څاروونکې سترګې پر پوله باندې

د‭ ‬عراق‭ ‬د‭ ‬پوله‭ ‬ساتو‭ ‬قومانده‭ ‬د‭ ‬ترهګرو‭ ‬او‭ ‬قاچاق‭ ‬وړونکو‭ ‬د‭ ‬مخنیوي‭ ‬لارې‭ ‬چارې‭ ‬عصري‭ ‬کوي

یونیپث‭ ‬کارکونکی

په‭ ‬عراق‭ ‬کې‭ ‬د‭ ‬داعش‭ ‬له‭ ‬پوځي‭ ‬ماتې‭ ‬او‭ ‬د‭ ‬هغوی‭ ‬د‭ ‬تمویل‭ ‬د‭ ‬سرچینو‭ ‬له‭ ‬وچېدو‭ ‬وروسته،‭ ‬ترهګرو‭ ‬ډلو‭ ‬د‭ ‬نشه‭ ‬یي‭ ‬توکو‭ ‬د‭ ‬تولید‭ ‬او‭ ‬قاچاق‭ ‬له‭ ‬لارې‭ ‬ځان‭ ‬تمویل‭ ‬کولو‭ ‬ته‭ ‬مخه‭ ‬کړې‭ ‬ده‭. ‬سیمه‭ ‬د‭ ‬مخدره‭ ‬توکو‭ ‬په‭ ‬ناوړه‭ ‬ګټه‭ ‬اخیستنې‭ ‬او‭ ‬قاچاق‭ ‬کې‭ ‬د‭ ‬بې‭ ‬ساري‭ ‬زیاتوالي‭ ‬شاهده‭ ‬ده،‭ ‬چې‭ ‬اندیښنې‭ ‬یې‭ ‬زیاتې‭ ‬کړي‭ ‬او‭ ‬د‭ ‬پولې‭ ‬کنټرول‭ ‬یې‭ ‬د‭ ‬امنیتي‭ ‬خدمتونو‭ ‬لپاره‭ ‬یوه‭ ‬بیړنۍ‭ ‬مسله‭ ‬ګرځولې‭. ‬عراق‭ ‬د‭ ‬سوریې‭ ‬سره‭ ‬د‭ ‬خپلو‭ ‬پولو‭ ‬د‭ ‬کنټرول‭ ‬لپاره‭ ‬مهمې‭ ‬پروژې‭ ‬بشپړې‭ ‬کړې،‭ ‬یوه‭ ‬لاره‭ ‬چې‭ ‬په‭ ‬کارولو‭ ‬سره‭ ‬یې‭ ‬د‭ ‬داعش‭ ‬ترهګرې‭ ‬ډلې‭ ‬په‭ ‬عراق‭ ‬خپل‭ ‬د‭ ‬2014‭ ‬برید‭ ‬ترسره‭ ‬کړ‭. ‬یونیپث‭ ‬د‭ ‬قوماندان‭ ‬جنرال‭ ‬محمد‭ ‬سکر‭ ‬السعیدی،‭ ‬د‭  ‬عراقي‭ ‬پوله‭ ‬ساتو‭ ‬ځواکونو‭ ‬قومندان،‭ ‬سره‭ ‬وکتل‭ ‬څو‭ ‬د‭ ‬پولې‭ ‬د‭ ‬امنیت‭ ‬او‭ ‬د‭ ‬نفوذ‭ ‬او‭ ‬قاچاق‭ ‬د‭ ‬مخنیوي‭ ‬لارو‭ ‬چارو‭ ‬په‭ ‬اړه‭ ‬خبرې‭ ‬وکړي‭.  ‬

یونیپث‭: ‬د‭ ‬پوله‭ ‬ساتو‭ ‬د‭ ‬قوماندان‭ ‬په‭ ‬توګه،‭ ‬تاسو‭ ‬څنګه‭ ‬د‭ ‬پولې‭ ‬امنیت‭ ‬ته‭ ‬نږدې‭ ‬شوي‭ ‬یاست؟

برید‭ ‬جنرال‭ ‬السعيدي‭:‬‭ ‬مونږ‭ ‬د‭ ‬ګاونډیو‭ ‬هېوادونو‭ ‬سره‭ ‬د‭ ‬پولو‭ ‬د‭ ‬کنټرول‭ ‬لپاره‭ ‬د‭ ‬پام‭ ‬وړ‭ ‬پلانونه‭ ‬لرو‭ ‬چې‭ ‬د‭ ‬نړۍ‭ ‬د‭ ‬ډېرو‭ ‬هېوادونو‭ ‬لخوا‭ ‬کارول‭ ‬شوې‭ ‬ټیکنالوژیو‭ ‬څخه‭ ‬ګټه‭ ‬پورته‭ ‬کوي‭ ‬او‭ ‬همدارنګه‭ ‬یو‭ ‬زیرک‭ ‬سرحدي‭ ‬سیسټم‭ ‬چې‭ ‬د‭ ‬کامرو،‭ ‬بې‭ ‬پیلوټه‭ ‬الوتکو‭ ‬او‭ ‬سینسرونو‭ ‬څخه‭ ‬کار‭ ‬اخلي‭ ‬څو‭ ‬د‭ ‬پرسونل‭ ‬بار‭ ‬کم‭ ‬او‭ ‬د‭ ‬ګاونډیو‭ ‬هېوادونو‭ ‬سره‭ ‬د‭ ‬پولو‭ ‬کره‭ ‬کنټرول‭ ‬ډاډمن‭ ‬کړي‭. ‬دوهم‭ ‬اړخ‭ ‬د‭ ‬امنیتي‭ ‬کټارو‭ ‬د‭ ‬ټینګښت‭ ‬بشپړول‭ ‬دي،‭ ‬چې‭ ‬دمخه‭ ‬یې‭ ‬د‭ ‬کانکریټي‭ ‬دیوال‭ ‬او‭ ‬خندقونو‭ ‬سره‭ ‬یوځای‭ ‬خپل‭ ‬اغېزمنتوب‭ ‬ثابت‭ ‬کړی‭ ‬دی‭. ‬دریم‭ ‬اړخ‭ ‬د‭ ‬سړکونو‭ ‬پورې‭ ‬تړاو‭ ‬لري‭. ‬دا‭ ‬درې‭ ‬ځانګړتیاوې‭ ‬په‭ ‬ټولو‭ ‬پولو‭ ‬کې‭ ‬مشترکې‭ ‬دي‭. ‬زمونږ‭ ‬لپاره‭ ‬اړینه‭ ‬خبره‭ ‬د‭ ‬عراق‭-‬سوریې‭ ‬پولې‭ ‬پر‭ ‬کنټرول‭ ‬تمرکز‭ ‬کول‭ ‬دي،‭ ‬کوم‭ ‬چې‭ ‬هېواد‭ ‬لپاره‭ ‬لومړنی‭ ‬ګواښ‭ ‬دی،‭ ‬ورپسې‭ ‬د‭ ‬عراق‭ ‬او‭ ‬ایران‭ ‬پولې‭ ‬خوندي‭ ‬کول‭ ‬بشپړول‭ ‬دي،‭ ‬ځکه‭ ‬چې‭ ‬دا‭ ‬د‭ ‬مخدره‭ ‬توکو‭ ‬او‭ ‬خلکو‭ ‬د‭ ‬نفوذ‭ ‬سرچینه‭ ‬ده‭.‬

یونیپث‭: ‬د‭ ‬عراق‭ ‬پوله‭ ‬ساتي‭ ‬ځواکونه‭ ‬له‭ ‬کوم‭ ‬امنیتي‭ ‬ګواښ‭ ‬سره‭ ‬مخ‭ ‬دي؟

برید‭ ‬جنرال‭ ‬السعيدي‭:‬‭ ‬د‭ ‬فرات‭ ‬سیند‭ ‬په‭ ‬شمال‭ ‬کې‭ ‬د‭ ‬عراق‭-‬سوریې‭ ‬پوله،‭ ‬له‭ ‬القیم‭ ‬څخه‭ ‬تر‭ ‬رابعه‭ ‬پورې،‭ ‬د‭ ‬څو‭ ‬دلایلو‭ ‬له‭ ‬امله‭ ‬د‭ ‬عراقي‭ ‬پولې‭ ‬امنیت‭ ‬ته‭ ‬د‭ ‬ګواښ‭ ‬لومړی‭ ‬محور‭ ‬دی،‭ ‬چې‭ ‬تر‭ ‬ټولو‭ ‬اړین‭ ‬یې‭ ‬د‭ ‬پولې‭ ‬سوریایي‭ ‬اړخ‭ ‬ته‭ ‬د‭ ‬فعالیت‭ ‬نشتوالی‭ ‬دی‭ ‬چې‭ ‬له‭ ‬خپل‭ ‬اړخ‭ ‬څخه‭ ‬د‭ ‬پولې‭ ‬پټۍ‭ ‬کنټرول‭ ‬کړي‭. ‬هغه‭ ‬څه‭ ‬چې‭ ‬شتون‭ ‬لري‭ ‬د‭ ‬سوریې‭ ‬دیموکراتیک‭ ‬ځواکونه‭ ‬دي،‭ ‬مګر‭ ‬دوی‭ ‬نشي‭ ‬کولی‭ ‬د‭ ‬پولې‭ ‬د‭ ‬کنټرول‭ ‬مسولیت‭ ‬په‭ ‬غاړه‭ ‬واخلي‭. ‬دا‭ ‬سیمه‭ ‬تقریبا‭ ‬340‭ ‬کیلومتره‭ ‬اوږدوالی‭ ‬لري‭. ‬پولې‭ ‬ته‭ ‬څېرمه‭ ‬عراقي‭ ‬سیمې‭ ‬هلته‭ ‬د‭ ‬امنیت‭ ‬او‭ ‬ثبات‭ ‬د‭ ‬نشتوالي‭ ‬او‭ ‬د‭ ‬داعش‭ ‬ترهګرو‭ ‬د‭ ‬آزاد‭ ‬تګ‭ ‬راتګ‭ ‬شاهدې‭ ‬دي،‭ ‬د‭ ‬داعش‭ ‬کورنیو‭ ‬لپاره‭ ‬د‭ ‬کمپونو‭ ‬او‭ ‬موجودو‭ ‬زندانونو‭ ‬د‭ ‬شتون‭ ‬او‭ ‬همداشان‭ ‬په‭ ‬سوریه‭ ‬کې‭ ‬د‭ ‬اقتصادي‭ ‬وضعیت‭ ‬د‭ ‬خرابېدو‭ ‬اغېزو‭ ‬او‭ ‬د‭ ‬سوریې‭ ‬د‭ ‬اوسېدونکو‭ ‬لخوا‭ ‬په‭ ‬عراق‭ ‬کې‭ ‬د‭ ‬پناه‭ ‬د‭ ‬لټون‭ ‬سربیره‭. ‬دا‭ ‬ټول‭ ‬ټکي‭ ‬دا‭ ‬سیمه‭ ‬زمونږ‭ ‬لپاره‭ ‬د‭ ‬لېوالتیا‭ ‬بنسټیز‭ ‬ټکی‭ ‬ګرځوي‭.‬

یونیپث‭: ‬د‭ ‬الهول‭ ‬مهاجر‭ ‬کمپ‭ ‬له‭ ‬سوریې‭ ‬سره‭ ‬د‭ ‬پولې‭ ‬امنیت‭ ‬پورې‭ ‬څنګه‭ ‬تړاو‭ ‬لري؟

برید‭ ‬جنرال‭ ‬السعيدي‭: ‬الهول‭ ‬او‭ ‬نور‭ ‬کمپونه‭ ‬د‭ ‬عراق‭ ‬له‭ ‬پولې‭ ‬څخه‭ ‬شاوخوا‭ ‬7‭ ‬څخه‭ ‬تر‭ ‬8‭ ‬کیلومتره‭ ‬لرې‭ ‬دي‭. ‬دا‭ ‬په‭ ‬سوریه‭ ‬کې‭ ‬د‭ ‬کوم‭ ‬قوي‭ ‬واک‭ ‬د‭ ‬نشتوالي‭ ‬په‭ ‬رڼا‭ ‬کې‭ ‬ډیر‭ ‬نږدې‭ ‬دی‭. ‬د‭ ‬الهول‭ ‬د‭ ‬اوسېدونکو‭ ‬یوه‭ ‬لویه‭ ‬برخه‭ ‬عراقیان‭ ‬دي‭. ‬پاتې‭ ‬نور‭ ‬د‭ ‬مختلفو‭ ‬ملیتونو‭ ‬څخه‭ ‬دي،‭ ‬او‭ ‬د‭ ‬استخباراتو‭ ‬له‭ ‬مخې،‭ ‬د‭ ‬داعش‭ ‬کورنۍ‭ ‬او‭ ‬هغه‭ ‬خلک‭ ‬دي‭ ‬چې‭ ‬افراطي‭ ‬ایډیالوژۍ‭ ‬ته‭ ‬ځای‭ ‬ورکوي‭. ‬له‭ ‬همدې‭ ‬امله‭ ‬دا‭ ‬د‭ ‬سخت‭ ‬دریځو‭ ‬او‭ ‬افراطیانو‭ ‬لپاره‭ ‬یو‭ ‬ښوونځی‭ ‬دی‭ ‬چې‭ ‬د‭ ‬کمپ‭ ‬دننه‭ ‬امنیتي‭ ‬وضعیت‭ ‬بې‭ ‬ثباته‭ ‬کېدو‭ ‬په‭ ‬صورت‭ ‬کې‭ ‬د‭ ‬کمپ‭ ‬څخه‭ ‬د‭ ‬وتلو‭ ‬او‭ ‬پولې‭ ‬ته‭ ‬د‭ ‬رسېدو‭ ‬اراده‭ ‬لري‭. ‬دا‭ ‬اوس‭ ‬په‭ ‬کلکه‭ ‬کنټرول‭ ‬شوی،‭ ‬مګر‭ ‬د‭ ‬سوریې‭ ‬له‭ ‬اړخ‭ ‬څخه‭ ‬د‭ ‬کمپ‭ ‬نه‭ ‬د‭ ‬نفوذ‭ ‬پیښې‭ ‬شتون‭ ‬لري‭. ‬د‭ ‬دې‭ ‬په‭ ‬پام‭ ‬کې‭ ‬نیولو‭ ‬سره‭ ‬چې‭ ‬مونږ‭ ‬د‭ ‬پولې‭ ‬کنټرول‭ ‬لپاره‭ ‬د‭ ‬پام‭ ‬وړ‭ ‬ګامونه‭ ‬پورته‭ ‬کړي،‭ ‬د‭ ‬پولې‭ ‬کنټرول‭ ‬کچه‭ ‬له‭ ‬95‭% ‬څخه‭ ‬پورته‭ ‬ده؛‭ ‬د‭ ‬دې‭ ‬ډول‭ ‬ایډیالوژیو‭ ‬لرونکو‭ ‬افراطیانو‭ ‬شتون‭ ‬په‭ ‬کمپونو‭ ‬کې‭ ‬د‭ ‬افراطیانو‭ ‬یو‭ ‬نسل‭ ‬رامنځته‭ ‬کړی‭ ‬چې‭ ‬نه‭ ‬یوازې‭ ‬عراق‭ ‬بلکې‭ ‬د‭ ‬سیمې‭ ‬لپاره‭ ‬د‭ ‬امنیتي‭ ‬ګواښ‭ ‬استازیتوب‭ ‬کوي‭. ‬نو‭ ‬ځکه‭ ‬دا‭ ‬د‭ ‬نړیوالې‭ ‬ټولنې‭ ‬مسوولیت‭ ‬دی‭ ‬چې‭ ‬دغه‭ ‬کمپونه‭ ‬ړنګ‭ ‬کړي‭ ‬او‭ ‬کډوال‭ ‬په‭ ‬ټولنه‭ ‬کې‭ ‬بېرته‭ ‬په‭ ‬ځای‭ ‬کړي‭. ‬هېوادونه‭ ‬باید‭ ‬د‭ ‬خپلو‭ ‬اتباعو‭ ‬بېرته‭ ‬ستنېدنه‭ ‬ومني،‭ ‬په‭ ‬ځانګړې‭ ‬توګه‭ ‬لکه‭ ‬څنګه‭ ‬چې‭ ‬عراق‭ ‬لا‭ ‬دمخه‭ ‬په‭ ‬موصل‭ ‬کې‭ ‬الجادة‭ ‬کمپ‭ ‬ته‭ ‬خپل‭ ‬لوی‭ ‬شمېر‭ ‬اتباع‭ ‬لیږدولي‭ ‬دي‭.‬

یونیپث‭: ‬عراق‭ ‬د‭ ‬پولې‭ ‬خوندي‭ ‬کولو‭ ‬لپاره‭ ‬د‭ ‬کومې‭ ‬ټیکنالوژۍ‭ ‬د‭ ‬ترلاسه‭ ‬کولو‭ ‬تمه‭ ‬لري؟‭ ‬

برید‭ ‬جنرال‭ ‬السعيدي‭:‬‭ ‬مونږ‭ ‬د‭ ‬سیمې‭ ‬په‭ ‬نورو‭ ‬هیوادونو‭ ‬لکه‭ ‬سعودي‭ ‬عربستان‭ ‬او‭ ‬اردن‭ ‬کې‭ ‬لیدل‭ ‬شوې‭ ‬پرمختللې‭ ‬ټیکنالوژۍ‭ ‬په‭ ‬لټه‭ ‬کې‭ ‬یو‭. ‬پدې‭ ‬کې‭ ‬پرمختللي‭ ‬انفراریډ‭ ‬کامرې،‭ ‬د‭ ‬اوږد‭ ‬واټن‭ ‬کشف‭ ‬لپاره‭ ‬رادارونه‭ ‬او‭ ‬د‭ ‬ځمکنیو‭ ‬هدفونو‭ ‬کشف‭ ‬کولو‭ ‬ټیکنالوژي‭ ‬شامله‭ ‬ده‭. ‬لومړنۍ‭ ‬ټیکنالوژي‭ ‬د‭ ‬خلکو،‭ ‬موټرو‭ ‬او‭ ‬خوځنده‭ ‬شیانو،‭ ‬حتی‭ ‬څارویو،‭ ‬کشف‭ ‬کولو‭ ‬لپاره‭ ‬ځانګړې‭ ‬ده‭. ‬داسې‭ ‬رادارونه‭ ‬شتون‭ ‬لري‭ ‬چې‭ ‬په‭ ‬د‭ ‬قیقه‭ ‬توګه‭ ‬د‭ ‬ځمکنیو‭ ‬اهدافو‭ ‬سره‭ ‬کار‭ ‬لري،‭ ‬کامرې‭ ‬لري‭ ‬او‭ ‬لارښوونه‭ ‬یې‭ ‬کوي،‭ ‬او‭ ‬انساني‭ ‬کار‭ ‬کموي‭. ‬نو‭ ‬مونږ‭ ‬کامرو،‭ ‬بیا‭ ‬رادارونو،‭ ‬ورپسې‭ ‬بې‭ ‬پیلوټه‭ ‬الوتکو‭ ‬او‭ ‬سینسرونو‭ ‬ته‭ ‬اړتیا‭ ‬لرو‭. ‬ډیری‭ ‬سیمې‭ ‬او‭ ‬هېوادونه‭ ‬زیرکې‭ ‬پولې‭ ‬او‭ ‬سینسرونه‭ ‬لري‭ ‬چې‭ ‬خوزښت‭ ‬کشف‭ ‬کوي،‭ ‬مګر‭ ‬زمونږ‭ ‬لومړی‭ ‬لومړیتوب‭ ‬د‭ ‬پرمختللو‭ ‬کامرو‭ ‬سره‭ ‬د‭ ‬خپلو‭ ‬پولو‭ ‬پوښل‭ ‬دي‭. ‬بې‭ ‬پیلوټه‭ ‬الوتکې‭ ‬په‭ ‬لرې‭ ‬واټن‭ ‬کې‭ ‬امنیت‭ ‬چمتو‭ ‬کوي،‭ ‬چې‭ ‬د‭ ‬پولې‭ ‬پراخه‭ ‬سیمه‭ ‬په‭ ‬ژوره‭ ‬او‭ ‬پراخه‭ ‬توګه‭ ‬افشا‭ ‬یا‭ ‬رابرسېره‭ ‬کوي‭.‬

یونیپث‭: ‬آیا‭ ‬د‭ ‬پوله‭ ‬ساتو‭ ‬قومانده‭ ‬بې‭ ‬پیلوټه‭ ‬الوتکې‭ ‬اداره‭ ‬کوي‭ ‬یا‭ ‬دا‭ ‬دنده‭ ‬پوځي‭ ‬هوایي‭ ‬چلند‭ ‬یا‭ ‬هوایي‭ ‬ځواک‭ ‬ته‭ ‬سپارل‭ ‬شوې؟‭ ‬

برید‭ ‬جنرال‭ ‬السعيدي‭:‬‭ ‬مونږ‭ ‬د‭ ‬کوچنیو‭ ‬بې‭ ‬پیلوټه‭ ‬الوتکو‭ ‬په‭ ‬اړه‭ ‬خبرې‭ ‬کوو‭ ‬چې‭ ‬د‭ ‬25‭-‬30‭ ‬کیلومتره‭ ‬ساده‭ ‬فاصله‭ ‬پوښي‭. ‬دا‭ ‬د‭ ‬پوله‭ ‬ساتو‭ ‬د‭ ‬قوماندې‭ ‬برخه‭ ‬ده‭. ‬مونږ‭ ‬معلوماتي‭ ‬ټیکنالوژي‭ ‬لرو،‭ ‬مونږ‭ ‬د‭ ‬بې‭ ‬پیلوټه‭ ‬الوتکو‭ ‬څانګه‭ ‬لرو،‭ ‬او‭ ‬مونږ‭ ‬پخپله‭ ‬بې‭ ‬پیلوټه‭ ‬الوتکې‭ ‬لرو،‭ ‬مګر‭ ‬دوی‭ ‬د‭ ‬5‭ ‬څخه‭ ‬تر‭ ‬6‭ ‬کیلومترو‭ ‬پورې‭ ‬محدود‭ ‬حد‭ (‬رینج‭) ‬لري‭. ‬په‭ ‬هر‭ ‬صورت،‭ ‬مونږ‭ ‬بې‭ ‬پیلوټه‭ ‬الوتکو‭ ‬ته‭ ‬اړتیا‭ ‬لرو‭ ‬چې‭ ‬لوی‭ ‬رینج‭ ‬او‭ ‬د‭ ‬الوتنې‭ ‬اوږد‭ ‬وخت‭ ‬ولري‭ ‬تر‭ ‬څو‭ ‬دا‭ ‬ممکنه‭ ‬شي‭ ‬چې‭ ‬پوله‭ ‬په‭ ‬ژوره‭ ‬توګه‭ ‬خوندي‭ ‬کړو،‭ ‬د‭ ‬کشف‭ ‬ماموریتونه‭ ‬ترسره‭ ‬کړو،‭ ‬او‭ ‬سوریایي‭ ‬اړخ‭ ‬ته‭ ‬د‭ ‬پولې‭ ‬په‭ ‬اوږدو‭ ‬کې‭ ‬یا‭ ‬د‭ ‬پولې‭ ‬لرې‭ ‬پرتو‭ ‬پوستو‭ ‬تر‭ ‬منځ‭ ‬د‭ ‬پولې‭ ‬پټۍ‭ ‬په‭ ‬اوږدو‭ ‬کې‭ ‬هدفونه‭ ‬په‭ ‬نښه‭ ‬او‭ ‬څارنه‭ ‬یې‭ ‬وکړو‭.‬

یونیپث‭: ‬تاسو‭ ‬د‭ ‬دې‭ ‬ټیکنالوژیو‭ ‬ترلاسه‭ ‬کولو‭ ‬ته‭ ‬څومره‭ ‬نږدې‭ ‬یاست؟

برید‭ ‬جنرال‭ ‬السعيدي‭: ‬د‭ ‬عراق‭ ‬دولت‭ ‬او‭ ‬د‭ ‬لومړي‭ ‬وزیر‭ ‬او‭ ‬د‭ ‬کورنیو‭ ‬چارو‭ ‬وزیر‭ ‬لخوا‭ ‬د‭ ‬پام‭ ‬وړ‭ ‬هڅې‭ ‬شتون‭ ‬لري‭ ‬چې‭ ‬د‭ ‬پولې‭ ‬ساتونکو‭ ‬قوماندې‭ ‬ملاتړ‭ ‬وکړي‭ ‬ترڅو‭ ‬د‭ ‬عراقي‭ ‬پولې‭ ‬د‭ ‬ساتنې‭ ‬اړتیاوې‭ ‬پوره‭ ‬کړي‭ ‬او‭ ‬دا‭ ‬غوښتنې‭ ‬خوندي‭ ‬کړي‭. ‬زه‭ ‬ډاډه‭ ‬یم‭ ‬چې‭ ‬هغه‭ ‬څه‭ ‬چې‭ ‬مونږ‭ ‬په‭ ‬تېر‭ ‬کال‭ ‬کې‭ ‬د‭ ‬ټینګښت‭ (‬پیاوړي‭ ‬کولو‭) ‬پروژو‭ ‬په‭ ‬برخه‭ ‬کې‭ ‬لیدلي‭ ‬د‭ ‬عراق‭ ‬د‭ ‬دولت‭ ‬په‭ ‬تاریخ‭ ‬کې‭ ‬هیڅ‭ ‬مثال‭ ‬نلري‭. ‬مونږ‭ ‬د‭ ‬لومړي‭ ‬ځل‭ ‬لپاره‭ ‬په‭ ‬پولو،‭ ‬په‭ ‬ځانګړې‭ ‬توګه‭ ‬د‭ ‬عراق‭ ‬او‭ ‬سوریې‭ ‬په‭ ‬پوله،‭ ‬کې‭ ‬د‭ ‬پام‭ ‬وړ‭ ‬هڅې‭ ‬کړي‭ ‬او‭ ‬مهمې‭ ‬پروژې‭ ‬مو‭ ‬تر‭ ‬سره‭ ‬کړي‭ ‬دي‭. ‬مونږ‭ ‬لګیا‭ ‬یو‭ ‬سخت‭ ‬کار‭ ‬کوو‭ ‬او‭ ‬د‭ ‬عراق‭-‬سوریې‭ ‬پوله‭ ‬مو‭ ‬د‭ ‬مانعو‭ ‬په‭ ‬یو‭ ‬مثالي‭ ‬سیسټم‭ ‬پوښلې‭ ‬ده،‭ ‬نږدې‭ ‬340‭ ‬کیلومتره‭ ‬اوږدوالي‭ ‬پورې،‭ ‬چې‭ ‬3‭ ‬متره‭ ‬پراخه‭ ‬او‭ ‬3‭ ‬متره‭ ‬ژور‭ ‬خندقونو،‭ ‬او‭ ‬په‭ ‬ځمکه‭ ‬کې‭ ‬3‭ ‬متره‭ ‬لوړ‭ ‬برم،‭ ‬ورپسې‭ ‬د‭ ‬اغزن‭ ‬تارونو‭ ‬د‭ ‬لړۍ‭ ‬لرونکی‭ ‬دی‭. ‬هر‭ ‬1‭,‬000‭ ‬څخه‭ ‬تر‭ ‬1‭,‬500‭ ‬مترو‭ ‬پورې‭ ‬پیاوړې‭ ‬شوې‭ ‬نقطې‭ ‬او‭ ‬کانکریټي‭ ‬برجونه‭ ‬دي‭. ‬د‭ ‬سوریې‭ ‬د‭ ‬پولې‭ ‬په‭ ‬اوږدو‭ ‬کې‭ ‬حرارتي‭ ‬کامرې،‭ ‬یو‭ ‬په‭ ‬بل‭ ‬پسې،‭ ‬نصب‭ ‬شوي‭ ‬چې‭ ‬ټوله‭ ‬پوله‭ ‬پوښي‭. ‬اوسنۍ‭ ‬مهمه‭ ‬پروژه‭ ‬د‭ ‬عراق‭ ‬او‭ ‬سوریې‭ ‬پر‭ ‬پوله‭ ‬د‭ ‬کانکریټي‭ ‬دیوال‭ ‬جوړول‭ ‬دي‭. ‬د‭ ‬عراق‭ ‬او‭ ‬سوریې‭ ‬د‭ ‬پولې‭ ‬په‭ ‬اوږدو‭ ‬کې‭ ‬د‭ ‬140‭ ‬کیلومترو‭ ‬څخه‭ ‬د‭ ‬اږود‭ ‬دیوال‭ ‬د‭ ‬بشپړېدو‭ ‬وروسته‭ ‬به‭ ‬دا‭ ‬دیوال‭ ‬د‭ ‬نفوذ‭ ‬او‭ ‬قاچاق‭ ‬د‭ ‬مخنیوي‭ ‬او‭ ‬د‭ ‬دفاعي‭ ‬حالت‭ ‬پیاوړي‭ ‬کولو‭ ‬لپاره‭ ‬یوه‭ ‬مناسبه‭ ‬مانع‭ ‬ده‭. ‬زه‭ ‬غواړم‭ ‬د‭ ‬یو‭ ‬بل‭ ‬اړین‭ ‬ټکي‭ ‬یادونه‭ ‬هم‭ ‬وکړم‭. ‬د‭ ‬پولې‭ ‬ساتونکو‭ ‬قومانده‭ ‬د‭ ‬تیار‭-‬چمتو‭ ‬شوو‭ ‬کانکریټو‭ ‬یوه‭ ‬فابریکه‭ ‬چلوي‭ ‬چې‭ ‬د‭ ‬مانعې‭ ‬دیوالونه‭ ‬جوړوي،‭ ‬او‭ ‬د‭ ‬سنجار‭ ‬له‭ ‬غره‭ ‬څخه‭ ‬د‭ ‬رابعه‭ ‬په‭ ‬لور‭ ‬د‭ ‬پولې‭ ‬پټۍ‭ ‬په‭ ‬اوږدو‭ ‬کې‭ ‬کار‭ ‬دوام‭ ‬لري‭. ‬دا‭ ‬د‭ ‬پیاوړي‭ ‬کولو‭ ‬هغه‭ ‬سیسټم‭ ‬دی‭ ‬چې‭ ‬مونږ‭ ‬د‭ ‬سوریې‭ ‬په‭ ‬پوله‭ ‬کې‭ ‬جوړ‭ ‬کړ‭. ‬دا‭ ‬هماغه‭ ‬سیسټم‭ ‬دی‭ ‬چې‭ ‬مونږ‭ ‬یې‭ ‬ایران‭ ‬سره‭ ‬لګیدلې‭ ‬پوله‭ ‬کې‭ ‬جوړوو‭. ‬مونږ‭ ‬په‭ ‬بصره‭ ‬کې‭ ‬د‭ ‬راس‭ ‬البیشا‭ ‬سیمې‭ ‬څخه‭ ‬تر‭ ‬سلیمانیه‭ ‬ولایت‭ ‬پورې‭ ‬حرارتي‭ ‬کامرې‭ ‬نصب‭ ‬کړي‭ ‬او‭ ‬دا‭ ‬ټوله‭ ‬سیمه‭ ‬مو‭ ‬په‭ ‬پراخه‭ ‬ساحې‭ ‬پوښونکو‭ ‬کامرو‭ ‬پوښلې‭ ‬ده‭. ‬مونږ‭ ‬په‭ ‬ټوله‭ ‬سیمه‭ ‬کې‭ ‬کانکریټ‭ ‬برجونه‭ ‬هم‭ ‬لرو‭. ‬مونږ‭ ‬د‭ ‬عراق‭ ‬پولې‭ ‬لپاره‭ ‬د‭ ‬پولیسو‭ ‬د‭ ‬مرکزونو‭ ‬او‭ ‬اضافي‭ ‬پوستو‭ ‬جوړول‭ ‬هم‭ ‬پېل‭ ‬کړي‭ ‬دي‭. ‬دوی‭ ‬په‭ ‬دریو‭ ‬برخو‭ ‬ویشل‭ ‬کیدی‭ ‬شي‭: ‬لومړی‭ ‬د‭ ‬ترکیې‭ ‬او‭ ‬ایران‭ ‬سره‭ ‬زمونږ‭ ‬پوله‭ ‬ده‭. ‬عراق‭ ‬له‭ ‬ټولو‭ ‬ګاونډیو‭ ‬هېوادونو‭ ‬سره‭ ‬د‭ ‬عراق‭ ‬پولې‭ ‬ته‭ ‬څېرمه‭ ‬د‭ ‬پولیسو‭ ‬دغو‭ ‬240‭ ‬تاسیساتو‭ ‬جوړولو‭ ‬لپاره‭ ‬له‭ ‬شرکتونو‭ ‬سره‭ ‬قراردادونه‭ ‬پېل‭ ‬کړي‭ ‬دي‭. ‬دا‭ ‬یوه‭ ‬لویه‭ ‬لاسته‭ ‬راوړنه‭ ‬ده‭. ‬له‭ ‬ایران‭ ‬سره‭ ‬زمونږ‭ ‬د‭ ‬پولې‭ ‬په‭ ‬اړه،‭ ‬مونږ‭ ‬د‭ ‬میسان‭ ‬په‭ ‬ولایت‭ ‬کې‭ ‬د‭ ‬200‭ ‬کیلومتره‭ ‬په‭ ‬اوږدوالي‭ ‬دوه‭ ‬پروژې‭ ‬لرو،‭ ‬چې‭ ‬لومړۍ‭ ‬یې‭ ‬د‭ ‬اغزن‭ ‬تار‭ ‬امنیتي‭ ‬دیوال‭ ‬او‭ ‬بله‭ ‬یې‭ ‬د‭ ‬PRC‭ ‬ساتندویه‭ ‬دیوال‭ ‬دی،‭ ‬چې‭ ‬د‭ ‬بشپړېدو‭ ‬پرمختللو‭ ‬مرحلو‭ ‬ته‭ ‬رسیدلې‭ ‬دي‭. ‬مونږ‭ ‬له‭ ‬الشیب‭ ‬څخه‭ ‬تر‭ ‬سلیمانیه‭ ‬پورې‭ ‬د‭ ‬عراق‭-‬ایران‭ ‬پر‭ ‬پوله‭ ‬یوه‭ ‬لاره‭ ‬جوړه‭ ‬کړه‭ ‬چې‭ ‬650‭ ‬کیلومتره‭ ‬اوږدوالی‭ ‬لري‭ ‬او‭ ‬د‭ ‬ایران‭-‬عراق‭ ‬جګړې‭ ‬څخه‭ ‬پاتې‭ ‬شوي‭ ‬په‭ ‬زرګونو‭ ‬ماینونه‭ ‬مو‭ ‬له‭ ‬منځه‭ ‬یوړل‭ ‬او‭ ‬نن‭ ‬مو‭ ‬په‭ ‬هغې‭ ‬باندې‭ ‬د‭ ‬ټینګښت‭ ‬تاسیسات‭ ‬جوړ‭ ‬کړې‭ ‬دي‭. ‬زمونږ‭ ‬په‭ ‬ټولو‭ ‬پولو‭ ‬کې‭ ‬د‭ ‬پام‭ ‬وړ‭ ‬هڅې‭ ‬روانې‭ ‬دي‭.‬

یونیپث‭: ‬پوله‭ ‬ساتي‭ ‬ځواکونه‭ ‬کومه‭ ‬ځانګړې‭ ‬روزنه‭ ‬ترلاسه‭ ‬کوي؟

برید‭ ‬جنرال‭ ‬السعيدي‭: ‬د‭ ‬خپل‭ ‬کورس‭ ‬کار‭ ‬د‭ ‬بشپړولو‭ ‬څخه‭ ‬وروسته،‭ ‬د‭ ‬پولیسو‭ ‬کالج‭ ‬یا‭ ‬د‭ ‬لوړو‭ ‬زده‭ ‬کړو‭ ‬د‭ ‬انسټیټیوټ‭ ‬یو‭ ‬فارغ‭ ‬په‭ ‬یو‭ ‬ځانګړي‭ ‬کورس‭ ‬کې‭ ‬شاملیږي،‭ ‬چې‭ ‬ورپسې‭ ‬د‭ ‬خپل‭ ‬خدمت‭ ‬په‭ ‬موده‭ ‬کې‭ ‬د‭ ‬هرې‭ ‬ارتقاء‭ ‬څخه‭ ‬وروسته‭ ‬ډیری‭ ‬کورسونه‭ ‬تعقیبوي‭. ‬په‭ ‬ورته‭ ‬ډول،‭ ‬زمونږ‭ ‬ټولو‭ ‬غړو‭ ‬د‭ ‬کټګورۍ‭ ‬په‭ ‬کورسونو‭ ‬کې‭ ‬نوم‭ ‬لیکنه‭ ‬کړې‭. ‬مونږ‭ ‬د‭ ‬پوله‭ ‬ساتو‭ ‬په‭ ‬قومانده‭ ‬کې‭ ‬څلور‭ ‬ښوونځي‭ ‬لرو‭ ‬چې‭ ‬د‭ ‬هر‭ ‬نوي‭ ‬ټولګي‭ ‬روزلو‭ ‬او‭ ‬د‭ ‬پرمختیایي‭ ‬کورسونو،‭ ‬همدارنګه‭ ‬د‭ ‬هغو‭ ‬کورسونو‭ ‬چې‭ ‬په‭ ‬ځانګړي‭ ‬روزنیز‭ ‬نصاب‭ ‬کې‭ ‬شامل‭ ‬دي،‭ ‬د‭ ‬تدریس‭ ‬لپاره‭ ‬کار‭ ‬کوي‭. ‬له‭ ‬همدې‭ ‬امله‭ ‬د‭ ‬پولې‭ ‬د‭ ‬ځواکونو‭ ‬افسرانو‭ ‬او‭ ‬غړو‭ ‬د‭ ‬چمتو‭ ‬کولو‭ ‬او‭ ‬پرمختګ‭ ‬بهیر‭ ‬ټول‭ ‬کال‭ ‬دوام‭ ‬کوي‭. ‬

یونیپث‭: ‬پوله‭ ‬ساتي‭ ‬څنګه‭ ‬د‭ ‬دولت‭ ‬نورو‭ ‬امنیتي‭ ‬خدمتونو‭ ‬سره‭ ‬داخلي‭ ‬استخبارات‭ ‬شریکوي؟‭ ‬

برید‭ ‬جنرال‭ ‬السعيدي‭:‬‭ ‬البته،‭ ‬د‭ ‬پوله‭ ‬ساتو‭ ‬قومانده‭ ‬د‭ ‬دولت‭ ‬د‭ ‬امنیتي‭ ‬دستګاه‭ ‬برخه‭ ‬ده‭. ‬مونږ‭ ‬په‭ ‬لوړه‭ ‬کچه‭ ‬همغږي‭ ‬لرو‭ ‬او،‭ ‬د‭ ‬نورو‭ ‬څانګو‭ ‬په‭ ‬څېر،‭ ‬مونږ‭ ‬د‭ ‬پوله‭ ‬ساتو‭ ‬قوماندې‭ ‬لپاره‭ ‬د‭ ‬اړیکو‭ ‬چینل‭ ‬لرو،‭ ‬کوم‭ ‬چې‭ ‬وزارت‭ ‬او‭ ‬ګډ‭ ‬عملیات‭ ‬دي‭. ‬نو‭ ‬ځکه‭ ‬مونږ‭ ‬د‭ ‬پولې‭ ‬اړوند‭ ‬ډیری‭ ‬استخباراتي‭ ‬راپورونه‭ ‬له‭ ‬دې‭ ‬لارې‭ ‬او‭ ‬د‭ ‬ګډو‭ ‬عملیاتو‭ ‬استخباراتو‭ ‬له‭ ‬لارې‭ ‬ترلاسه‭ ‬کوو‭. ‬مونږ‭ ‬د‭ ‬ټولو‭ ‬استخباراتي‭ ‬ادارو‭ ‬څخه‭ ‬راپورونه‭ ‬ترلاسه‭ ‬کوو‭.‬

یونیپث‭: ‬آیا‭ ‬تاسو‭ ‬د‭ ‬مخدره‭ ‬توکو‭ ‬یا‭ ‬وسلو‭ ‬د‭ ‬قاچاق‭ ‬په‭ ‬عملیاتو‭ ‬کې‭ ‬مداخلې‭ ‬لپارهد‭ ‬نورو‭ ‬ادارو‭ ‬له‭ ‬استخباراتو‭ ‬څخه‭ ‬کار‭ ‬اخیستی‭ ‬دی؟‭ ‬

برید‭ ‬جنرال‭ ‬السعيدي‭:‬‭ ‬په‭ ‬یقین‭ ‬سره،‭ ‬د‭ ‬سوریې‭ ‬پوله‭ ‬د‭ ‬نورو‭ ‬استخباراتي‭ ‬ادارو‭ ‬لکه‭ ‬د‭ ‬ملي‭ ‬امنیت‭ ‬خدمت‭ ‬او‭ ‬د‭ ‬عراق‭ ‬ملي‭ ‬استخباراتو‭ ‬لخوا‭ ‬څارل‭ ‬کیږي‭. ‬ډیری‭ ‬بریالي‭ ‬عملیات‭ ‬د‭ ‬مخکینیو‭ ‬استخباراتو‭ ‬په‭ ‬رڼا‭ ‬کې‭ ‬بشپړ‭ ‬شوي‭. ‬د‭ ‬بېلګې‭ ‬په‭ ‬توګه،‭ ‬مونږ‭ ‬د‭ ‬چرسو‭ ‬د‭ ‬بار‭ ‬وړلو‭ ‬په‭ ‬اړه‭ ‬د‭ ‬ملي‭ ‬امنیت‭ ‬خدمتونو‭ ‬د‭ ‬کره‭ ‬استخباراتي‭ ‬راپورونو‭ ‬پر‭ ‬بنسټ‭ ‬د‭ ‬ایران‭ ‬پر‭ ‬پوله‭ ‬باندې‭ ‬یوه‭ ‬دنده‭ ‬درلوده‭. ‬له‭ ‬ایران‭ ‬څخه‭ ‬د‭ ‬شط‭ ‬العرب‭ ‬له‭ ‬لارې‭ ‬د‭ ‬دې‭ ‬د‭ ‬قاچاق‭ ‬هڅه‭ ‬په‭ ‬بصره‭ ‬کې‭ ‬د‭ ‬ملي‭ ‬امنیت‭ ‬ادارې‭ ‬سره‭ ‬د‭ ‬ګډې‭ ‬دندې‭ ‬له‭ ‬لارې‭ ‬شنډه‭ ‬شوه‭. ‬معلومات‭ ‬د‭ ‬ملي‭ ‬امنیت‭ ‬خدمت‭ ‬لخوا‭ ‬ورکړل‭ ‬شوي‭ ‬وو‭ ‬چې‭ ‬پلي‭ ‬کونکی‭ ‬ځواک‭ ‬یې‭ ‬پوله‭ ‬ساتي‭ ‬ځواکونه‭ ‬وو‭. ‬دا‭ ‬خورا‭ ‬مسلکي‭ ‬همغږي‭ ‬تل‭ ‬د‭ ‬هغو‭ ‬مخدره‭ ‬توکو‭ ‬یا‭ ‬نورو‭ ‬توکو‭ ‬د‭ ‬قاچاق‭ ‬وړونکو‭ ‬په‭ ‬تعقیبولو‭ ‬کې‭ ‬د‭ ‬بریالي‭ ‬عملیاتو‭ ‬پایله‭ ‬لري‭ ‬چې‭ ‬قاچاق‭ ‬وړونکي‭ ‬هڅه‭ ‬کوي‭ ‬د‭ ‬پولې‭ ‬څخه‭ ‬یې‭ ‬راواړوي‭.‬

یونیپث‭: ‬آیا‭ ‬تاسو‭ ‬پر‭ ‬پوله‭ ‬باندې‭ ‬د‭ ‬ترهګرو‭ ‬او‭ ‬قاچاقبرانو‭ ‬په‭ ‬مخنیوي‭ ‬کې‭ ‬د‭ ‬بریالیتوبونو‭ ‬په‭ ‬اړه‭ ‬خبرې‭ ‬کولی‭ ‬شئ؟‭ ‬

برید‭ ‬جنرال‭ ‬السعيدي‭: ‬د‭ ‬ګواښ‭ ‬لومړۍ‭ ‬سرچینه‭ ‬له‭ ‬القائم‭ ‬څخه‭ ‬تر‭ ‬رابعه‭ ‬پورې‭ ‬د‭ ‬سوریې‭ ‬پوله‭ ‬ده‭. ‬نن‭ ‬ورځ،‭ ‬مونږ‭ ‬د‭ ‬دې‭ ‬پولې‭ ‬د‭ ‬کنټرول‭ ‬ترټولو‭ ‬غوره‭ ‬کچه‭ ‬ترلاسه‭ ‬کړې،‭ ‬چې‭ ‬د‭ ‬عراق‭ ‬دننه‭ ‬او‭ ‬بهر‭ ‬څخه‭ ‬د‭ ‬قاچاق‭ ‬د‭ ‬نفو‌ذ‭ ‬مخنیوی‭ ‬کوي‭. ‬د‭ ‬یادولو‭ ‬وړ‭ ‬ده‭ ‬چې‭ ‬په‭ ‬تېرو‭ ‬دوو‭ ‬کلونو‭ ‬کې‭ ‬د‭ ‬پولو‭ ‬د‭ ‬کنټرول‭ ‬په‭ ‬برخه‭ ‬کې‭ ‬د‭ ‬بریالیتوب‭ ‬کچه‭ ‬لوړه‭ ‬شوې‭ ‬ده‭. ‬زمونږ‭ ‬د‭ ‬شریکانو‭ ‬لخوا‭ ‬خورا‭ ‬ښه‭ ‬ملاتړ‭ ‬شتون‭ ‬لري،‭ ‬او‭ ‬مونږ‭ ‬د‭ ‬دې‭ ‬پولو‭ ‬د‭ ‬لویې‭ ‬برخې‭ ‬د‭ ‬پوښلو‭ ‬لپاره‭ ‬د‭ ‬162‭ ‬کیلومترو‭ ‬په‭ ‬اوږدو‭ ‬کې‭ ‬د‭ ‬انفراریډ‭ ‬کامرې‭ ‬سیسټم‭ ‬سره‭ ‬د‭ ‬تجهیز‭ ‬په‭ ‬برخه‭ ‬کې‭ ‬د‭ ‬متحده‭ ‬ایالاتو‭ ‬د‭ ‬دفاع‭ ‬د‭ ‬ګواښونو‭ ‬کموالي‭ ‬ادارې‭ (‬DTRA‭) ‬څخه‭ ‬ملاتړ‭ ‬ته‭ ‬سترګې‭ ‬په‭ ‬لار‭ ‬یو‭. ‬دا‭ ‬به‭ ‬د‭ ‬سوریې‭ ‬سره‭ ‬زمونږ‭ ‬په‭ ‬پولو‭ ‬او‭ ‬همدارنګه‭ ‬له‭ ‬ایران‭ ‬سره‭ ‬زمونږ‭ ‬پر‭ ‬پولو‭ ‬باندې‭ ‬د‭ ‬ښې‭ ‬پایلو‭ ‬په‭ ‬لرلو‭ ‬کې‭ ‬برخه‭ ‬واخلي‭. ‬مونږ‭ ‬سږ‭ ‬کال‭ ‬د‭ ‬دغو‭ ‬پیاوړتیاو‭ ‬او‭ ‬هغو‭ ‬اقداماتو‭ ‬له‭ ‬لارې‭ ‬چې‭ ‬مخکې‭ ‬یې‭ ‬یادونه‭ ‬شوې‭ ‬سترې‭ ‬پایلې‭ ‬ترلاسه‭ ‬کړې،‭ ‬لکه‭ ‬د‭ ‬کامرو‭ ‬نصبول،‭ ‬د‭ ‬څار‭ ‬برجونه‭ ‬نصبول،‭ ‬د‭ ‬پوستو‭ ‬جوړول،‭ ‬او‭ ‬د‭ ‬روزنې‭ ‬او‭ ‬جنګي‭ ‬چمتووالي‭ ‬او‭ ‬د‭ ‬څارنې‭ ‬چمتووالي‭ ‬له‭ ‬لارې‭ ‬د‭ ‬واحدونو‭ ‬پیاوړي‭ ‬کول‭. ‬له‭ ‬همدې‭ ‬امله‭ ‬مونږ‭ ‬د‭ ‬بې‭ ‬اجازې‭ ‬ننوتونکو‭ ‬او‭ ‬قاچاق‭ ‬وړونکو‭ ‬پر‭ ‬وړاندې‭ ‬په‭ ‬لوړه‭ ‬کچه‭ ‬د‭ ‬پولې‭ ‬کنټرول‭ ‬ترلاسه‭ ‬کړی‭ ‬دی‭.‬

یونیپث‭: ‬د‭ ‬اردن‭ ‬پوله‭ ‬ساتو‭ ‬د‭ ‬نشه‭ ‬يي‭ ‬توکو‭ ‬د‭ ‬قاچاق‭ ‬لپاره‭ ‬د‭ ‬بې‭ ‬پیلوټه‭ ‬الوتونکو‭ ‬او‭ ‬پاراګلایډرونو‭ ‬د‭ ‬کارولو‭ ‬هڅې‭ ‬شنډې‭ ‬کړې‭. ‬آیا‭ ‬د‭ ‬عراق‭ ‬پوله‭ ‬ساتو‭ ‬ورته‭ ‬هڅې‭ ‬شنډې‭ ‬کړي‭ ‬دي؟‭ ‬آیا‭ ‬سینسرونه‭ ‬دوی‭ ‬کشف‭ ‬کولی‭ ‬شي؟

برید‭ ‬جنرال‭ ‬السعيدي‭:‬مونږ‭ ‬له‭ ‬سوریې‭ ‬څخه‭ ‬د‭ ‬دې‭ ‬ډول‭ ‬عملیاتو‭ ‬له‭ ‬راپورته‭ ‬کېدو‭ ‬څخه‭ ‬خبر‭ ‬یو‭ ‬چې‭ ‬اردنیانو‭ ‬ورته‭ ‬ماتې‭ ‬ورکړې‭ ‬ده‭. ‬دا‭ ‬بې‭ ‬پیلوټه‭ ‬الوتکې‭ ‬د‭ ‬ماشومانو‭ ‬د‭ ‬لوبتوکو‭ ‬څخه‭ ‬لږې‭ ‬لوی‭ ‬دي‭ ‬چې‭ ‬دوی‭ ‬یې‭ ‬له‭ ‬کورونو‭ ‬څخه‭ ‬الوزوي‭ ‬او‭ ‬د‭ ‬دوی‭ ‬د‭ ‬سرعت‭ ‬او‭ ‬کوچنۍ‭ ‬اندازې‭ ‬له‭ ‬امله‭ ‬یې‭ ‬تعقیبول‭ ‬او‭ ‬په‭ ‬ډزو‭ ‬ویشتل‭ ‬ګران‭ ‬دي‭. ‬دا‭ ‬طریقه‭ ‬کیدای‭ ‬شي‭ ‬د‭ ‬استوګنې‭ ‬په‭ ‬هغو‭ ‬سیمو‭ ‬کې‭ ‬کار‭ ‬وکړي‭ ‬چې‭ ‬یو‭ ‬بل‭ ‬ته‭ ‬نږدې‭ ‬وي،‭ ‬مګر‭ ‬مونږ‭ ‬په‭ ‬ندرت‭ ‬سره‭ ‬نړیوالو‭ ‬پولو‭ ‬ته‭ ‬نږدې‭ ‬کلي‭ ‬لرو‭. ‬دا‭ ‬کوچنۍ‭ ‬بې‭ ‬پیلوټه‭ ‬الوتکې‭ ‬دي،‭ ‬یو‭ ‬کیلوګرام‭ ‬یا‭ ‬لږ‭ ‬وزن‭ ‬وړي،‭ ‬او‭ ‬اړتیا‭ ‬لري‭ ‬چې‭ ‬کورونه‭ ‬باید‭ ‬په‭ ‬نږدې‭ ‬حدوداتو‭ ‬کې‭ ‬وي‭. ‬مونږ‭ ‬له‭ ‬سوریې‭ ‬سره‭ ‬پولې‭ ‬ته‭ ‬څېرمه‭ ‬دوه‭ ‬ښاري‭ ‬سیمې‭ ‬لرو،‭ ‬رابعه‭ ‬او‭ ‬القیم،‭ ‬چې‭ ‬مونږ‭ ‬پرې‭ ‬استخباراتي‭ ‬هڅې‭ ‬متمرکزه‭ ‬کوو‭. ‬مونږ‭ ‬همداشان‭ ‬په‭ ‬باغوز‭ ‬کې‭ ‬د‭ ‬فرات‭ ‬په‭ ‬شمال‭ ‬او‭ ‬جنوب‭ ‬کې‭ ‬د‭ ‬12‭ ‬کیلومترو‭ ‬په‭ ‬اوږدوالي‭ ‬د‭ ‬مانع‭ ‬کانکریټي‭ ‬دیوال‭ ‬د‭ ‬جوړولو‭ ‬کار‭ ‬پیل‭ ‬کړی‭ ‬دی‭ ‬چې‭ ‬د‭ ‬عراقي‭ ‬کلیو‭ ‬او‭ ‬د‭ ‬سوریې‭ ‬د‭ ‬ځواکونو‭ ‬له‭ ‬نږدې‭ ‬ځایونو‭ ‬څخه‭ ‬د‭ ‬قاچاق‭ ‬او‭ ‬نفوذ‭ ‬مخه‭ ‬ونیول‭ ‬شي‭. ‬تر‭ ‬هغه‭ ‬ځایه‭ ‬چې‭ ‬د‭ ‬بې‭ ‬پیلوټه‭ ‬الوتکو‭ ‬د‭ ‬کارولو‭ ‬خبره‭ ‬ده،‭ ‬تر‭ ‬دې‭ ‬دمه‭ ‬د‭ ‬کوم‭ ‬ګواښ‭ ‬نښه‭ ‬نه‭ ‬ده‭ ‬لیدل‭ ‬شوې‭.‬

یونیپث‭: ‬د‭ ‬عراق‭ ‬هوايي‭ ‬ځواک‭ ‬او‭ ‬پوځي‭ ‬هوایي‭ ‬چلند‭ ‬کوم‭ ‬ملاتړی‭ ‬رول‭ ‬لوبوي؟

برید‭ ‬جنرال‭ ‬السعيدي‭:‬‭ ‬مونږ‭ ‬د‭ ‬ګډو‭ ‬عملیاتو‭ ‬قوماندې‭ ‬له‭ ‬لارې‭ ‬د‭ ‬ټولو‭ ‬امنیتي‭ ‬خدمتونو‭ ‬سره‭ ‬د‭ ‬پام‭ ‬وړ‭ ‬له‭ ‬همغږۍ‭ ‬څخه‭ ‬برخمن‭ ‬یو،‭ ‬او‭ ‬هرکله‭ ‬چې‭ ‬مونږ‭ ‬د‭ ‬ملاتړ‭ ‬غوښتنه‭ ‬کوو،‭ ‬په‭ ‬ځانګړې‭ ‬توګه‭ ‬د‭ ‬انبار‭ ‬او‭ ‬الجزیرې‭ ‬په‭ ‬شاوخوا‭ ‬کې‭ ‬د‭ ‬ویجاړو‭ ‬سیمو‭ ‬لپاره‭ ‬چیرې‭ ‬چې‭ ‬داعش‭ ‬عناصر‭ ‬کله‭ ‬ناکله‭ ‬ځانونه‭ ‬ښکاره‭ ‬کوي،‭ ‬د‭ ‬هوایي‭ ‬ځواک‭ ‬او‭ ‬د‭ ‬پوځ‭ ‬هوایي‭ ‬چلند،‭ ‬د‭ ‬ګډو‭ ‬عملیاتو‭ ‬له‭ ‬لارې،‭ ‬زمونږ‭ ‬واحدونو‭ ‬ته‭ ‬په‭ ‬وخت‭ ‬ملاتړ‭ ‬چمتو‭ ‬کوي‭.‬

یونیپث‭: ‬تاسو‭ ‬په‭ ‬سیمه‭ ‬کې‭ ‬له‭ ‬نورو‭ ‬هېوادونو‭ ‬سره‭ ‬کوم‭ ‬ډول‭ ‬امنیتي‭ ‬همکارۍ‭ ‬ساتئ؟

برید‭ ‬جنرال‭ ‬السعيدي‭:‬د‭ ‬عراق‭ ‬سرحدونه‭ ‬په‭ ‬فدرالي‭ ‬ډول‭ ‬اداره‭ ‬کیږي‭. ‬د‭ ‬پوله‭ ‬ساتو‭ ‬د‭ ‬قوماندې‭ ‬مرکزي‭ ‬دفتر‭ ‬د‭ ‬عراق‭ ‬د‭ ‬ټولو‭ ‬ګاونډیو‭ ‬سره‭ ‬د‭ ‬پولې‭ ‬د‭ ‬ټولو‭ ‬سکټورونو‭ ‬د‭ ‬قوماندې‭ ‬نظارت‭ ‬او‭ ‬کنټرول‭ ‬لپاره‭ ‬تاسیس‭ ‬شو‭. ‬په‭ ‬دې‭ ‬کې‭ ‬له‭ ‬شپږو‭ ‬ګاونډیو‭ ‬هېوادونو‭ ‬سره‭ ‬3‭,‬700‭ ‬کیلومتره‭ ‬ګډه‭ ‬پوله‭ ‬شامله‭ ‬ده‭. ‬له‭ ‬ګاونډیانو‭ ‬سره‭ ‬زمونږ‭ ‬د‭ ‬همکاریو‭ ‬په‭ ‬لړ‭ ‬کې،‭ ‬مونږ‭ ‬د‭ ‬دغو‭ ‬هېوادونو‭ ‬د‭ ‬پولو‭ ‬له‭ ‬مشرانو‭ ‬او‭ ‬قوماندانانو‭ ‬سره‭ ‬په‭ ‬پوله‭ ‬کې‭ ‬د‭ ‬کار‭ ‬کولو‭ ‬لپاره‭ ‬ځانګړی‭ ‬میکانیزم‭ ‬لرو‭. ‬دا‭ ‬د‭ ‬اړیکو‭ ‬افسر‭ ‬په‭ ‬کچه‭ ‬پیل‭ ‬کیږي‭. ‬هغه‭ ‬په‭ ‬بل‭ ‬هېواد‭ ‬کې‭ ‬د‭ ‬خپل‭ ‬سیال‭ ‬سره‭ ‬د‭ ‬اړیکو‭ ‬نیولو‭ ‬مسولیت‭ ‬لري‭. ‬دوی‭ ‬د‭ ‬هرې‭ ‬پیښې‭ ‬په‭ ‬اړه‭ ‬چې‭ ‬په‭ ‬پوله‭ ‬کې‭ ‬پیښیږي‭ ‬د‭ ‬واقعیي‭ ‬مهال‭ ‬اړیکه‭ ‬رامنځته‭ ‬کوي‭. ‬دوی‭ ‬کولی‭ ‬شي‭ ‬په‭ ‬دوه‭ ‬اړخیزه‭ ‬مناسب‭ ‬ځای‭ ‬کې‭ ‬د‭ ‬سمدستي‭ ‬ناستې‭ ‬غوښتنه‭ ‬وکړي‭ ‬ترڅو‭ ‬کومه‭ ‬امنیتي‭ ‬تشه‭ ‬حل‭ ‬کړي‭. ‬د‭ ‬سرحدي‭ ‬سيمو‭ ‬د‭ ‬اړيکو‭ ‬مسوول‭ ‬په‭ ‬ګاونډي‭ ‬هېواد‭ ‬کې‭ ‬له‭ ‬خپل‭ ‬سيال‭ ‬سره‭ ‬په‭ ‬هرو‭ ‬شپږو‭ ‬مياشتو‭ ‬کې‭ ‬يو‭ ‬کنفرانس‭ ‬لري‭. ‬ورته‭ ‬خبره‭ ‬د‭ ‬پوله‭ ‬ساتو‭ ‬د‭ ‬سیمه‭ ‬ایز‭ ‬قوماندان‭ ‬او‭ ‬د‭ ‬هغه‭ ‬د‭ ‬سیال‭ ‬په‭ ‬اړه‭ ‬هم‭ ‬پلي‭ ‬کیږي‭. ‬د‭ ‬ګاونډیو‭ ‬هېوادونو‭ ‬د‭ ‬پولو‭ ‬سره‭ ‬د‭ ‬دوامداره‭ ‬اړیکو‭ ‬سربېره،‭ ‬قوماندانان‭ ‬هر‭ ‬کال‭ ‬دوه‭ ‬اړخیزه‭ ‬کنفرانسونه‭ ‬لري،‭ ‬یو‭ ‬ځل‭ ‬په‭ ‬بل‭ ‬هېواد‭ ‬کې‭ ‬او‭ ‬یو‭ ‬ځل‭ ‬دلته‭. ‬مونږ‭ ‬به‭ ‬په‭ ‬شخصي‭ ‬توګه‭ ‬پولې‭ ‬ته‭ ‬ورځو‭ ‬څو‭ ‬هره‭ ‬هغه‭ ‬ستونزه‭ ‬حل‭ ‬کړو‭ ‬چې‭ ‬د‭ ‬لوا‭ ‬او‭ ‬سیمه‭ ‬ایزو‭ ‬قوماندانانو‭ ‬له‭ ‬کنټرول‭ ‬څخه‭ ‬بهر‭ ‬وي‭. ‬د‭ ‬همغږۍ‭ ‬کچه‭ ‬لوړه‭ ‬ده‭. ‬دا‭ ‬هېوادونه‭ ‬له‭ ‬عراق‭ ‬سره‭ ‬په‭ ‬خپلو‭ ‬اړیکو‭ ‬کې‭ ‬ریښتنې‭ ‬اراده‭ ‬لري‭. ‬هر‭ ‬څوک‭ ‬چې‭ ‬د‭ ‬پولې‭ ‬د‭ ‬کنټرول‭ ‬مسولیت‭ ‬لري،‭ ‬له‭ ‬ایران‭ ‬څخه‭ ‬تر‭ ‬کویټ،‭ ‬سعودي‭ ‬عربستان،‭ ‬اردن‭ ‬او‭ ‬همدارنګه‭ ‬سویلي‭ ‬سوریې‭ ‬پورې،‭ ‬په‭ ‬لوړه‭ ‬کچه‭ ‬همغږي‭ ‬مومي‭.‬

یونیپث‭: ‬په‭ ‬ټیکسون،‭ ‬اریزونا‭ ‬کې‭ ‬د‭ ‬متحده‭ ‬ایالاتو‭ ‬د‭ ‬ګمرکونو‭ ‬او‭ ‬پولو‭ ‬د‭ ‬ساتنې‭ ‬مرکزي‭ ‬دفتر‭ ‬ته‭ ‬ستاسو‭ ‬د‭ ‬لیدنې‭ ‬په‭ ‬اړه‭ ‬ستاسو‭ ‬تأثر‭ ‬څه‭ ‬وو؟‭ ‬

برید‭ ‬جنرال‭ ‬السعيدي‭:‬‭ ‬مونږ‭ ‬له‭ ‬یو‭ ‬څخه‭ ‬د‭ ‬زیاتو‭ ‬سایټونو‭ ‬لیدنه‭ ‬وکړه،‭ ‬د‭ ‬پولې‭ ‬څخه‭ ‬د‭ ‬تېرېدو‭ ‬ځای‭ ‬په‭ ‬شمول،‭ ‬او‭ ‬دا‭ ‬خورا‭ ‬ګټوره‭ ‬وه‭. ‬دوی‭ ‬مونږ‭ ‬ته‭ ‬وښودله‭ ‬چې‭ ‬دوی‭ ‬د‭ ‬پولې‭ ‬څخه‭ ‬د‭ ‬تېروېدو‭ ‬په‭ ‬نقطه‭ ‬کې‭ ‬څه‭ ‬کوي،‭ ‬کوم‭ ‬چې‭ ‬د‭ ‬خلکو‭ ‬او‭ ‬توکو‭ ‬لپاره‭ ‬د‭ ‬متحده‭ ‬ایالاتو‭-‬مکسیکو‭ ‬تر‭ ‬مابین‭ ‬د‭ ‬تېرېدو‭ ‬پوله‭ ‬وه‭. ‬مونږ‭ ‬د‭ ‬وسایطو‭ ‬او‭ ‬توکو‭ ‬د‭ ‬تفتیش‭ ‬لپاره‭ ‬د‭ ‬دوی‭ ‬میکانیزم،‭ ‬په‭ ‬ځانګړې‭ ‬توګه‭ ‬سبزیجات‭ ‬چې‭ ‬له‭ ‬دې‭ ‬پولې‭ ‬څخه‭ ‬داخلیږي،‭ ‬او‭ ‬همدارنګه‭ ‬د‭ ‬خلکو‭ ‬د‭ ‬چیک‭ ‬یا‭ ‬تالاشي‭ ‬کولو‭ ‬میکانیزم‭ ‬په‭ ‬اړه‭ ‬پوه‭ ‬شو‭. ‬مونږ‭ ‬د‭ ‬تجربې‭ ‬څخه‭ ‬ډیره‭ ‬ګټه‭ ‬پورته‭ ‬کړه‭. ‬په‭ ‬اریزونا‭ ‬کې،‭ ‬مونږ‭ ‬د‭ ‬قوماندې‭ ‬او‭ ‬کنټرول‭ ‬مرکزي‭ ‬دفتر‭ ‬څخه‭ ‬لیدنه‭ ‬وکړه‭ ‬چې‭ ‬د‭ ‬400‭ ‬کیلومتره‭ ‬اوږدې‭ ‬پولې‭ ‬مسولیت‭ ‬لري‭ ‬چیرې‭ ‬چې‭ ‬دوی‭ ‬مونږ‭ ‬ته‭ ‬د‭ ‬مرکز‭ ‬رول‭ ‬تشریح‭ ‬کړ‭. ‬مونږ‭ ‬د‭ ‬اریزونا‭ ‬د‭ ‬پولې‭ ‬په‭ ‬اوږدو‭ ‬کې‭ ‬د‭ ‬سرحدي‭ ‬پټې‭ ‬څخه‭ ‬لیدنه‭ ‬وکړه،‭ ‬او‭ ‬دوی‭ ‬مونږ‭ ‬ته‭ ‬وښودله‭ ‬چې‭ ‬دوی‭ ‬څنګه‭ ‬کار‭ ‬کوي‭. ‬مونږ‭ ‬د‭ ‬جلا‭ ‬کولو‭ ‬دیوال‭ ‬انجنیري،‭ ‬ډیزاین‭ ‬او‭ ‬فعالیت‭ ‬په‭ ‬اړه‭ ‬هم‭ ‬زده‭ ‬کړه‭ ‬ترلاسه‭ ‬کړه‭. ‬مونږ‭ ‬د‭ ‬ساحوي‭ ‬کنټرول‭ ‬د‭ ‬مرکز‭ ‬څخه‭ ‬هم‭ ‬لیدنه‭ ‬وکړه،‭ ‬کوم‭ ‬چې‭ ‬د‭ ‬30‭ ‬کیلومتره‭ ‬واټن‭ ‬څارنه‭ ‬کوي‭. ‬دوی‭ ‬مونږ‭ ‬ته‭ ‬د‭ ‬کنټرول‭ ‬او‭ ‬کامرې‭ ‬سیسټم‭ ‬په‭ ‬اړه‭ ‬معلومات‭ ‬راکړل‭. ‬د‭ ‬متحده‭ ‬ایالاتو‭ ‬ټیم‭ ‬دا‭ ‬هم‭ ‬تشریح‭ ‬کړه‭ ‬چې‭ ‬د‭ ‬قاچاقي‭ ‬تونلونو‭ ‬سره‭ ‬باید‭ ‬څنګه‭ ‬معامله‭ ‬وشي،‭ ‬چې‭ ‬د‭ ‬پولې‭ ‬څخه‭ ‬تېرېدو‭ ‬ځای‭ ‬ته‭ ‬نږدې‭ ‬یې‭ ‬مونږ‭ ‬د‭ ‬یو‭ ‬څخه‭ ‬لیدنه‭ ‬وکړه‭. ‬مونږ‭ ‬د‭ ‬پولې‭ ‬په‭ ‬اوږدو‭ ‬کې‭ ‬د‭ ‬دوی‭ ‬د‭ ‬طرزالعملونو‭ ‬څخه‭ ‬ډیر‭ ‬څه‭ ‬زده‭ ‬کړل‭: ‬عالي‭ ‬تجربه،‭ ‬عالي‭ ‬وړتیاوې،‭ ‬او‭ ‬په‭ ‬عصري‭ ‬ټیکنالوژیو‭ ‬ډېره‭ ‬تکیه‭. ‬مونږ‭ ‬دا‭ ‬هم‭ ‬زده‭ ‬کړل‭ ‬چې‭ ‬دوی‭ ‬د‭ ‬مهاجرینو‭ ‬او‭ ‬کډوالو‭ ‬او‭ ‬د‭ ‬توقیف‭ ‬ځای‭ ‬سره‭ ‬څنګه‭ ‬معامله‭ ‬کوي‭. ‬مونږ‭ ‬د‭ ‬هغو‭ ‬کارمندانو‭ ‬لوړ‭ ‬مسلکیتوب‭ ‬ولید‭ ‬چې‭ ‬د‭ ‬قانون‭ ‬دننه‭ ‬کار‭ ‬کوي‭. ‬

یونیپث‭: ‬د‭ ‬پولې‭ ‬ځواکونو‭ ‬سره‭ ‬په‭ ‬ملاتړ‭ ‬کولو‭ ‬کې‭ ‬د‭ ‬متحده‭ ‬ایالاتو‭ ‬سره‭ ‬خپل‭ ‬مشارکت‭ ‬تشریح‭ ‬کړئ؟

برید‭ ‬جنرال‭ ‬السعيدي‭:‬‭ ‬د‭ ‬متحده‭ ‬ایالاتو‭ ‬د‭ ‬بهرني‭ ‬نظامي‭ ‬تمویل‭ (‬FMF‭) ‬برنامه‭ ‬او‭ ‬DTRA‭ ‬د‭ ‬پوله‭ ‬ساتو‭ ‬قوماندې‭ ‬په‭ ‬ملاتړ‭ ‬کولو‭ ‬کې‭ ‬لوی‭ ‬رول‭ ‬لوبوي،‭ ‬ځکه‭ ‬چې‭ ‬د‭ ‬پوله‭ ‬ساتو‭ ‬قومانده‭ ‬د‭ ‬وطن‭ ‬لپاره‭ ‬د‭ ‬دفاع‭ ‬د‭ ‬لومړۍ‭ ‬کرښې‭ ‬استازیتوب‭ ‬کوي‭. ‬نو‭ ‬ځکه‭ ‬د‭ ‬دې‭ ‬دنده‭ ‬د‭ ‬کومې‭ ‬بلې‭ ‬امنیتي‭ ‬دستګاه‭ ‬څخه‭ ‬کم‭ ‬ارزښت‭ ‬نلري؛‭ ‬حتی‭ ‬دا‭ ‬ښایي‭ ‬تر‭ ‬ټولو‭ ‬مهمه‭ ‬وي‭. ‬د‭ ‬پولې‭ ‬کنټرول‭ ‬پرته،‭ ‬هیڅ‭ ‬هېواد‭ ‬به‭ ‬د‭ ‬امنیت‭ ‬یا‭ ‬اقتصاد‭ ‬په‭ ‬برخه‭ ‬کې‭ ‬باثباته‭ ‬نه‭ ‬وي‭. ‬له‭ ‬همدې‭ ‬امله‭ ‬دا‭ ‬لرلید‭ ‬په‭ ‬امریکایی‭ ‬اړخ‭ ‬کې‭ ‬هم‭ ‬شتون‭ ‬لري‭. ‬د‭ ‬پوله‭ ‬ساتو‭ ‬قوماندې‭ ‬ته‭ ‬ورکړل‭ ‬شوی‭ ‬ملاتړ‭ ‬د‭ ‬پام‭ ‬وړ‭ ‬دی‭. ‬لومړی،‭ ‬مونږ‭ ‬خپلو‭ ‬غړو‭ ‬ته‭ ‬په‭ ‬اردن‭ ‬کې‭ ‬په‭ ‬شاوخوا‭ ‬11‭ ‬روزنیزو‭ ‬کورسونو‭ ‬کې‭ ‬روزنه‭ ‬ورکړه‭. ‬DTRA‭ ‬او‭ ‬FMF‭ ‬پولې‭ ‬د‭ ‬عالي‭ ‬انجینرۍ‭ ‬تجهیزاتو‭ ‬لکه‭ ‬بلدوزرونو،‭ ‬د‭ ‬تجهیزاتو‭ ‬ټرانسپورټ‭ ‬لاریو‭ ‬او‭ ‬د‭ ‬اوبو‭ ‬ټانکونو‭ ‬سره‭ ‬هم‭ ‬سمبال‭ ‬کړې‭. ‬نږدې‭ ‬پیلیدونکې‭ ‬د‭ ‬DTRA‭ ‬سره‭ ‬پروژه‭ ‬ده‭ ‬چې‭ ‬د‭ ‬عراق‭-‬سوریې‭ ‬162‭ ‬کیلومتره‭ ‬پوله‭ ‬د‭ ‬کامرو‭ ‬سره‭ ‬پوښي‭. ‬مونږ‭ ‬په‭ ‬عاجله‭ ‬توګه‭ ‬د‭ ‬متحده‭ ‬ایالاتو‭ ‬لخوا‭ ‬تخصیص‭ ‬شوو‭ ‬سرچینو‭ ‬ته‭ ‬اړتیا‭ ‬لرو‭ ‬او‭ ‬ستاینه‭ ‬یې‭ ‬کوو‭. ‬د‭ ‬متحده‭ ‬ایالاتو‭ ‬تجهیزات‭ ‬د‭ ‬سوریې‭ ‬او‭ ‬ایران‭ ‬د‭ ‬پولو‭ ‬په‭ ‬کنټرول‭ ‬کې‭ ‬د‭ ‬پام‭ ‬وړ‭ ‬مرسته‭ ‬کوي‭. ‬مونږ‭ ‬د‭ ‬مشارکت‭ ‬پراختیا‭ ‬ته‭ ‬سترګې‭ ‬په‭ ‬لار‭ ‬یو‭ ‬ځکه‭ ‬چې‭ ‬دا‭ ‬د‭ ‬دواړو‭ ‬هېوادونو‭ ‬ګټو‭ ‬ته‭ ‬خدمت‭ ‬کوي‭.  ‬