دەستەی “یونیپاس”
هێزەکانی ئاسایشی لوبنان چالاکیەکی گەورەی بازرگانیکردن بە ماددەی هۆشبەریان پەکخست لە هەڵمەتێکدا بۆ سەر ماڵی بازرگانی خاوەن ماددەی هۆشبەر بە ئۆپراسیۆنێکی لەناکاو لە ناوچەی مەتن، پارێزگای چیای لوبنان، و هەرێمی کەسەروان، پارێزگای کەسرەوان- جبێل.
بڕێکی زۆر پارە، کەرەستەی پێچانەوە و بڕێکی زۆر لە کۆکاینی هاوردەکراو لە هەڵمەتی گەڕانەکەدا لە ماڵی بازرگانی خاوەن ماددەی هۆشبەر دەستیان بەسەردا گیران.
هێزەکانی ئاسایشی لوبنان مێژوویەکی درێژیان هەیە لە دەستگیرکردنی بازرگانانی ماددەی هۆشبەر و جوتیارانی بەروبومی نایاسایی. لە ماوەی ناسەقامگیری و گێژاو بەهۆی شەری ناوخۆە لە ساڵانی 1975 بۆ 1990، میلیشیاکان بە ڕادەیەکی زۆر فرۆشتنی ماددەی هۆشبەریان بەکاردەهێنا بۆ زیادکردنی هێز و هەژموونیان.
لە ماوەی ئەو ساڵانەی گێژاوی سیاسی، دۆڵی بەقاعی لوبنان ساڵانە 1,000 تەن لە حشیش و 50 تەن لە ئۆپیۆم بۆ دروستکردنی هێرۆین بەرهەمدەهێنا.
سەڕەڕای سەرکەوتنی لوبنان لە ڕاگرتنی بازرگانی نایاسایی لە ماوەی ساڵانی شەڕی ناوخۆ، بەڵام سەرهەڵدانی جەنگ لە سوریا لە ساڵی 2011 بووە هۆی سەرهەڵدانەوەی بەرهەمهێنانی ماددە هۆشبەرەکان. لە هەرێمەکانی سەر سنوری سوریا، تاوانباران چالاکییەکانیان لەسەر مەودای پیشەسازیکردن دەستپێکرد. خاکی بەپیت و ژینگەی گونجاو وای لە دۆڵی بەقاع کردووە ببێتە شوێنێکی نمونەیی بەپیت بۆ چاندنی حەشیش.
هێزەکانی ئاسایشی لوبنان جارێکی تر بەرپەرچیان دایەوە. هەرە بەرچاوترین دەستبەسەرداگرتنی ماددەی هۆشبەر بریتی بوو لە دۆزینەوەکەی ساڵی 2020 کە 25 تەن حەشیش دەگوێزرایەوە بۆبەندەری بەیروت بۆ هەناردەکردن بەرەو ئەفریقا.
لە ساڵی 2018، هێزی ئاسایش عەلی زەید ئیسماعیل، بازرگانی خاوەن ماددەی هۆشبەری بەدناو، و حەوت کەسی تریان لە ڕوداوێکی تەقەکردن لەگەڵ یەکەیەکی سوپای لوبنان لە شارۆچکەی حەمودییە لە باکوری ڕۆژهەڵاتی لوبنان کوشت.
سەرچاوەکان: ئەلعەرەبیە، ئەلجەزیرە