭ ‬قبایلي‭ ‬سیمو‭ (‬فاټا‭) ‬کې‭ ‬د‭ ‬عملیاتو‭ ‬سربیره،‭ ‬په‭ ‬بلوچستان،‭ ‬کراچۍ‭ ‬او‭ ‬د‭ ‬هیواد‭ ‬په‭ ‬نورو‭ ‬سیمو‭ ‬کې‭ ‬د‭ ‬افراطي‭ ‬وسلوالو‭ ‬پرضد‭ ‬عملیات‭ ‬ترسره‭ ‬شوي‭. ‬دا‭ ‬کار‭ ‬خورا‭ ‬لوی‭ ‬و‭ ‬خو‭ ‬پاکستاني‭ ‬ځواکونو‭ ‬ورته‭ ‬هوډ‭ ‬درلود‭.‬

دې‭ ‬ته‭ ‬په‭ ‬پام‭ ‬سره‭ ‬چې‭ ‬د‭ ‬ترهګرۍ‭ ‬او‭ ‬افراطیت‭ ‬په‭ ‬ماتولو‭ ‬کې‭ ‬د‭ ‬سخت‭ ‬او‭ ‬نرم‭ ‬ځواک‭ ‬کارول‭ ‬شامل‭ ‬دي،‭ ‬نو‭ ‬پاکستان‭ ‬لنډمهاله‭ ‬او‭ ‬اوږدمهاله‭ ‬اقدامات‭ ‬ترسره‭ ‬کړل‭. ‬حتی‭ ‬د‭ ‬پوځي‭ ‬عملیاتو‭ ‬پر‭ ‬مهال،‭ ‬د‭ ‬عملیاتو‭ ‬له‭ ‬سیمې‭ ‬څخه‭ ‬د‭ ‬بې‭ ‬ګناه‭ ‬خلکو‭ ‬ایستل،‭ ‬د‭ ‬لنډمهاله‭ ‬کمپونو‭ ‬جوړول‭ ‬او‭ ‬د‭ ‬خلکو‭ ‬بیرته‭ ‬راستنول‭ ‬خورا‭ ‬ګران‭ ‬کار‭ ‬و‭ ‬چې‭ ‬د‭ ‬پاکستان‭ ‬د‭ ‬پوځ‭ ‬لخوا‭ ‬په‭ ‬بې‭ ‬سارې‭ ‬ډول‭ ‬ترسره‭ ‬شو‭. ‬تر‭ ‬نن‭ ‬ورځې‭ ‬د‭ ‬بې‭ ‬ځایه‭ ‬شوو‭ ‬خلکو‭ ‬لویه‭ ‬برخه‭ ‬بیرته‭ ‬خپلو‭ ‬سیمو‭ ‬ته‭ ‬ستانه‭ ‬شوي‭. ‬دوی‭ ‬بېرته‭ ‬د‭ ‬کور‭ ‬پر‭ ‬لور‭ ‬له‭ ‬جنګ‭ ‬ځپلو‭ ‬زیربناو‭ ‬او‭ ‬ښارګوټو‭ ‬سره‭ ‬نه،‭ ‬بلکې‭ ‬دوی‭ ‬له‭ ‬نوو‭ ‬سړکونو،‭ ‬پلونو،‭ ‬روغتونونو،‭ ‬ښوونځيو‭ ‬او‭ ‬پوځي‭ ‬کالجونو‭ ‬سره‭ ‬مخ‭ ‬کیږي‭.‬

د‭ ‬پاکستان‭ ‬پوځ‭ ‬نه‭ ‬یوازې‭ ‬دا‭ ‬چې‭ ‬د‭ ‬ګټونکو‭ ‬زړونو‭ ‬او‭ ‬ذهنونو‭ ‬عملیات‭ ‬د‭ ‬پوځي‭ ‬ستراتیژۍ‭ ‬د‭ ‬یوې‭ ‬وسیلې‭ ‬په‭ ‬توګه‭ ‬کاروي،‭ ‬بلکې‭ ‬د‭ ‬پاکستان‭ ‬د‭ ‬خلکو‭ ‬لپاره‭ ‬ترې‭ ‬د‭ ‬ژورې‭ ‬ریښې‭ ‬لرونکې‭ ‬مینې‭ ‬د‭ ‬څرګندولو‭ ‬د‭ ‬یوې‭ ‬وسیلې‭ ‬په‭ ‬توګه‭ ‬ګټه‭ ‬اخلي‭. ‬د‭ ‬پاکستان‭ ‬وسلوال‭ ‬ځواکونه‭ ‬د‭ ‬ولس‭ ‬پر‭ ‬باور،‭ ‬مینې‭ ‬او‭ ‬ملاتړ‭ ‬ویاړي،‭ ‬او‭ ‬په‭ ‬ټولو‭ ‬شرایطو‭ ‬کې‭ ‬د‭ ‬هغوی‭ ‬د‭ ‬خوندیتوب‭ ‬د‭ ‬ډاډمنولو‭ ‬لپاره‭ ‬ژمن‭ ‬دي‭.‬

د‭ ‬یاغیانو‭ ‬له‭ ‬ماتولو‭ ‬وروسته،‭ ‬پوځ‭ ‬له‭ ‬ځایي‭ ‬خلکو‭ ‬سره‭ ‬د‭ ‬خپلو‭ ‬کورونو‭ ‬په‭ ‬بېرته‭ ‬جوړولو‭ ‬کې‭ ‬مرسته‭ ‬وکړه‭ ‬او‭ ‬په‭ ‬اغیزمنو‭ ‬سیمو‭ ‬کې‭ ‬د‭ ‬چټک‭ ‬اغیز‭ ‬لرونکو‭ ‬پروژو‭ ‬مالي‭ ‬ملاتړ‭ ‬یې‭ ‬وکړ‭. ‬دا‭ ‬پروژې‭ ‬د‭ ‬بهرنیو‭ ‬مرستندویانو،‭ ‬لکه‭ ‬د‭ ‬متحده‭ ‬ایالتونو‭ ‬د‭ ‬نړیوالې‭ ‬پراختیا‭ ‬ادارې‭ ‬او‭ ‬د‭ ‬پاکستان‭ ‬لپاره‭ ‬د‭ ‬متحده‭ ‬عرب‭ ‬اماراتو‭ ‬د‭ ‬مرستې‭ ‬پروګرام‭ ‬له‭ ‬خوا‭ ‬پلې‭ ‬شوې‭. ‬د‭ ‬1‭.‬1‭ ‬ملیارد‭ ‬ډالرو‭ ‬په‭ ‬ارزښت‭ ‬څو‭ ‬اړخیزو‭ ‬پروژو‭ ‬پر‭ ‬مخابراتو،‭ ‬پوهنې،‭ ‬روغتیا،‭ ‬برېښنا‭ ‬او‭ ‬د‭ ‬کرنې‭ ‬پر‭ ‬سکتور‭ ‬باندې‭ ‬تمرکز‭ ‬درلود‭.‬

په‭ ‬2015‭ ‬کې‭ ‬د‭ ‬پاکستان‭ ‬حکومت‭ ‬په‭ ‬قبایلي‭ ‬سیمو‭ ‬کې‭ ‬د‭ ‬بیارغونې‭ ‬ستراتیژي‭ ‬اعلان‭ ‬کړه‭ ‬ترڅو‭ ‬ویجاړ‭ ‬شوي‭ ‬ځایونه‭ ‬ورغوي،‭ ‬ښوونیز‭ ‬او‭ ‬روغتیایي‭ ‬مرکزونه‭ ‬بیا‭ ‬ورغوي،‭ ‬او‭ ‬بندیان‭ ‬بیرته‭ ‬له‭ ‬ټولنې‭ ‬سره‭ ‬یوځای‭ ‬کړي‭. ‬د‭ ‬ستراتیژۍ‭ ‬پنځه‭ ‬اصلي‭ ‬موخې‭ ‬درلودې،‭ ‬لکه‭ ‬د‭ ‬زیربناوو‭ ‬بیا‭ ‬رغونه،‭ ‬د‭ ‬قانون‭ ‬او‭ ‬نظم‭ ‬پیاوړي‭ ‬کول،‭ ‬حکومتي‭ ‬خدماتو‭ ‬ته‭ ‬پراختیا‭ ‬ورکول،‭ ‬د‭ ‬اقتصاد‭ ‬بیرته‭ ‬پرانستل،‭ ‬او‭ ‬د‭ ‬ټولنیز‭ ‬پیوستون‭ ‬او‭ ‬سولې‭ ‬راوستل‭. ‬نوموړې‭ ‬پروژې‭ ‬به‭ ‬دوه‭ ‬کاله‭ ‬وخت‭ ‬ونیسي‭. ‬د‭ ‬دغو‭ ‬موخو‭ ‬د‭ ‬ترلاسه‭ ‬کولو‭ ‬لپاره‭ ‬ملکي‭ ‬چارواکو،‭ ‬د‭ ‬فاټا‭ ‬ادارې،‭ ‬فدرالي‭ ‬حکومت‭ ‬او‭ ‬وسلوالو‭ ‬ځواکونو‭ ‬خپلې‭ ‬همغږۍ‭ ‬ته‭ ‬پراختیا‭ ‬ورکړه‭.‬

دغه‭ ‬پلانونه‭ ‬پوځي‭ ‬انجینرانو‭ ‬او‭ ‬نورو‭ ‬مسلکي‭ ‬کسانو‭ ‬ته‭ ‬وسپارل‭ ‬شول‭ ‬او‭ ‬پکې‭ ‬213‭ ‬د‭ ‬ټولنیزې‭ ‬هوساینې‭ ‬او‭ ‬پرمختیايي‭ ‬پروژې‭ ‬شاملې‭ ‬وې‭. ‬د‭ ‬بېلګې‭ ‬په‭ ‬توګه،‭ ‬د‭ ‬پاکستان‭ ‬لپاره‭ ‬د‭ ‬متحده‭ ‬عرب‭ ‬اماراتو‭ ‬د‭ ‬مرستې‭ ‬پروګرام‭ ‬د‭ ‬واڼې‭ ‬پوځي‭ ‬کالج،‭ ‬د‭ ‬شیخ‭ ‬خلیفه‭ ‬بن‭ ‬زاید‭ ‬روغتون،‭ ‬د‭ ‬شمالي‭ ‬وزیرستان‭ ‬په‭ ‬میرانشاه‭ ‬کې‭ ‬د‭ ‬یونس‭ ‬خان‭ ‬سپورټس‭ ‬کمپلیکس،‭ ‬او‭ ‬په‭ ‬خیبر‭ ‬ایجنسۍ‭ ‬کښي‭ ‬د‭ ‬شاهد‭ ‬آفریدی‭ ‬سپورټس‭ ‬کمپلیکس‭ ‬باړا‭ ‬مالي‭ ‬ملاتړ‭ ‬وکړ‭. ‬په‭ ‬نورو‭ ‬257‭ ‬لویو‭ ‬او‭ ‬کوچنیو‭ ‬پروژو‭ ‬کې‭ ‬د‭ ‬میرانشاه‭ ‬او‭ ‬میرعلي‭ ‬ښارګوټو‭ ‬بیارغونه‭ ‬او‭ ‬په‭ ‬رزمک،‭ ‬دوسالي،‭ ‬دامدیل،‭ ‬غریم،‭ ‬جلار‭ ‬او‭ ‬ب‍یچي‭ ‬کې‭ ‬د‭ ‬مارکیټونو‭ ‬جوړول‭ ‬شامل‭ ‬دي‭.‬

مخابرات

په‭ ‬قبایلي‭ ‬سیمو‭ ‬کې‭ ‬له‭ ‬سړکونو‭ ‬او‭ ‬پلونو‭ ‬څخه‭ ‬تل‭ ‬په‭ ‬ناوړه،‭ ‬ناپرمختللې‭ ‬او‭ ‬په‭ ‬ناسمه‭ ‬توګه‭ ‬ساتنه‭ ‬کیږي‭. ‬پاکستان‭ ‬د‭ ‬متحده‭ ‬ایالاتو،‭ ‬متحده‭ ‬عربي‭ ‬اماراتو‭ ‬او‭ ‬سعودي‭ ‬عربستان‭ ‬په‭ ‬مرسته‭ ‬د‭ ‬زیربناوو‭ ‬لویې‭ ‬پروژې‭ ‬په‭ ‬کار‭ ‬اچولي‭ ‬دي‭. ‬نوموړو‭ ‬پروژو‭ ‬څخه‭ ‬موخه‭ ‬لاسرسي،‭ ‬ترانسپورت‭ ‬او‭ ‬سوداګرۍ‭ ‬کې‭ ‬پرمختګ‭ ‬راوستل‭ ‬دي‭. ‬د‭ ‬ټولنو‭ ‬او‭ ‬خلکو‭ ‬د‭ ‬نښلون‭ ‬لپاره‭ ‬د‭ ‬ویجاړو‭ ‬شوو‭ ‬سړکونو‭ ‬او‭ ‬پلونو‭ ‬بیارغونه‭ ‬اړینه‭ ‬وه‭. ‬دا‭ ‬ښکاره‭ ‬او‭ ‬څرګنده‭ ‬خبر‭ ‬ده،‭ ‬چې‭ ‬پراخې‭ ‬او‭ ‬پیاوړې‭ ‬اړیکې‭ ‬به‭ ‬د‭ ‬قبایلو‭ ‬تر‭ ‬منځ‭ ‬د‭ ‬اړیکو‭ ‬په‭ ‬رامنځته‭ ‬کولو‭ ‬سره‭ ‬داخلي‭ ‬رقابتونه‭ ‬کم‭ ‬کړي‭. ‬همدارنګه‭ ‬د‭ ‬قانون‭ ‬پلي‭ ‬کوونکو‭ ‬ادارو‭ ‬ته‭ ‬د‭ ‬لاسرسي‭ ‬او‭ ‬لوژستیکي‭ ‬ملاتړ‭ ‬له‭ ‬لارې‭ ‬به‭ ‬د‭ ‬قانون‭ ‬او‭ ‬نظم‭ ‬په‭ ‬پلي‭ ‬کولو‭ ‬کې‭ ‬ښه‭ ‬والی‭ ‬راولي‭.‬

تر‭ ‬دې‭ ‬دمه‭ ‬د‭ ‬پاکستان‭ ‬د‭ ‬مخکښو‭ ‬چارو‭ ‬سازمان‭ (‬FWO‭) ‬لخوا‭ ‬په‭ ‬بشپړو‭ ‬شوو‭ ‬پروژو‭ ‬کې‭ ‬د‭ ‬1205‭ ‬کیلومتر‭ ‬په‭ ‬اوږدو‭ ‬18‭ ‬لوی‭ ‬سړکونه،‭ ‬دوه‭ ‬لوی‭ ‬پلونه‭ ‬او‭ ‬یو‭ ‬تونل‭ ‬شامل‭ ‬دي‭. ‬د‭ ‬پیښور‭- ‬تورخم‭ ‬نوی‭ ‬جوړ‭ ‬شوی‭ ‬سړک‭ ‬قبایلي‭ ‬سیمو‭ ‬ته‭ ‬د‭ ‬لاسرسي‭ ‬لپاره‭ ‬ډیر‭ ‬مهم‭ ‬دی‭ ‬چې‭ ‬په‭ ‬وچه‭ ‬کې‭ ‬ایسار‭ ‬افغانستان‭ ‬او‭ ‬د‭ ‬مرکزي‭ ‬آسیا‭ ‬هیوادونه‭ ‬له‭ ‬قبایلي‭ ‬سیمو‭ ‬سره‭ ‬نښلوي‭. ‬د‭ ‬پاکستان‭ ‬د‭ ‬مخکښو‭ ‬چارو‭ ‬سازمان‭ (‬FWO‭) ‬همدارنګه‭ ‬په‭ ‬افغانستان‭ ‬کې‭ ‬د‭ ‬تورخم‭ – ‬جلال‭ ‬آباد‭ ‬سړک‭ ‬جوړ‭ ‬کړی‭ ‬ترڅو‭ ‬د‭ ‬ګاونډیو‭ ‬تر‭ ‬منځ‭ ‬دوه‭ ‬اړخیز‭ ‬تګ‭ ‬راتګ‭ ‬اسانه‭ ‬کړي‭.‬

افغانستان‭ ‬او‭ ‬پاکستان‭ ‬د‭ ‬دېره‭ ‬اسماعیل‭ ‬خان‭ – ‬واڼه‭ – ‬انګور‭ ‬اډې‭ ‬سړک‭ ‬له‭ ‬لارې‭ ‬یوه‭ ‬نوې‭ ‬ځمکنۍ‭ ‬اړیکه‭ ‬پیدا‭ ‬کړې،‭ ‬چې‭ ‬یوه‭ ‬پیړۍ‭ ‬وړاندې‭ ‬تړل‭ ‬شوې‭ ‬وه‭. ‬د‭ ‬بنو‭ – ‬میرانشاه‭ – ‬غلام‭ ‬خان‭ ‬80‭ ‬کیلومتره‭ ‬سړک‭ ‬د‭ ‬مرکزي‭ ‬سوداګریز‭ ‬دهلیز‭ ‬شمالي‭ ‬برخه‭ ‬ده‭ ‬چې‭ ‬د‭ ‬شمالي‭ ‬وزیرستان‭ ‬او‭ ‬توچي‭ ‬کوتل‭ ‬له‭ ‬مهمو‭ ‬ښارونو‭ ‬څخه‭ ‬تیریږي‭. ‬د‭ ‬واڼې‭ – ‬شاکي‭ – ‬مکین‭ ‬75‭ ‬کیلومتره‭ ‬سړک‭ ‬چې‭ ‬د‭ ‬مخکښو‭ ‬چارو‭ ‬سازمان‭ (‬FWO‭) ‬لخوا‭ ‬بشپړ‭ ‬شوی،‭ ‬د‭ ‬سهیلي‭ ‬وزیرستان‭ ‬پلازمینه‭ ‬واڼه،‭ ‬له‭ ‬شمالي‭ ‬وزیرستان‭ ‬سره‭ ‬نښلوي‭ ‬چې‭ ‬له‭ ‬هغه‭ ‬ځایه‭ ‬د‭ ‬73‭ ‬کیلو‭ ‬متره‭ ‬مکین‭ – ‬رزمک‭ – ‬میرانشاه‭ ‬سړک‭ ‬د‭ ‬افغانستان‭ ‬پولې‭ ‬ته‭ ‬غځیدلی‭.‬

روغتیا

طالبانو‭ ‬په‭ ‬قبایلي‭ ‬ادارو‭ ‬کې‭ ‬د‭ ‬خپل‭ ‬شتون‭ ‬د‭ ‬رامنځته‭ ‬کولو‭ ‬لپاره‭ ‬دولتي‭ ‬تاسیسات‭ ‬په‭ ‬نښه‭ ‬کړل‭. ‬دا‭ ‬چې‭ ‬ترهګرو‭ ‬ګڼ‭ ‬شمیر‭ ‬کلینیکونه‭ ‬او‭ ‬درملتونونه‭ ‬ویجاړ‭ ‬کړل،‭ ‬د‭ ‬روغتیا‭ ‬سکتور‭ ‬له‭ ‬ستونزو‭ ‬سره‭ ‬مخ‭ ‬شو‭. ‬روغتیایي‭ ‬کارکوونکو‭ ‬د‭ ‬مرګ‭ ‬تر‭ ‬ګواښ‭ ‬لاندې‭ ‬خپلې‭ ‬دندې‭ ‬پریښودلې‭.‬

د‭ ‬روغتیایي‭ ‬خدمتونو‭ ‬نه‭ ‬شتون‭ ‬د‭ ‬قبایلي‭ ‬سیمو‭ ‬د‭ ‬خلکو‭ ‬تر‭ ‬منځ‭ ‬د‭ ‬محرومیت‭ ‬احساس‭ ‬رامنځته‭ ‬کړ‭ ‬او‭ ‬د‭ ‬پرمختګ‭ ‬لپاره‭ ‬خنډ‭ ‬وګرځید‭. ‬پوځ‭ ‬له‭ ‬فدرالي‭ ‬او‭ ‬سیمه‌ییزو‭ ‬حکومتونو‭ ‬سره‭ ‬د‭ ‬روغتیا‭ ‬اړوند‭ ‬پراختیایی‭ ‬او‭ ‬بیارغونې‭ ‬پروژې‭ ‬پیل‭ ‬کړې‭.‬

له‭ ‬2009‭ ‬راهیسې‭ ‬په‭ ‬قبایلي‭ ‬سیمو‭ ‬او‭ ‬ملاکنډ‭ ‬ډیویژن‭ ‬کې‭ ‬1013‭ ‬روغتیايي‭ ‬مرکزونه،‭ ‬کلینیکونه‭ ‬او‭ ‬درملتونونه‭ ‬جوړ‭ ‬شوې‭ ‬دي‭. ‬نږدې‭ ‬5400‭ ‬دندې‭ ‬رامنځته‭ ‬شوې،‭ ‬چې‭ ‬6.4‭ ‬ملیونه‭ ‬خلک‭ ‬ترې‭ ‬ګټه‭ ‬پورته‭ ‬کوي‭. ‬د‭ ‬بسترو‭ ‬د‭ ‬شتون‭ ‬ظرفیت‭ ‬680‭ ‬بسترو‭ ‬ته‭ ‬لوړ‭ ‬شوی‭. ‬نوي‭ ‬تاسیس‭ ‬شوي‭ ‬او‭ ‬ګرځنده‭ ‬روغتونونه‭ ‬لکه‭ ‬د‭ ‬شیخ‭ ‬خلیفه‭ ‬بن‭ ‬زاید‭ ‬او‭ ‬د‭ ‬شیخه‭ ‬فاطمه‭ ‬لومړۍ‭ ‬کټګورۍ‭ ‬اجنسي‭ ‬روغتون‭ ‬د‭ ‬قبایلي‭ ‬سیمو،‭ ‬سوات‭ ‬او‭ ‬مالاکنډ‭ ‬ډویژن‭ ‬خلکو‭ ‬ته‭ ‬مرستې‭ ‬برابروي‭. ‬ګرځنده‭ ‬کلینیکونه‭ ‬د‭ ‬زېړي‭ ‬معاینې،‭ ‬د‭ ‬وینې‭ ‬او‭ ‬ادرار‭ ‬معاینې،‭ ‬د‭ ‬ښځینه‭ ‬ناروغیو‭ ‬معاینې،‭ ‬او‭ ‬د‭ ‬زېږونونو‭ ‬تر‭ ‬منځ‭ ‬د‭ ‬واټن‭ ‬په‭ ‬اړه‭ ‬مشورې‭ ‬وړاندې‭ ‬کوي‭. ‬سربیره‭ ‬پردې‭ ‬پوځ‭ ‬د‭ ‬ښځو‭ ‬او‭ ‬ماشومانو‭ ‬د‭ ‬درملنې‭ ‬لپاره‭ ‬د‭ ‬ښځینه‭ ‬ډاکټرانو‭ ‬او‭ ‬نرسانو‭ ‬ځانګړې‭ ‬ډلې‭ ‬لري‭. ‬حکومت‭ ‬د‭ ‬کلیوالي‭ ‬روغتیایي‭ ‬پاملرنو‭ ‬لپاره‭ ‬1050‭ ‬ډاکټران،‭ ‬200‭ ‬ښځینه‭ ‬طبي‭ ‬افسرانې‭ ‬او‭ ‬150‭ ‬نرسان‭ ‬ګمارلي‭ ‬دي‭.‬

دې‭ ‬هیواد‭ ‬د‭ ‬روغتیایي‭ ‬کارکوونکو‭ ‬لپاره‭ ‬روزنیز‭ ‬انستیتیوتونه‭ ‬جوړ‭ ‬کړل‭. ‬د‭ ‬مثال‭ ‬په‭ ‬توګه‭ ‬په‭ ‬سوات‭ ‬کې‭ ‬نیمه‭ ‬روغتیایي‭ ‬انستیتیوت‭ ‬چې‭ ‬د‭ ‬نارینه‭ ‬او‭ ‬ښځینه‭ ‬روغتیایي‭ ‬کارکوونکو‭ ‬د‭ ‬روزنې‭ ‬لپاره‭ ‬په‭ ‬مالاکنډ‭ ‬ډیویژن‭ ‬کې‭ ‬یو‭ ‬له‭ ‬غوره‭ ‬انستیتیوتونو‭ ‬څخه‭ ‬ګڼل‭ ‬کیږي‭. ‬نوموړی‭ ‬انستیتیوت‭ ‬د‭ ‬450‭ ‬زده‭ ‬کونکو‭ ‬لپاره‭ ‬کلنی‭ ‬ظرفیت‭ ‬لري‭ ‬او‭ ‬په‭ ‬مستقیم‭ ‬او‭ ‬غیر‭ ‬مستقیم‭ ‬ډول‭ ‬شاوخوا‭ ‬یو‭ ‬ملیون‭ ‬خلکو‭ ‬ته‭ ‬ګټه‭ ‬رسوي‭. ‬په‭ ‬2014‭ ‬کې‭ ‬په‭ ‬پاکستان‭ ‬کې‭ ‬د‭ ‬ګوزڼ‭ ‬پیښو‭ ‬ناڅاپي‭ ‬زیاتوالی‭ ‬د‭ ‬دې‭ ‬لامل‭ ‬شو‭ ‬چې‭ ‬پوځ‭ ‬د‭ ‬ګوزڼ‭ ‬ضد‭ ‬ملي‭ ‬کمپاین‭ ‬تنظیم‭ ‬کړي‭. ‬د‭ ‬نوموړې‭ ‬ناروغۍ‭ ‬پیښې‭ ‬په‭ ‬2014‭ ‬کې‭ ‬له‭ ‬306‭ ‬څخه‭ ‬په‭ ‬2017‭ ‬کې‭ ‬اتو‭ ‬ته‭ ‬راټیټې‭ ‬شوې‭.‬

ښوونه‭ ‬او‭ ‬روزنه

پاکستان‭ ‬له‭ ‬2002‭ ‬راهیسې‭ ‬په‭ ‬قبایلي‭ ‬سیمو‭ ‬کې‭ ‬خپل‭ ‬سرتیري‭ ‬ځای‭ ‬پرځای‭ ‬کړي‭ ‬نو‭ ‬له‭ ‬دې‭ ‬امله‭ ‬ترهګرو‭ ‬نشو‭ ‬کولی‭ ‬په‭ ‬قبایلي‭ ‬سیمه‭ ‬کې‭ ‬پټنځایونه‭ ‬جوړ‭ ‬کړي‭. ‬د‭ ‬سخت‭ ‬دریځۍ‭ ‬پر‭ ‬وړاندې‭ ‬د‭ ‬عمومي‭ ‬مبارزې‭ ‬ترټولو‭ ‬مهم‭ ‬اړخ‭ ‬پوهنه‭ ‬ده‭. ‬په‭ ‬سیمه‭ ‬کې‭ ‬ترهګر‭ ‬د‭ ‬کرکجنو‭ ‬مذهبي‭ ‬اساساتو‭ ‬له‭ ‬مخې‭ ‬د‭ ‬پوهنې،‭ ‬په‭ ‬ځانګړي‭ ‬ډول‭ ‬د‭ ‬میرمنو‭ ‬د‭ ‬تعلیم‭ ‬ښکاره‭ ‬منتقدین‭ ‬وو‭. ‬له‭ ‬458‭ ‬ویجاړو‭ ‬شوو‭ ‬تعلیمي‭ ‬ادارو‭ ‬څخه‭ (‬لومړني‭ ‬ښوونځي،‭ ‬ثانوي‭ ‬ښوونځي‭ ‬او‭ ‬کالجونه‭) ‬317‭ ‬یې‭ ‬د‭ ‬هلکانو‭ ‬او‭ ‬141‭ ‬یې‭ ‬د‭ ‬انجونو‭ ‬وې‭.‬

د‭ ‬ښوونځیو‭ ‬جوړول‭ ‬د‭ ‬حکومت‭ ‬او‭ ‬اردو‭ ‬لپاره‭ ‬یوه‭ ‬بله‭ ‬ننګونه‭ ‬وه‭. ‬لومړنۍ‭ ‬ارزونه‭ ‬ترسره‭ ‬شوه‭ ‬ترڅو‭ ‬د‭ ‬کرکجنو‭ ‬او‭ ‬متعصبو‭ ‬کسانو‭ ‬لخوا‭ ‬رامنځته‭ ‬شوي‭ ‬زیانونه‭ ‬په‭ ‬ګوته‭ ‬کړي‭. ‬په‭ ‬هغو‭ ‬سیمو‭ ‬کې‭ ‬چې‭ ‬ښوونځي‭ ‬ویجاړ‭ ‬شوي،‭ ‬پاکستان‭ ‬خلکو‭ ‬ته‭ ‬خیمې‭ ‬او‭ ‬کرایې‭ ‬ځایونه‭ ‬چمتو‭ ‬کړل‭ ‬ترڅو‭ ‬ډاډ‭ ‬ترلاسه‭ ‬کړي‭ ‬چې‭ ‬د‭ ‬زده‭ ‬کړې‭ ‬بهیر‭ ‬د‭ ‬بیارغونې‭ ‬مرحلې‭ ‬پر‭ ‬مهال‭ ‬هم‭ ‬دوام‭ ‬ولري‭.‬

د‭ ‬عامه‭ ‬پوهاوي‭ ‬کمپاینونه‭ ‬جوړ‭ ‬شوي‭ ‬وو‭ ‬ترڅو‭ ‬خلک‭ ‬نوم‭ ‬لیکنې‭ ‬ته‭ ‬وهڅوي‭ ‬او‭ ‬په‭ ‬ځانګړې‭ ‬توګه‭ ‬د‭ ‬انجونو‭ ‬زده‭ ‬کوونکو‭ ‬تر‭ ‬منځ‭ ‬د‭ ‬ښوونځي‭ ‬د‭ ‬پریښودلو‭ ‬کچه‭ ‬راکمه‭ ‬کړي‭. ‬د‭ ‬زده‭ ‬کونکو‭ ‬د‭ ‬شمولیت‭ ‬کچه‭ ‬کې‭ %‬‭ ‬300‭ ‬ډیروالی‭ ‬راغلی،‭ ‬او‭ ‬16140‭ ‬کارکوونکي‭ ‬په‭ ‬ورته‭ ‬ځایونو،‭ ‬لکه‭ ‬د‭ ‬واڼه‭ ‬پوځي‭ ‬کالج،‭ ‬لدها‭ ‬د‭ ‬انجونو‭ ‬تحصیلي‭ ‬کالج،‭ ‬او‭ ‬په‭ ‬خار‭ ‬کې‭ ‬د‭ ‬ټیکنالوژۍ‭ ‬دولتي‭ ‬کالج‭ ‬کې‭ ‬ګمارل‭ ‬شوي‭.‬

ځوانان

پاکستان‭ ‬له‭ ‬خوځنده‭ ‬او‭ ‬تکړه‭ ‬ځوانانو‭ ‬څخه‭ ‬برخمن‭ ‬دی‭ ‬چې‭ ‬
متشبثینو‭ ‬او‭ ‬پنځوونکو‭ ‬په‭ ‬توګه‭ ‬د‭ ‬دوی‭ ‬چمتو‭ ‬کول‭ ‬لا‭ ‬زیاتې‭ ‬پاملرنې‭ ‬ته‭ ‬اړتیا‭ ‬لري‭. ‬دوی‭ ‬ته‭ ‬د‭ ‬دندې‭ ‬او‭ ‬کاري‭ ‬مهارتونو‭ ‬ترلاسه‭ ‬کولو‭ ‬لپاره‭ ‬روزنې‭ ‬اړینې‭ ‬دي‭. ‬د‭ ‬ګټونکو‭ ‬زړونو‭ ‬او‭ ‬ذهنونو‭ ‬د‭ ‬پروګرام‭ ‬له‭ ‬لارې‭ ‬پوځ،‭ ‬د‭ ‬سوداګرۍ‭ ‬او‭ ‬په‭ ‬کار‭ ‬د‭ ‬بوختیا‭ ‬ترویجولو‭ ‬لپاره‭ ‬ځوانه‭ ‬طبقه‭ ‬هڅوي‭. ‬دوی‭ ‬ته‭ ‬د‭ ‬کارمخینې‭ ‬یا‭ ‬سي‭ ‬وي‭ ‬د‭ ‬جوړلو‭ ‬او‭ ‬د‭ ‬دندې‭ ‬د‭ ‬مرکې‭ ‬اړونده‭ ‬مهارتونو‭ ‬ترلاسه‭ ‬کولو‭ ‬لپاره‭ ‬روزنې‭ ‬وړاندې‭ ‬شوې‭.‬

په‭ ‬2014‭ ‬کې‭ ‬د‭ ‬پوځ‭ ‬لوی‭ ‬درستیز‭ ‬د‭ ‬قبایلي‭ ‬سیمو‭ ‬د‭ ‬ځوانانو‭ ‬لپاره‭ ‬د‭ ‬یو‭ ‬پروګرام‭ ‬د‭ ‬پیل‭ ‬اعلان‭ ‬وکړ‭. ‬د‭ ‬ژوند‭ ‬کاري‭ ‬تګلارې‭ ‬په‭ ‬ګډون،‭ ‬د‭ ‬کار‭ ‬زدکړې‭ ‬شپږ‭ ‬میاشتني‭ ‬پروګرامونه‭ ‬هم‭ ‬رامنځته‭ ‬شول‭. ‬د‭ ‬قبایلي‭ ‬سیمو‭ ‬ځوانانو‭ ‬لپاره‭ ‬د‭ ‬بورسونو‭ ‬په‭ ‬یو‭ ‬پروګرام‭ ‬کې‭ ‬د‭ ‬27‭.‬4‭ ‬ملیون‭ ‬روپیو‭ ‬په‭ ‬لګښت‭ ‬456‭ ‬زده‭ ‬کونکي‭ ‬شامل‭ ‬شول،‭ ‬او‭ ‬په‭ ‬پوځ‭ ‬کې‭ ‬د‭ ‬ځوانانو‭ ‬د‭ ‬شمولیت‭ ‬پروګرام‭ ‬2637‭ ‬زده‭ ‬کونکي‭ ‬جذب‭ ‬کړل‭.‬

ډیری‭ ‬زده‭ ‬کونکي‭ ‬بېلابېلو‭ ‬پوځي‭ ‬کالجونو‭ ‬کې‭ ‬داخل‭ ‬شول‭. ‬سربیره‭ ‬پردې‭ ‬د‭ ‬قبایلي‭ ‬سیمو‭ ‬50‭ ‬زده‭ ‬کونکي‭ ‬بهر‭ ‬ته‭ ‬د‭ ‬زده‭ ‬کړې‭ ‬لپاره‭ ‬استول‭ ‬شوي‭ ‬او‭ ‬د‭ ‬قبایلي‭ ‬سیمو‭ ‬1188‭ ‬ځوانان‭ ‬په‭ ‬پوځ‭ ‬کې‭ ‬جذب‭ ‬شوي‭ ‬دي‭. ‬د‭ ‬قبایلي‭ ‬سیمو‭ ‬50‭ ‬ځوانان‭ ‬د‭ ‬ساختماني‭ ‬ټیکنالوژۍ‭ ‬د‭ ‬روزنې‭ ‬په‭ ‬انسټیټیوټ‭ ‬کې‭ ‬شامل‭ ‬شوي‭ ‬ترڅو‭ ‬د‭ ‬لوړ‭ ‬معاش‭ ‬لرونکو‭ ‬دندو‭ ‬ترلاسه‭ ‬کولو‭ ‬لپاره‭ ‬مهارتونه‭ ‬زده‭ ‬کړي‭.‬

اوبه،‭ ‬برېښنا‭ ‬او‭ ‬اوبه‭ ‬لګونه

په‭ ‬قبایلي‭ ‬سیمو‭ ‬او‭ ‬مالاکنډ‭ ‬ډیویژن‭ ‬کې‭%‬‭ ‬40‭ ‬اټکل‭ ‬شوې‭ ‬ځمکه‭ ‬خړوبولو‭ ‬ته‭ ‬اړتیا‭ ‬لري‭ ‬ځکه‭ ‬چې‭ ‬سیمه‭ ‬یې‭ ‬وچه‭ ‬او‭ ‬نیمه‭ ‬وچه‭ ‬ده‭. ‬په‭ ‬سوات‭ ‬کې‭ ‬خلکو‭ ‬د‭ ‬څښاک‭ ‬اوبو‭ ‬لپاره‭ ‬پر‭ ‬لرې‭ ‬پرتو‭ ‬څاه‭ ‬ګانو‭ ‬باندې‭ ‬تکیه‭ ‬کوله‭. ‬تر‭ ‬دې‭ ‬ناوړه‭ ‬لا‭ ‬دا‭ ‬چې‭ ‬په‭ ‬2010‭ ‬کې‭ ‬سیلابونو‭ ‬اوبه‭ ‬ککړې‭ ‬کړې‭ ‬او‭ ‬ناروغي‭ ‬یې‭ ‬خپره‭ ‬کړه‭. ‬د‭ ‬دې‭ ‬مسلې‭ ‬لپاره‭ ‬متحده‭ ‬اماراتو‭ ‬سیمې‭ ‬ته‭ ‬د‭ ‬څښاک‭ ‬پاکو‭ ‬اوبو‭ ‬چمتو‭ ‬کولو‭ ‬لپاره‭ ‬د‭ ‬اوبو‭ ‬رسولو‭ ‬76‭ ‬پروژې‭ ‬تمویل‭ ‬کړي‭. ‬د‭ ‬ملاکنډ‭ ‬ډیویژن‭ ‬او‭ ‬قبایلي‭ ‬سیمو‭ ‬خلک‭ ‬اوس‭ ‬داسې‭ ‬سیسټمونه‭ ‬لري‭ ‬چې‭ ‬بریښنایی‭ ‬پمپونه‭ ‬پکې‭ ‬کارول‭ ‬کیږي‭ ‬او‭ ‬د‭ ‬جنراتورونو‭ ‬پر‭ ‬مټ‭ ‬ورته‭ ‬برېښنا‭ ‬ورکول‭ ‬کیږي‭ ‬ترڅو‭ ‬هرې‭ ‬کورنۍ‭ ‬ته‭ ‬پاکې‭ ‬اوبه‭ ‬ورسوي‭. ‬دغه‭ ‬سیسټمونه‭ ‬نه‭ ‬یوازې‭ ‬دا‭ ‬چې‭ ‬اوبه‭ ‬رسوي‭ ‬بلکه‭ ‬پدې‭ ‬سیمو‭ ‬کې‭ ‬د‭ ‬اوبو‭ ‬څخه‭ ‬رامنځته‭ ‬کېدونکې‭ ‬ناروغي‭ ‬هم‭ ‬کموي‭. ‬له‭ ‬یو‭ ‬ملیون‭ ‬څخه‭ ‬زیاتو‭ ‬خلکو‭ ‬په‭ ‬80‭ ‬ښارګوټو‭ ‬او‭ ‬کلیو‭ ‬کې‭ ‬ګټه‭ ‬ورڅخه‭ ‬پورته‭ ‬کړه‭. ‬او‭ ‬1‭.‬3‭ ‬ملیونه‭ ‬نور‭ ‬اوسیدونکي‭ ‬د‭ ‬736‭ ‬اوبو‭ ‬لګولو‭ ‬سیسټمونو‭ ‬له‭ ‬بیا‭ ‬جوړولو‭ ‬څخه‭ ‬ګټه‭ ‬ترلاسه‭ ‬کړه‭.‬

د‭ ‬دانا‭ ‬اوبو‭ ‬لګولو‭ ‬او‭ ‬اوبو‭ ‬رسولو‭ ‬پروژې‭ ‬له‭ ‬مخې،‭ ‬چې‭ ‬یو‭ ‬له‭ ‬لویو‭ ‬پروژو‭ ‬څخه‭ ‬ګڼل‭ ‬کیږي،‭ ‬کانالونه‭ ‬جوړیږي‭. ‬د‭ ‬دغو‭ ‬کانالونو‭ ‬پر‭ ‬مټ‭ ‬واڼې‭ ‬ته‭ ‬نږدې‭ ‬د‭ ‬13000‭ ‬جریبه‭ ‬کرنیزې‭ ‬ځمکې‭ ‬لپاره‭ ‬د‭ ‬بارانونو‭ ‬او‭ ‬سیلابونو‭ ‬اوبه‭ ‬وررسوي‭. ‬دا‭ ‬د‭ ‬ځمکې‭ ‬د‭ ‬اوبو‭ ‬په‭ ‬ذخیره‭ ‬کولو‭ ‬او‭ ‬بیاکارولو‭ ‬کې‭ ‬هم‭ ‬مرسته‭ ‬کوي‭.‬

تر‭ ‬هغه‭ ‬ځایه‭ ‬چې‭ ‬د‭ ‬بریښنا‭ ‬سکتور‭ ‬پورې‭ ‬اړه‭ ‬لري،‭ ‬نوي‭ ‬او‭ ‬بیارغول‭ ‬شوي‭ ‬د‭ ‬اوبو‭ ‬بریښنا‭ ‬بندونه‭ ‬او‭ ‬د‭ ‬بریښنا‭ ‬سټیشنونه‭ ‬د‭ ‬سیمه‌ییز‭ ‬ژوند‭ ‬معیار‭ ‬لوړوي‭. ‬د‭ ‬بېلګې‭ ‬په‭ ‬توګه‭ ‬د‭ ‬ګومل‭ ‬زام‭ ‬بند‭ ‬بشپړول‭ ‬د‭ ‬سویلي‭ ‬وزیرستان‭ ‬د‭ ‬سولې‭ ‬او‭ ‬هوساینې‭ ‬لپاره‭ ‬لوی‭ ‬ګام‭ ‬دی‭. ‬د‭ ‬اوبو‭ ‬د‭ ‬لویې‭ ‬ذخیرې‭ ‬او‭ ‬د‭ ‬260‭ ‬کیلومتره‭ ‬مستقیم‭ ‬کانال‭ ‬په‭ ‬درلودلو‭ ‬سره‭ ‬به‭ ‬دا‭ ‬بند‭ ‬په‭ ‬ټانک‭ ‬او‭ ‬د‭ ‬دیره‭ ‬اسمعیل‭ ‬خان‭ ‬په‭ ‬ولسوالیو‭ ‬کې‭ ‬63086‭ ‬جریبه‭ ‬ځمکه‭ ‬خړوبه‭ ‬کړي‭. ‬له‭ ‬بهېدونکو‭ ‬اوبو‭ ‬څخه‭ ‬تولیدي‭ ‬بریښنا‭ ‬د‭ ‬سویلي‭ ‬وزیرستان‭ ‬2500‭ ‬کورنیو‭ ‬ته‭ ‬بریښنا‭ ‬ورکولی‭ ‬شي‭.‬

د‭ ‬ګومل‭ ‬زام‭ ‬بند‭ ‬د‭ ‬ترهګرۍ‭ ‬مرکز‭ ‬و‭. ‬چینایي‭ ‬قرارداديانو‭ ‬هغه‭ ‬وخت‭ ‬ودانیز‭ ‬کار‭ ‬پرېښود‭ ‬چې‭ ‬کله‭ ‬وسلوالو‭ ‬په‭ ‬2004‭ ‬کې‭ ‬د‭ ‬دوی‭ ‬پر‭ ‬کمپ‭ ‬برید‭ ‬وکړ‭. ‬د‭ ‬پاکستان‭ ‬مخکښو‭ ‬چارو‭ ‬سازمان‭ (‬FWO‭) ‬د‭ ‬دې‭ ‬کار‭ ‬د‭ ‬بیا‭ ‬پیل‭ ‬لپاره‭ ‬ډیرې‭ ‬قربانۍ‭ ‬رکړې‭. ‬د‭ ‬ټولنیزو‭ ‬اقتصادي‭ ‬فرصتونو‭ ‬سربېره،‭ ‬چې‭ ‬دغه‭ ‬بند‭ ‬یې‭ ‬وړاندې‭ ‬کوي،‭ ‬له‭ ‬چاپیریال‭ ‬او‭ ‬ګرځندوی‭ ‬برخو‭ ‬کې‭ ‬هم‭ ‬مرسته‭ ‬کوي‭. ‬دا‭ ‬بند‭ ‬په‭ ‬اغیزمنه‭ ‬توګه‭ ‬سیلابونه‭ ‬کنټرول‭ ‬کړي‭ ‬چې‭ ‬مخکې‭ ‬به‭ ‬د‭ ‬ویجاړتیا‭ ‬لامل‭ ‬کیدل‭.‬

د‭ ‬بنسټ‭ ‬پالنې‭ ‬له‭ ‬منځه‭ ‬وړل

د‭ ‬بنسټ‭ ‬پالنې‭ ‬له‭ ‬منځه‭ ‬وړل‭ ‬د‭ ‬ګټونکو‭ ‬زړونو‭ ‬او‭ ‬ذهنونو‭ ‬د‭ ‬پروګرام‭ ‬یو‭ ‬له‭ ‬مهمو‭ ‬بنسټونو‭ ‬څخه‭ ‬وو‭. ‬د‭ ‬پوځ‭ ‬د‭ ‬بنسټ‭ ‬پالنې‭ ‬له‭ ‬منځه‭ ‬وړلو‭ ‬ستراتیژۍ‭ ‬ترشا‭ ‬لومړۍ‭ ‬موخه‭ ‬د‭ ‬ایډیالوژیکي‭ ‬ناوړه‭ ‬ګټې‭ ‬اخیستنې‭ ‬او‭ ‬زور‭ ‬کارونې‭ ‬له‭ ‬امله‭ ‬رامنځته‭ ‬شوی‭ ‬رواني‭ ‬فشار‭ ‬له‭ ‬منځه‭ ‬وړل‭ ‬او‭ ‬ځانته‭ ‬د‭ ‬درناوي‭ ‬د‭ ‬بیا‭ ‬ژوندي‭ ‬کولو‭ ‬لپاره‭ ‬چاپیریال‭ ‬برابرول‭ ‬وو‭. ‬دې‭ ‬ته‭ “‬له‭ ‬تیارې‭ ‬نه‭ ‬د‭ ‬نور‭ ‬پر‭ ‬لور‭ ‬سفر‭” ‬نوم‭ ‬ورکړل‭ ‬شوی‭ ‬و‭.‬

په‭ ‬سوات‭ ‬کې‭ ‬د‭ ‬بنسټ‭ ‬پالنې‭ ‬له‭ ‬منځه‭ ‬وړلو‭ ‬پروګرام‭ ‬یو‭ ‬له‭ ‬لومړنيو‭ ‬هڅو‭ ‬څخه‭ ‬وو،‭ ‬چې‭ ‬پوځ‭ ‬په‭ ‬2009‭ ‬کې‭ ‬د‭ ‬پاکستاني‭ ‬طالبانو‭ ‬له‭ ‬ماتې‭ ‬وروسته‭ ‬پیل‭ ‬کړ‭. ‬د‭ ‬عملیاتو‭ ‬په‭ ‬ترڅ‭ ‬کې‭ ‬نیول‭ ‬شوي‭ ‬ګڼ‭ ‬شمېر‭ ‬وسلوال،‭ ‬ځوانان‭ ‬او‭ ‬ماشومان‭ ‬وو‭ ‬چې‭ ‬د‭ ‬ځانمرګو‭ ‬برید‭ ‬کونکو‭ ‬په‭ ‬توګه‭ ‬روزل‭ ‬شوي‭ ‬وو‭. ‬دا‭ ‬پروګرام‭ ‬څلور‭ ‬برخې‭ ‬لري‭ ‬چې‭ ‬له‭ ‬رواني‭ ‬بیارغونې،‭ ‬دیني‭ ‬مشورې،‭ ‬رسمي‭ ‬زده‭ ‬کړو‭ (‬تر‭ ‬لسم‭ ‬او‭ ‬تر‭ ‬دولسم‭ ‬ټولګي‭ ‬پورې‭) ‬او‭ ‬مسلکي‭ ‬روزنو‭ ‬څخه‭ ‬عبارت‭ ‬دي‭. ‬وروستۍ‭ ‬موخه‭ ‬یې‭ ‬مدني‭ ‬ټولنه‭ ‬کې‭ ‬د‭ ‬پخوانیو‭ ‬ترهګرو‭ ‬او‭ ‬بنسټ‭ ‬پالونکو‭ ‬ورګډول‭ ‬وو‭.‬

په‭ ‬پروګرامونو‭ ‬کې‭ ‬د‭ ‬12‭ ‬او‭ ‬18‭ ‬کلنو‭ ‬ماشومانو‭ ‬لپاره‭ ‬د‭ ‬ســباوون،‭ ‬د‭ ‬19‭ ‬او‭ ‬25‭ ‬کلونو‭ ‬ترمنځ‭ ‬ځوانانو‭ ‬لپاره‭ ‬راســــتون،‭ ‬او‭ ‬د‭ ‬جنګیالیو‭ ‬کورنیو‭ ‬لپاره‭ ‬مشـــال‭ ‬مرکزونه‭ ‬شامل‭ ‬دي‭. ‬له‭ ‬2009‭ ‬راهیسې‭ ‬سباوون‭ ‬شاوخوا‭ ‬200‭ ‬وسلوال‭ ‬او‭ ‬راســــتون‭ ‬1196‭ ‬وسلوال‭ ‬بیرته‭ ‬عادي‭ ‬ژوند‭ ‬ته‭ ‬راګرځولي‭ ‬دي‭. ‬پوځ‭ ‬په‭ ‬سوات‭ ‬کې‭ ‬د‭ ‬ښوونځي‭ ‬څلور‭ ‬لویې‭ ‬ودانۍ‭ ‬د‭ ‬بنسټ‭ ‬پالنې‭ ‬د‭ ‬له‭ ‬منځه‭ ‬وړلو‭ ‬پر‭ ‬مرکزونو‭ ‬اړولې‭ ‬دي‭. ‬په‭ ‬ټوله‭ ‬کې‭ ‬4151‭ ‬کسان‭ ‬له‭ ‬بنسټ‭ ‬پالنې‭ ‬څخه‭ ‬راګرځول‭ ‬شوي‭ ‬دي،‭ ‬او‭ ‬نور‭ ‬599‭ ‬کسان‭ ‬به‭ ‬ډیر‭ ‬ژر‭ ‬له‭ ‬ټولنې‭ ‬سره‭ ‬یوځای‭ ‬شي‭.‬

د‭ ‬سوات‭ ‬پروګرام‭ ‬د‭ ‬ټول‭ ‬هیواد‭ ‬لپاره‭ ‬یوه‭ ‬بېلګه‭ ‬شوه‭. ‬نوموړي‭ ‬پروګرام‭ ‬ته‭ ‬د‭ ‬یوې‭ ‬بشپړې‭ ‬کڅوړې‭ ‬په‭ ‬سترگه‭ ‬کتل‭ ‬کیږي‭ ‬چې‭ ‬سخت‭ ‬دریځي‭ ‬کسان‭ ‬پر‭ ‬ګټورو‭ ‬پاکستاني‭ ‬وګړو‭ ‬باندې‭ ‬راآړوي‭.‬

بې‭ ‬ځایه‭ ‬شوي‭ ‬خلک‭ ‬

د‭ ‬ضرب‭ ‬عضب‭ ‬عملیاتو‭ ‬پر‭ ‬مهال‭ ‬337336‭ ‬کورنۍ‭ ‬د‭ ‬جنګ‭ ‬له‭ ‬سیمو‭ ‬څخه‭ ‬بې‭ ‬ځایه‭ ‬شوې،‭ ‬چې‭ ‬ډیر‭ ‬شمېر‭ ‬یې‭ ‬په‭ ‬شمالي‭ ‬وزیرستان‭ ‬کې‭ ‬وې‭. ‬په‭ ‬2014‭ ‬کې‭ ‬پوځ‭ ‬د‭ ‬بنو‭ ‬سره‭ ‬نږدې‭ ‬په‭ ‬بکاخیل‭ ‬سیمه‭ ‬کې‭ ‬د‭ ‬کډوالو‭ ‬لپاره‭ ‬یو‭ ‬کمپ‭ ‬جوړ‭ ‬کړ‭ ‬چې‭ ‬دوه‭ ‬روغتیایی‭ ‬کلینیکونه،‭ ‬یو‭ ‬ښوونځی،‭ ‬څلور‭ ‬جوماتونه،‭ ‬د‭ ‬جرګې‭ ‬تالار،‭ ‬دوه‭ ‬مارکیټونه‭ ‬او‭ ‬د‭ ‬کرکټ‭ ‬لوبغالي‭ ‬درلودل‭.‬

پوځ‭ ‬له‭ ‬بېځایه‭ ‬شویو‭ ‬خلکو‭ ‬سره‭ ‬ژمنه‭ ‬وکړه‭ ‬چې‭ ‬د‭ ‬2016‭ ‬تر‭ ‬پایه‭ ‬دوی‭ ‬کولای‭ ‬شي‭ ‬بیرته‭ ‬کور‭ ‬ته‭ ‬ستانه‭ ‬شي‭. ‬د‭ ‬لومړنیو‭ ‬اسانتیاو‭ ‬برابرول‭ ‬د‭ ‬دوی‭ ‬د‭ ‬بیرته‭ ‬ستنیدلو‭ ‬لپاره‭ ‬یو‭ ‬شرط‭ ‬ګڼل‭ ‬کیده‭. ‬د‭ ‬5‭.‬35‭ ‬ملیارده‭ ‬روپیو‭ ‬په‭ ‬ارزښت‭ ‬د‭ ‬بیارغونې‭ ‬500‭ ‬پروژو‭ ‬کې‭ ‬د‭ ‬ښوونځیو،‭ ‬جوماتونو‭ ‬او‭ ‬مارکیټونو‭ ‬جوړول‭ ‬شامل‭ ‬وو‭. ‬ښاریانو‭ ‬ته‭ ‬د‭ ‬وراووښتو‭ ‬تاوانونو‭ ‬یو‭ ‬پروګرام‭ ‬د‭ ‬خلکو‭ ‬ادعاوو‭ ‬ته‭ ‬د‭ ‬رسېدلو‭ ‬چارې‭ ‬پیل‭ ‬کړې‭. ‬د‭ ‬دې‭ ‬ټولو‭ ‬هڅو‭ ‬له‭ ‬کبله،‭ ‬د‭ ‬شمالي‭ ‬وزیرستان‭ ‬بېځایه‭ ‬شوي‭ ‬95٪‭ ‬وګړي‭ ‬بیرته‭ ‬خپلو‭ ‬کورونو‭ ‬ته‭ ‬ستانه‭ ‬شول‭.‬

ټولنیز‭ ‬سکتور

د‭ ‬قبایلي‭ ‬سیمو‭ ‬خلکو‭ ‬د‭ ‬باور‭ ‬د‭ ‬بیرته‭ ‬ترلاسه‭ ‬کولو‭ ‬لپاره‭ ‬پوځ‭ ‬د‭ ‬ګټونکو‭ ‬زړونو‭ ‬او‭ ‬ذهنونو‭ ‬د‭ ‬کمپاین‭ ‬د‭ ‬یوې‭ ‬برخې‭ ‬په‭ ‬توګه‭ ‬له‭ ‬ټولنې‭ ‬سره‭ ‬پر‭ ‬بیاځلې‭ ‬یوځای‭ ‬کېدو‭ ‬ټینګار‭ ‬وکړ‭. ‬سرتیرو‭ ‬په‭ ‬ښوونځیو‭ ‬او‭ ‬انسټیټیوتونو‭ ‬کې‭ ‬د‭ ‬ساتیرۍ‭ ‬لپاره‭ ‬پروګرامونه‭ ‬جوړ‭ ‬کړل‭ ‬او‭ ‬حکومت‭ ‬د‭ ‬سپورټ‭ ‬لپاره‭ ‬یو‭ ‬ځانګړی‭ ‬ریاست‭ ‬جوړ‭ ‬کړ‭. ‬د‭ ‬یونس‭ ‬خان‭ ‬په‭ ‬نوم‭ ‬د‭ ‬کرکټ‭ ‬یو‭ ‬لوبغالی‭ ‬په‭ ‬میرانشاه‭ ‬کې‭ ‬پرانستل‭ ‬شو‭. ‬تر‭ ‬دې‭ ‬دمه،‭ ‬د‭ ‬سیمې‭ ‬ځوانانو‭ ‬د‭ ‬ګټې‭ ‬اخیستنې‭ ‬لپاره‭ ‬17‭ ‬نوي‭ ‬لوبغالي‭ ‬جوړ‭ ‬شوي‭ ‬دي‭.‬

سربیره‭ ‬پردې‭ ‬پوځ‭ ‬د‭ ‬پاکستان‭ ‬د‭ ‬پوځي‭ ‬ټیم‭ ‬او‭ ‬د‭ ‬بریتانیا‭ ‬د‭ ‬ملکي‭ ‬وګړو‭ ‬د‭ ‬ټیم‭ ‬ترمنځ‭ ‬د‭ “‬سولې‭ ‬کپ‭” ‬په‭ ‬نامه‭ ‬یوه‭ ‬لوبه‭ ‬تنظیم‭ ‬کړه‭. ‬په‭ ‬دغه‭ ‬لوبه‭ ‬کې‭ ‬د‭ ‬پاکستان‭ ‬د‭ ‬پوځ‭ ‬د‭ ‬11مې‭ ‬قول‭ ‬اردو‭ ‬قوماندان‭ ‬ډګر‭ ‬جنرال‭ ‬نظیر‭ ‬بټ‭ ‬په‭ ‬ګډون‭ ‬ګڼو‭ ‬مشرانو‭ ‬برخه‭ ‬اخیستې‭ ‬وه‭.‬

د‭ ‬2017‭ ‬په‭ ‬اګست‭ ‬کې‭ ‬د‭ ‬قبایلي‭ ‬سیمو‭ ‬سکرتریت‭ ‬د‭ ‬خپلواکۍ‭ ‬ورځ‭ ‬د‭ ‬نمانځلو‭ ‬لپاره‭ ‬د‭ “‬سولې‭ ‬لوبې‭” ‬لړۍ‭ ‬پیل‭ ‬کړه‭. ‬په‭ ‬لوبو‭ ‬کې‭ ‬کریکټ،‭ ‬فوټبال،‭ ‬والیبال‭ ‬او‭ ‬پالوانۍ‭ ‬ګډون‭ ‬درلود‭. ‬دې‭ ‬کار‭ ‬له‭ ‬ځانه‭ ‬سره‭ ‬یو‭ ‬پیغام‭ ‬لېږداوو‭ ‬او‭ ‬هغه‭ ‬دا‭ ‬چې‭ ‬قبایلي‭ ‬سیمې‭ ‬نور‭ ‬د‭ ‬ترهګرو‭ ‬لپاره‭ ‬چې‭ ‬په‭ ‬پاکستان‭ ‬کې‭ ‬د‭ ‬بغاوت‭ ‬د‭ ‬خپرولو‭ ‬په‭ ‬لټه‭ ‬کې‭ ‬وو،‭ ‬خوندي‭ ‬پټنځای‭ ‬نه‭ ‬دی‭.‬

د‭ ‬پاکستان‭ ‬بایسکل‭ ‬چلولو‭ ‬فدراسیون‭ ‬او‭ ‬د‭ ‬مهمند‭ ‬ایجنسۍ‭ ‬سیمه‌ییزې‭ ‬ادارې‭ ‬د‭ ‬پوځ‭ ‬په‭ ‬ملاتړ‭ ‬په‭ ‬جنګ‭ ‬ځپلو‭ ‬سیمو‭ ‬کې‭ ‬د‭ ‬سولې‭ ‬او‭ ‬روغتیا‭ ‬د‭ ‬ترویج‭ ‬لپاره‭ ‬د‭ ‬مهمندو‭ ‬برج‭/‬څلي‭ ‬په‭ ‬نامه‭ ‬د‭ ‬بایسکل‭ ‬چلولو‭ ‬سیالۍ‭ ‬تنظیم‭ ‬کړه‭. ‬په‭ ‬دغه‭ ‬66‭ ‬کیلو‭ ‬میترۍ‭ ‬سیالۍ‭ ‬کې‭ ‬له‭ ‬70‭ ‬څخه‭ ‬زیاتو‭ ‬بایسکل‭ ‬چلونکو‭ ‬برخه‭ ‬واخیسته‭. ‬دا‭ ‬سیالي‭ ‬د‭ ‬غورسل‭ ‬له‭ ‬تیرې‭ ‬څخه‭ ‬چې‭ ‬د‭ ‬افغانستان‭ ‬پولې‭ ‬ته‭ ‬نږدې‭ ‬ده‭ ‬تر‭ ‬غالانی‭ ‬پورې‭ ‬پر‭ ‬بایسکل‭ ‬چلولو‭ ‬سره‭ ‬ترسره‭ ‬شوه‭.‬

د‭ ‬اقتصاد‭ ‬د‭ ‬بیا‭ ‬راژوندي‭ ‬کولو‭ ‬لپاره،‭ ‬د‭ ‬پوځ‭ ‬د‭ ‬انجینرانو‭ ‬45مې‭ ‬فرقې‭ ‬د‭ ‬میرانشاه‭ ‬د‭ ‬مارکیټ‭ ‬کمپلیکس‭ ‬جوړ‭ ‬کړ‭. ‬مارکيټ‭ ‬42‭ ‬برخې‭ ‬او‭ ‬1300‭ ‬هټۍ‭ ‬لري‭. ‬نوموړی‭ ‬مارکیټ‭ ‬د‭ ‬سړک‭ ‬یوه‭ ‬شبکه،‭ ‬د‭ ‬لاریو‭ ‬او‭ ‬موټرو‭ ‬لپاره‭ ‬جلا‭ ‬تمځای،‭ ‬د‭ ‬بریښنا‭ ‬رسولو‭ ‬یو‭ ‬سیسټم،‭ ‬څلور‭ ‬تشنابونه،‭ ‬د‭ ‬اوبو‭ ‬رسولو‭ ‬سیسټم‭ ‬او‭ ‬د‭ ‬ماشومانو‭ ‬د‭ ‬ساتیرۍ‭ ‬لپاره‭ ‬یو‭ ‬په‭ ‬زړه‭ ‬پورې‭ ‬زرغون‭ ‬پارک‭ ‬لري‭.‬

زه‭ ‬ویاړم‭ ‬چې‭ ‬په‭ ‬یوه‭ ‬نارامه‭ ‬سیمه‭ ‬کې‭ ‬د‭ ‬پوځ‭ ‬د‭ ‬بیارغونې‭ ‬دغو‭ ‬بریالیتوبونو‭ ‬یادونه‭ ‬کووم‭. ‬پوځ‭ ‬د‭ ‬ګټونکو‭ ‬زړونو‭ ‬او‭ ‬ذهنونو‭ ‬د‭ ‬پراګرام‭ ‬پر‭ ‬مټ‭ ‬په‭ ‬قبایلي‭ ‬سیمو‭ ‬کې‭ ‬د‭ ‬سولې‭ ‬راوستو‭ ‬سره‭ ‬مرسته‭ ‬وکړه‭. ‬د‭ ‬نورو‭ ‬هڅو‭ ‬تر‭ ‬څنګ،‭ ‬د‭ ‬ګټونکو‭ ‬زړونو‭ ‬او‭ ‬ذهنونو‭ ‬د‭ ‬کمپاین‭ ‬بریا‭ ‬دا‭ ‬ثابتوي‭ ‬چې‭ ‬پاکستان‭ ‬د‭ ‬ستونزو‭ ‬پر‭ ‬وړاندې‭ ‬مقاووم‭ ‬دی‭.  ‬F