قزاقستان د 2021 کال په دوبي کې د ناټو او متحده ایالاتو له مرکزي قوماندانۍ (CENTCOM) سره د یو لړ غونډو په ترڅ کې چې له افغانستانه د ځواکونو له وتلو سره یې سمون درلود، اړیکې پیاوړې کړې.
د 2021 په سپتمبر کې، ناټو ته د قزاقستان د پلاوي مشر مارګولان بیموخان، د ناټو سرمنشي ینس سټولټنبرګ ته خپل باورلیک وړاندې کړ. دوی د قزاقستان او ناټو ترمنځ د همکارۍ په اړه خبرې وکړې چې د دفاع او امنیت اړوند کورني اصلاحات پکې شامل دي، چې د قزاقستان او ناټو ترمنځ د 2022-2025 لپاره د انفرادي مشارکت د عمل پلان پروګرام کې ذکر شوي.
په دې کتنه کې بایموخان او سټولټنبرګ د افغانستان پر وضعیت او د افغانستان خلکو ته د بشري مرستو د رسولو پر احتمالي لارو چارو خبرې وکړې. بیموخان همداراز په لبنان کې د ملګرو ملتونو د موقت ځواک د یوې برخې په توګه په لبنان کې د 120 قزاق سوله ساتو ځواکونو د خدمت په ګډون د نړیوال امنیت په ټینګولو کې د قزاقستان پر ونډې ټینګار وکړ.
ناټو له قزاقستان سره په 1992 کې، کله چې دغه جمهوریت تر شوروي وروسته د شمالي اتلانتیک همکارۍ شورا سره یوځای شو، اړیکې ټینګې کړې. قزاقستان وروسته له هغه د سولې لپاره د مشارکت پروګرام کې شامل شو، چې د 1994 راهیسې په یورو اتلانتیک سیمه کې د ناټو او انفرادي هیوادونو ترمنځ دوې اړخیزې همکارۍ ته وده ورکوي.
د دوبي په لومړیو کې، ډګر جنرال تیمور ډنډي بایف Timur Dandybayev، د قزاقستان د دفاع وزارت مرستیال، د اډمیرول له مرستیال سره خبرې اترې وکړې. جیمز مالوی James Malloy، د CENTCOM مرستیال قوماندان، د فلوریډا په مرکزي دفتر کې.
دواړو مشرانو له ترهګرۍ سره د مبارزې، د سرحدي امنیت او پوځي تمرینونو په برخو کې د هېوادونو پر دوامداره همکارۍ ټینګار وکړ. په افغانستان کې د حکومت د بدلون ته په پام سره، قزاقستان له امریکا او ملګرو سره د ستراتیژیکو اړیکو د دوام ملاتړ څرګند کړ.
قزاقستان په فعاله توګه له ناټو او متحده ایالاتو سره په نظامي روزنې، تمرینونو، د ناورین او پالیسي په پلانولو کې دخیل دی. دوه لوی ګډ تمرینونه چې د قزاقستان سرتیري برخه پکې اخلي سټیپ ایګل Steppe Eagle او سیمهییزه همکاري دي. دا روزنه د څو مليتي ثبات ماموریتونو لپاره د قزاقستان سرتیرو په چمتو کولو کې مرسته کوي. سرچينې: Kazinform ،Delovoi Kazakhstan ،NATO ،Regnum
Comments are closed.