د اردن وسله وال ځواکونه د عصري وسلو روزنه ترلاسه کوي

یونیپث‭ ‬کارکونکی

داردن‭ ‬هاشمي‭ ‬سلطنت‭ ‬د‭ ‬خپلو‭ ‬وسله‭ ‬والو‭ ‬ځواکونو‭ ‬او‭ ‬تجهیزاتو‭ ‬عصري‭ ‬کولو،‭ ‬او‭ ‬د‭ ‬وړتیاوو‭ ‬او‭ ‬چمتووالي‭ ‬لوړولو‭ ‬لپاره‭ ‬د‭ ‬پرسونل‭ ‬روزنې‭ ‬ته‭ ‬دوام‭ ‬ورکوي،‭ ‬ځکه‭ ‬چې‭ ‬دا‭ ‬هېواد‭ ‬د‭ ‬یو‭ ‬شمېر‭ ‬ننګونو‭ ‬سره‭ ‬مخ‭ ‬دی،‭ ‬چې‭ ‬تر‭ ‬ټولو‭ ‬خطرناکه‭ ‬یې‭ ‬د‭ ‬سوریې‭ ‬سره‭ ‬په‭ ‬شمالي‭ ‬پوله‭ ‬او‭ ‬عراق‭ ‬سره‭ ‬په‭ ‬ختیځه‭ ‬پوله‭ ‬کې‭ ‬تاوتریخوالی‭ ‬او‭ ‬د‭ ‬مخدره‭ ‬توکو‭ ‬قاچاق‭ ‬دي‭.‬

د‭ ‬جلالتمآب‭ ‬پاچا‭ ‬عبدالله‭ ‬II‭ ‬ابن‭ ‬الحسین‭ ‬او‭ ‬یو‭ ‬شمېر‭ ‬لوړ‭ ‬پوړو‭ ‬افسرانو‭ ‬په‭ ‬ګډون،‭ ‬په‭ ‬سپتمبر‭ ‬2023‭ ‬کې‭ ‬د‭ ‬ال‭ ‬یرموک‭ ‬میخانیکي‭ ‬لوا‭ ‬لخوا،‭ ‬چې‭ ‬د‭ ‬اردن‭ ‬یو‭ ‬له‭ ‬شمالي‭ ‬قوماندې‭ ‬واحدونو‭ ‬څخه‭ ‬دی،‭ ‬د‭ ‬قوي‭ ‬غبرګون‭ ‬تمرین‭ ‬ترسره‭ ‬شو‭.‬

دا‭ ‬تمرین‭ ‬د‭ ‬یوې‭ ‬بې‭ ‬پیلوټه‭ ‬الوتکې،‭ ‬Schiebel Camcopter S-100،‭ ‬په‭ ‬الوزولو‭ ‬سره‭ ‬پېل‭ ‬شو،‭ ‬ترڅو‭ ‬د‭ ‬شمالي‭ ‬اردن‭ ‬په‭ ‬لور‭ ‬پرمختګ‭ ‬کونکو‭ ‬ازمیښتي‭ (‬تظاهري‭) ‬دښمن‭ ‬ځواکونو‭ ‬څارنه‭ ‬وکړي‭. ‬د‭ ‬14‭,‬000‭ ‬فوټو‭ ‬په‭ ‬لوړوالي،‭ ‬بې‭ ‬پیلوټه‭ ‬الوتکې‭ ‬د‭ ‬تمرین‭ ‬په‭ ‬اوږدو‭ ‬کې‭ ‬فعالیت‭ ‬ته‭ ‬دوام‭ ‬ورکړ‭ ‬ترڅو‭ ‬په‭ ‬ځمکه‭ ‬کې‭ ‬پرمختګونه‭ ‬وڅېړي‭ ‬او‭ ‬د‭ ‬قوماندې‭ ‬مرکز‭ ‬ته‭ ‬استخبارات‭ ‬ولېږدوي‭. ‬

بیا‭ ‬د‭ ‬اردن‭ ‬د‭ ‬شاهي‭ ‬هوايي‭ ‬ځواک‭ ‬فالکنونو،‭ ‬F-16‭ ‬جنګي‭ ‬جټ‭ ‬الوتکو،‭ ‬د‭ ‬دښمن‭ ‬په‭ ‬اهدافو‭ ‬غوټې‭ ‬ووهلې،‭ ‬وروسته‭ ‬چورلکو‭ ‬د‭ ‬Hellfire‭ ‬توغندي‭ ‬وډزول‭. ‬بیا‭ ‬یوه‭ ‬متمرکزه‭ ‬توپچي‭ ‬بمباري‭ ‬رامنځته‭ ‬شوه‭. ‬جنګي‭ ‬بې‭ ‬پیلوټه‭ ‬الوتکو،‭ ‬چې‭ ‬هر‭ ‬یو‭ ‬یې‭ ‬څلور‭ ‬توغندي‭ ‬لرل،‭ ‬په‭ ‬هوایي‭ ‬برید‭ ‬کې‭ ‬برخه‭ ‬واخسته‭. ‬

په‭ ‬وروستي‭ ‬پړاو‭ ‬کې،‭ ‬ځمکنی‭ ‬برید‭ ‬د‭ ‬دریو‭ ‬ځواکونو‭ ‬سره‭ ‬پېل‭ ‬شو‭: ‬دوه‭ ‬په‭ ‬سر‭ ‬کې،‭ ‬چې‭ ‬د‭ ‬برید‭ ‬رهبري‭ ‬یې‭ ‬کوله،‭ ‬او‭ ‬یو‭ ‬شا‭ ‬ته،‭ ‬چې‭ ‬په‭ ‬دقیقه‭ ‬توګه‭ ‬یې‭ ‬هدفونه‭ ‬په‭ ‬نښه‭ ‬کول‭. ‬ټانګونه‭ ‬او‭ ‬زغره‭ ‬وال‭ ‬ګاډي‭ ‬په‭ ‬دښته‭ ‬کې‭ ‬وغورېدل،‭ ‬چې‭ ‬د‭ ‬دښمن‭ ‬د‭ ‬ځواکونو‭ ‬په‭ ‬لور‭ ‬یې‭ ‬منډې‭ ‬وهلې‭. ‬کله‭ ‬چې‭ ‬دوی‭ ‬د‭ ‬دښمن‭ ‬ځالې‭ ‬ته‭ ‬ورسېدل،‭ ‬د‭ ‬دښمن‭ ‬لخوا‭ ‬نصب‭ ‬شوي‭ ‬اغزن‭ ‬تارونو‭ ‬کې‭ ‬یې‭ ‬لار‭ ‬جوړه‭ ‬کړه‭ ‬او‭ ‬په‭ ‬سخته‭ ‬جګړه‭ ‬کې‭ ‬ښکیل‭ ‬شول‭. ‬

د‭ ‬اردن‭ ‬د‭ ‬وسله‭ ‬والو‭ ‬ځواکونو‭ ‬د‭ ‬رواني‭ ‬او‭ ‬معلوماتي‭ ‬عملیاتو‭ ‬سیل‭ ‬د‭ ‬جګړې‭ ‬په‭ ‬اوږدو‭ ‬کې‭ ‬پیغامونه‭ ‬خپاره‭ ‬کړل‭ ‬ترڅو‭ ‬خلکو‭ ‬ته‭ ‬ډاډ‭ ‬ورکړي‭ ‬او‭ ‬د‭ ‬یرموک‭ ‬لوا‭ ‬د‭ ‬جنګیالیو‭ ‬مورال‭ ‬لوړ‭ ‬کړي‭ ‬چې‭ ‬دښمن‭ ‬سره‭ ‬په‭ ‬جګړه‭ ‬کې‭ ‬ښکیل‭ ‬دي‭.‬

ډګر‭ ‬جنرال‭ ‬محمود‭ ‬السویر،‭ ‬د‭ ‬عملیاتو‭ ‬او‭ ‬روزنې‭ ‬لپاره‭ ‬د‭ ‬ګډو‭ ‬ځواکونو‭ ‬د‭ ‬لوی‭ ‬درستیز‭ ‬مرستیال،‭ ‬په‭ ‬پېښه‭ ‬کې‭ ‬وینا‭ ‬وکړه‭ ‬او‭ ‬د‭ ‬اردن‭ ‬د‭ ‬وسله‭ ‬والو‭ ‬ځواکونو‭ ‬ستراتیژیک‭ ‬لید‭ ‬یې‭ ‬روښانه‭ ‬کړ‭.‬

‭”‬د‭ ‬اردن‭ ‬د‭ ‬وسله‭ ‬والو‭ ‬ځواکونو‭ ‬په‭ ‬ستراتیژیک‭ ‬لید‭ ‬کې‭ ‬د‭ ‬اړینو‭ ‬اصولو‭ ‬سره‭ ‬سم‭ ‬د‭ ‬دقیق‭ ‬معیارونو‭ ‬لرونکي‭ ‬ځانګړي‭ ‬اهداف‭ ‬شامل‭ ‬دي‭ ‬چې‭ ‬موخه‭ ‬یې‭ ‬د‭ ‬پراختیا‭ ‬او‭ ‬پرمختګ‭ ‬وده‭ ‬او‭ ‬دوام‭ ‬دی‭. ‬نو‭ ‬د‭ ‬اردن‭ ‬وسله‭ ‬وال‭ ‬ځواکونه‭ ‬د‭ ‬اردن‭ ‬د‭ ‬هاشمي‭ ‬سلطنت‭ ‬امنیت‭ ‬ته‭ ‬پېښ‭ ‬ننګونو‭ ‬او‭ ‬ګواښونو‭ ‬سره‭ ‬د‭ ‬مقابلې‭ ‬کولو‭ ‬وړ‭ ‬دي‭.‬

ډګر‭ ‬جنرال‭ ‬حسن‭ ‬عبدالحمید‭ ‬ابو‭ ‬رومن،‭ ‬د‭ ‬شمالي‭ ‬قوماندې‭ ‬قوماندان،‭ ‬د‭ ‬خپلو‭ ‬سرتېرو‭ ‬لخوا‭ ‬د‭ ‬ترلاسه‭ ‬شوې‭ ‬روزنې‭ ‬ستاینه‭ ‬وکړه‭ ‬چې‭ ‬دوی‭ ‬ته‭ ‬یې‭ ‬اجازه‭ ‬ورکړه‭ ‬چې‭ ‬په‭ ‬جګړه‭ ‬کې‭ ‬د‭ ‬عصري‭ ‬رجحانونو‭ ‬سره‭ ‬ځانونه‭ ‬برابر‭ ‬وساتي‭.‬

هغه‭ ‬وويل‭: “‬د‭ ‬تکنالوژيکي‭ ‬او‭ ‬عصري‭ ‬تاکتيکي‭ ‬پرمختګونو‭ ‬سره‭ ‬سره‭ ‬چې‭ ‬د‭ ‬جګړې‭ ‬په‭ ‬ځانګړتياو‭ ‬يې‭ ‬اغېزه‭ ‬کړې‭ ‬ده،‭ ‬هغه‭ ‬څه‭ ‬چې‭ ‬مونږ‭ ‬یې‭ ‬په‭ ‬عصري‭ ‬جګړو‭ ‬کې‭ ‬شاهدان‭ ‬يو‭ ‬په‭ ‬روښانه‭ ‬توګه‭ ‬دا‭ ‬ثابتوي‭ ‬چې‭ ‬ځمکني‭ ‬ځواکونه‭ ‬اوس‭ ‬هم‭ ‬د‭ ‬هرې‭ ‬جګړې‭ ‬د‭ ‬پايلو‭ ‬په‭ ‬ټاکلو‭ ‬کې‭ ‬اساسي‭ ‬عنصر‭ ‬دی‭.”‬‭ ‬

سرچینې‭: ‬یوټیوب،‭ ‬د‭ ‬اردن‭ ‬خبري‭ ‬اژانس‭ (‬پیټرا‭)‬،‭ ‬د‭ ‬اردن‭ ‬وسله‭ ‬وال‭ ‬ځواکونه