د 2022 اپریل کې، په اردن کې د ښځو د روزنې نظامي مرکز د ښځینه افسرانو او بریدملانو لپاره د 1/2022 شمیره ټولګي فراغت ولمانځه. د دې ټولګي فارغین به د ځانګړي امنیتي قطعاتو سره یوځای شي.
د شپږ اونیو کورس کې فزیکي فټنس، لومړنۍ مرسته، نښه ویشتل، رزمي مهارتونه، نږدې جګړه، او په ځیږه اراضي کې د ماموریتونو لپاره غرونو ته د ختلو مهارتونه شامل دي.
د ښځو د روزنې مرکز قوماندان، ډګرمن سلمان الاکالیک په فراغت کې د وینا پرمهال وویل، “وسله وال ځواکونه غواړي نظامي میرمنو ته وړتیا ورکړي او د تخصصي کورسونو په لاره اچولو له لارې د هغوی نظامي مهارتونه ښه کړي چې د هغوی مسلکي توب لوړې کچې ته ورسیږي ترڅو هغوی وکولی شي خپلې دندې په مهارت او وړتیا سره ترسره کړي.”
د 1950 لسیزې کې په پیل سره، مرحوم پاچا حسین بن طلال د سړو او ښځو ترمینځ د مساوي فرصت اصل باندې د هغه د کلک باور په پام کې نیولو سره ښځې په اردو کې د ګډون کولو لپاره وهڅولې.
سره له دې د اردن وسله والو ځواکونو/عرب اردو کې په خدمت بوختو میرمنو سلنه په 1962 کې د شهزادګۍ مونا د نرسنګ کالج د تاسیس پورې ټیټه پاتې وه، چې د دغه کالج څخه د ښځینه زده کونکو لومړۍ دوره په کال 1965 کې د دوهم بریدمل رتبې سره فارغ شوې.
د ښځو ګډون ودې دوام وکړ، او په 1995 کې د اردن د ښځو نظامي چارو ریاست د رامینځته کیدو سره دا ګډون ګړندی شو. دې ریاست په وسله والو ځواکونو کې د ټولو ښځو چارو مسؤلیتونه په غاړه درلودل. دې په ښځو د تطبیق وړ نظامي قوانین وازمول او لازمي سمونونه یې پکې وکړل، د ښوونې میتودونه او د روزنې پروګرامونه یې جوړ کړل، نوي ګومارنې یې وهڅولې او تشویق کړې، او هغوی ته یې فرصتونه ورکړل چې د هغه نظامي څانګو سره یوځای شي کومې چې مخکې سړو پورې محدود وې.
سرچینې: د اردن وسله وال ځواکونه/عرب اردو
Comments are closed.