یونیپث کارکونکی
د سعودي عربستان، کویټ او د متحده ایالاتو د کاري ځواک سپارتان ځمکني ځواکونو په نومبر 2023 کې د سعودي عربستان په شمالي حفر الباطن سیمه کې د عربي خلیج د ډزو تمرینات ترسره کړل.
د جنګي چمتووالي کچې لوړولو او د ګډو عملیاتو په ترسره کولو او د پوځي مفاهیمو د یووالي په برخه کې د ګډون کوونکو سرتېرو مهارتونو لوړولو موخو سره، د تمرین په سناریوګانو کې د جګړې مدیریت، د پلان جوړول او پلي کول، د میخانیکي پیاده قطعاتو لخوا تاکتیکي ډزې، د اردو د چورلکو لخوا هوایي ملاتړ، میډیواک، د چاودېدونکو توکو خنثی کول، غلچکي ویشتل، او غیر منظم جنګی عملیات شامل وو.
د سعودي عربستان د ځمکنیو ځواکونو قومندان برید جنرال فهد المطیر په مشرۍ د تمرین په وروستي پړاو کې د کویټ د ځمکنیو ځواکونو قومندان تورن جنرال محمد الظفیري او د امریکایي مرکزي پوځ عمومي قومندان، برید جنرال پاټریک فرانک ګډون کړی و.
د سعودي وسله وال ځواکونه په منظمه توګه ګډ تمرینونه ترسره کوي او د سیمه ایزو او نړیوالو ګډو تمرینونو کوربه توب کوي یا په کې برخه اخلي، د روښانه ستوری، لیواله زمری، د سویل زمری، د عرب خلیج امنیت او د ټاپوګانو ډال په شمول.
سعودي عربستان نه یوازې د خپلو پوځونو د روزنې او چمتو کولو، بلکې د وروستیو او خورا اغېزمنو وسلو او تجهیزاتو د ترلاسه کولو په لټه کې هم دی. د اقتصادي تنوع برنامې د یوې برخې په توګه، دا هېواد په پام کې لري چې تر 2030 پورې د نظامي تدارکاتو 50% محلي کړي.
د 257,000 فعال پوځي پرسونل سره، چې ډېری یې په اردو کې بوخت دي، سعودي عربستان په کال کې د 75 ملیاردو ډالرو لګښت سره په نظامي لګښتونو کې په نړۍ کې پنځم ځای لري.
سرچینې: د سعودي د دفاع وزارت، elaph.com
Comments are closed.