جێگری یەکەمی سەرۆک وەزیرانی کوەیت و وەزیری ناوخۆی شێخ فەهاد ئەل یوسف ئەل سەباح کەشتیگەلێکی درۆنی دەریایی بێ کارمەندی سەر ڕووی دەریا (USV)ـی بۆ بەرزکردنەوەی تواناکانی بەرگریی وڵاتەکە ناساند.
زیادکردنی درۆنی دەریایی بێ کارمەندی سەر ڕووی دەریا (USV) لە مانگی حوزەیرانی 2025 بۆ بەهێزکردنی ئاسایشی دەریایی کوەیت لەڕێگەی بەکارهێنانی نوێترین تەکنەلۆژیاوە هەنگاوێکی مەزن بوو، جەنابی وەزیر لە بەیاننامەیەکدا ڕایگەیاند. هەروەها هەنگاوەکە گرنگیدانی پاسەوانی کەناراوەکانی کوەیت بە چارەسەری داهێنەرانە بۆ پارێزگاریکردن لە خاکە ئاوییەکان، پاراستنی ئاسایشی نیشتمانی و سەقامگیری بەهێزتر دەکات، ناوبراو ڕایگەیاند.
لە مەراسیمی دەستبەکاربوونیدا کە لە چوارچێوەی پلانێکی تۆکمەدا لەلایەن پاسەوانی کەناراوەکانەوە جێبەجێکرا، هەریەک لە لیوا عەلی مەسفەر ئەل عەدوانی، بریکاری وەزیری ناوخۆ بە وەکالەت و لیوا موجبیل فەهد بن شەوق، یاریدەدەری بریکار بۆ کەرتی ئاسایشی سنوورەکان ئامادەبوون.
فەرماندە شێخ موبارەک عەلی ئەل سەباح، بەڕێوەبەری گشتیی پاسەوانی کەناراوەکان، کورتەیەکی پڕ زانیاریی سەبارەت بە توانا پێشکەوتووەکانی ئۆپەراسیۆنی فڕۆکە جەنگییەکانی ئەمریکا پێشکەش کرد، و ڕایگەیان کە ئەوان دەتوانن بە شێوەیەکی سەربەخۆ بەبێ دەستێوەردانی ڕاستەوخۆی مرۆڤ بۆ چەندین ڕۆژ کاربکەن. ئەم پۆلە نوێیەی درۆنی دەریایی بێ کارمەندی سەر ڕووی دەریا (USV) دوو ناوپۆشیان هەیە و درێژییەکەیان 14 مەتر دەبێت.
ئەرکە سەرەکییەکانیان بریتین لە چاودێریکردن، بەدواداچوونی بەردەوام، ڕێگریکردن لە ئامانجە دەریاییە گوماناوییەکان، پشتیوانیکردنی ئۆپەراسیۆنەکانی گەڕان و ڕزگارکردن، بەدواداچوونی پیسبوونی ژینگە، پاراستنی سەرچاوە سروشتییەکان و توندکردنی ئاسایشی دەریایی بەشێوەیەکی گشتی لەناو خاکە ئاوییەکانی کوەیت.
بە هەمان شێوە شێخ فەهاد پشکنینی بۆ ئەو سیستەمە پێشکەوتووەی چاودێریی دەریایی کە وڵاتەکە دایدەمەزرێنێت، ئەنجام دا. ئەم سیستەمە هەموو ناوچەی دەریایی کوەیت دەگرێتەوە و ڕادار، هەستەوەر، کامێرای ڕوونی بەرز و درۆنی دەریایی بێ کارمەندی سەر ڕووی ئاوی کەناراوەکان لە ژێر سیستەمێکی فەرماندەیی و بەڕێوەبردنی یەکگرتووی بەهێزکراو بە ژیری دەستکرد، یەکدەخات.
شێخ فەهاد گەشتێکی بە ناوەندی ئۆپەراسیۆنە دەریاییەکان و بە هەمان شێوە ناوەندی بەڕێوەبردن کرد کە درۆنی دەریایی بێ کارمەندی سەر ڕووی ئاو (USV) بەڕێوەدەبات، وە پشکنینی بۆ میکانیزمی کارکردن، سیستەمی چاودێریکردن و تۆڕی ئەلیکترۆنیی بەستنەوەی یەکە دەریاییەکان بە ناوەندەکانی فەرماندەیی ئەنجام دا.
درۆنی دەریایی بێ کارمەند، لەنێویاندا جۆرە ئاسمانییەکان کە لە ئاسمان و جۆرە ژێرئاوییەکان کە لە ژێر ئاودا کاردەکەن، یارمەتی هێزی دەریایی و پاسەوانی کەناراوەکانیان داوە مەوداوی چاودێریکردنیان سنووری کەشتییە سەرنشیندارەکان تێبپەڕێنێت. فەرماندەیی ناوەندی هێزی دەریایی ئەمریکا بۆ زیادکردنی ئاسایش لە ناوچەکەدا، هەزاران درۆنی بێ کارمەندی لەو جۆرەی بەکارخستووە.
ئەم درۆنە بێ کارمەندانە بۆ دۆزینەوەی تیرۆریستان و قاچاخچی و تاوانبارانی دیکە لە ناوچەکانی وەکو کەنداوی عەرەبی و دەریای سوور جێگیر دەکرێن. بە هەمان شێوە هێزە دەریاییەکان لە ڕێوڕەسمەکانی وەک مەشقی دەریایی نێودەوڵەتیی ساڵانە لە بەحرەین و ئەردەن، ئەمانەیان ئاوێتەی بەرنامەکانی ڕاهێنانی خۆیان کردووە.