په عراق کې د داعش ماته د راتلونکو جګړو لپاره یو تاکتیکي زده كړه او پوهه وړاندې کوي
یونیپث کارکونکی | د عراق د ترهګرۍ ضد خدمتونو لخوا انځورونه
د عراق پراخو سیمو باندې د داعش برید د ټولنیزو شبکو او سټلایټ تلویزیونونو کې د رسنیزو کمپاینونو سره مل وو او ویې کولی شول چی عامه ذهنیت ګډوډ کړي او د خلکو په زړونو کې ویره او ډار ورواچوي. د عراق د ترهګرۍ ضد خدمتونو د ادارې د زړورتیا ډیرو کیسو په منځ کې، د موصل د کنډک کیسه ډېره ښکاره او جوته ده. د دغې پياوړې ادارې قطعه په کمپ غزالاني کې په زړه پوری جنګ وکړ او له موصل څخه یې بشپړ وتل هغه مهال ترلاسه کړ چې کله یې په صلاح الدین ولایت کې د کمپ سپیچر ساتنې امر ترلاسه کړ. لا تراوسه ډیر په دې نه پوهیږي چې کمپ سپیچیر د 11 میاشتو لپاره له وحشي بریدونو سره مقاومت وکړ، او دا د عراق د ترهګرۍ ضد خدمتونو ادارې د سرښندنو له کبله ده چې د داعش ترهګرو پر بیس باندې د برید هڅه نشوی کولی. یونپات د عراق د ترهګرۍ ضد خدمتونو د ادارې د ځانګړو عملیاتو دویمې قوماندې د ارکانو له مشر سره ولیدل، تر څو د کمپ سپیچر دفاع او د ازادۍ د جګړو پر مهال د موصل د کنډک پر اتلولیو بحث وکړي.
یونیپث: تاسو داعش ته د ښار د سقوط پر مهال په موصل کې وئ. موږ ته له موصل څخه ستاسو د وتلو پیښو حساب راکړئ
ډګروال منتظر: موصل له سقوط څخه څو ورځې مخکی، د 2014 د جون په 6مه، داعش د غزالاني د توغندیو ډیپو باندې برید وکړ چې د وسلو او مهماتو لویي زېرمې پکې شاملي وې. د برید له دفع کولو وروسته، قوماندې موږ ته لارښوونه وکړه چې سیمه پاکه او ډیپوګانې خوندي کړو. د داعش برید سخت و، د برید کونکو په منځ کې ځانمرګي برید کونکي وو چې چاودیدونکي واسکټونه یې لرل. مګر موږ وشو کولی چې ځانمرګي بریدګر له مینځه یوسو، په بریالیتوب سره دغه ماموریت ترسره کړو، او ساحه عراقي امنیتي ځواکونو ته وسپارو.
د ناڅرګنده امنیتي وضعیت له امله، موږ د موصل هوایی ډګر او د کمپ غزلاني د ساتنې امرونه ترلاسه کړل. په دې وخت کې، په ښار کې د ترهګرو او ای ایس ایف تر منځ ډزو دوام درلود. د ټوپک او چاودنو غږ د جون له پیل راهیسې بند شوی نه وو. د جون په 9مه، د عراق د ترهګرۍ ضد خدمتونو ادارې له کنډک پرته، موصل په ځانګړې توګه د ښار ښي لور ته د امنیتي ځواکونو څخه تش وو. موږ د سپارل شوو دندوپه پوره کولو په پار، کمپ ته د دښمن د راننوتو د هڅو سربېره خپل ځایونه ټینګ وساتل. موږ د تورنجنرال کریم عبد ال تمیمي له خوا، چې په هغه وخت کی دوهم ځانګړوعملیاتو قوماندان وو لارښوونې ترلاسه کولې.
د جون د 10 مې په سهار، کنډک نه امر وشو چې د غزالاني له کمپ څخه ووځي او په صلاح الدین کې د سپیچر نظامي اډې ته لاړ شي تر څو د هغه ځایونو واک ترلاسه کړي، ځکه چې د سي تي سي تیمونه د باجي تیلو ذخیرو ته د مرستې لپاره لیږل شوي وو، چې د داعش وسله والو لخوا د پرله پسې بریدونو لاندې و. له موصل څخه زموږ وتنه اسانه نه وه. ټول سړکونه د داعش تر کنټرول لاندې وو. دوی سوري جوړ کړل، د خځلو خنډونه یې جوړ کړل او د سړک غاړې چاودیدونکي توکي یې ځای په ځای کړل ترڅو د حکومتي ځواکونو پرمختګ مخه ډب کړي. له همدې امله، دا یوه سخته مبارزه وه چې 9 ساعته یې دوام وکړ او 140 کیلومتره سیمه یې تر پوښ لاندې راوسته. موږ د خپلو ټولو تجهیزاتو سره په بشپړ جنګي تجهیزاتو سنمبال کمپ سپیچر ته ورسیدو.
یونیپث: ایا تاسو د کمپ دننه وئ چې کله د کمپ سپیچر قتل عام ترسره شو؟ ایا تروریستان بیز/قرارګاه ته ننوتل؟
ډګروال منتظر: سپیچیرهیڅکله د داعش په لاس کې نده غورځېدلې؛ زموږ سرتېرو له ترهګرو سره د صلاح الدین ولایت تر آزادیدو پورې یوولس میاشتې سخته جګړه وکړه. ډیر سرتیري له زموږ سره ټینګ ودرېدل. د کمپ سپیچر قتل عام کې هغو بې ډاله او بې دفاع ځوانانو ژوند له لاسه ورکړ چې د کمپ سپیچر او موصل څخه بیرته په سهيل کې خپلو کورونو ته روان وو. د لویو لارو او سړکونو له بندېدو وروسته، سړي د کمپ سپیچر شاوخوا باغونو او کلیو ته ورسیدل. تروریستانو هر هغه څوک نیولو چې لاره به ترې ورکه شوه، هغوی به یې سره راټول کړل او په سړه وینه یې وژل. دغه پیښه د 2014 د جون په 11مه رامنځته شوه. لکه څنګه چې دا وژنه وروسته د کمپ سپیچر قتل عام په نامه مشهوره شوه او دا قتل عام له کمپ څخه بهر ځای کې ترسره شو، خو د داعش رسنیو دا خبره په دې ډول خپره کړه چې دوی د کمپ سپیچر کنټرول په خپل لاس کې اخیستی او دننه یې ډول وژلي دي.
سپیچر یوه ستراتیژیکه هوایی اډه ده چې د پوځي قطعې مرکزي دفترونه او د مهماتو ډیپوګانې پکې دي، همدا ده چې قوماندانانو د یاد کمپ د امنیټ ټینګولو پریکړه وکړه. کله چې مونږ د ډلهییزې وژنې یوه ورځ مخکې د جون په ماښام سپیچیر ته ورسیدو، موږ د شته قطعو په لیکو کې د ډېرو سرتېرو د نشتون شاهدان وو. د سرتیرو مورال له هغې وروسته راټیټ شو او له خپلو پوستو څخه د تېښتې او پرېښېدو هڅې یې پیل کړې چې کله دوی د هغه څه په اړه چې د دوی په شاوخوا کې تیریږي، اوازې او خبرې واورېدې. یو شمیر افسرانو له مونږ څخه وپوښتل چې ولې سپیچر ته راغلي یو. کله چې موږ هغوی ته وویل چې د مرستې لپاره هلته راغلي یو، دوی غلي شول او موږ څخه یې وغوښتل چې د سرتېرو تښتيدل منع دي. موږ لوی سړک ته لاړو ترڅو له تښتيدلو سرتیرو سره په دې هیله خبری وکړو، چې خپل فکر بدل کړي. خو کومه ګټه یی ونکړه.
کله چې موږ د وضعیت په اړه قوماندې ته خبر ورکړ، موږ ته یې امر وکړ چې تښتیدلو سرتېرو ته د داعش تر کنټرول لاندې سیمو پر لور د شاتګ خطرونو او د پوځي قرارګاه د نسبي امنیت په اړه خبرداری ورکړو. دوی ډیر وو مګر بدبختانه زموږ مشورې یی ونه منلې او د جون له 10مې نه د جون 11 تر سهار پورې یې پرېښېدو ته دوام ورکړ، پداسې حال کې چې موږ د سپیچر دفاع لپاره د نوي کنډک ګمارلو، د دفاعي موضع ګانو پیاوړي کولو او د جنګ لپاره مو چمتووالی نیوو.
زموږ کنډک په کمپ سپیچر کې ځای په ځای شو او د دفاعي ځواک پیاوړتیا باندې مو کار وکړ، ترڅو د اردو د هغو قطعو باور او ډاډ ترلاسه شي چې خپلو سرتېرو ته د پاتې کېدو امر کوي. مونږ خپل کنډک د کمپ بهرنۍ خوا کې ځای په ځای کړ او څو ورځې وروسته مو د چورلکو له لارې تجهیزات او اکمالات ترلاسه کړ. وروسته، قوماندې دوی ته د سپیچر د ساتنې دنده وسپارله او موږ ته یې امر وکړ چې د موصل پوهنتون آزاد کړو، مونږ امرونه پلي کړل او پوهنتون مو آزاد کړ، وروسته خپلو ځانونو بېرته وروګرځېدو.
یونیپث: د موصل د آزادولو جګړه بیان کړئ.
ډګروال منتظر: موصل د ازادولو جګړه د څو جګړو یوه برخه وه چې د تیکریت، بایجي او قیاره هوایی ډګر ازادولو سره پیل شو. مګر هغه څه چې د موصل جګړه له نورو جلا کوي، هغه د ملکي خلکو لوی شتون او ډیرې ودانۍ او سړکونه وو. دې کار موږ مجبور کړو چې پلانونه او تاکتیکونو ته بدلون ورکړو. مونږ په ځینو سیمو کې د موټرو او زرهدارو موټرو کارول راکم کړل او په نورو سیمو کې مو د کارېدونکو وسلو له اغېزمنتیا او د ملکي اړخیزو مرګ ژوبلو په پام کې نیولو سره مو د هغوی کارول دوه برابره کړ. د جګړې په ډګر کې د ملکي وګړو شتون د جګړې په څرنګوالي او هغه چټکتیا چې شخړه پکې ژر پایته رسیږي، له خنډونه سره مخ کوي. له غچ اخیستنې او یا د انساني ډال په توګه له نیول کیدو څخه د ملکي وګړو ساتنه او د جګړې له ډګره د دوی د خوندي وتلو لپاره لارې پاکول زموږ پر قطعاتو باندې د ښار د آزادولو تر څنګ په مسوولیت کې ډېروالی راوستی.
Comments are closed.