د بلک هاک چورلکې پیلوټان د ځمکنیو ځواکونو د ملاتړ او له تروریزم سره د مبارزې لپاره خپلو مهارتونو ته پراختیا ورکوي
جګړن جک مکین، د متحده ایالاتو سمندري ځواک
د متحده ایالاتو د سمندري ځواک له لوري انځورونه
د 2018 په مې میاشت کې د کندهار په هوایی ډګر کې د سي- 17 الوتکې کښته کیدل ښایي زما د نظامي مسلک تر ټولو بده تجربه وي. تر دې نیټې پورې، زه د چورلکې پیلوټ په توګه دریو ځایونو ته استول شوی وم: آرام سمندر، د هند سمندر او عر خلیج ته. پداسې حال کې چې دا زما د څلورم ماموریت پیل وو، دا ډول تجربه په بشپړه توګه نوې وه او له هر څه نه یې چې ما مخکې کړي وو، په ژوره توګه توپیر درلود.
زه د متحده ایالاتو د سمندري ځواک یوازینی افسر وم چې په افغانستان کې د 441م هوایی عملیاتو مشورتي کنډک ته ګمارل شوی ووم. زه یو چټک پیلوټ وم چې په سمندر کې د الوتلو ډیره ښه تجربه مې درلوده، مګر په صحرا او غرونو کې د الوتلو لږ یا هیڅ تجربه مې نه درلوده. دغه کار په افغانستان کې زما شتون له خورا ننګونو سره مخامخ کړ او په کنډک کې د نه ختمیدونکي مسخرې لامل شوم.
د افغانستان لاسونو په نامه یو پروګرام څخه مننه چې زما د حرکت څخه مخکې یو کال لپاره، زه او د متحده آیالاتو نور پوځي پرسونل د افغانستان په تاریخ، کلتور، سیاست او اقتصاد کې وروزل شوو او د هغه ځای د یوې ژبې ژورې زده کړې مو ترلاسه کړې. هیله دا وه چې د سلاکارانو یو کدر رامینځته شي چې وکولی شي له خپلو افغان سیالانو سره ښې اړیکې رامینځته کړي او د متحده ایالاتو اردو ته خبر ورکړي چې څنګه د افغانستان له پوځ او حکومت سره خپل د مشورې رول ښه کړي. کله چې ما په کندهار کې لومړی قدم کیښود، نو دا زما دنده شوه چې په افغانستان کې د یو ايچ- 60 د بلک هاک چورلکو د کنډک افسرانو او عملې ته مشوره او روزنه ورکړم.
د ځایی الوتنې له شرایطو سره د آشنایي او لارښوونې لنډې مودې وروسته، ما د نوو پیلوټانو لارښوونې پیل کړې چې څنګه په بلک هاک سره الوتنه او کار وکړي. موخه د یو وړ، مسلکي او دوام لرونکي کنډک جوړول وو. زه د لیوال، هوښیار او فکر لرونکي ځوان افسرانو سره مخ شوم، ټولو غوښتل چې یو څه بدلون راولي. د یو څو الوتنو وروسته، دا سخته وه چې د پیلوټانو له مهارت او عزم څخه دې اغېزمن نشو، چې د افغانستان له هر ګوټ او هر کلتور راغلي او هره ورځ هڅه کوي ترڅو خپل ځانونه د جګړې لپاره چمتو کړي.
د الوتکې د ساده الوتنې سربیره، په بلک هاک کنډک کې پیلوټان پراخې دندې لري. هر پیلوټ ته یو ځانګړی رول ورکړل شوی و چې هغه باید له اول څخه وده وکړي. د بېلګې په توګه، هغه پیلوټ چې د تاکتیک افسر په توګه ګمارل شوی وي، باید د خپل امریکایي مشاور او همکار سره ناست وي او معیاري عملیاتي کړنلارې جوړې کړي تر څو د سویلي افغانستان د عملیاتي چاپیریال ځانګړې ننګونې حل کړي. دا رول به حتی تر ټولو غوره پیلوټ هم وننګوي، هغه خو لا پریږده چې الوتکې ته خورا نوی دی په دغه رول کې و چې ما لومړی د جګړن محمد سلیم سره ولیدل.
کله چې ما د هغه د سلاکار په توګه دنده پیل کړه، جګړن سلیم په کندهار، هلمند او ارزګان ولایتونو کې د عملیاتو سره بلد وو. په حقیقت کې هغه له اوو کلونو راهیسې له کندهار څخه الوتنه کوله، په راکټ سمبال ایم ای- 17 چورلکه کې یې په زرهاوو جنګي ساعتونه تیرول. هغه په یو شمیر ډیر ګرمو ځایونو کې الوتنه کړې او د افغان ځمکنیو ځواکونو څخه د هوایی بریدونو، د ټپیانو په ایستلو، د نږدې هوایی ملاتړ، د لوژیستیک او ټرانسپورټ له لارې ملاتړ کړی. هغه یو له لومړنیو افغان پیلوټانو څخه و چې په نېکمرغۍ مې ورسره یوځای الوتنه کوله، او مونږ غوره کاري اړیکه جوړه کړه. هغه لیوال، ځیرک، ښه روزل شوی، عاجز او د افغانستان هوایی ځواک د دوامداره مسلکي کولو ته ژمن دی ترڅو د خپل هیواد د سوله ییزې راتلونکې په خوندي کولو کې مرسته وکړي.
داسې یوه شیبه نه وه چې ما به د قطعې د ښه والي لپاره په کار کولو یا د خپل همکار پیلوټانو سره په مرسته کولو نه لیده یا د خپل همکار پیلوټانو سره مرسته ونه کړي یا الهام ورته ورنه کړي. زه ډېر نېکمرغه وم چې په خطرناکو حالاتو کې مې د هغه زړورتوب لید، له ځانه یې مېړانه ښوده او د ځمکنیو ځواکونو د هوساینې پاملرنه یې کوله، او په دوامداره توګه به یې د بلک هاک چورلکو له لارې د سرتېرو د بریا او خوندیتوب لپاره مرستې په پام کې نیولې. هغه د افغان هوایی ځواک د غوره خصوصیاتو څرګندوی دی او لیوال و چې د یونیپث مجلې سره خپل ځینې نظریات شریک کړي.
جګړن مکین: تاسو د افغانستان د کوم ځای یاست؟
جګړن سلیم: زه د پنجشیر یم. زه په کابل کې زیږدلی یم، خو کله چې طالبان پر کابل مسلط شول، زه د خپلې کورنۍ سره د خوندیتوپ په خاطر پنجشیر ته ولاړو.
جګړن مکین: څه شی بلک هاک چورلکي ځانګړې کوي؟
جګړن سلیم: موږ د پخوا په پرتله د افغانستان په هوایی ځواک کې ډیرې چورلکې لرو. وروسته له هغه چې مونږ یو ايچ- 60 چورلکې ترلاسه کړې، دې کار د جګړې په ډګر کې د پام وړ بدلون راوست. اوس مونږ تلفات ویستلی شو او هرچیرې چې ورته اړتیا وي، د خپلو ځمکنيو ځواکونو ملاتړ کولی شو. بلک هاک د دوه اصلي دلیلونو په خاطر د افغانستان هوایی ځواک لپاره ښې دي: لومړی، د بلک هاک لپاره کومې پرزې چې مونږ ورته اړتیا لرو ترلاسه کول یې اسانه دي. د متحده ایالاتو له ملاتړ او ښه لوژیستیکي سیسټم څخه مننه. دوهم، بلک هاک د افغانستان هوایی ځواک لپاره خورا ګټوره الوتکه ده، ځکه چې دا د ام آی- 17 یو ډیر ښه ځای ناستی کیدلی شي. دا د ام آی- 17 په پرتله لږ تیل مصرفوي او ډیر د مانور وړ هلیکوپتر دی چې د ام آی- 17 په پرتله د ګړندیتوب ډېره وړتیاوې هم لري، چې عملې ته اضافي خوندیتوب وربخښي او ماموریت په چټکتیا سره بشپړوي.
جګړن مکین: نوې چورلکې به څنګه د افغانستان د هوایی ځواک د راتلونکي په خوندي کولو کې مرسته وکړي؟
جګړن سلیم: زه ډاډه یم چې بلک هاک به د ام آی- 17 په پرتله د افغانستان هوایی ځواک سره ډیره مرسته وکړي. د اوسني حالت په پام کې نیولو سره، پروګرام په سمه توګه پر مخ روان دی او په چټکتیا سره وده کوي، مونږ ته دا وړتیا راکوي چې د خپلو ځمکنیو ځواکونو ملاتړ وکړو. لکه څنګه چې موږ ډیرو پیلوټانو ته روزنه ورکوو او په ډیرو ځایونو کې ډیرې الوتکې لرو، موږ به وکولی شو د افغانستان د سولې او ثبات لپاره هر اړین ماموریت ته دوام ورکړو او ملاتړ یې وکړو.
جګړن مکین: په افغانستان کې د ترهګرۍ پروړاندې مبارزه کې دغه کنډک څنګه مرسته کړې ده؟
جګړن سلیم: زمونږ د سرتیرو مورال یې ښه کړی چې که چیرې دوی ټپي شي نو د وتلو تضمین ورته ورکوي او دوی لپاره په دوامداره توګه اکمالات رسوي. مګر بیا هم هغه مرسته چې د بلک هاک هلیکوپټرو د ورکولو له لارې څرګنده شوي ده، د دې تصور په پیاوړتیا کې مرسته کړې چې د افراطیت او تروریزم پروړاندې مبارزه نه یوازې د افغانستان بلکې د متحده ایالاتو او د هر ملت دنده ده.
جګړن مکین: د افغانستان د هوایي ځواک راتلونکې لپاره ستا هیله څه ده؟
جګړن سلیم: زه هغه څه غواړم چې هر پیلوټ یې غواړي. هغه ډیر هوايي ځواک او ډیرې الوتکې دي. زه د متحده ایالاتو او د هغو له متحدینو سره ملګرتیا ته دوام ورکوم ترڅو د پیلوټانو او تخنیکي پرسونل روزنې ته دوام ورکړي او دا ډاډ ترلاسه کړو چې مونږ د تروریزم په وړاندې په روانه مبارزه کې بریالي یو. وروسته له هغه چې ما د افغانستان هوایی ځواک لپاره الوتنه پیل کړه ما ډیر پرمختګ لیدلی، مګر پوهیږم چې نور ډیر کار ته اړتیا لري.
Comments are closed.