د هېواد ساتنه

ډګر‭ ‬جنرال‭ ‬هاشم‭ ‬الرفیعي،‭ ‬د‭ ‬کویټ‭ ‬ملي‭ ‬ګارد‭ ‬ د‭ ‬پراختیا‭ ‬په‭ ‬برخه‭ ‬کې‭ ‬پېژندل‭ ‬شوې‭ ‬څېره‭ ‬ده

یونیپث‭ ‬کارکوونکي‭  |  ‬انځورونه‭ ‬د‭ ‬کویټ‭ ‬د‭ ‬ملي‭ ‬ګارد‭ ‬لخوا

یونیپث‭ ‬د‭ ‬یو‭ ‬وتلي‭ ‬مشر‭ ‬هرکلی‭ ‬کوي‭. ‬هغه‭ ‬څوک‭ ‬چې‭ ‬کویټ‭ ‬د‭ ‬ملي‭ ‬ګارد‭ ‬د‭ ‬مرستیال‭ ‬په‭ ‬توګه‭ ‬دنده‭ ‬ترسره‭ ‬کوي‭. ‬تورن‭ ‬جنرال‭ ‬هاشم‭ ‬الرفیعي‭ ‬لیوال‭ ‬دی‭ ‬چې‭ ‬د‭ ‬دې‭ ‬ادارې‭ ‬رول‭ ‬پیاوړی‭ ‬کړي‭ ‬ترڅو‭ ‬د‭ ‬هیواد‭ ‬د‭ ‬پوځي‭ ‬او‭ ‬ملکي‭ ‬بنسټونو‭ ‬لپاره‭ ‬د‭ ‬ملاتړ‭ ‬لومړنی‭ ‬ګروپ‭ ‬جوړ‭ ‬کړي‭. ‬ملي‭ ‬ګارد‭ ‬څو‭ ‬دندې‭ ‬لري‭ ‬او‭ ‬ویاړ‭ ‬لري‭ ‬چې‭ ‬د‭ ‬اردو،‭ ‬پولیسو‭ ‬او‭ ‬نورو‭ ‬ادارو‭ ‬په‭ ‬همکارۍ‭ ‬د‭ ‬ملي‭ ‬امنیت‭ ‬ساتنه‭ ‬کوي‭. ‬د‭ ‬تورن‭ ‬جنرال‭ ‬رفیعي‭ ‬ستاینه‭ ‬د‭ ‬بل‭ ‬چا‭ ‬لخوا‭ ‬نه‭ ‬بلکې‭ ‬د‭ ‬جلالتماب‭ ‬امیر‭ ‬شیخ‭ ‬صباح‭ ‬الاحمد‭ ‬الجابر‭ ‬الصباح‭ ‬لخوا‭ ‬وشوه،‭ ‬چې‭ ‬ملي‭ ‬ګارد‭ ‬یې‭ ‬یو‭ ‬له‭ ‬مهمو‭ ‬ستنو‭ ‬څخه‭ ‬وباله‭ ‬چې‭ ‬د‭ ‬ملت‭ ‬امنیت‭ ‬او‭ ‬دفاع‭ ‬ورباندې‭ ‬ولاړ‭ ‬دي‭. ‬او‭ ‬د‭ ‬هغې‭ ‬ویاړلې‭ ‬وظیفې‭ ‬ستاینه‭ ‬وکړه‭ ‬چې‭ ‬د‭ ‬اردو‭ ‬او‭ ‬پولیسو‭ ‬په‭ ‬همکارۍ‭ ‬د‭ ‬دې‭ ‬ګران‭ ‬هیواد‭ ‬د‭ ‬امنیت‭ ‬او‭ ‬ثبات‭ ‬په‭ ‬ساتلو‭ ‬کې‭ ‬سرته‭ ‬رسیږي،‭ ‬چې‭ ‬د‭ ‬ټولو‭ ‬لخوا‭ ‬یې‭ ‬مننه‭ ‬او‭ ‬قدرداني‭ ‬کیږي‭.‬

یونیپث‭: ‬د‭ ‬کویټ‭ ‬ملي‭ ‬ګارډ‭ ‬د‭ ‬قوماندان‭ ‬په‭ ‬توګه‭ ‬مهرباني‭ ‬وکړئ‭ ‬په‭ ‬هیواد‭ ‬کې‭ ‬د‭ ‬دغه‭ ‬ځواک‭ ‬دندې‭ ‬او‭ ‬مسؤلیتونه‭ ‬تشریح‭ ‬کړئ‭.‬

ډګر‭ ‬جنرال‭ ‬هاشم‭:‬‭ ‬د‭ ‬کویټ‭ ‬ملي‭ ‬ګارد‭ ‬جوړولو‭ ‬مفکوره‭ ‬په‭ ‬کال‭ ‬1967‭ ‬کې‭ ‬رامینځته‭ ‬شوه،‭ ‬د‭ ‬کویت‭ ‬مرحوم‭ ‬امیر‭ ‬شیخ‭ ‬جابر‭ ‬الاحمد‭ ‬الجابر‭ ‬الصباح‭ ‬د‭ ‬واکمنۍ‭ ‬پرمهال،‭ ‬هغه‭ ‬مهال‭ ‬چې‭ ‬هغه‭ ‬ولیعهد‭ ‬و‭. ‬دا‭ ‬مفکوره‭ ‬په‭ ‬کال‭ ‬1967‭ ‬کې‭ ‬د‭ ‬قانوني‭ ‬مادې‭ ‬نمبر‭ ‬2‭ ‬له‭ ‬لارې‭ ‬په‭ ‬حقیقت‭ ‬بدله‭ ‬شوه،‭ ‬چې‭ ‬د‭ ‬1967‭ ‬نومبر‭ ‬په‭ ‬6مه‭ ‬کې‭ ‬صادر‭ ‬شو،‭ ‬چې‭ ‬وروسته‭ ‬د‭ ‬کویټ‭ ‬مرحوم‭ ‬امیرجلالتماب‭ ‬شیخ‭ ‬صباح‭ ‬السلام‭ ‬الصباح‭ ‬د‭ ‬پاچاهي‭ ‬په‭ ‬دوران‭ ‬کې‭ ‬د‭ ‬کویت‭ ‬ملي‭ ‬ګارد‭ ‬تاسیس‭ ‬کړ‭. ‬له‭ ‬پیل‭ ‬راهیسې،‭ ‬ملي‭ ‬ګارد‭ ‬د‭ ‬شیخ‭ ‬سالم‭ ‬العلي‭ ‬السالم‭ ‬الصباح‭ ‬او‭ ‬د‭ ‬هغه‭ ‬مرستیال،‭ ‬شیخ‭ ‬مشعل‭ ‬الاحمد‭ ‬الصباح‭ ‬لخوا‭ ‬رهبري‭ ‬کیږي‭.‬

له‭ ‬دې‭ ‬فرمان‭ ‬سره‭ ‬سم،‭ ‬ملي‭ ‬ګارد‭ ‬له‭ ‬اردو‭ ‬او‭ ‬پولیسو‭ ‬څخه‭ ‬خپلواک‭ ‬دی‭ ‬او‭ ‬ورته‭ ‬د‭ ‬ښاریانو‭ ‬نوم‭ ‬لیکنه‭ ‬په‭ ‬داوطلبانه‭ ‬ډول‭ ‬ترسره‭ ‬کیږي‭. ‬دنده‭ ‬یې‭ ‬دا‭ ‬ده‭ ‬چې‭ ‬د‭ ‬کویټ‭ ‬خاورې‭ ‬په‭ ‬دفاع‭ ‬او‭ ‬د‭ ‬هغې‭ ‬آزادي‭ ‬او‭ ‬خپلواکي‭ ‬په‭ ‬خوندي‭ ‬کولو‭ ‬کې‭ ‬د‭ ‬وسله‭ ‬والو‭ ‬ځواکونو‭ ‬څخه‭ ‬ملاتړ‭ ‬وکړي‭. ‬دا‭ ‬د‭ ‬کویټ‭ ‬امنیت‭ ‬په‭ ‬ساتلو‭ ‬او‭ ‬د‭ ‬ولسي‭ ‬جبهې‭ ‬په‭ ‬خوندي‭ ‬کولو‭ ‬کې‭ ‬له‭ ‬عامه‭ ‬امنیتي‭ ‬ادارو‭ ‬سره‭ ‬مرسته‭ ‬کوي‭.‬

د‭ ‬فرمان‭ ‬د‭ ‬تطبیق‭ ‬راهیسې‭ ‬د‭ ‬ملي‭ ‬ګارد‭ ‬ځواکونه‭ ‬د‭ ‬سیاسي‭ ‬مشرتابه‭ ‬بشپړ‭ ‬ملاتړ،‭ ‬پاملرنه‭ ‬او‭ ‬توجه‭ ‬ځان‭ ‬سره‭ ‬لري،‭ ‬نو‭ ‬له‭ ‬همدې‭ ‬امله‭ ‬دوی‭ ‬خپله‭ ‬دنده‭ ‬چې‭ ‬له‭ ‬هیواد‭ ‬څخه‭ ‬دفاع‭ ‬او‭ ‬د‭ ‬امنیت‭ ‬او‭ ‬ثبات‭ ‬ساتنه‭ ‬ده‭ ‬د‭ ‬ټولو‭ ‬هغو‭ ‬خلکو‭ ‬په‭ ‬وړاندې‭ ‬ترسره‭ ‬کوي‭ ‬چې‭ ‬ممکن‭ ‬مقدسه‭ ‬خاوره‭ ‬یې‭ ‬ناپاکه‭ ‬کړي‭. ‬دا‭ ‬ځواکونه‭ ‬خپل‭ ‬ولس‭ ‬د‭ ‬هرډول‭ ‬ګواښ‭ ‬څخه‭ ‬ساتي،‭ ‬حیاتي‭ ‬تاسیسات‭ ‬او‭ ‬دولتي‭ ‬ادارې‭ ‬خوندي‭ ‬کوي‭ ‬او‭ ‬د‭ ‬اردو،‭ ‬پولیسو،‭ ‬د‭ ‬ملکي‭ ‬دفاع‭ ‬عمومي‭ ‬ریاست‭ ‬او‭ ‬د‭ ‬دفاع‭ ‬عالي‭ ‬شورا‭ ‬سره‭ ‬په‭ ‬ګډه‭ ‬د‭ ‬دوی‭ ‬لخوا‭ ‬ورته‭ ‬سپارل‭ ‬شوي‭ ‬دندې‭ ‬د‭ ‬ترسره‭ ‬کولو‭ ‬لپاره‭ ‬چمتووالی‭ ‬لري‭. ‬ملي‭ ‬ګارد‭ ‬په‭ ‬ټولنه‭ ‬کې‭ ‬رغنده‭ ‬رول‭ ‬لوبوي‭.‬

یونیپث‭: ‬تاسو‭ ‬جلالتماب‭ ‬د‭ ‬خپل‭ ‬پوځي‭ ‬مسلک‭ ‬په‭ ‬موده‭ ‬کې‭ ‬ډیرې‭ ‬لاسته‭ ‬راوړنې‭ ‬لرئ‭. ‬مهرباني‭ ‬وکړئ‭ ‬د‭ ‬یو‭ ‬څو‭ ‬نومونه‭ ‬واخلئ‭ ‬چې‭ ‬تاسو‭ ‬ته‭ ‬خورا‭ ‬معنی‭ ‬لري‭.‬

ډګر‭ ‬جنرال‭ ‬هاشم‭:‬‭ ‬زه‭ ‬ویاړ‭ ‬لرم‭ ‬چې‭ ‬د‭ ‬لومړي‭ ‬بریدمن‭ ‬په‭ ‬توګه‭ ‬مې‭ ‬په‭ ‬کال‭ ‬1988‭ ‬کې‭ ‬د‭ ‬انجینری‭ ‬افسر‭ ‬په‭ ‬حیث‭ ‬د‭ ‬ملي‭ ‬ګارد‭ ‬غړیتوب‭ ‬ترلاسه‭ ‬کړ‭. ‬زه‭ ‬لومړی‭ ‬انجنیر‭ ‬وم‭ ‬چې‭ ‬په‭ ‬هغه‭ ‬وخت‭ ‬کې‭ ‬د‭ ‬ملي‭ ‬ګارد‭ ‬سره‭ ‬یوځای‭ ‬شوم‭ ‬او‭ ‬د‭ ‬هغو‭ ‬کسانو‭ ‬په‭ ‬مینځ‭ ‬کې‭ ‬وم‭ ‬چې‭ ‬د‭ ‬اداري‭ ‬او‭ ‬لوژیستیکي‭ ‬ملاتړ‭ ‬لپاره‭ ‬یې‭ ‬عصري‭ ‬سیسټمونه‭ ‬معرفي‭ ‬کړل‭. ‬د‭ ‬کویټ‭ ‬ملي‭ ‬ګارد‭ ‬کې‭ ‬د‭ ‬وسلو‭ ‬د‭ ‬کمیټې‭ ‬د‭ ‬مشر‭ ‬دندې‭ ‬ترسره‭ ‬کولو‭ ‬پر‭ ‬مهال،‭ ‬ما‭ ‬د‭ ‬2005‭ ‬څخه‭ ‬تر‭ ‬2007‭ ‬پورې‭ ‬د‭ ‬وروستۍ‭ ‬ټیکنالوژۍ‭ ‬پراساس‭ ‬د‭ ‬وسلو‭ ‬سیسټم‭ ‬په‭ ‬پراختیا‭ ‬کې‭ ‬برخه‭ ‬اخیستې‭. ‬ما‭ ‬د‭ ‬کویټ‭ ‬ملي‭ ‬ګارد‭ ‬په‭ ‬پرمختللي‭ ‬تجهیزاتو‭ ‬او‭ ‬تکتیکي‭ ‬موټرو‭ ‬او‭ ‬تجهیزاتو‭ ‬سمبالولو‭ ‬کې‭ ‬مرسته‭ ‬وکړه،‭ ‬او‭ ‬دا‭ ‬د‭ ‬دې‭ ‬سازمان‭ ‬په‭ ‬تاریخ‭ ‬کې‭ ‬د‭ ‬یو‭ ‬کیفی‭ ‬ګام‭ ‬ښودنه‭ ‬وه‭.‬

د‭ ‬2010‭ ‬د‭ ‬مارچ‭ ‬په‭ ‬2،‭ ‬ما‭ ‬د‭ ‬پوځي‭ ‬روزنې‭ ‬د‭ ‬قوماندانۍ‭ ‬مسئولیت‭ ‬په‭ ‬غاړه‭ ‬واخیست‭ ‬او‭ ‬هڅه‭ ‬مې‭ ‬وکړه‭ ‬چې‭ ‬د‭ ‬پوځي‭ ‬روزنې‭ ‬نصاب‭ ‬پراخ‭ ‬کړم،‭ ‬د‭ ‬روزنې‭ ‬ښوونیز‭ ‬سیستمونه‭ ‬فعال‭ ‬او‭ ‬د‭ ‬کمپیوټر‭ ‬د‭ ‬سواد‭ ‬زده‭ ‬کړې‭ ‬د‭ ‬تصدیق‭ ‬پروګرام‭ ‬معرفي‭ ‬کړم‭ ‬چې‭ ‬د‭ ‬کمپیوټر‭ ‬چلونې‭ ‬نړیوال‭ ‬لایسنس‭ ‬نومیږي‭. ‬د‭ ‬معرفي‭ ‬شوو‭ ‬عصري‭ ‬تخنیکونو‭ ‬د‭ ‬برېښنایي‭ ‬زده‭ ‬کړې‭ ‬او‭ ‬عصري‭ ‬مالوماتي‭ ‬سیستمونو‭ ‬د‭ ‬ورپېژندنې‭ ‬په‭ ‬ګډون،‭ ‬له‭ ‬امه‭ ‬روزنیز‭ ‬سیستم‭ ‬د‭ ‬پام‭ ‬وړ‭ ‬پرمختګ‭ ‬لیدلی‭.‬

ملي ګارد د هوا یو بیړني حالت ته ځواب وایي.

زه‭ ‬د‭ ‬2012‭ ‬د‭ ‬سپتمبر‭ ‬په‭ ‬9‭ ‬نیټه‭ ‬د‭ ‬ملي‭ ‬ګارد‭ ‬د‭ ‬پرسونل‭ ‬قطعې‭ ‬ته‭ ‬لاړم،‭ ‬چیرې‭ ‬چې‭ ‬ما‭ ‬د‭ ‬ملګرو‭ ‬قوماندانانو‭ ‬سره‭ ‬او‭ ‬د‭ ‬دفاع‭ ‬او‭ ‬کورنیو‭ ‬چارو‭ ‬وزارتونو‭ ‬په‭ ‬همغږۍ‭ ‬سره‭ ‬د‭ ‬هیواد‭ ‬لپاره‭ ‬د‭ ‬دفاعي‭ ‬پلان‭ ‬په‭ ‬جوړولو‭ ‬او‭ ‬د‭ ‬ملي‭ ‬ګارد‭ ‬نظامي‭ ‬دوکتورین‭ ‬د‭ ‬مهمو‭ ‬بنسټونو‭ ‬اېښودلو‭ ‬او‭ ‬همداراز‭ ‬د‭ ‬ملي‭ ‬ګارد‭ ‬لپاره‭ ‬د‭ ‬عملیاتي‭ ‬او‭ ‬جنګي‭ ‬چتمووالی‭ ‬او‭ ‬د‭ ‬بشري‭ ‬ځواک‭ ‬د‭ ‬راپورونو‭ ‬په‭ ‬وده‭ ‬او‭ ‬پراختیا‭ ‬کې‭ ‬مهم‭ ‬رول‭ ‬ولوباو‭. ‬ما‭ ‬د‭ ‬ملي‭ ‬ګارد‭ ‬د‭ ‬امنیتي‭ ‬سیسټم‭ ‬کاري‭ ‬ګروپ‭ ‬مشرتوب‭ ‬وکړ،‭ ‬چې‭ ‬د‭ ‬هغه‭ ‬له‭ ‬لارې‭ ‬مو‭ ‬یوه‭ ‬پراختیایي‭ ‬پروژه‭ ‬پیل‭ ‬کړه،‭ ‬او‭ ‬د‭ ‬دولت‭ ‬له‭ ‬پراختیایي‭ ‬پلان‭ ‬سره‭ ‬سم‭ ‬مو‭ ‬نوي‭ ‬کمپونه‭ ‬پرانیستل،‭ ‬چې‭ ‬ملي‭ ‬ګارد‭ ‬سره‭ ‬مرسته‭ ‬کوي‭ ‬ترڅو‭ ‬په‭ ‬ټولو‭ ‬سیمو‭ ‬کې‭ ‬شتون‭ ‬ولري‭.‬

د‭ ‬2015‭ ‬د‭ ‬جنوري‭ ‬1،‭ ‬ما‭ ‬د‭ ‬ملي‭ ‬ګارد‭ ‬مشرتابه‭ ‬د‭ ‬باور‭ ‬ویاړ‭ ‬ترلاسه‭ ‬کړ‭ ‬ویاړ‭ ‬ما‭ ‬ته‭ ‬د‭ ‬لوړ‭ ‬پوړو‭ ‬مشرانو‭ ‬لخوا‭ ‬شیخ‭ ‬سالم‭ ‬العلي‭ ‬الصباح‭ ‬د‭ ‬ملي‭ ‬ګارد‭ ‬قوماندان،‭ ‬او‭ ‬شیخ‭ ‬مشعل‭ ‬الاحمد‭ ‬الجابر‭ ‬الصباح‭ ‬د‭ ‬ملي‭ ‬ګارد‭ ‬د‭ ‬قوماندان‭ ‬معاون‭ ‬له‭ ‬خوا‭ ‬راکړل‭ ‬شو،‭ ‬ترڅو‭ ‬د‭ ‬ملي‭ ‬ګارد‭ ‬د‭ ‬مرستیالۍ‭ ‬دنده‭ ‬په‭ ‬غاړه‭ ‬واخلم‭. ‬زه‭ ‬له‭ ‬یو‭ ‬څو‭ ‬نورو‭ ‬مشرانو‭ ‬سره‭ ‬په‭ ‬پوځي،‭ ‬اداري‭ ‬او‭ ‬تخنیکي‭ ‬چارو‭ ‬د‭ ‬لوی‭ ‬پلانونو‭ ‬په‭ ‬جوړولو‭ ‬کې‭ ‬د‭ ‬ملي‭ ‬ګارد‭ ‬سره‭ ‬مرستې‭ ‬ته‭ ‬دوام‭ ‬ورکوم‭.‬

د‭ ‬وروستیو‭ ‬لاسته‭ ‬راوړنو‭ ‬څخه‭ ‬یو‭ ‬هم‭ ‬د‭ ‬سرحدي‭ ‬ځواکونو‭ ‬او‭ ‬پولیس‭ ‬ځواکونو‭ ‬په‭ ‬نړیوالې‭ ‬ټولنې‭ ‬کې‭ ‬د‭ ‬کویټ‭ ‬ملي‭ ‬ګارد‭ ‬په‭ ‬پوځي‭ ‬حیثیت‭ ‬سره‭ ‬شاملیدل‭ ‬دي‭. ‬دا‭ ‬مونږ‭ ‬ته‭ ‬فرصت‭ ‬راکوي‭ ‬چې‭ ‬د‭ ‬امنیت،‭ ‬تروریزم‭ ‬پروړاندې‭ ‬مبارزه‭ ‬او‭ ‬د‭ ‬بحران‭ ‬د‭ ‬مدیریت‭ ‬په‭ ‬برخو‭ ‬کې‭ ‬مخکښو‭ ‬هیوادونو‭ ‬سره‭ ‬تجربې‭ ‬تبادله‭ ‬کړو‭.‬

یونیپث‭: ‬د‭ ‬کویټ‭ ‬ملي‭ ‬ګارد‭ ‬له‭ ‬خارجي‭ ‬امنیتي‭ ‬ځواکونو‭ ‬سره‭ ‬له‭ ‬ګډ‭ ‬پوځي‭ ‬تمریناتو‭ ‬څخه‭ ‬څنګه‭ ‬ګټه‭ ‬پورته‭ ‬کړې؟

ډګر‭ ‬جنرال‭ ‬هاشم‭:‬‭ ‬بې‭ ‬له‭ ‬شکه،‭ ‬ګډ‭ ‬پوځي‭ ‬تمرینونه‭ ‬د‭ ‬هیوادونو‭ ‬تر‭ ‬منځ‭ ‬شراکت‭ ‬او‭ ‬اړیکې‭ ‬پیاوړي‭ ‬کوي،‭ ‬د‭ ‬تجربو‭ ‬تبادلې‭ ‬ته‭ ‬وده‭ ‬ورکوي‭ ‬او‭ ‬د‭ ‬ظرفیتونو‭ ‬په‭ ‬جوړولو‭ ‬کې‭ ‬مرسته‭ ‬کوي‭. ‬ګډ‭ ‬تمرینونه‭ ‬جنګي‭ ‬وړتیاوې‭ ‬او‭ ‬چمتووالي‭ ‬ته‭ ‬پرمختګ‭ ‬ورکوي‭. ‬مونږ‭ ‬د‭ ‬اعظمي‭ ‬ګټې‭ ‬د‭ ‬ترلاسه‭ ‬کولو‭ ‬لپاره‭ ‬د‭ ‬برخه‭ ‬اخیستونکو‭ ‬ځواکونو‭ ‬ترمنځ‭ ‬د‭ ‬ګډ‭ ‬عمل‭ ‬پر‭ ‬ودې‭ ‬باندې‭ ‬تمرکز‭ ‬کوو‭. ‬د‭ ‬تمرینونو‭ ‬په‭ ‬جریان‭ ‬کې‭ ‬مونږ‭ ‬لیواله‭ ‬یو‭ ‬چې‭ ‬خپل‭ ‬فعالیت‭ ‬وارزوو،‭ ‬ځواک‭ ‬او‭ ‬کمزورتیا‭ ‬وپیژنو،‭ ‬او‭ ‬زده‭ ‬کړل‭ ‬شوي‭ ‬درسونه‭ ‬په‭ ‬ګوته‭ ‬کړو‭. ‬پدې‭ ‬وخت‭ ‬کې‭ ‬مونږ‭ ‬له‭ ‬دوست‭ ‬او‭ ‬ورور‭ ‬هیوادونو‭ ‬سره‭ ‬چې‭ ‬متحده‭ ‬ایالات‭ ‬هم‭ ‬پکې‭ ‬ګډون‭ ‬لري،‭ ‬د‭ ‬ایګل‭ ‬رییزالف‭ ‬تمرین‭ ‬لپاره‭ ‬چمتووالی‭ ‬نیسو‭.‬

یونیپث‭: ‬کویټ‭ ‬د‭ ‬متحده‭ ‬ایالاتو‭ ‬یو‭ ‬له‭ ‬قوي‭ ‬ستراتیژیک‭ ‬متحدینو‭ ‬څخه‭ ‬دی‭. ‬تاسو‭ ‬به‭ ‬د‭ ‬دواړو‭ ‬هیوادونو‭ ‬ترمینځ‭ ‬موجوده‭ ‬اړیکې‭ ‬او‭ ‬شراکت‭ ‬څنګه‭ ‬تشریح‭ ‬کړئ؟

ډګر‭ ‬جنرال‭ ‬هاشم‭:‬‭ ‬متحده‭ ‬ایالات‭ ‬په‭ ‬مختلفو‭ ‬برخو‭ ‬په‭ ‬ځانګړي‭ ‬توګه‭ ‬پوځي‭ ‬او‭ ‬امنیتي‭ ‬کې‭ ‬د‭ ‬کویټ‭ ‬لپاره‭ ‬یو‭ ‬قوي‭ ‬متحد‭ ‬او‭ ‬ستراتیژیک‭ ‬ملګری‭ ‬دی‭. ‬د‭ ‬دې‭ ‬ملګرتیا‭ ‬یوه‭ ‬غوره‭ ‬بیلګه‭ ‬هغه‭ ‬دریځ‭ ‬و‭ ‬چې‭ ‬متحده‭ ‬ایالاتو‭ ‬په‭ ‬1990‭ ‬کې‭ ‬د‭ ‬کویټ‭ ‬د‭ ‬حقونو‭ ‬په‭ ‬دفاع‭ ‬کې‭ ‬خپل‭ ‬کړ،‭ ‬هغه‭ ‬مهال‭ ‬چې‭ ‬زمونږ‭ ‬هیواد‭ ‬د‭ ‬وحشي‭ ‬یرغل‭ ‬لاندې‭ ‬و‭. ‬هغه‭ ‬څه‭ ‬چې‭ ‬د‭ ‬متحده‭ ‬ایالاتو‭ ‬سره‭ ‬د‭ ‬کویټ‭ ‬د‭ ‬اړیکو‭ ‬ژورتیا‭ ‬تاییدوي‭ ‬د‭ ‬متحده‭ ‬ایالاتو‭ ‬په‭ ‬پوهنتونونو‭ ‬کې‭ ‬د‭ ‬زرګونو‭ ‬کویټي‭ ‬زده‭ ‬کونکو‭ ‬شتون‭ ‬دی‭. ‬همدارنګه‭ ‬په‭ ‬وروستيو‭ ‬کلونو‭ ‬کې‭ ‬ډیری‭ ‬امریکایی‭ ‬پوهنتونونه‭ ‬په‭ ‬کویټ‭ ‬کې‭ ‬حضور‭ ‬لري‭.‬

یونیپت‭: ‬د‭ ‬ملي‭ ‬ګارد‭ ‬لپاره‭ ‬د‭ ‬ستراتیژیک‭ ‬پراختیایي‭ ‬پلان،‭ ‬چې‭ ‬عنوان‭ ‬یې‭ ‬دی‭ ‬د‭ ‬2020‭ ‬د‭ ‬استراتیژیکو‭ ‬اهدافو‭ ‬سند،‭ ‬ځانګړتیاوې‭ ‬څه‭ ‬دي؟

ډګر‭ ‬جنرال‭ ‬هاشم‭: ‬د‭ ‬ملي‭ ‬ګارد‭ ‬ستراتیژیک‭ ‬پلان‭ (‬2020‭) ‬د‭ ‬ملي‭ ‬ګارد‭ ‬مرستیال‭ ‬مشر‭ ‬جلالتماب‭ ‬شیخ‭ ‬میشال‭ ‬الاحمد‭ ‬الصباح‭ ‬له‭ ‬لوري‭ ‬د‭ -‬امنیت‭ ‬لومړی‭- ‬شعار‭ ‬تر‭ ‬نامه‭ ‬لاندې‭ ‬په‭ ‬لاره‭ ‬اچول‭ ‬شوی،‭ ‬او‭ ‬دا‭ ‬یو‭ ‬ملي‭ ‬موخه‭ ‬تعقیبوي‭ ‬چې‭ ‬د‭ ‬امنیت‭ ‬او‭ ‬ثبات‭ ‬په‭ ‬ساتلو‭ ‬او‭ ‬د‭ ‬ملي‭ ‬دفاع‭ ‬او‭ ‬امنیتي‭ ‬پلانونو‭ ‬او‭ ‬اهدافو‭ ‬په‭ ‬ملاتړ‭ ‬سره‭ ‬د‭ ‬کویټ‭ ‬د‭ ‬دولتي‭ ‬حاکمیت،‭ ‬مشروعیت،‭ ‬خلکو‭ ‬او‭ ‬ارزښتونو‭ ‬څخه‭ ‬ساتنه‭ ‬کوي،‭ ‬ترڅو‭ ‬د‭ ‬کویټ‭ ‬د‭ ‬جلالتماب‭ ‬امير‭ ‬او‭ ‬د‭ ‬وسلوالو‭ ‬ځواکونو‭ ‬د‭ ‬اعلی‭ ‬سر‭ ‬قوماندان‭ ‬لوړ‭ ‬آرمان‭ ‬چې‭ ‬کویټ‭ ‬د‭ ‬یو‭ ‬مالي‭ ‬او‭ ‬سوداګریز‭ ‬مرکز‭ ‬په‭ ‬توګه‭ ‬وده‭ ‬وکړي،‭ ‬په‭ ‬حقیقت‭ ‬بدل‭ ‬شي‭.‬

ملي‭ ‬ګارد‭ ‬هڅې‭ ‬کوي‭ ‬چې‭ ‬په‭ ‬لوړه‭ ‬کچه‭ ‬پوځي،‭ ‬امنیتي،‭ ‬اداري‭ ‬او‭ ‬تخنیکي‭ ‬چمتووالي‭ ‬ولري‭. ‬پلان‭ ‬له‭ ‬لیدلوري‭ ‬سره‭ ‬سم،‭ ‬په‭ ‬امنیت،‭ ‬پوځي‭ ‬عملیاتو‭ ‬او‭ ‬بنیادي‭ ‬حکومتدارۍ‭ ‬کې‭ ‬د‭ ‬لوړ‭ ‬کیفیت‭ ‬مشرتابه،‭ ‬وړتیا‭ ‬او‭ ‬بشپړ‭ ‬چمتووالی‭ ‬له‭ ‬لارې‭ ‬د‭ ‬لوړ‭ ‬مسلکي‭ ‬ځواک‭ ‬رامنځته‭ ‬کولو‭ ‬هڅه‭ ‬باید‭ ‬وشي‭.‬

په‭ ‬سند‭ ‬کې‭ ‬د‭ ‬کلیدي‭ ‬ارزښتونو‭ ‬لیست‭ ‬شامل‭ ‬دی‭: ‬تړاو،‭ ‬وفاداري‭ ‬او‭ ‬هیواد‭ ‬پالنه،‭ ‬د‭ ‬تخصص‭ ‬او‭ ‬چمتووالي‭ ‬په‭ ‬ډګر‭ ‬کې‭ ‬پوځي‭ ‬برتري،‭ ‬او‭ ‬عدالت‭. ‬پدې‭ ‬کې‭ ‬یو‭ ‬شمیر‭ ‬برخې‭ ‬هم‭ ‬شاملې‭ ‬دي‭ ‬چې‭ ‬حیاتي‭ ‬ماموریت‭ ‬او‭ ‬چمتووالي‭ ‬په‭ ‬ګوته‭ ‬کوي،‭ ‬لکه‭ ‬د‭ ‬جنګي‭ ‬چمتووالی‭ ‬پیاوړتیا،‭ ‬د‭ ‬میخانیکي‭ ‬او‭ ‬زغره‭ ‬والو‭ ‬موټرو‭ ‬نوي‭ ‬کول،‭ ‬وسلو‭ ‬او‭ ‬مهمات،‭ ‬د‭ ‬تفتیش‭ ‬کچه‭ ‬لوړول،‭ ‬څارنه،‭ ‬د‭ ‬تخنیکي‭ ‬چمتووالي‭ ‬پرمختګ،‭ ‬د‭ ‬زیربناوو‭ ‬پیاوړتیا‭ ‬او‭ ‬د‭ ‬پایګاوو‭ ‬او‭ ‬ګدامونو‭ ‬پراختیا،‭ ‬د‭ ‬روغتیایی‭ ‬کلینیکونو‭ ‬د‭ ‬رامینځته‭ ‬کولو‭ ‬له‭ ‬لارې‭ ‬د‭ ‬روغتیايي‭ ‬خدماتو‭ ‬ښه‭ ‬والی‭ ‬چې‭ ‬د‭ ‬ملي‭ ‬ګارد‭ ‬پرسونل‭ ‬د‭ ‬اړتیاو‭ ‬پر‭ ‬اساس‭ ‬تخصص‭ ‬ولري‭.‬

نورې‭ ‬برخې‭ ‬د‭ ‬وړتیاوو‭ ‬پراخولو‭ ‬سره‭ ‬سروکار‭ ‬لري،‭ ‬لکه‭ ‬د‭ ‬چورلکو‭ ‬قطعه‭ ‬جوړول‭ ‬او‭ ‬د‭ ‬پېژندل‭ ‬شوو‭ ‬روزنو‭ ‬او‭ ‬وړتیاوو‭ ‬ازموینو‭ ‬د‭ ‬چمتووالي‭ ‬په‭ ‬ګډون‭ ‬د‭ ‬هر‭ ‬ډول‭ ‬ماموریت‭ ‬د‭ ‬ترسراوي‭ ‬لپاره‭ ‬اړین‭ ‬مواد‭ ‬برابرول‭. ‬په‭ ‬بله‭ ‬برخه‭ ‬کې‭ ‬د‭ ‬یو‭ ‬کیمیاوي‭ ‬او‭ ‬راډیولوژیکي‭ ‬څار‭ ‬مرکز‭ ‬فعالول،‭ ‬همداراز‭ ‬د‭ ‬پوځي‭ ‬او‭ ‬تخنیکي‭ ‬څیړنیز‭ ‬د‭ ‬برخې‭ ‬پراخول‭ ‬او‭ ‬انرژي‭ ‬او‭ ‬نورو‭ ‬چارو‭ ‬پورې‭ ‬اړوند‭ ‬مطالعاتو،‭ ‬او‭ ‬د‭ ‬تروریزم‭ ‬او‭ ‬بلوا‭ ‬ضد‭ ‬د‭ ‬لواګانو‭ ‬روزنې‭ ‬هم‭ ‬په‭ ‬دې‭ ‬سند‭ ‬کې‭ ‬شته‭. ‬


د‭ “‬امنیت‭ ‬لومړی‭” ‬ستراتیژیک‭ ‬پلان‭ ‬تفصیل

ملي‭ ‬موخه

د‭ ‬امنیت‭ ‬او‭ ‬ثبات‭ ‬په‭ ‬تامینولو‭ ‬او‭ ‬د‭ ‬ملي‭ ‬دفاعي‭ ‬او‭ ‬امنیتي‭ ‬پلانونو‭ ‬او‭ ‬اهدافو‭ ‬په‭ ‬ملاتړ‭ ‬سره‭ ‬د‭ ‬کویټ‭ ‬حاکمیت،‭ ‬مشروعیت،‭ ‬اساسي‭ ‬قانون،‭ ‬خلکو‭ ‬او‭ ‬ارزښتونو‭ ‬ساتنه‭ ‬کوکول‭.‬

لیدلوری

د‭ ‬لوړ‭-‬کیفیت‭ ‬مشرتابه،‭ ‬وړتیا‭ ‬او‭ ‬د‭ ‬لوړ‭ ‬مسلکي‭ ‬ځواک‭ ‬د‭ ‬بشپړ‭ ‬چمتووالي‭ ‬له‭ ‬لارې‭ ‬د‭ ‬امنیت،‭ ‬پوځي‭ ‬عملیاتو‭ ‬او‭ ‬بنسټیزې‭ ‬حکومتوالۍ‭ ‬لپاره‭ ‬هڅه‭ ‬کول‭.‬

اساسي‭ ‬ارزښتونه

تړاو،‭ ‬وفاداری‭ ‬او‭ ‬هیواد‭ ‬پالنه

د‭ ‬تخصص‭ ‬او‭ ‬چمتووالی‭ ‬په‭ ‬ډګر‭ ‬کې‭ ‬پوځي‭ ‬برتری

عدالت

د‭ ‬استراتیژیک‭ ‬پلان‭ ‬ستنې

1‭. ‬حیاتي‭ ‬دندې‭ ‬او‭ ‬چمتووالی‭.‬

جنګي‭ ‬چمتووالي‭ ‬ته‭ ‬پراختیا‭ ‬ورکول‭.‬

ماشین‭ ‬آلاتو،‭ ‬زغره‭ ‬والو،‭ ‬وسلې‭ ‬او‭ ‬مهماتو‭ ‬جوړول‭ ‬او‭ ‬پراخول‭.‬

تفتیش،‭ ‬نظارت‭ ‬او‭ ‬د‭ ‬کیفیت‭ ‬کچه‭ ‬لوړول‭.‬

تکنالوژیکي‭ ‬چمتووالی‭ ‬نوی‭ ‬کول‭.‬

زیربنا‭ ‬او‭ ‬زیربنایی‭ ‬اړتیاوې‭ ‬تقویه‭ ‬کول‭ ‬او‭ ‬کمپونو‭ ‬او‭ ‬پلورنځیو‭ ‬ته‭ ‬پراختیا‭ ‬ورکول‭.‬

د‭ ‬روغتیایی‭ ‬خدماتو‭ ‬چمتووالی‭ ‬پراخول‭ ‬او‭ ‬د‭ ‬ملي‭ ‬ګارد‭ ‬لپاره‭ ‬اړین‭ ‬ځانګړي‭ ‬روغتیایی‭ ‬کلینیکونه‭ ‬جوړول‭.‬

2‭. ‬عمومي‭ ‬ملاتړ‭ ‬او‭ ‬نوي‭ ‬ظرفیتونو‭ ‬تقویه‭ ‬کول‭.‬

د‭ ‬چورلکو‭ ‬یوه‭ ‬قطعه‭ ‬رامینځته‭ ‬کول‭ ‬او‭ ‬وده‭ ‬ورته‭ ‬ورکول،‭ ‬او‭ ‬په‭ ‬مؤثره‭ ‬توګه‭ ‬یې‭ ‬سمبالول‭.‬

یوه‭ ‬پوځي‭ ‬امنیتي‭ ‬قطعې‭ ‬جوړول‭ ‬او‭ ‬میکانیزمونه‭ ‬رامینځته‭ ‬کول‭ ‬ترڅو‭ ‬دهغه‭ ‬د‭ ‬ملاتړ‭ ‬دنده‭ ‬پلی‭ ‬کړي‭.‬

د‭ ‬چورلکې‭ ‬قطعې‭ ‬لپاره‭ ‬د‭ ‬ځانګړو‭ ‬روزنو‭ ‬او‭ ‬ستاینلیکونو‭ ‬یو‭ ‬سیسټم‭ ‬جوړول‭.‬

د‭ ‬کیمیاوي‭ ‬دفاع‭ ‬او‭ ‬د‭ ‬راډیولوژیک‭ ‬څارنې‭ ‬مرکز‭ ‬فعالول‭.‬

د‭ ‬پوځ‭ ‬او‭ ‬تخنیکي‭ ‬انرژي‭ ‬پورې‭ ‬اړوند‭ ‬څیړنې‭ ‬او‭ ‬مطالعات‭ ‬پراخول‭.‬

د‭ ‬تروریزم‭ ‬ضد‭ ‬او‭ ‬د‭ ‬بلوا‭ ‬ضد‭ ‬کنډکونو‭ ‬ته‭ ‬روزنه‭ ‬او‭ ‬وده‭ ‬ورکول‭ ‬او‭ ‬پر‭ ‬اړینو‭ ‬وسایلو‭ ‬سره‭ ‬د‭ ‬دغو‭ ‬کنډکونو‭ ‬پیاوړي‭ ‬کول‭.‬

د‭ ‬حکومت‭ ‬د‭ ‬ملاتړ‭ ‬قطعې‭ ‬وړتیا‭ ‬او‭ ‬ظرفیت‭ ‬لوړول،‭ ‬او‭ ‬خدمات‭ ‬یې‭ ‬پراخول‭.‬

3‭. ‬د‭ ‬عملیاتي‭ ‬مدیریت،‭ ‬پلان‭ ‬جوړونې،‭ ‬روزنې‭ ‬او‭ ‬د‭ ‬کړکیچ‭ ‬مدیریت‭ ‬د‭ ‬دندې‭ ‬فعالول‭.‬

د‭ ‬کاري‭ ‬ځواک،‭ ‬تجهیزاتو‭ ‬او‭ ‬د‭ ‬روزنیزو‭ ‬اړتیاوو‭ ‬بیاکتنه‭ ‬کول،‭ ‬او‭ ‬روزنېز‭ ‬ښوونځي،‭ ‬نصاب‭ ‬او‭ ‬تمرینونو‭ ‬ته‭ ‬په‭ ‬دوامداره‭ ‬توګه‭ ‬پراختیا‭ ‬ورکول‭.‬

عملیاتي‭ ‬مرکز‭ ‬پراخول‭ ‬او‭ ‬اړتیاوې‭ ‬یې‭ ‬نهایي‭ ‬کول‭.‬

پلان‭ ‬جوړونې‭ ‬او‭ ‬عملیاتو‭ ‬ته‭ ‬پراخول‭ ‬او‭ ‬بیاکتنه‭ ‬ورته‭ ‬کول‭.‬

د‭ ‬کورنیو‭ ‬چارو‭ ‬او‭ ‬دفاع‭ ‬وزارتونو‭ ‬او‭ ‬د‭ ‬اور‭ ‬وژنې‭ ‬خدماتو‭ ‬ریاست‭ ‬سره‭ ‬په‭ ‬ګډو‭ ‬روزنو‭ ‬کې‭ ‬ډېروالی‭ ‬راوستل‭.‬

4‭. ‬د‭ ‬اداري‭ ‬او‭ ‬سازماني‭ ‬چمتووالي‭ ‬زیاتوالی‭.‬

د‭ ‬سمون‭ ‬چاپیریال‭ ‬پیاوړی‭ ‬کول‭.‬

سیستمونه‭ ‬او‭ ‬کړنلارې‭ ‬جوړول‭. ‬

ټیکنالوژیکي‭ ‬خدمتونو‭ ‬او‭ ‬د‭ ‬معلوماتي‭ ‬ټیکنالوژۍ‭ ‬سیسټمونو‭ ‬ته‭ ‬پراختیا‭ ‬ورکول‭.‬

په‭ ‬تشکیلاتي‭ ‬او‭ ‬عملي‭ ‬جوړښت‭ ‬او‭ ‬د‭ ‬ځواک‭ ‬د‭ ‬مدیریت‭ ‬په‭ ‬سیسټم‭ ‬کې‭ ‬رتبې‭ ‬او‭ ‬مسؤلیتونه‭ ‬فعالول‭.‬

د‭ ‬پوځي‭ ‬منښت‭ ‬او‭ ‬روزنې‭ ‬سیستم‭ ‬فعالول‭.‬

5‭. ‬د‭ ‬مشورې‭ ‬رول‭ ‬پیاوړي‭ ‬کول،‭ ‬د‭ ‬سازماني‭ ‬سیالي‭ ‬زیاتول،‭ ‬د‭ ‬ټولنیز‭ ‬او‭ ‬

‭ ‬محیطی‭ ‬مسئولیت‭ ‬څخه‭ ‬ملاتړ‭ ‬کول‭.‬

په‭ ‬ټولنه‭ ‬کې‭ ‬د‭ ‬ملي‭ ‬ګارد‭ ‬مثبت‭ ‬تصویر‭ ‬او‭ ‬موقعیت‭ ‬تهپراختیا‭ ‬ورکول‭.‬

د‭ ‬ګارد‭ ‬له‭ ‬څانګو‭ ‬سره‭ ‬بنسټیزې‭ ‬او‭ ‬اداري‭ ‬اړیکې‭ ‬پیاوړې‭ ‬کول،‭ ‬ادارې‭ ‬ته‭ ‬په‭ ‬وفادارۍ‭ ‬کې‭ ‬ډېروالی‭ ‬راوستل،‭ ‬او‭ ‬اداري‭ ‬ارزښتونه‭ ‬پیاوړي‭ ‬کول‭.‬

د‭ ‬ملي‭ ‬ګارد‭ ‬لپاره‭ ‬یوه‭ ‬رسنیزه‭ ‬پالیسي‭ ‬جوړول‭ ‬او‭ ‬د‭ ‬دولتي‭ ‬سازمان‭ ‬سره‭ ‬ګډ‭ ‬کاري‭ ‬چوکاټ‭ ‬رامنځته‭ ‬کول‭.‬

6‭. ‬ګډې‭ ‬پوځي‭ ‬او‭ ‬مسلکي‭ ‬همکارۍ‭ ‬زیاتوالی‭ ‬راوستل‭.‬

د‭ ‬همکارۍ‭ ‬لاسلیک‭ ‬شوي‭ ‬پروتوکولونه‭ ‬عملی‭ ‬کول‭ ‬او‭ ‬د‭ ‬پوځي‭ ‬همکارۍ‭ ‬د‭ ‬پلي‭ ‬کولو‭ ‬ساحه‭ ‬پراخول‭.‬

د‭ ‬نړیوالې‭ ‬ژبې‭ ‬پروګرام‭ ‬پلي‭ ‬کول‭ (‬انګلیسي،‭ ‬فرانسوی‭ ‬او‭ ‬الماني‭).‬

نړیوال‭ ‬پوځي‭ ‬مهارتونه‭ ‬راجلبول‭ ‬او‭ ‬پوځي‭ ‬مشورې‭ ‬پراخول‭.‬

د‭ ‬کنفرانسونو،‭ ‬روزنو‭ ‬او‭ ‬لیدنو‭ ‬له‭ ‬لارې‭ ‬د‭ ‬مهارت‭ ‬تبادلې‭ ‬او‭ ‬بهرنۍ‭ ‬ملګرتیا‭ ‬ډېرول‭.‬

Comments are closed.