|
Getting your Trinity Audio player ready...
|
دەستەی یونیپاس
بە بنیاتنانی چەند ساڵەی هەماهەنگیی سەربازی، ئەمریکا و کازاخستان دەتوانن هەماهەنگییەکانیان لە بوارەکانی ئابووری، سیاسی و دیپلۆماسی فراوانتر بکەن.
دێریک چۆلێت، ڕاوێژکاری وەزارەتی دەرەوەی ئەمریکا، لە چاوپيکەوتنێکدا لەگەڵ ڕاگەیاندنی کازاخستان باسی لە پەرەسەندنی پەیوەندییەکانی نێوان هەردوو وڵات کرد.
”کازاخستان بۆ ماوەیەکی درێژە لە پرسەکانی ڕێگریکردن لە بڵاوبوونەوەی ئەتۆمی، چەکداماڵین، پاراستنی ئاشتی و گەڕاندنەوەی کازاخییەکان لە سوریا هاوبەشمان بووە،” چۆلێت ڕایگەیاند.
ناوبراو ئەوەشی ڕایگەیاند: “ئێمە دەبینین هەماهەنگییەکەمان لە دەرەوەی هەماهەنگی سەربازیدا گەشەدەکات. ئەمە بریتییە لە هەماهەنگیی دیپلۆماسی، ئابووری و سیاسی.”
چۆلێت خواستی ئەمریکای لە پەرەپێدانی بەرنامەی C5+1 دەربڕی، کە پێنج دەوڵەتی ئاسیای ناوەڕاست و ئەمریکا لەخۆدەگرێت و وەکو سەکۆیەکی ئاسایشی و دیپلۆماسی لە نێوانیاندا خزمەت دەکات.
وەکو هەنگاوی داهاتوو بە ئاڕاستەی قوڵکردنەوەی پەیوەندییەکان لە نێوان کازاخستان و ئەمریکا، یاریدەدەری وەزیر بۆ کاروباری ئاسیای ناوەڕاست و باشوری ئاسیا دۆناڵد لو لە واشنتۆنی پایتەخت بۆ گفتوگۆی ساڵانەی هاوبەشیی ستراتیژیی پەرەپێدراوی ئەمریکا و کازاخستان، پێشوازی لە شاندێکی دیپلۆماسیی کازاخی بە سەرکردایەتی جێگری یەکەمی وەزیری دەرەوەی کازاخستان کایرات عومەرۆڤ کرد.
لو پاڵپشتیی بەردەوامی ئەمریکای بۆ پاراستنی سەربەخۆیی کازاخستان و چاکسازییە ناوخۆییەکانی سەرۆک قاسم جۆمارت تۆکایێڤ دەربڕی. هەردوولا جەختیان لەسەر پابەندبوونی خۆیان بۆ ئەنجامدانی گفتوگۆی ساڵانەی دوولایەنە و بەردەوامیدان بە سەردانە دیپلۆماسییەکان لەسەر ئاستی باڵا لە 2023، کردەوە.
سەرچاوەکان: Kaztag.kz، وەزارەتی دەرەوەی ئەمریکا