په مینځني ختیځ او شمالي افریقه کې د ځانګړي ځواکونو تجهیزاتو سترې نندارې لپاره په خپل نوع کې بې ساري د نړیوال ځانګړي ځواکونو نندارې او کنفرانس (SOFEX) 13ام تکرار په 2022 اکتوبر کې د اردن امن کې د پاچا عبدالله دوه هوایی ډګر کې د جلالتمآب پاچا عبدالله دوه ابن الحسین د ملاتړ لاندې ترسره شو.
SOFEX 2022 د 38 هیوادونو څخه سلګونه نظامي پلاوي او د 300 څخه ډیر نندار چیان جلب کړل، چې د 13 څخه ډیرو نړیوالو غرفو کې یې خپل تولیدات او سیسټمونه نندارې ته وړاندې کړل.
په لومړۍ ورځ، چې عمومآ د مینځني ختیځ د ځانګړي عملیاتو قوماندانانو کنفرانس (MESOC) ته ځانګړې شوي وي، د اردن د وسله والو ځواکونو – د عرب اردو مشر تورن جنرال یوسف الحنایتي د ګډون کونکو هرکلی وکړ او په سیمه او نړۍ کې د امنیتي پراختیاو هم مهاله ساتلو لپاره د ځانګړي ځواکونو عملیاتو لپاره اهمیت باندې یې تاکید وکړ.
په MESOC کې، د بیلابیلو هیوادونو څخه د ځانګړي عملیاتو افسرانو او ماهرینو ملاقات وکړ او په ډیر شمیر موضوعاتو باندې وغږیدل.
هغوی د راپورته کیدونکي ګواښونو سره مخ کیدو لپاره د نړیوال ځانګړي عملیاتو ځواکونو (SOF) ټولنه کې د همکارۍ برخې شامل کړې؛ د تاوتریخجن افراطي سازمانونو سره مبارزه کې د SOF رول؛ په پیچلي امنیتي چاپیریالونو کې د SOF وړتیا؛ په مینځني ختیځ کې د SOF اجرا کې د لوی ځواک سیالۍ اغیزه؛ د لیدنې، بورډ، لټون او ضبط عملیات؛ او د مجازي بریدونو سره د مبارزې څرنګوالی.
SOFEX په کال 1996 کې تاسیس شوی او هر یو کال وروسته په لاره اچول کیږي. د دې موخه په مینځني ختیځ/شمالي افریقا سیمه کې د ننګونو او ګواښونو په ګوته کولو لپاره د نظرونو، لیدلورو، نوښتونو، شرایطو او فرصتونو شریکول دي.
سرچینې: sofexjordan.com ،Ad-Dustour
Comments are closed.