قطر ساحلي ځواکونو ته پراختیا ورکوي

د‭ ‬2020‭ ‬په‭ ‬اکتوبر‭ ‬کې‭ ‬د‭ ‬ترکي‭ ‬بېړۍ‭ ‬جوړولو‭ ‬فابریکې‭ ‬څخه‭ ‬د‭ ‬نوو‭ ‬سمندري‭ ‬بېړیو‭ ‬په‭ ‬ترلاسه‭ ‬کولو‭ ‬سره‭ ‬د‭ ‬سمندري‭ ‬امنیت‭ ‬په‭ ‬برخه‭ ‬کې‭ ‬د‭ ‬قطر‭ ‬پانګوونې‭ ‬ښه‭ ‬پایله‭ ‬ورکړه‭.‬

د‭ ‬الدوحه‭ ‬کیو‭ ‬ټي‭ ‬اس‭-‬‭ ‬91‭ ‬بېړۍ‭ ‬چې‭ ‬په‭ ‬استانبول‭ ‬کې‭ ‬د‭ ‬انادولو‭ ‬د‭ ‬بېړۍ‭ ‬جوړولو‭ ‬په‭ ‬فابریکه‭ ‬کې‭ ‬جوړه‭ ‬شوې،‭ ‬په‭ ‬نړۍ‭ ‬کې‭ ‬یو‭ ‬له‭ ‬تر‭ ‬ټولو‭ ‬لوی‭ ‬روزنیز‭ ‬بېړیو‭ ‬څخه‭ ‬ده‭ ‬چې‭ ‬د‭ ‬لټون‭ ‬او‭ ‬ژغورنې‭ ‬عملیاتو‭ ‬او‭ ‬سمندري‭ ‬ګزمو‭ ‬لپاره‭ ‬ډیزاین‭ ‬شوې‭. ‬دغه‭ ‬بېړۍ‭ ‬2150‭ ‬ټنه‭ ‬بار‭ ‬انتقالولی‭ ‬شي‭ ‬او‭ ‬150‭ ‬سمندري‭ ‬ماڼوګانو‭ ‬او‭ ‬زده‭ ‬کوونکو‭ ‬لپاره‭ ‬ځای‭ ‬لري‭.‬

د‭ ‬قطر‭ ‬امیري‭ ‬سمندري‭ ‬ځواک‭ ‬دغه‭ ‬بېړۍ‭ ‬د‭ ‬یو‭ ‬لوی‭ ‬تړون‭ ‬د‭ ‬یوې‭ ‬برخې‭ ‬له‭ ‬مخې‭ ‬اخیستې‭ ‬چې‭ ‬په‭ ‬2018‭ ‬کې‭ ‬د‭ ‬دوحې‭ ‬نړیوال‭ ‬سمندري‭ ‬دفاعي‭ ‬نندارتون‭ ‬او‭ ‬کنفرانس‭ ‬پر‭ ‬مهال‭ ‬لاسلیک‭ ‬شو‭. ‬

قطر‭ ‬د‭ ‬الدوحه‭ ‬کیو‭ ‬ټي‭ ‬اس‭-‬‭ ‬91‭ ‬بېړۍ‭ ‬د‭ ‬ترلاسه‭ ‬کولو‭ ‬په‭ ‬مناسبت‭ ‬مراسم‭ ‬ترسره‭ ‬کړل‭. ‬په‭ ‬دغو‭ ‬مراسمو‭ ‬کې‭ ‬لوړپوړو‭ ‬چارواکو‭ ‬لکه‭ ‬د‭ ‬قطر‭ ‬دفاع‭ ‬وزیر‭ ‬خالد‭ ‬بن‭ ‬محمد‭ ‬العطیه،‭ ‬د‭ ‬ترکیې‭ ‬دفاع‭ ‬وزیر‭ ‬هولسي‭ ‬اکار،‭ ‬په‭ ‬ترکیه‭ ‬کې‭ ‬د‭ ‬قطر‭ ‬سفیر‭ ‬سالم‭ ‬بن‭ ‬مبارک‭ ‬الشافي‭ ‬او‭ ‬د‭ ‬قطر‭ ‬ګڼ‭ ‬شمیر‭ ‬پوځي‭ ‬افسرانو‭ ‬برخه‭ ‬واخیسته‭.‬

د‭ ‬سمندري‭ ‬امنیت‭ ‬د‭ ‬پیاوړتیا‭ ‬او‭ ‬د‭ ‬563‭ ‬کیلومتر‭ ‬اوږد‭ ‬ساحل‭ ‬د‭ ‬خوندي‭ ‬کولو‭ ‬لپاره،‭ ‬قطر‭ ‬له‭ ‬ترکي‭ ‬شرکتونو‭ ‬څخه‭ ‬د‭ ‬وسلو‭ ‬د‭ ‬پیرلو‭ ‬لپاره‭ ‬څو‭ ‬قراردادونه‭ ‬لاسلیک‭ ‬کړي‭ ‬دي‭. ‬په‭ ‬2014‭ ‬کې‭ ‬د‭ ‬قطر‭ ‬ساحلي‭ ‬ساتونکو‭ ‬د‭ ‬17‭ ‬پوځي‭ ‬بېړیو‭ ‬لپاره‭ ‬فرمایش‭ ‬وکړ،‭ ‬او‭ ‬په‭ ‬2018‭ ‬کې‭ ‬یې‭ ‬د‭ ‬نورو‭ ‬بېړیو‭ ‬غوښتنه‭ ‬هم‭ ‬وکړه‭.  ‬

ساحل‭ ‬ساتونکي‭ ‬په‭ ‬سمندر‭ ‬کې‭ ‬د‭ ‬لټون‭ ‬او‭ ‬ژغورنې‭ ‬ماموریتونو،‭ ‬او‭ ‬د‭ ‬بندرونو،‭ ‬سمندري‭ ‬صنعتونو،‭ ‬د‭ ‬تیلو‭ ‬او‭ ‬ګازو‭ ‬تاسیساتو‭ ‬د‭ ‬ساتنې‭ ‬مسؤلیت‭ ‬لري‭. ‬نوموړی‭ ‬ځواک‭ ‬همداراز‭ ‬د‭ ‬مهمو‭ ‬پیښو‭ ‬لکه‭ ‬د‭ ‬کنفرانسونو‭ ‬او‭ ‬د‭ ‬سپورټي‭ ‬سیالیو‭ ‬پر‭ ‬مهال‭ ‬د‭ ‬امنیت‭ ‬ساتنه‭ ‬کوي‭. ‬

د‭ ‬2019‭ ‬په‭ ‬جولای‭ ‬کې‭ ‬قطر‭ ‬په‭ ‬سیماسما‭ ‬کې‭ ‬د‭ ‬ساحلي‭ ‬ساتونکو‭ ‬د‭ ‬عملیاتي‭ ‬وړتیاوو‭ ‬د‭ ‬پراخولو‭ ‬لپاره‭ ‬د‭ ‬الداین‭ ‬سنمدري‭ ‬اډه‭ ‬پرانیسته،‭ ‬چې‭ ‬د‭ ‬هیواد‭ ‬ختیځ‭ ‬ساحل‭ ‬په‭ ‬لور‭ ‬له‭ ‬دوحې‭ ‬څخه‭ ‬30‭ ‬کیلومتره‭ ‬لیرې‭ ‬پرته‭ ‬ده‭. ‬د‭ ‬پرانستنې‭ ‬په‭ ‬مراسمو‭ ‬کې‭ ‬د‭ ‬مرستیال‭ ‬امیر‭ ‬البحر‭ ‬په‭ ‬شان‭ ‬لوړپوړو‭ ‬چارواکو‭ ‬ګډون‭ ‬کړی‭ ‬وو‭. ‬د‭ ‬امریکا‭ ‬متحده‭ ‬ایالتونو‭ ‬مرکزي‭ ‬قوماندې‭ ‬د‭ ‬سمندري‭ ‬ځواکونو‭ ‬مخکنی‭ ‬قوماندان،‭ ‬جیمز‭ ‬مالوی‭.  ‬

سرچینې‭: ‬د‭ ‬سمندري‭ ‬ځواکونو‭ ‬خبرونه،‭ ‬Aljazeera.net‭ ‬