د یمن بې ثباتي د تهران د افراطیت د صادرولو په ستراتیژي کې ځای لري
معمر الاریاني، د یمن د اطلاعاتو وزیر
دهرې ورځې په تیریدو سره د ایران رژیم د خپل ویجاړونکي رول او د نړۍ او سیمې پر امنیت باندې یې اغېزه رابرسېره کوي. د ایران رژیم د دغه رول له وجې د تروریستي سازمانونو په قطار کې راووست، چې نه یوازې خپلو خلکو بلکې په ټوله کې د نړۍ امنیت ته زیان رسوي.
د تهران خپله وېروونکې څېره تر بل هر وخته هغه مهال رابرسېره کړه چې کله یې د ګوتو نښې یې په څرګنده توګه د عرب خلیج هېوادونو، عمان او سعودي عربستان د تېلو په ټانګرونو او د تېلو پر کارخانو بریدونو او همدارنګه په نړیوال فضایي حریم کې د امریکا متحده ایالاتو بې پیلوټه الوتکې پر راپرزولو سره پر تروریستي بریدونو کې ککړې وموندل شوې.
د ایران د دې کړنو پر وړاندې، چې د نړۍ ستراتیژیکو ګټو ته یې ډېرېدونکی زیان ورساوه، نړیوال عکس العملونه او غبرګونونه که څه هم ناوخته راغلل، خو نړیواله ټولنه یې د ایران له رژیم سره د یو نورمال دولت په څېر د معاملو ترسره کولو له خطرونو خبره کړه. خو بیا هم، دا ډول پوهاوی له هغو اصلي واقعیتونو سره تړاو نلري، چې ایرانی رژیم دې سیمې او نړۍ ته د ګډوډیو او بحرانونو لېږدولو څخه ایساورولو ته اړ کړي.
زما په هیواد یمن کې د یمنیانو په چارو کې د ایراني رژیم د مداخلې ناوړه اغېزې له مخکې نه شروع شوي دي. خو د وخت په تیریدو سره د تهران د پوځي ځواک له جوړېدو سره، نوموړې مداخلې نورې هم وېروونکې شوې او هیڅکله یې نړۍ ته د ملایانو د وړتیاوو په هکله له دې خبرې د باټی وهلو څخه ډډه ونکړه، چې دوي کولای شي هر وخت له هغې نه د وسلې په توګه په هغو نیابتي جګړو کې کار واخلي چې کولی شي هرې سیمې ته په داخلېدو سره سیمه له ویجاړۍ سره مخ کوي.
د 2014 په سپتمبر کې د حوثیانو له کودتا نه وروسته چې د یمني دولت ستنې یې کمزوري کړې، د ایران چارواکو په ډاګه وویل چې صنعا څلورمه پلازمینه ده چې د دوی لاس ته ورځي. د ویناو او څرګندونو یو سیل، چې د حوثیانو د ضمني رضایت تر څنګ، د تهران رژیم سره د حوثیانو تړاو بیاځلې تایید کړ، چې په سیستماتیکه توګه د یمني ټولنې د ارزښتونو د لمنځه وړلو هڅه کوي.
Comments are closed.