تورن جنرال چارلس مور، د متحده آیالاتو د مجازي قوماندې مرستیال قوماندان
په2020 نومبر کې، د 158 میلیون څخه ډیرو امریکایانو زموږ ملي ټاکنو کې رایه ورکړه. دا چې زموږ دموکراتیک جمهوریت لپاره رایه ورکول بنسټ دی، امریکایان باید اعتماد ولري چې زموږ د ټاکنو پروسې او پایلې د بهرنۍ مداخلې څخه پاکې دي او دا چې په رایه ورکونکو د اغیزې لپاره بهرنۍ پټې هڅې له مینځه وړل شوي دي. څلور کلونه مخکې، مخرب مجازي لوبغاړو هڅه وکړه په مجازي فضا کې د عملیاتو په کارولو سره رایه ورکونکو باندې اغیزه وکړي.
د 2018 او 2020 کلونو د ملي ټاکنو پرمهال د ورته فعالیتونو مخنیوي ته ژمن، د متحده آیالاتو حکومت کې ادارو د ګواښونو پیژندلو، معلوماتو شریکولو او د کړنو همغږي کولو لپاره یو د متقابل عمل او تعاوني ټیم جوړ کړ. پدې ادارو کې د مجازي امنیت او زیربنا امنیت اداره، د فدرال د تحقیقاتو دفتر، د ملي امنیت اداره، او د متحده آیالاتو دمجازي قومانده شامل و.
علاوه لدې، ټیم د خپلو هڅو پرمخ وړلو لپاره د متحد هیوادونو او د صنعت شریکانو سره له نږدې کار وکړ. دا د جمعي دفاع د نوعیت یو مثال دی چې په ټوله کې زموږ د دموکراتیکو پروسو او ملت خوندیتوب لپاره اړین دی.
په مجازي فضا کې زموږ د ملت دفاع کولو لپاره، د متحده آیالاتو د مجازي فضا قومانده د “مخته دفاع” ستراتیژیک او عملیاتي طریقه پلي کوي. د مجازي فضا برخې د میراثي نړیوال څرنګوالي له امله، زموږ ملت ته د ګواښونو اکثریت په بهرنۍ مجازي فضا کې راپیدا کیږي چې د سرې فضا په نوم هم پیژندل کیږي. د 21مې پیړۍ ګواښونو سره مبارزه کول سرعت او چالاکۍ – او مشارکتونو ته اړتیا لري ــ ترڅو په سره فضا کې دښمنان ولټوي او پیدا کړي مخکې لدې چې هغوی وکولی شي متحده آیالاتو او د متحد ډیټا سیسټمونو، وسلو سیسټمونو او شبکو ته زیان ورسوي.
په ساده ټکو کې، موږ غواړو د غشو څخه د ځان بچ کولو پرځای غشه ویشتونکی په نښه کوو. زموږ د عملیاتو پرمهال راټولیدونکي استخبارات هم ادارو او شریکانو او متحدینو سره شریکیږي ترڅو د ممکن ګواښونو عام وضعیتي پوهاوی رامینځته، د هڅو عالي یووالی شونی شي او یو متحد او هم مهاله شوی ځواب شونی شي.
د جګړې نورو برخو کې زموږ د هڅو سره ورته، یووالی په مجازي فضا کې زموږ بریا لپاره مهم دی، او مشارکتونه د دې هڅې لپاره لازم دي. دا حیرانونکی ندی، د همدې لپاره، مشارکت د متحده آیالاتو د ملي دفاع ستراتیژي او د متحده آیالاتو د مجازي فضا قوماندې د ستراتیژیک لیدلوري خورا مهمه برخه ده. دا چې مجازي فضا د عصري ټولنې ټولو برخو کې شتون لري، د دې دفاع کولو ته د “نهایی ټیمي ورزش” په توګه کتل کیږي. دا خورا مهم دي چې موږ په حکومت کې زموږ شراکتونه رامینځته کړو، وده ورکړو او ستر یې کړو ترڅو په دایمي او تعاوني هڅو کې ټلوالي، صنعتونه، او اکاډمیک برخه شامل کړو.
یوه لاره چې د متحده آیالاتو د مجازي فضا قومانده پکې د جمعي دفاع کاري چوکاټ لاندې مشارکتونه رامینځته کوي هغه د ښکار مخکښ عملیات (ایچ.ایف.او) دي. د یوه شریک هیواد په بلنه، موږ د مهارت لرونکي مجازي فضا جنګیالیو ټیم ګومارو څوک چې د شریک شبکو کې د ناوړه مجازي فعالیتونو ښکار کولو کې تخصص لري. د دې هڅې په لړ کې، زموږ مجازي ټیمونه ارزښت لرونکي اطلاعات راټولوي او زموږ خپلو شبکو ته احتمالي ګواښونه په ګوته کوي پداسې حال کې چې په هم مهاله ډول کوربه هیواد ته وړتیا ورکوي د خپلې شبکې دفاع او مقاومت ښه کړي.
د هرځل ښکار مخکښ عملیاتو په پایله کې، ټیم کوربه هیواد ته د هغوی د عیبونو او همدارنګه د خپلو شبکو د هیکینګ څخه مخنیوي لپاره ستراتیژیانو په اړه یو راپور لیږي. کوم معلومات چې ټیم د دښمن تاکتیکونو، تخنیکونو او طرزالعملونو (ټي.ټي.پي) په اړه راټولوي، همدارنګه د ملویر برید شواهد د سیسټمونو مشکل سره مخ کولو لپاره، د نړیوال مجازي امنیت شرکت سره هم شریکیږي. په ځینې مواردو کې، د ښکار مخکښ عملیاتو د ملویر داسې بیلګې رانیولې چې د متحده آیالاتو د مجازي فضا قومانده یې په عام ډول ښکاره کولی شي ترڅو کورنۍ او ملګرې شبکې په غوره ډول وکړی شي د راتلونکي سازشونو پر وړاندې غوره دفاع وکړي. د ښکار مخکښ عملیات په 2018 کې زموږ د ټاکنو د دفاع هڅو په لړ کې پیل شو او اوس په ټوله نړۍ کې ترسره کیږي.
د جمعي دفاع لپاره زموږ د مشارکتونو ښه کولو یوه اضافي لاره د همکارۍ وړتیا او د چمتو والي رامینځته کول دي. لکه د نورو نظامي عملیاتو په څیر، دا خورا مهم دي چې متحد او ملګري هیوادونه په دوامداره ډول یوځای روزنه وکړي ترڅو د یوبل پیاوړتیاو، ضعفونو او د تاکتیکونو، تکنیکونو او طرزالعملونو سره اشنا شي. زموږ موخه یو موټی یوځای فعالیت کول دي.
په 2021 نومبر کې، د متحده آیالاتو مجازي فضا قوماندې تر نن نیټې پورې خپل د تر ټولو ستر ګډ او څو میلیتي مجازي تمرین، سایبر فلیګ 1-21 کوربه توب وکړ. د تمرینونو دا لړۍ د 23 هیوادونو څخه د 200 څخه ډیر د مجازي جنګیالیو دفاعي مهارتونه او وړتیاوې د ننګونکي مجازي فضا سناریو سره د هغوی د مخ کولو په واسطه ازموي او وده ورکوي. دې تمرینونو سره، موږ د ائتلاف لازمي کیفیتونه پیاوړي کوو ـــ سرعت، دقت، چالاکي او د هڅو یووالی ــ ترڅو په جمعي ډول زموږ د هیوادونو دفاع وکړي.
په مجازي فضا کې کافي دفاع د خصوصي صنعت سره نږدې مشارکت ته هم اړتیا لري. د متحده آیالاتو د مجازي فضا قومانده د دوه لومړني پروګرامونو له لارې د خصوصي سیکتور سره راکړه ورکړه کوي: د مشورې لاندې او ډریم پورټ. د مشورې لاندې یو ښکاره، رضاکار او دوه اړخیز ګټور د خصوصي سیکتور د معلوماتو شریکولو پروګرام دی. ډریم پورټ یو غیر محرم د نوښت مرکز دی چې له مخې د متحده آیالاتو د مجازي فضا قومانده د مجازي امنیت ستونزو ته د نوښتي حلونو وړاندې کولو او د نظرونو شریکولو لپاره د دې صنعت غړو او د اکاډمیا سره راکړه ورکړه کوي. دواړه پروګرامونه په مجازي فضا کې زموږ د هیواد دفاع لپاره مستقیم د متحده آیالاتو د مجازي فضا قوماندې وړتیا کې ونډه لري او د طرحې او مقیاس له مخې ودې ته دوام ورکوي.
ډریم پورټ د هغه لارو څخه یوازې یوه لاره ده چې د متحده آیالاتو مجازي فضا قومانده د اکاډمیا سره زموږ شراکتونو باندې په کاروي. دې قوماندې پدې وروستیو کې د 91 نهادونو سره د اکاډمیک بوختیا رسمي شبکه تاسیس کړې. دا شبکه به تکنیکي ننګونو ته نوښتي حلونو په اړه همکاري شونې کړي، د مخرب مجازي لوبغاړو په اړه نوي تحلیلي لیدلوري، او زموږ جمعي دفاع هڅې ملاتړ کوي. دا شبکه به شته نظامي او ملکي مجازي امنیت بستونو کې د خدمت کولو په موخه د زده کونکو لپاره د فرصتونو راښکاره کولو په واسطه د کاري ځواک ګومارنه هم ښه کړي.
په نهایت کې، د متحده آیالاتو د دفاع وزارت شبکو او زموږ د هیواد دفاع وړتیا په ټوله کې د مخرب مجازي لوبغاړو پر وړاندې جمعي طریقې ته اړتیا لري. دا جمعي طریقه د حکومتي ادارو، زموږ د متحدینو، صنعت او اکاډمیا ترمینځ نږدې مشارکت ته اړتیا لري.
په یو موټی او چټک ډول د معلوماتو شریکولو، یوځای په دوامداره ډول د عملیاتو روزنې او پرمخ وړلو، او زموږ ټولو د مجازي امنیت ننګونو ته د نوښتي طریقو لپاره زموږ وړتیا په 21مه پیړۍ کې د مجازي امنیت او د دفاع لپاره زموږ ماموریت په بریالیتوب سره اجرا کولو وړتیا لپاره حیاتي ده.
Comments are closed.