سمندري ځواک چمتوالی لري

یونیپث‭ ‬کارکونکی

یونیپث‭:‬‭ ‬د‭ ‬اردن‭ ‬شاهي‭ ‬بحریه‭ ‬دندې‭ ‬شرح‭ ‬کړئ؟

ډګروال‭ ‬الجراح‭:‬‭ ‬شاهي‭ ‬بحري‭ ‬ځواک‭ ‬د‭ ‬اردن‭ ‬د‭ ‬وسله‭ ‬وال‭ ‬ځواکونو‭ ‬درې‭ ‬څانګو‭ (‬ځمکه،‭ ‬هوا‭ ‬او‭ ‬بحر‭) ‬څخه‭ ‬یوه‭ ‬ده‭ ‬او‭ ‬د‭ ‬ملي‭ ‬دفاع‭ ‬سیسټم‭ ‬د‭ ‬غبرګ‭ ‬رول‭ ‬په‭ ‬لوبولو‭ ‬سره‭ ‬بشپړوي‭ ‬–‭ ‬د‭ ‬بحري‭ ‬ځواک‭ ‬نظامي‭ ‬رول‭ ‬او‭ ‬د‭ ‬ساحلي‭ ‬ګارد‭ ‬تشکیلاتي‭ ‬او‭ ‬امنیتي‭ ‬رول‭. ‬دا‭ ‬اصلي‭ ‬بحري‭ ‬ځواک‭ ‬ګڼل‭ ‬کیږي‭ ‬او‭ ‬د‭ ‬اردن‭ ‬د‭ ‬بحري‭ ‬امنیت‭ ‬اصلي‭ ‬مسؤلیت‭ ‬په‭ ‬غاړه‭ ‬لري،‭ ‬داسې‭ ‬یو‭ ‬ماموریت‭ ‬چې‭ ‬دا‭ ‬یې‭ ‬د‭ ‬یوشمیر‭ ‬دندو‭ ‬په‭ ‬لړ‭ ‬کې‭ ‬ترسره‭ ‬کوي‭. ‬پدې‭ ‬کې‭ ‬د‭ ‬نفوذ‭ ‬او‭ ‬قاچاق‭ ‬مخنیوي‭ ‬لپاره‭ ‬د‭ ‬اردن‭ ‬د‭ ‬بحري‭ ‬پولو‭ ‬د‭ ‬ساتنې‭ ‬او‭ ‬محافظت‭ ‬لپاره‭ ‬ګزمې‭ ‬کول،‭ ‬د‭ ‬عصري‭ ‬تجهیزاتو‭ ‬سره‭ ‬د‭ ‬وړ‭ ‬او‭ ‬روزل‭ ‬شوي‭ ‬تفتیشي‭ ‬ټیمونو‭ ‬په‭ ‬واسطه‭ ‬پرمخ‭ ‬وړل‭ ‬کیدونکي‭ ‬بحري‭ ‬تفتیشونه،‭ ‬په‭ ‬سیمه‭ ‬ییزو‭ ‬اوبو‭ ‬کې‭ ‬د‭ ‬سرغړونو‭ ‬کشف‭ ‬او‭ ‬مخنیوی،‭ ‬د‭ ‬تصویب‭ ‬شوي‭ ‬قوانینو‭ ‬تطبیق‭ ‬او‭ ‬د‭ ‬بحري‭ ‬عملیاتو‭ ‬مرکز‭ ‬له‭ ‬لارې‭ ‬په‭ ‬عقبه‭ ‬کې‭ ‬د‭ ‬ملکي‭ ‬او‭ ‬نظامي‭ ‬تاسیساتو‭ ‬او‭ ‬حساس‭ ‬اهدافو‭ ‬څارنه‭ ‬شامل‭ ‬دي،‭ ‬علاوه‭ ‬لدې‭ ‬په‭ ‬سیمه‭ ‬ییزو‭ ‬اوبو‭ ‬کې‭ ‬د‭ ‬لټون‭ ‬او‭ ‬ژغورنې‭ ‬عملیات‭ ‬او‭ ‬د‭ ‬بحر‭ ‬د‭ ‬ککړتیا‭ ‬پر‭ ‬وړاندې‭ ‬محافظت‭ ‬چارې‭ ‬پرمخ‭ ‬وړي‭.‬

یونیپث‭:‬‭ ‬د‭ ‬اردن‭ ‬بحري‭ ‬ځواک‭ ‬په‭ ‬سور‭ ‬سمندرګي‭ ‬کې‭ ‬د‭ ‬بحري‭ ‬امنیت‭ ‬کومو‭ ‬ننګونو‭ ‬سره‭ ‬مخ‭ ‬کیږي؟

ډګروال‭ ‬الجراح‭:‬‭ ‬هغه‭ ‬ننګوونې‭ ‬چې‭ ‬د‭ ‬اردون‭ ‬بحري‭ ‬ځواک‭ ‬ورسره‭ ‬په‭ ‬سور‭ ‬سمندرګي‭ ‬کې‭ ‬د‭ ‬اردن‭ ‬د‭ ‬بحر‭ ‬امنیت‭ ‬ساتنې‭ ‬کاري‭ ‬چوکاټ‭ ‬کې‭ ‬مخ‭ ‬کیږي‭ ‬بیلابیل‭ ‬بڼې‭ ‬لري‭. ‬پدې‭ ‬کې‭ ‬د‭ ‬غیردودیز‭ ‬څرنګوالي‭ ‬ننګوونې‭ ‬هم‭ ‬شامل‭ ‬دي،‭ ‬لکه‭ ‬تروریزم،‭ ‬کوم‭ ‬چې‭ ‬بیلابیل‭ ‬بڼې‭ ‬خپلوي‭ ‬لکه‭ ‬په‭ ‬کښتیو‭ ‬او‭ ‬بندر‭ ‬بریدونه‭ ‬همدارنګه‭ ‬سمندري‭ ‬غلاوې،‭ ‬چې‭ ‬د‭ ‬بار‭ ‬وړلو‭ ‬خوندیتوب‭ ‬ګواښي،‭ ‬او‭ ‬پدې‭ ‬وروستیو‭ ‬کې‭ ‬د‭ ‬کرونا‭ ‬ویروس‭ ‬بحران‭ ‬د‭ ‬بحري‭ ‬ټرانسپورټ‭ ‬عملیاتو‭ ‬باندې‭ ‬سیوری‭ ‬غوړولی‭ ‬دی‭. ‬دې‭ ‬ننګونو‭ ‬څخه‭ ‬ځینې‭ ‬دودیز‭ ‬امنیتي‭ ‬اړخ‭ ‬لري،‭ ‬لکه‭ ‬نفوذ‭ ‬او‭ ‬د‭ ‬بحري‭ ‬پولو‭ ‬څخه‭ ‬راتیریدل‭ ‬او‭ ‬د‭ ‬قاچاق‭ ‬ټول‭ ‬ډولونه،‭ ‬پداسې‭ ‬حال‭ ‬کې‭ ‬چې‭ ‬ځینې‭ ‬ننګوونې‭ ‬ځانګړې‭ ‬دي،‭ ‬لکه‭ ‬بحري‭ ‬پیښې‭ ‬او‭ ‬ناورینونه،‭ ‬د‭ ‬کښتیو‭ ‬او‭ ‬بندر‭ ‬اورونه،‭ ‬د‭ ‬بحر‭ ‬ککړتیا‭ ‬او‭ ‬ضربتي‭ ‬عمل‭. ‬د‭ ‬دې‭ ‬ننګونو‭ ‬په‭ ‬پام‭ ‬کې‭ ‬نیولو‭ ‬سره،‭ ‬د‭ ‬بحري‭ ‬امنیت‭ ‬تامینونکي‭ ‬ټولې‭ ‬ادارې‭ ‬باید‭ ‬خپله‭ ‬همغږي،‭ ‬بسیا‭ ‬او‭ ‬چمتو‭ ‬والی‭ ‬ډیر‭ ‬کړي‭.‬

یونیپث‭:‬‭ ‬ملګري‭ ‬هیوادونه‭ ‬د‭ ‬اردون‭ ‬بحري‭ ‬ځواک‭ ‬پراختیا‭ ‬کې‭ ‬څنګه‭ ‬مرسته‭ ‬کولی‭ ‬شي؟‭ ‬کوم‭ ‬ډول‭ ‬کښتۍ‭ ‬او‭ ‬تجهیزاتو‭ ‬ته‭ ‬اړتیا‭ ‬ده؟

ډګروال‭ ‬الجراح‭:‬‭ ‬نړیوال‭ ‬او‭ ‬سیمه‭ ‬ییز‭ ‬مشارکت‭ ‬پرته‭ ‬لکه‭ ‬شک‭ ‬د‭ ‬ګډو‭ ‬کورسونو‭ ‬او‭ ‬تمرینونو‭ ‬له‭ ‬لارې‭ ‬د‭ ‬روزنې‭ ‬او‭ ‬مهارت‭ ‬ترلاسه‭ ‬کولو‭ ‬په‭ ‬برخه‭ ‬کې‭ ‬د‭ ‬اردن‭ ‬بحري‭ ‬ځواک‭ ‬وړتیاو‭ ‬پراخولو‭ ‬کې‭ ‬ستر‭ ‬رول‭ ‬لوبولی‭ ‬دی‭. ‬هغوی‭ ‬همدارنګه‭ ‬د‭ ‬لازمي‭ ‬عالي‭ ‬ځانګړتیاو‭ ‬تجهیزاتو‭ ‬سره‭ ‬د‭ ‬سیمه‭ ‬ییزو‭ ‬اوبو‭ ‬څخه‭ ‬بهر‭ ‬د‭ ‬عملیاتو‭ ‬وړتیا‭ ‬لرونکي‭ ‬کښتیو‭ ‬د‭ ‬شتون‭ ‬په‭ ‬برخه‭ ‬کې‭ ‬د‭ ‬اردن‭ ‬بحري‭ ‬ځواک‭ ‬اړتیاوې‭ ‬پوره‭ ‬کړي‭ ‬دي،‭ ‬کوم‭ ‬چې‭ ‬د‭ ‬چټک‭ ‬غبرګون‭ ‬وړتیا‭ ‬ښه‭ ‬کولو‭ ‬او‭ ‬د‭ ‬بیړني‭ ‬غبرګون‭ ‬وخت‭ ‬راکمولو‭ ‬ظرفیت‭ ‬لري‭. ‬هیره‭ ‬دې‭ ‬نه‭ ‬وي‭ ‬چې‭ ‬دې‭ ‬د‭ ‬77ام‭ ‬بحري‭ ‬کنډک‭ ‬وړتیاوې‭ ‬پراخې‭ ‬کړي‭ ‬دي‭ ‬چې‭ ‬کولی‭ ‬شي‭ ‬خپلې‭ ‬دندې‭ ‬ترسره‭ ‬کړي‭. ‬پدې‭ ‬ساحه‭ ‬کې‭ ‬د‭ ‬اردن‭ ‬بحري‭ ‬ځواک،‭ ‬د‭ ‬متحده‭ ‬آیالاتو‭ ‬بحري‭ ‬ځواک‭ ‬او‭ ‬د‭ ‬متحده‭ ‬آیالاتو‭ ‬بحري‭ ‬قل‭ ‬اردو‭ ‬ترمینځ‭ ‬نږدې‭ ‬همکاري‭ ‬د‭ ‬یادونې‭ ‬وړ‭ ‬ده‭.‬

یونیپث‭:‬‭ ‬آیا‭ ‬د‭ ‬عقبه‭ ‬خلیج‭ ‬سره‭ ‬پوله‭ ‬لرونکي‭ ‬هیوادونو‭ ‬ترمینځ‭ ‬امنیتي‭ ‬همکاري‭ ‬شتون‭ ‬لري؟

ډګروال‭ ‬الجراح‭:‬‭ ‬ښکاره‭ ‬ده‭ ‬چې‭ ‬د‭ ‬اردن‭ ‬بحري‭ ‬امنیت‭ ‬ساتلو‭ ‬دنده‭ ‬د‭ ‬عقبه‭ ‬خلیج‭ ‬سره‭ ‬پوله‭ ‬لرونکي‭ ‬هیوادونو‭ ‬سره‭ ‬د‭ ‬لوړې‭ ‬کچې‭ ‬همکارۍ‭ ‬او‭ ‬همغږۍ‭ ‬ته‭ ‬اړتیا‭ ‬لري‭. ‬دا‭ ‬د‭ ‬نړیوال‭ ‬بار‭ ‬وړلو‭ ‬لیکو‭ ‬لپاره‭ ‬د‭ ‬اردن‭ ‬یوازینی‭ ‬بحري‭ ‬بندر‭ ‬دی‭ ‬او‭ ‬البته‭ ‬چې‭ ‬دلته‭ ‬د‭ ‬ارتباطي‭ ‬افسرانو‭ ‬او‭ ‬دوره‭ ‬ای‭ ‬امنیتي‭ ‬ناستو‭ ‬له‭ ‬لارې‭ ‬د‭ ‬دې‭ ‬هیوادونو‭ ‬ترمینځ‭ ‬امنیتي‭ ‬همکاري‭ ‬جریان‭ ‬لري‭. ‬دا‭ ‬همغږي‭ ‬او‭ ‬همکاري‭ ‬د‭ ‬بحري‭ ‬تمریناتو‭ ‬په‭ ‬بڼه‭ ‬د‭ ‬دې‭ ‬هیوادونو‭ ‬کې‭ ‬ترسره‭ ‬کیږي‭.‬

یونیپث‭:‬‭ ‬ګډ‭ ‬سیمه‭ ‬ییز‭ ‬او‭ ‬نړیوال‭ ‬بحري‭ ‬تمرینونه‭ ‬څومره‭ ‬مهم‭ ‬دي؟

ډګروال‭ ‬الجراح‭:‬‭ ‬د‭ ‬دوه‭ ‬اړخیز‭ ‬او‭ ‬څو‭ ‬اړخیز‭ ‬بحري‭ ‬تمرینونو‭ ‬ترسره‭ ‬کول‭ ‬د‭ ‬بحري‭ ‬ځواکونو‭ ‬ترمینځ‭ ‬د‭ ‬اړینې‭ ‬کچې‭ ‬همکارۍ‭ ‬او‭ ‬همغږۍ‭ ‬ترلاسه‭ ‬کولو‭ ‬کې‭ ‬مهم‭ ‬رول‭ ‬لوبوي‭. ‬دا‭ ‬پدې‭ ‬تمرینونو‭ ‬کې‭ ‬د‭ ‬دخیل‭ ‬ځواکونو‭ ‬اغیزمنتیا‭ ‬او‭ ‬وړتیا‭ ‬باندې‭ ‬مثبت‭ ‬اغیزه‭ ‬کوي‭. ‬علاوه‭ ‬لدې،‭ ‬دا‭ ‬د‭ ‬ټولو‭ ‬اړخونو‭ ‬مهارت‭ ‬ترلاسه‭ ‬کولو‭ ‬او‭ ‬د‭ ‬مهارتونو‭ ‬تبادله‭ ‬کولو‭ ‬کې‭ ‬ونډه‭ ‬لري‭ ‬ترڅو‭ ‬دواړه‭ ‬په‭ ‬سیمه‭ ‬ییز‭ ‬او‭ ‬نړیواله‭ ‬کچه‭ ‬د‭ ‬بحري‭ ‬ځواکونو‭ ‬لخوا‭ ‬کارول‭ ‬کیدونکي‭ ‬طرحې‭ ‬او‭ ‬طرزالعملونه‭ ‬په‭ ‬لوړه‭ ‬اندازه‭ ‬متحد‭ ‬او‭ ‬یو‭ ‬ډول‭ ‬شي‭.‬

یونیپث‭:‬‭ ‬د‭ ‬ګډو‭ ‬بحري‭ ‬ځواکونو‭ ‬د‭ ‬برخې‭ ‬په‭ ‬توګه،‭ ‬اردن‭ ‬پدې‭ ‬ائتلاف‭ ‬کې‭ ‬د‭ ‬نورو‭ ‬34‭ ‬هیوادونو‭ ‬له‭ ‬ډلې‭ ‬د‭ ‬ځینو‭ ‬د‭ ‬تجربو‭ ‬څخه‭ ‬څنګه‭ ‬ګټه‭ ‬پورته‭ ‬کړې‭ ‬ده؟

ډګروال‭ ‬الجراح‭:‬‭ ‬په‭ ‬2009‭ ‬کال‭ ‬کې‭ ‬د‭ ‬ګډو‭ ‬بحري‭ ‬ځواکونو‭ ‬د‭ ‬تاسیس‭ ‬راهیسې،‭ ‬د‭ ‬اردن‭ ‬شاهي‭ ‬بحري‭ ‬ځواک‭ ‬یې‭ ‬فعال‭ ‬غړی‭ ‬دی‭. ‬دې‭ ‬دخالت‭ ‬د‭ ‬اردن‭ ‬د‭ ‬بحري‭ ‬ځواک‭ ‬اغیزمن‭ ‬رول‭ ‬او‭ ‬مثالي‭ ‬انځور‭ ‬څرګند‭ ‬کړی‭ ‬دی،‭ ‬او‭ ‬پرته‭ ‬له‭ ‬شک‭ ‬د‭ ‬اردن‭ ‬بحري‭ ‬ځواک‭ ‬سطحې‭ ‬پراختیا‭ ‬کې‭ ‬د‭ ‬ائتلاف‭ ‬هیوادونو‭ ‬څخه‭ ‬د‭ ‬ګډون‭ ‬کونکو‭ ‬سره‭ ‬د‭ ‬مهارت‭ ‬او‭ ‬تجربې‭ ‬د‭ ‬تبادلې،‭ ‬د‭ ‬نړیوالو‭ ‬بحري‭ ‬ځواکونو‭ ‬د‭ ‬کار‭ ‬لارو‭ ‬چارو‭ ‬سره‭ ‬د‭ ‬ځان‭ ‬اشنا‭ ‬کولو،‭ ‬او‭ ‬د‭ ‬بحري‭ ‬عملیاتو‭ ‬مدیریت‭ ‬کولو‭ ‬کې‭ ‬د‭ ‬بیلابیل‭ ‬هیوادونو‭ ‬د‭ ‬تجربو‭ ‬په‭ ‬اړه‭ ‬د‭ ‬زده‭ ‬کړې‭ ‬له‭ ‬لارې‭ ‬ونډه‭ ‬درلودلې‭ ‬ده‭. ‬دې‭ ‬کار‭ ‬په‭ ‬خپل‭ ‬وار‭ ‬سره‭ ‬د‭ ‬افسرانو،‭ ‬بریدملانو‭ ‬او‭ ‬د‭ ‬دخیل‭ ‬پرسونل‭ ‬معیارونو‭ ‬باندې‭ ‬مثبت‭ ‬اغیزه‭ ‬کړې،‭ ‬چې‭ ‬د‭ ‬همدې‭ ‬لپاره‭ ‬د‭ ‬اردن‭ ‬بحري‭ ‬ځواک‭ ‬ته‭ ‬د‭ ‬لوړ‭ ‬معیار‭ ‬روزنه،‭ ‬تخصص‭ ‬او‭ ‬مهارتونه‭ ‬وړاندې‭ ‬کیږي،‭ ‬او‭ ‬همدارنګه‭ ‬د‭ ‬نورو‭ ‬هیوادونو‭ ‬څخه‭ ‬د‭ ‬ګډون‭ ‬کونکو‭ ‬سره‭ ‬ملګرتیاوې‭ ‬جوړیږي‭ ‬او‭ ‬د‭ ‬ټولنیز‭ ‬او‭ ‬کلتوري‭ ‬پوهاوي‭ ‬موخې‭ ‬پکې‭ ‬ترلاسه‭ ‬کیږي‭.‬

یونیپث‭:‬‭ ‬د‭ ‬اردن‭ ‬شاهي‭ ‬بحري‭ ‬ځواک‭ ‬کومو‭ ‬تمرینونو‭ ‬کې‭ ‬ګډون‭ ‬کوي،‭ ‬او‭ ‬دا‭ ‬ګډون‭ ‬تاسې‭ ‬ته‭ ‬ولې‭ ‬مهم‭ ‬دی؟

ډګروال‭ ‬الجراح‭:‬‭ ‬د‭ ‬اردن‭ ‬بحري‭ ‬ځواک‭ ‬په‭ ‬درې‭ ‬سطحو‭ ‬کې‭ ‬په‭ ‬بیلابیل‭ ‬تمرینونو‭ ‬کې‭ ‬ښکیل‭ ‬کیږي‭: ‬ځایی‭ ‬او‭ ‬ملي،‭ ‬سیمه‭ ‬ییز،‭ ‬او‭ ‬نړیوال‭. ‬په‭ ‬ځایی‭ ‬سطح،‭ ‬بحري‭ ‬ځواک‭ ‬د‭ ‬خپلو‭ ‬واحدونو‭ ‬ترمینځ‭ ‬د‭ ‬انسجام‭ ‬او‭ ‬همکارۍ‭ ‬د‭ ‬ډیرولو‭ ‬لپاره‭ ‬د‭ ‬بحري‭ ‬قوماندې‭ ‬دننه‭ ‬داخلي‭ ‬تمرینونه‭ ‬په‭ ‬لاره‭ ‬اچوي‭. ‬ځینې‭ ‬تمرینونه‭ ‬او‭ ‬بیلابیل‭ ‬سناریوګانې‭ ‬د‭ ‬نظامي‭ ‬او‭ ‬امنیتي‭ ‬خدمتونو‭ ‬او‭ ‬د‭ ‬بحري‭ ‬ځواک‭ ‬لاندې‭ ‬ځینې‭ ‬ملکي‭ ‬نهادونو‭ ‬په‭ ‬دخالت‭ ‬سره‭ ‬په‭ ‬ملي‭ ‬سطح‭ ‬ترسره‭ ‬کیږي‭. ‬موخه‭ ‬د‭ ‬دې‭ ‬ګروپونو‭ ‬ترمینځ‭ ‬د‭ ‬همکارۍ‭ ‬او‭ ‬همغږۍ‭ ‬د‭ ‬ټاکلې‭ ‬کچې‭ ‬ترلاسه‭ ‬کول‭ ‬او‭ ‬د‭ ‬بحري‭ ‬ناورین‭ ‬د‭ ‬غبرګون‭ ‬وړتیاو‭ ‬ډیرول‭ ‬دي‭. ‬په‭ ‬سیمه‭ ‬ییزه‭ ‬سطح،‭ ‬د‭ ‬اردن‭ ‬بحري‭ ‬ځواک‭ ‬په‭ ‬منظم‭ ‬ډول‭ ‬د‭ ‬عقبه‭ ‬خلیج‭ ‬سره‭ ‬پوله‭ ‬لرونکي‭ ‬هیوادونو‭ ‬سره‭ ‬یوځای‭ ‬بحري‭ ‬تمرینونو‭ ‬کې‭ ‬برخه‭ ‬اخلي‭. ‬په‭ ‬هاشمي‭ ‬شاهي‭ ‬اردن‭ ‬کې‭ ‬د‭ ‬لیوال‭ ‬زمري‭ ‬او‭ ‬نامحدود‭ ‬مدافع‭ ‬په‭ ‬نوم‭ ‬تمرینونه،‭ ‬په‭ ‬مصر‭ ‬کې‭ ‬د‭ ‬روښانه‭ ‬ستوري‭ ‬تمرین‭ ‬او‭ ‬په‭ ‬سعودي‭ ‬عربستان‭ ‬کې‭ ‬د‭ ‬سرې‭ ‬څپې‭ ‬او‭ ‬خوندي‭ ‬ساحل‭ ‬تمرینونه‭ ‬ترسره‭ ‬شوي‭ ‬دي‭. ‬په‭ ‬نړیواله‭ ‬سطح،‭ ‬د‭ ‬اردن‭ ‬بحري‭ ‬ځواک‭ ‬ډیر‭ ‬شمیر‭ ‬نړیوالو‭ ‬بحري‭ ‬تمرینونو‭ ‬کې‭ ‬د‭ ‬فعال‭ ‬ګډون‭ ‬کونکي‭ ‬یا‭ ‬د‭ ‬مشاهده‭ ‬کونکي‭ ‬په‭ ‬حیث‭ ‬تل‭ ‬موجود‭ ‬و‭. ‬پدې‭ ‬کې‭ ‬هیڅ‭ ‬شک‭ ‬نشته‭ ‬چې‭ ‬د‭ ‬دې‭ ‬په‭ ‬څیر‭ ‬دوامداره‭ ‬دایمي‭ ‬حضور‭ ‬د‭ ‬اردن‭ ‬بحري‭ ‬ځواک‭ ‬پرسونل‭ ‬د‭ ‬وروستي‭ ‬بحري‭ ‬عملیاتي‭ ‬مدیریت‭ ‬تخنیکونو‭ ‬سره‭ ‬اشنا‭ ‬کوي،‭ ‬مهارتونه‭ ‬تبادله‭ ‬کوي‭ ‬او‭ ‬لدې‭ ‬لارې‭ ‬تجربه‭ ‬ترلاسه‭ ‬کوي‭.‬

یونیپث‭:‬‭ ‬د‭ ‬متحده‭ ‬آیالاتو‭ ‬بحري‭ ‬قل‭ ‬اردو‭ ‬ستاسې‭ ‬ځواکونو‭ ‬پراختیا‭ ‬کې‭ ‬څنګه‭ ‬مرسته‭ ‬کړې؟

ډګروال‭ ‬الجراح‭:‬‭ ‬د‭ ‬اردن‭ ‬بحري‭ ‬ځواک‭ ‬د‭ ‬77ام‭ ‬بحري‭ ‬کنډک‭ ‬له‭ ‬لارې‭ ‬د‭ ‬متحده‭ ‬آیالاتو‭ ‬بحري‭ ‬ځواکونو‭ ‬سره‭ ‬ځانګړې‭ ‬اړیکې‭ ‬لري‭. ‬دا‭ ‬مشارکت‭ ‬د‭ ‬څو‭ ‬کلونو‭ ‬په‭ ‬لړ‭ ‬کې‭ ‬پلي‭ ‬شوي‭ ‬د‭ ‬ګډ‭ ‬سمون‭ ‬پروګرام‭ ‬کې‭ ‬څرګند‭ ‬شوی‭ ‬او‭ ‬د‭ ‬دفاعي‭ ‬او‭ ‬یرغلیز‭ ‬عملیاتو،‭ ‬د‭ ‬داخلي‭ ‬امنیت‭ ‬عملیاتو‭ ‬لپاره‭ ‬د‭ ‬کنډک‭ ‬د‭ ‬چمتو‭ ‬والي‭ ‬او‭ ‬روزنې‭ ‬سطحې‭ ‬لوړولو‭ ‬کې،‭ ‬او‭ ‬همدارنګه‭ ‬د‭ ‬بحري‭ ‬ځواک‭ ‬ایس‭ ‬ډبلیو‭ ‬ای‭ ‬ټي‭ ‬او‭ ‬د‭ ‬کښتیو‭ ‬د‭ ‬تفتیش‭ ‬ټیمونو‭ ‬روزنه‭ ‬کې‭ ‬ونډه‭ ‬درلودلې‭. ‬باید‭ ‬یادونه‭ ‬وکړم‭ ‬چې‭ ‬د‭ ‬متحده‭ ‬آیالاتو‭ ‬سره‭ ‬د‭ ‬دې‭ ‬مشارکت‭ ‬له‭ ‬لارې،‭ ‬77ام‭ ‬بحري‭ ‬کنډک‭ ‬ته‭ ‬بیلابیل‭ ‬تجهیزات‭ ‬او‭ ‬پیچلي‭ ‬وسایل‭ ‬ورکړل‭ ‬شوي‭ ‬دي‭ ‬چې‭ ‬بحري‭ ‬پیاده‭ (‬مرین‭) ‬برخه‭ ‬کې‭ ‬کارول‭ ‬کیږي‭. ‬د‭ ‬دې‭ ‬مشارکت‭ ‬اهمیت‭ ‬د‭ ‬جاري‭ ‬ګډو‭ ‬دندو‭ ‬او‭ ‬څو‭ ‬سطحو‭ ‬همغږۍ‭ ‬له‭ ‬لارې‭ ‬هم‭ ‬څرګند‭ ‬شوی‭ ‬دی‭. ‬د‭ ‬اردن‭ ‬د‭ ‬بحري‭ ‬قوماندې‭ ‬په‭ ‬توګه،‭ ‬موږ‭ ‬د‭ ‬دواړه‭ ‬اړخونو‭ ‬د‭ ‬ګډو‭ ‬ګټو‭ ‬لپاره‭ ‬د‭ ‬دې‭ ‬مشارکت‭ ‬ساتنه‭ ‬او‭ ‬پراختیا‭ ‬غواړو‭.‬

یونیپث‭:‬‭ ‬د‭ ‬اردن‭ ‬بحري‭ ‬ځواک‭ ‬د‭ ‬اردن‭ ‬هیواد‭ ‬د‭ ‬اوبو‭ ‬خوندي‭ ‬کولو‭ ‬لپاره‭ ‬د‭ ‬نورو‭ ‬وسله‭ ‬وال‭ ‬ځواکونو‭ ‬او‭ ‬امنیتي‭ ‬نهادونو‭ ‬سره‭ ‬څنګه‭ ‬راشه‭ ‬درشه‭ ‬کوي؟‭ ‬

ډګروال‭ ‬الجراح‭:‬‭ ‬د‭ ‬اردن‭ ‬بحري‭ ‬امنیت‭ ‬یو‭ ‬ګډ‭ ‬مسؤلیت‭ ‬دی‭ ‬چې‭ ‬بیلابیل‭ ‬نظامي‭ ‬او‭ ‬امنیتي‭ ‬ادارو،‭ ‬حکومتي‭ ‬نهادونو‭ ‬او‭ ‬بحري‭ ‬فعالیتونو‭ ‬پورې‭ ‬اړوند‭ ‬چارواکو‭ ‬په‭ ‬غاړه‭ ‬دی‭. ‬د‭ ‬همدې‭ ‬لپاره،‭ ‬د‭ ‬اردن‭ ‬بحري‭ ‬ځواک‭ ‬د‭ ‬اردن‭ ‬هیواد‭ ‬د‭ ‬اوبو‭ ‬د‭ ‬ساتنې‭ ‬موخې‭ ‬پوره‭ ‬کولو‭ ‬لپاره‭ ‬د‭ ‬بیلابیل‭ ‬ادارو‭ ‬سره‭ ‬د‭ ‬همکارۍ‭ ‬او‭ ‬همغږۍ‭ ‬اهمیت‭ ‬باندې‭ ‬پوهیږي‭. ‬دا‭ ‬همکاري‭ ‬او‭ ‬همغږي‭ ‬د‭ ‬بحري‭ ‬عملیاتو‭ ‬مرکز‭ ‬سره‭ ‬د‭ ‬معلوماتو‭ ‬د‭ ‬تبادلې‭ ‬په‭ ‬واسطه‭ ‬ښودل‭ ‬شوې،‭ ‬کوم‭ ‬چې‭ ‬د‭ ‬خورا‭ ‬وروستي‭ ‬څارنیز‭ ‬سیسټمونو‭ ‬او‭ ‬پیچلي‭ ‬ارتباطي‭ ‬شبکو‭ ‬سره‭ ‬مجهز‭ ‬شوی‭ ‬دی،‭ ‬او‭ ‬د‭ ‬بحري‭ ‬ناورین‭ ‬غبرګون‭ ‬او‭ ‬د‭ ‬عقبه‭ ‬لپاره‭ ‬امنیتي‭ ‬پلانونه‭ ‬په‭ ‬دوامداره‭ ‬ډول‭ ‬تازه‭ ‬کوي‭. ‬د‭ ‬امنیتي‭ ‬افسرانو‭ ‬او‭ ‬د‭ ‬متخصص‭ ‬ادارو‭ ‬سره‭ ‬هم‭ ‬جاري‭ ‬ارتباط‭ ‬موجود‭ ‬دی،‭ ‬او‭ ‬ګډ‭ ‬بحري‭ ‬تمرینونه‭ ‬په‭ ‬ځایی‭ ‬او‭ ‬ملي‭ ‬سطح‭ ‬ترسره‭ ‬کیږي‭ ‬او‭ ‬ټولې‭ ‬ممکن‭ ‬سناریوګانې‭ ‬د‭ ‬پوښښ‭ ‬لاندې‭ ‬لري،‭ ‬چې‭ ‬د‭ ‬ادارو‭ ‬ترمینځ‭ ‬همغږي‭ ‬ډیروي‭ ‬او‭ ‬د‭ ‬همغږۍ‭ ‬عالي‭ ‬معیار‭ ‬ته‭ ‬د‭ ‬دغو‭ ‬ادارو‭ ‬رسیدو‭ ‬کې‭ ‬ونډه‭ ‬لري‭. ‬

یونیپث‭:‬‭ ‬مهرباني‭ ‬وکړئ‭ ‬د‭ ‬اردن‭ ‬د‭ ‬بحري‭ ‬او‭ ‬سمندري‭ ‬پرسونل‭ ‬لپاره‭ ‬د‭ ‬چمتو‭ ‬والي‭ ‬او‭ ‬روزنې‭ ‬په‭ ‬اړه‭ ‬وغږیږئ؟

ډګروال‭ ‬الجراح‭:‬‭ ‬د‭ ‬اردن‭ ‬بحري‭ ‬ځواک‭ ‬غړي،‭ ‬پشمول‭ ‬د‭ ‬افسران،‭ ‬بریدملان‭ ‬او‭ ‬پرسونل‭ ‬د‭ ‬سرتیرو‭ ‬لومړني‭ ‬نظامي‭ ‬شرایطو‭ ‬سره‭ ‬په‭ ‬لیکه‭ ‬کې‭ ‬د‭ ‬قوي‭ ‬وړتیا‭ ‬او‭ ‬روزنې‭ ‬پروګرام‭ ‬لري‭. ‬پدې‭ ‬کې‭ ‬لومړنۍ‭ ‬روزنه،‭ ‬د‭ ‬وسلو‭ ‬روزنه،‭ ‬نښه‭ ‬ویشتل،‭ ‬لامبو،‭ ‬او‭ ‬د‭ ‬امنیت‭ ‬او‭ ‬پوهاوي‭ ‬روزنه‭ ‬شامل‭ ‬دي‭. ‬دې‭ ‬پسې‭ ‬بیا‭ ‬بحري‭ ‬ځواک‭ ‬لپاره‭ ‬ځانګړې‭ ‬تخصصي‭ ‬بحري‭ ‬او‭ ‬تکنیکي‭ ‬روزنه‭ ‬ده‭ ‬چې‭ ‬بیلابیلو‭ ‬برخو‭ ‬پورې‭ ‬تړاو‭ ‬لري‭. ‬علاوه‭ ‬لدې،‭ ‬دا‭ ‬پرسونل‭ ‬د‭ ‬اردن‭ ‬بحري‭ ‬او‭ ‬امنیتي‭ ‬ادارې‭ ‬انسټیټیوټونو‭ ‬کې‭ ‬د‭ ‬روزنې‭ ‬کورسونو‭ ‬کې‭ ‬برخه‭ ‬اخلي،‭ ‬او‭ ‬همدارنګه‭ ‬بحري‭ ‬ساینس‭ ‬کې‭ ‬تخصص‭ ‬لرونکي‭ ‬ملکي‭ ‬انسټیټیوټونو‭ ‬کې‭ ‬هم‭.‬

یونیپث‭:‬‭ ‬آیا‭ ‬افسران‭ ‬او‭ ‬بریدملان‭ ‬د‭ ‬شاهي‭ ‬اردن‭ ‬څخه‭ ‬دباندې‭ ‬هم‭ ‬روزنې‭ ‬کوي؟

ډګروال‭ ‬الجراح‭:‬‭ ‬د‭ ‬اردن‭ ‬بحري‭ ‬ځواک‭ ‬افسران‭ ‬او‭ ‬بریدملان‭ ‬په‭ ‬یو‭ ‬شمیر‭ ‬بهرني‭ ‬کورسونو‭ ‬کې‭ ‬هم‭ ‬ګډون‭ ‬کوي‭ ‬چې‭ ‬د‭ ‬ائتلافي‭ ‬او‭ ‬ملګري‭ ‬هیوادونو‭ ‬بحري‭ ‬روزنې‭ ‬انسټیټیوټونو‭ ‬کې‭ ‬په‭ ‬لاره‭ ‬اچول‭ ‬کیږي‭. ‬پدې‭ ‬کې‭ ‬د‭ ‬بحري‭ ‬څانګو‭ (‬بحري،‭ ‬سمندري‭ ‬انجینري،‭ ‬لامبوزن،‭ ‬بحري‭ ‬پیاده‭) ‬لپاره‭ ‬بنسټیز‭ ‬او‭ ‬عالي‭ ‬کورسونه‭ ‬شامل‭ ‬دي،‭ ‬سربیره‭ ‬پردې‭ ‬د‭ ‬ژبې‭ ‬بیلابیل‭ ‬کورسونه،‭ ‬او‭ ‬د‭ ‬ټاکلې‭ ‬روزنې‭ ‬پایلې‭ ‬ترلاسه‭ ‬کولو‭ ‬لپاره‭ ‬د‭ ‬افسرانو‭ ‬او‭ ‬لوړرتبه‭ ‬مشرتابه‭ ‬لپاره‭ ‬روزنیز‭ ‬کورسونه‭ ‬هم‭ ‬دي،‭ ‬چې‭ ‬دا‭ ‬د‭ ‬دې‭ ‬رتبو‭ ‬مؤثریت‭ ‬او‭ ‬وړتیا‭ ‬ډیروي‭ ‬او‭ ‬د‭ ‬نورو‭ ‬د‭ ‬تجربو‭ ‬سره‭ ‬د‭ ‬هغوی‭ ‬اشنا‭ ‬کولو‭ ‬له‭ ‬لارې‭ ‬هغوی‭ ‬په‭ ‬مهارتونو‭ ‬او‭ ‬تخصص‭ ‬سمبالیږي‭.‬

یونیپث‭:‬‭ ‬آیا‭ ‬د‭ ‬اردن‭ ‬بحري‭ ‬ځواک‭ ‬د‭ ‬بحري‭ ‬ایکوسیسټم‭ ‬د‭ ‬ساتنې‭ ‬لپاره‭ ‬ماموریتونه‭ ‬ترسره‭ ‬کوي؟

ډګروال‭ ‬الجراح‭:‬‭ ‬د‭ ‬اردن‭ ‬د‭ ‬بحري‭ ‬ځواک‭ ‬یوه‭ ‬له‭ ‬تر‭ ‬ټولو‭ ‬مهمه‭ ‬دنده‭ ‬د‭ ‬بحري‭ ‬ایکوسیسټم‭ ‬محافظت‭ ‬دی‭. ‬اردن‭ ‬د‭ ‬بحري‭ ‬چاپیریال‭ ‬ساتنې‭ ‬لپاره‭ ‬یو‭ ‬تخصصي‭ ‬تشکیل‭ ‬جوړ‭ ‬کړی‭ ‬دی،‭ ‬او‭ ‬پدې‭ ‬تړاو‭ ‬پایښت‭ ‬لرونکې‭ ‬همکاري‭ ‬او‭ ‬همغږي‭ ‬شتون‭ ‬لري‭ ‬ترڅو‭ ‬د‭ ‬بحري‭ ‬ایکوسیسټم‭ ‬د‭ ‬ساتنې‭ ‬پورې‭ ‬اړوند‭ ‬د‭ ‬دې‭ ‬ټولې‭ ‬سپارښتنې‭ ‬او‭ ‬د‭ ‬کب‭ ‬نیولو‭ ‬مقررات‭ ‬پلي‭ ‬شي‭. ‬باید‭ ‬یادونه‭ ‬وکړم‭ ‬چې‭ ‬د‭ ‬اردن‭ ‬بحري‭ ‬ځواک‭ ‬کې‭ ‬موږ‭ ‬د‭ ‬کب‭ ‬نیولو‭ ‬صنعت‭ ‬نظارت‭ ‬کوو‭ ‬او‭ ‬د‭ ‬غیرقانوني‭ ‬کب‭ ‬نیولو‭ ‬میتودونه‭ ‬منع‭ ‬کوو‭.  ‬