په نومبر 2023، د عمان سلطنت د مسقط په البستان پیلس هوټل کې د خلیج د همکارۍ شورا (GCC) غړو هېوادونو د وسله والو ځواکونو د لوی درستیزانو د عالي نظامي کمیټې د 20 مې منظمې غونډې کوربه توب وکړ.
د غونډې مشري د مرستیال امیر البحر عبدالله بن خامس الرایسي، د سلطان د وسله والو ځواکونو لوی درستیز، په غاړه وه او د عالي نظامي کمیټې غړو (د GCC وسله والو ځواکونو لوی درستیزانو) په کې ګډون کړی و: د GCC د متحدې نظامي قوماندې قوماندان برید جنرال عيد بن عواد الشلاوي او د نظامي چارو لپاره د عمومي منشي مرستيال تورن جنرال عیسی بن راشد المهنادي الامین.
بحثونه د ګډو پوځي ګټو، د GCC وسله وال ځواکونو تر منځ د هیلو او په مختلفو نظامي برخو کې د GCC اهدافو ته د رسېدو په لارو چارو متمرکز وو، بحرانونو ته د ګډ ځواب ورکولو څرنګوالي؛ د ګډو عملیاتو اړتیاو؛ د لیدونو یو کولو؛ پوځي همغږۍ؛ عملیاتي مطابقت؛ او د ځواک ادغام په شمول.
مرستیال امیرالبحر الرسي وویل: “دا غونډه د ګډ پوځي اقدام د پروسې د دوام، د رغنده همکارۍ د اړخونو پیاوړتیا، او د GCC هېوادونو ترمنځ د ورورګلوۍ اړیکو د پیاوړتیا په توګه ترسره کیږي.” “مونږ هیله مند یو چې دا غونډه د GCC غړو هېوادونو د وسله والو ځواکونو ترمنځ د متقابل پیوستون، ادغام، ګډ عمل او د متقابلو نظامي ګټو په وده کې په داسې طریقه مرسته وکړي چې زمونږ د خلکو هیلې پوره کړي.”
په 1982 کې تاسیس شوې او د سعودي عربستان په ریاض کې مرکزي دفتر په لرلو، د GCC متحده نظامي قومانده چې د Peninsula Shield Force (د ټاپوګانو ډال ځواک) په نوم هم پېژندل کیږي، یوه ګډه نظامي قومانده ده چې د غړو هېوادونو ځواکونو څخه جوړه شوې او د بحرین، کویټ، عمان، قطر، سعودي عربستان او متحده عربي اماراتو څخه 30,000 جنګیالي لري.
سرچینې: د عمان د دفاع وزارت، د عمان خبري اژانس
Comments are closed.