د بدمرغیو د له منځه وړلو ماموریت

لبناني سرتیري د بیروت بندر چاودنې لسګونو زرو قربانیانو سره مرسته وکړه

د2020‭ ‬د‭ ‬اګست‭ ‬پر‭ ‬څلورمه،‭ ‬د‭ ‬ماښام‭ ‬شاوخوا‭ ‬6‭:‬10‭ ‬بجو‭ ‬د‭ ‬بیروت‭ ‬په‭ ‬بندر‭ ‬کې‭ ‬یوې‭ ‬لویې‭ ‬چاودنې‭ ‬پلازمېنې‭ ‬او‭ ‬شاوخوا‭ ‬سیمې‭ ‬ولړزولې،‭ ‬چې‭ ‬د‭ ‬څو‭ ‬ثانیو‭ ‬په‭ ‬ترڅ‭ ‬کې‭ ‬یې‭ ‬ګڼ‭ ‬شمیر‭ ‬کسان‭ ‬مړه،‭ ‬ټپي‭ ‬او‭ ‬ورک‭ ‬کړل،‭ ‬او‭ ‬تر‭ ‬څنګ‭ ‬یې‭ ‬د‭ ‬غنمو‭ ‬سیلوګانو‭ ‬په‭ ‬ګډون‭ ‬د‭ ‬بندر‭ ‬یوه‭ ‬مهمه‭ ‬برخه‭ ‬ویجاړه‭ ‬کړه‭. ‬همدارنګه‭ ‬دغې‭ ‬چاودنې‭ ‬د‭ ‬بندر‭ ‬شاوخوا‭ ‬سیمو‭ ‬کې‭ (‬د‭ ‬7‭.‬5‭ ‬کیلومترو‭ ‬په‭ ‬اوږدو‭ ‬کې‭) ‬شخصي‭ ‬ملکیتونه‭ ‬او‭ ‬د‭ ‬استوګنې‭ ‬ودانیو‭ ‬ته‭ ‬لوی‭ ‬زیان‭ ‬ورساوه،‭ ‬چې‭ ‬د‭ ‬تاریخي‭ ‬ودانیو‭ ‬په‭ ‬ګډون‭ ‬یې‭ ‬ځینې‭ ‬ونړولې‭.‬

له‭ ‬چاودنې‭ ‬شېبه‭ ‬وروسته‭ ‬د‭ ‬لبنان‭ ‬حکومت‭ ‬په‭ ‬بیروت‭ ‬کې‭ ‬بېړنی‭ ‬حالت‭ ‬اعلان‭ ‬کړ،‭ ‬د‭ ‬لبنان‭ ‬وسلوالو‭ ‬ځواکونو‭ ‬ته‭ ‬یې‭ ‬د‭ ‬هوکړه‭ ‬لیک‭ ‬احکامو‭ ‬د‭ ‬پلي‭ ‬کولو‭ ‬دنده‭ ‬وسپارله،‭ ‬او‭ ‬د‭ ‬چاودنې‭ ‬لاملونو‭ ‬مالومولو‭ ‬او‭ ‬مسؤلو‭ ‬کسانو‭ ‬پېژندلو‭ ‬لپاره‭ ‬یې‭ ‬د‭ ‬پلټنې‭ ‬کمېټه‭ ‬جوړه‭ ‬کړه‭. ‬په‭ ‬ورته‭ ‬وخت‭ ‬کې‭ ‬د‭ ‬چاودنې‭ ‬ناوړه‭ ‬پایلې‭ ‬په‭ ‬ملي‭ ‬او‭ ‬انفرادي‭ ‬کچو‭ ‬په‭ ‬میاشتو‭ ‬میاشتو‭ ‬احساس‭ ‬کیدلې‭. ‬

چټک‭ ‬اقدام

د‭ ‬اردو‭ ‬قومندانۍ‭ ‬د‭ ‬دې‭ ‬لړزوونکې‭ ‬پېښې‭ ‬د‭ ‬اغیزو‭ ‬کمولو‭ ‬په‭ ‬موخه‭ ‬اقدام‭ ‬وکړ‭ ‬او‭ ‬د‭ ‬ټولو‭ ‬شته‭ ‬سرچینو‭ ‬په‭ ‬کارولو‭ ‬سره‭ ‬یې‭ ‬هڅه‭ ‬وکړه‭ ‬ترڅو‭ ‬د‭ ‬دې‭ ‬وېروونکي‭ ‬ناورین‭ ‬له‭ ‬کبله‭ ‬رامنځته‭ ‬شوې‭ ‬ویجاړۍ‭ ‬پاکې‭ ‬کړي‭. ‬پوځ‭ ‬د‭ ‬پېښې‭ ‬په‭ ‬صحنه‭ ‬کې‭ ‬د‭ ‬درغلۍ‭ ‬او‭ ‬لاسوهنې‭ ‬مخنیوي‭ ‬لپاره‭ ‬د‭ ‬چاودنې‭ ‬شاوخوا‭ ‬سیمې‭ ‬په‭ ‬چټکه‭ ‬توګه‭ ‬کلابندې‭ ‬کړې‭ ‬او‭ ‬د‭ ‬لبنان‭ ‬د‭ ‬سره‭ ‬صلیب‭ ‬او‭ ‬ملکي‭ ‬دفاع‭ ‬له‭ ‬کار‭ ‬کوونکو‭ ‬سره‭ ‬په‭ ‬همغږۍ‭ ‬یې‭ ‬د‭ ‬ټپيانو‭ ‬د‭ ‬را‭ ‬ایستلو‭ ‬او‭ ‬بیړنۍ‭ ‬مرستو‭ ‬د‭ ‬رسولو‭ ‬لپاره‭ ‬پراخ‭ ‬اقدام‭ ‬وکړ‭.‬

په‭ ‬ورته‭ ‬وخت‭ ‬کې‭ ‬پوځي‭ ‬پرسونل‭ ‬اغیزمنې‭ ‬سیمې‭ ‬ته‭ ‬واستول‭ ‬شول‭ ‬ترڅو‭ ‬امبولانسونو‭ ‬او‭ ‬اوروژنې‭ ‬موټرو‭ ‬ته‭ ‬عمومي‭ ‬سړکونه‭ ‬په‭ ‬چټکۍ‭ ‬سره‭ ‬پرانیزي‭. ‬

د‭ ‬لبنان‭ ‬وسلوال‭ ‬ځواکونه‭ ‬همداراز‭ ‬د‭ ‬ملکي‭ ‬دفاع‭ ‬او‭ ‬اور‭ ‬وژنې‭ ‬کنډک‭ ‬په‭ ‬مرسته‭ ‬د‭ ‬چاودنې‭ ‬ځای‭ ‬په‭ ‬شاوخوا‭ ‬کې‭ ‬د‭ ‬اور‭ ‬وژنې‭ ‬لپاره‭ ‬د‭ ‬چورلکو‭ ‬څخه‭ ‬پراخه‭ ‬ګټه‭ ‬پورته‭ ‬کړه،‭ ‬چې‭ ‬په‭ ‬سیمه‭ ‬کې‭ ‬یې‭ ‬په‭ ‬چټکه‭ ‬د‭ ‬اور‭ ‬وژنې‭ ‬او‭ ‬د‭ ‬اور‭ ‬د‭ ‬پراخیدو‭ ‬په‭ ‬مخنیوی‭ ‬کې‭ ‬مرسته‭ ‬وکړه‭.‬

د‭ ‬لبنان‭ ‬ سرتیرو ‬سره‭ ‬د‭ ‬مرستې‭ ‬په‭ ‬موخه‭ ‬د‭ ‬متحده‭ ‬ایالاتو‭ ‬د‭ ‬مرکزي‭ ‬قوماندانۍ‭ ‬د‭ ‬سي‭-‬‭ ‬17‭ ‬الوتکې‭ ‬په‭ ‬پروازونو‭ ‬سره‭ ‬د‭ ‬خواړو،‭ ‬اوبو‭ ‬او‭ ‬طبي‭ ‬توکو‭ ‬لیږد‭ ‬پیل‭ ‬کړ‭. ‬دغه‭ ‬الوتنې‭ ‬چې‭ ‬د‭ ‬بشري‭ ‬مرستو‭ ‬بکسونه‭ ‬په‭ ‬کې‭ ‬بار‭ ‬وو‭ ‬د‭ ‬قطر‭ ‬له‭ ‬العدید‭ ‬هوایی‭ ‬اډې‭ ‬څخه‭ ‬راورسېدې‭.‬

د‭ ‬پوځ‭ ‬صحیه‭ ‬قول‭ ‬اردو

د‭ ‬پوځ‭ ‬صحیه‭ ‬قول‭ ‬اردو‭ ‬له‭ ‬چاودنې‭ ‬څخه‭ ‬سمدستي‭ ‬وروسته،‭ ‬د‭ ‬زخمیانو‭ ‬په‭ ‬ویستلو‭ ‬کې‭ ‬مرسته‭ ‬وکړه،‭ ‬او‭ ‬د‭ ‬خپل‭ ‬ظرفیت‭ ‬تر‭ ‬کچې‭ ‬یې‭ ‬دخپلو‭ ‬عملیاتو‭ ‬کچه‭ ‬لوړه‭ ‬کړه‭. ‬نوموړې‭ ‬قول‭ ‬اردو‭ ‬ته‭ ‬ټپي‭ ‬شوي‭ ‬پوځي‭ ‬او‭ ‬ملکي‭ ‬پرسونل‭ ‬رسیدل،‭ ‬او‭ ‬دوی‭ ‬ته‭ ‬یې‭ ‬لومړنۍ‭ ‬مرستې‭ ‬چمتو‭ ‬کولې‭. ‬قول‭ ‬اردو‭ ‬همداراز‭ ‬د‭ ‬امبولانس‭ ‬پر‭ ‬مټ‭ ‬د‭ ‬هغو‭ ‬کسانو‭ ‬په‭ ‬لیږدولو‭ ‬کې‭ ‬مرسته‭ ‬وکړه‭ ‬چې‭ ‬په‭ ‬مرکزي‭ ‬پوځي‭ ‬روغتون‭ ‬کې‭ ‬یې‭ ‬درملنه‭ ‬نه‭ ‬کیده،‭ ‬نو‭ ‬دوی‭ ‬نورو‭ ‬پوځي‭ ‬کلینیکونو‭ ‬او‭ ‬ملکي‭ ‬روغتونونو‭ ‬ته‭ ‬د‭ ‬هغوی‭ ‬د‭ ‬ټپ‭ ‬له‭ ‬وضعیت‭ ‬سره‭ ‬سم‭ ‬لیږدول‭ ‬کیدل‭.‬

سرتیري د وېش مرستې باروي.
د لبنان وسلوال ځواکونه

په‭ ‬سیمه‭ ‬کې‭ ‬د‭ ‬اردو‭ ‬قومندانی‭ ‬خپل‭ ‬کار‭ ‬د‭ ‬یو‭ ‬لړ‭ ‬عملیاتي‭ ‬اقداماتو‭ ‬پواسطه‭ ‬پیاوړی‭ ‬کړ‭ ‬ترڅو‭ ‬د‭ ‬مرستې‭ ‬کار‭ ‬تنظیم‭ ‬او‭ ‬ګړندی‭ ‬کړي‭. ‬نوموړې‭ ‬قومندانۍ‭ ‬د‭ ‬عملیاتي‭ ‬مسؤلیت‭ ‬نوې‭ ‬سیمه‭ ‬په‭ ‬ګوته‭ ‬کړه‭ ‬چې‭ ‬د‭ ‬“تجرید‭/‬ایزولاسیون‭ ‬سکتور”‭ ‬په‭ ‬نوم‭ ‬یادیږي‭ ‬چې‭ ‬پکې‭ ‬بندر‭ ‬او‭ ‬بندر‭ ‬ته‭ ‬نږدې‭ ‬سیمې‭ ‬شاملې‭ ‬دی‭. ‬قومندانۍ‭ ‬د‭ ‬دې‭ ‬کار‭ ‬په‭ ‬کولو‭ ‬سره‭ ‬د‭ ‬کومکي‭ ‬هڅو‭ ‬په‭ ‬تنظیم‭ ‬او‭ ‬همغږي‭ ‬کولو‭ ‬او‭ ‬د‭ ‬ویجاړو‭ ‬شوو‭ ‬توکو‭ ‬په‭ ‬لیرې‭ ‬کولو‭ ‬کې‭ ‬مرسته‭ ‬وکړه‭. ‬پوځي‭ ‬قطعو،‭ ‬د‭ ‬انجینرۍ‭ ‬قطعې‭ ‬او‭ ‬سمندري‭ ‬ځواکونو‭ ‬په‭ ‬مشرۍ‭ ‬د‭ ‬چاودنې‭ ‬د‭ ‬ځای‭ ‬او‭ ‬سیمې‭ ‬سروې‭ ‬پیل‭ ‬کړې‭ ‬او‭ ‬د‭ ‬لادرکو‭ ‬کسانو‭ ‬لپاره‭ ‬یې‭ ‬لټون‭ ‬ترسره‭ ‬کړ‭. ‬پدې‭ ‬هڅو‭ ‬کې‭ ‬د‭ ‬لبنان‭ ‬د‭ ‬سمندري‭ ‬ځواک‭ ‬لامبو‭ ‬وهونکي‭ ‬او‭ ‬له‭ ‬12‭ ‬هیوادونو‭ (‬قبرس،‭ ‬چک‭ ‬جمهوریت،‭ ‬فرانسه،‭ ‬جرمني،‭ ‬یونان،‭ ‬ایټالیا،‭ ‬نیدرلینډ،‭ ‬پولنډ،‭ ‬قطر،‭ ‬روسیه،‭ ‬هسپانیه‭ ‬او‭ ‬ترکیه‭) ‬څخه‭ ‬د‭ ‬لټون‭ ‬او‭ ‬ژغورنې‭ ‬ځانګړو‭ ‬ټیمونو‭ ‬برخه‭ ‬درلوده‭ ‬چې‭ ‬ټول‭ ‬ټال‭ ‬429‭ ‬کسان‭ ‬پکې‭ ‬شامل‭ ‬وو،‭ ‬او‭ ‬لبنان‭ ‬ته‭ ‬له‭ ‬چاودنې‭ ‬څو‭ ‬ورځې‭ ‬وروسته‭ ‬راورسیدل‭. ‬دغو‭ ‬ټیمونو‭ ‬د‭ ‬خپلو‭ ‬تخصصي‭ ‬او‭ ‬تخنیکي‭ ‬وړتیاوو‭ ‬په‭ ‬کارولو‭ ‬سره‭ ‬د‭ ‬سیمې‭ ‬په‭ ‬پلټلو‭ ‬او‭ ‬د‭ ‬خاورو‭ ‬لاندې‭ ‬قربانیانو‭ ‬د‭ ‬پاتې‭ ‬شونو‭ ‬په‭ ‬ژر‭ ‬تر‭ ‬ژره‭ ‬راویستو‭ ‬کې‭ ‬له‭ ‬پوځ‭ ‬سره‭ ‬مرسته‭ ‬وکړه‭.‬

دا‭ ‬بریالی‭ ‬غبرګون‭ ‬په‭ ‬لویه‭ ‬کچه‭ ‬د‭ ‬لبنان‭ ‬پوځ‭ ‬پر‭ ‬مسلکيتوب‭ ‬پورې‭ ‬اړه‭ ‬لري،‭ ‬ځکه‭ ‬چې‭ ‬پوځ‭ ‬سیمه‭ ‬په‭ ‬څو‭ ‬برخو‭ ‬وویشله‭ ‬او‭ ‬د‭ ‬تجربې،‭ ‬شمیر،‭ ‬تجهیزاتو‭ ‬او‭ ‬موجوده‭ ‬ظرفیتونو‭ ‬پراساس‭ ‬یې‭ ‬بهرني‭ ‬ټیمونه‭ ‬پکې‭ ‬وګمارل‭. ‬دغه‭ ‬کار‭ ‬د‭ ‬ټیمونو‭ ‬انرژي‭ ‬په‭ ‬مناسبو‭ ‬ځایونو‭ ‬باندې‭ ‬متمرکزه‭ ‬کړه‭ ‬او‭ ‬د‭ ‬لټون‭ ‬او‭ ‬ژغورنې‭ ‬لپاره‭ ‬یې‭ ‬اړین‭ ‬وخت‭ ‬راکم‭ ‬کړ‭. ‬د‭ ‬خاورو‭ ‬او‭ ‬خښتو‭ ‬لیرې‭ ‬کولو‭ ‬چارې‭ ‬چې‭ ‬د‭ ‬خپلواکو‭ ‬فعالیتونو‭ ‬د‭ ‬کنډک‭ ‬لخوا‭ ‬یې‭ ‬مشري‭ ‬کېده،‭ ‬په‭ ‬بیړه‭ ‬سیمې‭ ‬ته‭ ‬د‭ ‬لېږدول‭ ‬شوو‭ ‬ځواکونو‭ ‬او‭ ‬قطعاتو‭ ‬په‭ ‬مرسته‭ ‬او‭ ‬د‭ ‬ملګرو‭ ‬هیوادونو‭ ‬د‭ ‬پوځونو،‭ ‬لکه‭ ‬فرانسې‭ ‬او‭ ‬ایټالیا‭ ‬او‭ ‬همدارنګه‭ ‬په‭ ‬لبنان‭ ‬کې‭ ‬د‭ ‬ملګرو‭ ‬ملتونو‭ ‬لنډمهاله‭ ‬ځواکونو‭ ‬سره‭ ‬د‭ ‬همغږۍ‭ ‬په‭ ‬مرسته‭ ‬پیل‭ ‬شوې‭. ‬دغو‭ ‬فعالیتونو‭ ‬د‭ ‬بیروت‭ ‬د‭ ‬بندر‭ ‬په‭ ‬چمتووالي‭ ‬او‭ ‬نږدې‭ ‬عادي‭ ‬فعالیت‭ ‬ته‭ ‬په‭ ‬بیرته‭ ‬راګرځېدو‭ ‬کې‭ ‬مرسته‭ ‬وکړه‭. ‬

قربانیانو‭ ‬سره‭ ‬مرسته

ملګرو‭ ‬هیوادونو‭ ‬لبنان‭ ‬سره‭ ‬د‭ ‬بیلابیلو‭ ‬روغتیایي‭ ‬او‭ ‬غیر‭ ‬نقدي‭ ‬مرستو‭ ‬په‭ ‬لیږلو‭ ‬سره‭ ‬له‭ ‬ځان‭ ‬څخه‭ ‬چټکتیا‭ ‬وښوده‭. ‬هغه‭ ‬لوړ‭ ‬باور‭ ‬ته‭ ‬په‭ ‬پام‭ ‬سره‭ ‬چې‭ ‬نړیواله‭ ‬ټولنه‭ ‬او‭ ‬د‭ ‬لبنان‭ ‬خلک‭ ‬یې‭ ‬په‭ ‬خپل‭ ‬پوځ‭ ‬باندې‭ ‬د‭ ‬هغوی‭ ‬د‭ ‬بې‭ ‬پریوالي‭ ‬او‭ ‬روڼوالی‭ ‬لپاره‭ ‬کوي،‭ ‬پوځ‭ ‬خپل‭ ‬مسؤلیتونه‭ ‬د‭ ‬مرستو‭ ‬رسولو‭ ‬او‭ ‬ویشلو‭ ‬سره‭ ‬پیل‭ ‬کړل‭. ‬پدې‭ ‬برخه‭ ‬کې‭ ‬د‭ ‬پوځ‭ ‬قوماندانۍ‭ ‬یوه‭ ‬مرکزي‭ ‬کمیټه‭ ‬جوړه‭ ‬کړه،‭ ‬چې‭ ‬څو‭ ‬ځانګړې‭ ‬فرعي‭ ‬کمیټې‭ ‬په‭ ‬کې‭ ‬شاملې‭ ‬وې‭. ‬دغو‭ ‬کمېټو‭ ‬ته‭ ‬د‭ ‬مرستو‭ ‬د‭ ‬ترلاسه‭ ‬کولو،‭ ‬ذخیره‭ ‬کولو‭ ‬او‭ ‬بسته‭ ‬بندي‭ ‬کولو،‭ ‬او‭ ‬د‭ ‬روښانه‭ ‬او‭ ‬رڼو‭ ‬معیارونو‭ ‬له‭ ‬مخې‭ ‬یې‭ ‬اغېزمنو‭ ‬کسانو‭ ‬ته‭ ‬د‭ ‬ویشلو‭ ‬د‭ ‬بهیر‭ ‬د‭ ‬تنظیم‭ ‬چارې‭ ‬وروسپارل‭ ‬شوې‭. ‬کار‭ ‬په‭ ‬دوه‭ ‬موازي‭ ‬برخو‭ ‬کې‭ ‬ترسره‭ ‬شو‭:‬

سرتیري د چاودنې قربانیانو ته خواړه رسوي. د لبنان وسلوال ځواکونه

د‭ ‬روغتیایي‭ ‬مرستو‭ ‬برخه‭:‬‭ ‬د‭ ‬پوځ‭ ‬صحیه‭ ‬قول‭ ‬اردو‭ ‬تر‭ ‬څارنې‭ ‬لاندې‭ ‬د‭ ‬روغتیایي‭ ‬چارو‭ ‬فرعي‭ ‬کمېټې‭ ‬د‭ ‬مرستو‭ ‬توکي‭ ‬په‭ ‬خصوصي‭ ‬ګودامونو‭ ‬کې‭ ‬ذخیره‭ ‬کړل‭. ‬دغې‭ ‬فرعي‭ ‬کمیټې‭ ‬همداراز‭ ‬مفصل‭ ‬مقررات‭ ‬جوړ‭ ‬کړل‭ ‬او‭ ‬مرکزي‭ ‬کمیټې‭ ‬ته‭ ‬یې‭ ‬وسپارل‭ ‬چې‭ ‬په‭ ‬پایله‭ ‬کې‭ ‬یې‭ ‬د‭ ‬ملي‭ ‬دفاع‭ ‬وزارت‭ ‬له‭ ‬لارې‭ ‬د‭ ‬روغتیا‭ ‬وزارت‭ ‬سره‭ ‬شریک‭ ‬کړل‭ ‬او‭ ‬مرستې‭ ‬یې‭ ‬اغیزمنو‭ ‬روغتونونو‭ ‬ته‭ ‬وویشلې‭.‬

د‭ ‬غیر‭ ‬نقدي‭ ‬مرستو‭ ‬برخه‭:‬‭ ‬د‭ ‬یادې‭ ‬موخې‭ ‬لپاره‭ ‬جوړه‭ ‬شوې‭ ‬کمیټې‭ ‬بېلابېلې‭ ‬مرستې‭ ‬ترلاسه‭ ‬کړې‭. ‬نوموړې‭ ‬کمیټې‭ ‬خوراکي‭ ‬توکي‭ ‬راټول،‭ ‬بسته‭ ‬بندي‭ ‬او‭ ‬ذخیره‭ ‬او‭ ‬بیایې‭ ‬اغیزمنو‭ ‬کورنیو‭ ‬ته‭ ‬ووېشل‭. ‬د‭ ‬2020‭ ‬زېږدیز‭ ‬کال‭ ‬تر‭ ‬پایه‭ ‬پورې‭ ‬له‭ ‬70000‭ ‬څخه‭ ‬ډیرې‭ ‬د‭ ‬مرستو‭ ‬کڅوړې‭ ‬وویشل‭ ‬شوې‭.‬

مخکښه‭ ‬عملیاتي‭ ‬اډه‭ ‬

له‭ ‬چاودنې‭ ‬وروسته‭ ‬د‭ ‬مرستندویه‭ ‬ماموریتونو‭ ‬د‭ ‬همغږۍ‭ ‬لپاره‭ ‬د‭ ‬پوځ‭ ‬قوماندانۍ‭ ‬په‭ ‬اغیزمنه‭ ‬سیمه‭ ‬کې‭ ‬د‭ ‬بشري‭ ‬او‭ ‬پراختیایي‭ ‬وضعیت‭ ‬د‭ ‬څارلو‭ ‬لپاره‭ ‬یوه‭ ‬بیړنۍ‭ ‬عملیاتي‭ ‬اډه‭ ‬جوړه‭ ‬کړه‭. ‬پوځ‭ ‬د‭ ‬اړمنو‭ ‬خلکو‭ ‬د‭ ‬هېرتیا‭ ‬د‭ ‬مخنیوي‭ ‬لپاره‭ ‬د‭ ‬سیمې‭ ‬سروې‭ ‬وکړه‭ ‬او‭ ‬خلکو‭ ‬ته‭ ‬یې‭ ‬د‭ ‬خپلو‭ ‬جایدادونو‭ ‬د‭ ‬وراووښتي‭ ‬زیان‭ ‬په‭ ‬اړه‭ ‬د‭ ‬راپور‭ ‬ورکولو‭ ‬لپاره‭ ‬د‭ ‬تیلیفون‭ ‬شمیرې‭ ‬او‭ ‬بریښنالیکونه‭ ‬ورکړل‭. ‬همداراز‭ ‬یې‭ ‬د‭ ‬خلکو‭ ‬د‭ ‬شکایتونو‭ ‬د‭ ‬ترلاسه‭ ‬کولو،‭ ‬د‭ ‬دوی‭ ‬اړتیاوو‭ ‬د‭ ‬پیژندلو‭ ‬او‭ ‬د‭ ‬دوی‭ ‬اندیښنو‭ ‬ته‭ ‬د‭ ‬رسیدنې‭ ‬لپاره‭ ‬د‭ ‬تلیفوني‭ ‬اړیکو‭ ‬نیولو‭ ‬یو‭ ‬مرکز‭ ‬جوړ‭ ‬کړ‭.‬

سربیره‭ ‬پردې،‭ ‬پوځ‭ ‬د‭ ‬بیروت‭ ‬له‭ ‬والي،‭ ‬مرستندویه‭ ‬لوی‭ ‬کمیسیون،‭ ‬د‭ ‬لبنان‭ ‬د‭ ‬سره‭ ‬صلیب‭ ‬او‭ ‬د‭ ‬نړیوالو‭ ‬او‭ ‬کورنیو‭ ‬غیر‭ ‬دولتي‭ ‬سازمانونو‭ ‬سره‭ ‬په‭ ‬ګډه‭ ‬کار‭ ‬وکړ،‭ ‬ترڅو‭ ‬هغو‭ ‬قربانیانو‭ ‬ته‭ ‬چې‭ ‬کورونه‭ ‬یې‭ ‬ویجاړ‭ ‬شوي،‭ ‬بدیل‭ ‬او‭ ‬لنډمهاله‭ ‬کورونه‭ ‬جوړ‭ ‬کړي‭ ‬او‭ ‬همدارنګه‭ ‬د‭ ‬ملکي‭ ‬ادارو‭ ‬ترمنځ‭ ‬د‭ ‬بیارغونې‭ ‬او‭ ‬مرستندویه‭ ‬هڅو‭ ‬مدیریت‭ ‬د‭ ‬ښه‭ ‬والي‭ ‬لپاره‭ ‬چارې‭ ‬همغږې‭ ‬کړي‭.‬

د‭ ‬زیانونو‭ ‬سروې

په‭ ‬اغېزمنو‭ ‬سیمو‭ ‬کې‭ ‬د‭ ‬ګڼ‭ ‬شمېر‭ ‬هغو‭ ‬وګړو‭ ‬په‭ ‬ګډون‭ ‬چې‭ ‬بې‭ ‬کوره‭ ‬شوي،‭ ‬د‭ ‬زیان‭ ‬او‭ ‬ویجاړتیا‭ ‬د‭ ‬کچې‭ ‬له‭ ‬ټاکلو‭ ‬وروسته،‭ ‬د‭ ‬پوځ‭ ‬قوماندانۍ‭ ‬د‭ ‬زیانونو‭ ‬سروې‭ ‬چټکه‭ ‬کړه‭ ‬ترڅو‭ ‬له‭ ‬ژمي‭ ‬مخکې‭ ‬د‭ ‬بیارغونې‭ ‬چارې‭ ‬پیل‭ ‬کړي‭. ‬نوموړې‭ ‬قوماندانۍ‭ ‬د‭ ‬سروې‭ ‬یوه‭ ‬ځانګړې‭ ‬کمېټه‭ ‬جوړه‭ ‬کړه‭ ‬چې‭ ‬د‭ ‬افسرانو،‭ ‬بریدملانو‭ ‬او‭ ‬پوځ‭ ‬کې‭ ‬نوو‭ ‬شامل‭ ‬شوو‭ ‬پرسونلو‭ ‬په‭ ‬ګډون‭ ‬1500‭ ‬غړي‭ ‬لري‭ ‬چې‭ ‬رضاکاره‭ ‬انجینران‭ ‬هم‭ ‬پکې‭ ‬کار‭ ‬کوي‭. ‬کمیټه‭ ‬د‭ ‬زیان‭ ‬ارزولو‭ ‬او‭ ‬د‭ ‬اغیزمنو‭ ‬ودانیو‭ ‬د‭ ‬پیژندلو‭ ‬لپاره‭ ‬کار‭ ‬وکړ‭ ‬او‭ ‬په‭ ‬پایله‭ ‬کې‭ ‬وموندل‭ ‬شوه‭ ‬چې‭ ‬55000‭ ‬اپارتمانونه‭ ‬زیانمن‭ ‬شوي‭ ‬دي‭.‬

په‭ ‬ورته‭ ‬ډول،‭ ‬د‭ ‬ویجاړو‭ ‬شوو‭ ‬کاروبارونو‭ ‬شمېر‭ ‬په‭ ‬عمومي‭ ‬ډول‭ ‬14848‭ ‬شرکتونو‭ ‬او‭ ‬5251‭ ‬سوداګریزو‭ ‬کمپنیو‭ ‬ته‭ ‬رسیږي،‭ ‬پداسې‭ ‬حال‭ ‬کې‭ ‬چې‭ ‬80‭ ‬ودانۍ‭ ‬ویجاړې‭ ‬شوي‭ ‬او‭ ‬اته‭ ‬نورو‭ ‬هغو‭ ‬ډیر‭ ‬زیان‭ ‬موندلی‭ ‬چې‭ ‬بیاځلې‭ ‬رغولو‭ ‬ته‭ ‬اړتیا‭ ‬لري‭. ‬د‭ ‬کمیټې‭ ‬د‭ ‬کاري‭ ‬ځواکونو‭ ‬تر‭ ‬منځ‭ ‬د‭ ‬ساحوي‭ ‬همغږۍ‭ ‬ښه‭ ‬کولو‭ ‬لپاره،‭ ‬هرې‭ ‬سروې‭ ‬شوې‭ ‬ودانۍ،‭ ‬کور،‭ ‬او‭ ‬اپارتمان‭ ‬ته‭ ‬د‭ ‬پروسې‭ ‬معیاري‭ ‬کولو‭ ‬او‭ ‬د‭ ‬تکرار‭ ‬د‭ ‬مخنیوي‭ ‬په‭ ‬موخه‭ ‬د‭ ‬لبنان‭ ‬د‭ ‬وسلوالو‭ ‬ځواکونو‭ ‬سریال‭ ‬نمبر‭ ‬ورکړل‭ ‬شوی‭.‬

همدارنګه،‭ ‬کمیټې‭ ‬یو‭ ‬ډیټابیس‭ ‬جوړ‭ ‬کړ‭ ‬چې‭ ‬د‭ ‬ودانۍ‭ ‬ټول‭ ‬سامانونه‭ ‬پکې‭ ‬شتون‭ ‬لري‭ (‬لکه‭ ‬المونیم،‭ ‬لرګي،‭ ‬خاوره،‭ ‬جغل،‭ ‬شګه،‭ ‬اوسپنه،‭ ‬کاشي،‭ ‬سرامیک،‭ ‬رنګ‭ ‬او‭ ‬د‭ ‬حفظ‭ ‬الصحې‭ ‬کټونه‭) ‬او‭ ‬د‭ ‬کور‭ ‬سامانونه‭ ‬لکه‭ (‬فرنیچر،‭ ‬برښنایي‭ ‬سامانونه،‭ ‬کمپیوټر‭ ‬او‭ ‬نور‭ ‬توکي‭) ‬چې‭ ‬د‭ ‬زیانمنو‭ ‬ودانیو‭ ‬د‭ ‬بیارغونې‭ ‬او‭ ‬ترمیم‭ ‬په‭ ‬موخه‭ ‬د‭ ‬قربانیانو‭ ‬لپاره‭ ‬باید‭ ‬خوندي‭ ‬وساتل‭ ‬شي‭. ‬دغه‭ ‬ډیټا‭ ‬هغو‭ ‬مالي‭ ‬مرستندویانو‭ ‬ته‭ ‬د‭ ‬لاسرسي‭ ‬وړ‭ ‬ده‭ ‬چې‭ ‬د‭ ‬مرستو‭ ‬لېوالتیا‭ ‬لري‭.‬

‭ ‬له‭ ‬دغو‭ ‬هڅو‭ ‬سره‭ ‬په‭ ‬هممهاله‭ ‬توګه،‭ ‬کمیټې‭ ‬د‭ ‬ویجاړو‭ ‬شوو‭ ‬اپارتمانونو‭ ‬د‭ ‬څښتنانو‭ ‬یو‭ ‬لیست‭ ‬ترتیب‭ ‬کړ‭ ‬او‭ ‬د‭ ‬لبنان‭ ‬حکومت‭ ‬د‭ ‬ولسمشر‭ ‬له‭ ‬لوري‭ ‬د‭ ‬یو‭ ‬لاسلیک‭ ‬شوي‭ ‬فرمان‭ ‬له‭ ‬مخې‭ ‬یې‭ ‬د‭ ‬جبران‭ ‬ورکولو‭ ‬په‭ ‬موخه‭ ‬لومړی‭ ‬منظور‭ ‬شوی‭ ‬قسط‭ ‬توزیع‭ ‬کړ‭. ‬دغه‭ ‬کار‭ ‬په‭ ‬عمومي‭ ‬بودیجه‭ ‬کې‭ ‬د‭ ‬زیانونو‭ ‬د‭ ‬جبران‭ ‬د‭ ‬تادیې‭ ‬لپاره‭ ‬یو‭ ‬استثنایی‭ ‬تخصیص‭ ‬رامنځته‭ ‬کړ‭ ‬چې‭ ‬کچه‭ ‬یې‭ ‬100‭ ‬ملیارد‭ ‬لبناني‭ ‬پونډو‭ ‬ته‭ ‬رسیږي‭. ‬د‭ ‬مرستو‭ ‬ویش‭ ‬د‭ ‬ځانګړي‭ ‬میکانیزم‭ ‬له‭ ‬مخې‭ ‬چې‭ ‬په‭ ‬هر‭ ‬کور‭ ‬کې‭ ‬یې‭ ‬د‭ ‬زیان‭ ‬کچه‭ ‬پکې‭ ‬ارزول‭ ‬کېده،‭ ‬ترسره‭ ‬شو‭. ‬دغه‭ ‬پړاو‭ ‬کې‭ ‬12400‭ ‬زیانمن‭ ‬شوي‭ ‬کورونه‭ ‬تر‭ ‬پوښښ‭ ‬لاندې‭ ‬ونیول‭ ‬شول‭.‬

د‭ ‬چاودنې‭ ‬څیړنه

پوځ‭ ‬د‭ ‬نظامي‭ ‬پولیسو‭ ‬له‭ ‬لارې‭ ‬د‭ ‬بیروت‭ ‬بندر‭ ‬د‭ ‬چاودنې‭ ‬د‭ ‬لاملونو‭ ‬په‭ ‬څیړنه‭ ‬کې‭ ‬مرسته‭ ‬وکړه،‭ ‬چې‭ ‬لومړنی‭ ‬کار‭ ‬یې‭ ‬د‭ ‬چاودنې‭ ‬له‭ ‬ځای‭ ‬څخه‭ ‬د‭ ‬شواهدو‭ ‬پر‭ ‬راټولولو‭ ‬باندې‭ ‬متمرکز‭ ‬وو‭. ‬د‭ ‬عدلي‭ ‬طب‭ ‬ریاست‭ ‬د‭ ‬پېښې‭ ‬ځای‭ ‬سروې‭ ‬وکړه‭ ‬او‭ ‬د‭ ‬چاودنې‭ ‬علت‭ ‬د‭ ‬رابرسېره‭ ‬کولو‭ ‬لپاره‭ ‬یې‭ ‬شواهد‭ ‬راټول‭ ‬او‭ ‬پلټونکو‭ ‬پولیسو‭ ‬ته‭ ‬یې‭ ‬وسپارل‭. ‬پولیسو‭ ‬د‭ ‬لبنان‭ ‬د‭ ‬جزایي‭ ‬اجراآتو‭ ‬قانون‭ ‬او‭ ‬د‭ ‬بشري‭ ‬حقونو‭ ‬له‭ ‬اصولو‭ ‬سره‭ ‬سم‭ ‬د‭ ‬اړوندې‭ ‬محکمې‭ ‬تر‭ ‬نظارت‭ ‬لاندې‭ ‬د‭ ‬شکمنو‭ ‬کسانو‭ ‬په‭ ‬اړه‭ ‬پلټنې‭ ‬پیل‭ ‬کړې‭.‬

پوځي‭ ‬رسنۍ‭ ‬

د‭ ‬چاودنې‭ ‬له‭ ‬ورځې‭ ‬راهیسې‭ ‬د‭ ‬پوځ‭ ‬د‭ ‬قوماندانۍ‭ ‬د‭ ‬لارښوونې‭ ‬ریاست‭ ‬د‭ ‬لبنان‭ ‬خلکو‭ ‬ته‭ ‬د‭ ‬معلوماتو‭ ‬ورکولو‭ ‬لپاره‭ ‬د‭ ‬یو‭ ‬لړ‭ ‬بیانیو‭ ‬او‭ ‬ټویټونو‭ ‬له‭ ‬لارې‭ ‬پیښو‭ ‬سره‭ ‬سم‭ ‬کار‭ ‬کړی‭ ‬دی‭. ‬بیانیې‭ ‬او‭ ‬ټویټونه‭ ‬د‭ ‬عمومي‭ ‬لارښوونو‭ ‬د‭ ‬خپرولو‭ ‬لپاره‭ ‬هم‭ ‬کارول‭ ‬شوي‭ ‬ترڅو‭ ‬د‭ ‬خلکو‭ ‬خوندیتوب‭ ‬څخه‭ ‬ډاډ‭ ‬ترلاسه‭ ‬کړي‭ ‬او‭ ‬د‭ ‬لټون‭ ‬او‭ ‬ژغورنې‭ ‬کار‭ ‬پر‭ ‬وړاندې‭ ‬خنډ‭ ‬ونه‭ ‬ګرځي‭. ‬

پوځ‭ ‬یو‭ ‬شمیر‭ ‬خبري‭ ‬کنفرانسونه‭ ‬تنظیم‭ ‬کړل‭ ‬چې‭ ‬په‭ ‬لړ‭ ‬کې‭ ‬یې‭ ‬افسرانو‭ ‬د‭ ‬ناورین،‭ ‬د‭ ‬چاودنې‭ ‬په‭ ‬ځای‭ ‬کې‭ ‬د‭ ‬ترسره‭ ‬شوي‭ ‬کار،‭ ‬او‭ ‬د‭ ‬ملګرو‭ ‬هیوادونو‭ ‬لخوا‭ ‬د‭ ‬لیږل‭ ‬شوو‭ ‬مرستو‭ ‬او‭ ‬دا‭ ‬چې‭ ‬څرنګه‭ ‬خلکو‭ ‬ته‭ ‬وویشل‭ ‬شوې،‭ ‬معلومات‭ ‬ورکړل‭. ‬دوی‭ ‬همداراز‭ ‬د‭ ‬ویجاړتیا‭ ‬د‭ ‬سروې‭ ‬کولو‭ ‬څرنګوالي،‭ ‬د‭ ‬سروې‭ ‬موندنې،‭ ‬او‭ ‬د‭ ‬جایدادونو‭ ‬څښتنانو‭ ‬ته‭ ‬د‭ ‬زیان‭ ‬جبران‭ ‬ورکولو‭ ‬د‭ ‬پلان‭ ‬په‭ ‬اړه‭ ‬مفصل‭ ‬توضیحات‭ ‬وړاندې‭ ‬کړل‭. ‬نوموړي‭ ‬ریاست‭ ‬له‭ ‬مطبوعاتو‭ ‬سره‭ ‬خپله‭ ‬همکاري‭ ‬پیاوړې‭ ‬کړه‭ ‬او‭ ‬د‭ ‬ځایی‭ ‬او‭ ‬بهرنیو‭ ‬خبریالانو‭ ‬لپاره‭ ‬یې‭ ‬د‭ ‬کار‭ ‬زمینه‭ ‬برابره‭ ‬کړه،‭ ‬دوی‭ ‬لپاره‭ ‬یې‭ ‬د‭ ‬چاودنې‭ ‬سیمې‭ ‬دننه‭ ‬او‭ ‬بهر‭ ‬سیمه‌ییز‭ ‬سفرونه‭ ‬تنظیم‭ ‬کړل‭ ‬ترڅو‭ ‬دوی‭ ‬د‭ ‬لبنان‭ ‬خلکو‭ ‬او‭ ‬نړیوالو‭ ‬ته‭ ‬مالومات‭ ‬ورسوي‭. ‬

د‭ ‬مخ‭ ‬په‭ ‬ځوړ‭ ‬اقتصادي‭ ‬بحران‭ ‬سربېره‭ ‬چې‭ ‬د‭ ‬لبنان‭ ‬د‭ ‬وسلوالو‭ ‬ځواکونو‭ ‬پر‭ ‬غړو‭ ‬باندې‭ ‬یې‭ ‬د‭ ‬لبنان‭ ‬د‭ ‬نورو‭ ‬وګړو‭ ‬په‭ ‬څېر‭ ‬ورته‭ ‬اغیزه‭ ‬کړې،‭ ‬او‭ ‬د‭ ‬کوروناویرس‭ ‬وبا‭ ‬سربیره‭ ‬چې‭ ‬د‭ ‬دوی‭ ‬ژوند‭ ‬او‭ ‬د‭ ‬دوی‭ ‬عزیزانو‭ ‬ته‭ ‬یې‭ ‬ګواښ‭ ‬پیښ‭ ‬کړی،‭ ‬د‭ ‬لبنان‭ ‬وسلوال‭ ‬ځواکونه‭ ‬هغوی‭ ‬ته‭ ‬سپارل‭ ‬شوې‭ ‬دندې‭ ‬ترسره‭ ‬کوي،‭ ‬او‭ ‬موخه‭ ‬یې‭ ‬په‭ ‬بشپړ‭ ‬ډول‭ ‬خپله‭ ‬دنده‭ ‬ترسره‭ ‬کول‭ ‬دي‭. 


د‭ ‬قزاقستان‭ ‬پوځي‭ ‬ډاکټران‭ ‬په‭ ‬لبنان‭ ‬کې‭ ‬د‭ ‬ناورین‭ ‬له‭ ‬قربانیانو‭ ‬سره‭ ‬مرسته‭ ‬کوي

د‭ ‬قزاقستان‭ ‬جمهوریت‭ ‬وسلوال‭ ‬ځواکونه

د‭ ‬2020‭ ‬د‭ ‬اګست‭ ‬میاشتې‭ ‬په‭ ‬پیل‭ ‬کې‭ ‬په‭ ‬بیروت‭ ‬بندر‭ ‬کې‭ ‬له‭ ‬چاودنې‭ ‬څخه‭ ‬څو‭ ‬ورځې‭ ‬وروسته،‭ ‬د‭ ‬قزاقستان‭ ‬د‭ ‬پوځي‭ ‬روغتیایي‭ ‬متخصصینو‭ ‬یوه‭ ‬ډله‭ ‬لبنان‭ ‬ته‭ ‬د‭ ‬ناورین‭ ‬له‭ ‬قربانیانو‭ ‬سره‭ ‬د‭ ‬مرستې‭ ‬لپاره‭ ‬ورغله‭.‬

د‭ ‬قزاقستان‭ ‬ډاکټرانو‭ ‬او‭ ‬نرسانو‭ ‬د‭ ‬بیروت،‭ ‬بوور‭ ‬او‭ ‬سیدا‭ ‬په‭ ‬ښارونو‭ ‬کې‭ ‬د‭ ‬دوه‭ ‬اونیو‭ ‬استوګنې‭ ‬په‭ ‬ترڅ‭ ‬کې‭ ‬635‭ ‬ناروغان‭ ‬تر‭ ‬درملنې‭ ‬لاندې‭ ‬ونیول‭. ‬د‭ ‬قزاقستان‭ ‬جراحانو‭ ‬په‭ ‬73‭ ‬عملیاتو‭ ‬کې‭ ‬مرسته‭ ‬وکړه،‭ ‬په‭ ‬دغو‭ ‬عملیاتو‭ ‬کې‭ ‬د‭ ‬یو‭ ‬90‭ ‬کلن‭ ‬لبناني‭ ‬سړي‭ ‬ماته‭ ‬شوې‭ ‬پښې‭ ‬بېرته‭ ‬جوړول‭ ‬چې‭ ‬په‭ ‬چاودنه‭ ‬کې‭ ‬ټپي‭ ‬شوی‭ ‬وو‭ ‬هم‭ ‬ګډون‭ ‬درلود‭.‬

فادي‭ ‬ایهریا،‭ ‬چې‭ ‬قزاقي‭ ‬طبي‭ ‬ډلې‭ ‬ورسره‭ ‬مرسته‭ ‬کړې‭ ‬وویل،‭ ‬“زه‭ ‬د‭ ‬جنوبي‭ ‬لبنان‭ ‬څخه‭ ‬یم‭. ‬زه‭ ‬په‭ ‬بیروت‭ ‬کې‭ ‬ژوند‭ ‬کوم‭. ‬پدې‭ ‬سختو‭ ‬شیبو‭ ‬کې،‭ ‬زه‭ ‬غواړم‭ ‬د‭ ‬قزاقستان‭ ‬له‭ ‬مشرتابه‭ ‬او‭ ‬پوځي‭ ‬ډاکټرانو‭ ‬څخه‭ ‬مننه‭ ‬وکړم‭ ‬چې‭ ‬زموږ‭ ‬له‭ ‬خلکو‭ ‬او‭ ‬ماشومانو‭ ‬سره‭ ‬مرسته‭ ‬کوي‭. ‬لبنان‭ ‬ته‭ ‬ښه‭ ‬راغلاست”‭.‬

د 2020 په اګست کې د قزاقستان پوځي ډاکټران لبنان ته د تلو پر مهال. د قزاقستان دفاع وزارت

د‭ ‬بیروت‭ ‬ناورین‭ ‬ته‭ ‬د‭ ‬قزاقستان‭ ‬غبرګون‭ ‬بې‭ ‬ساری‭ ‬وو‭. ‬د‭ ‬اګست‭ ‬په‭ ‬7مه،‭ ‬پر‭ ‬بندر‭ ‬له‭ ‬چاودنې‭ ‬درې‭ ‬ورځې‭ ‬وروسته،‭ ‬ولسمشر‭ ‬قاسم‭ – ‬جوامارت‭ ‬توکاییف‭ ‬د‭ ‬دفاع‭ ‬وزیر‭ ‬ډګر‭ ‬جنرال‭ ‬نورلان‭ ‬یرمیکباییف‭ ‬راوغوښت‭ ‬او‭ ‬لبنان‭ ‬ته‭ ‬یې‭ ‬د‭ ‬ټیم‭ ‬د‭ ‬استولو‭ ‬امر‭ ‬ورکړ‭. ‬ډاکټران‭ ‬بله‭ ‬ورځ‭ ‬له‭ ‬اکوتا‭ ‬څخه‭ ‬بیروت‭ ‬ته‭ ‬پرواز‭ ‬وکړ‭.‬

د‭ ‬کوویډ19-‭ ‬ناروغۍ‭ ‬په‭ ‬ترڅ‭ ‬کې،‭ ‬قزاقي‭ ‬چارواکو‭ ‬د‭ ‬ساري‭ ‬ناروغۍ‭ ‬ډاکټرانو‭ ‬او‭ ‬معالجینو‭ ‬ته‭ ‬بهر‭ ‬ته‭ ‬د‭ ‬سفر‭ ‬کولو‭ ‬اجازه‭ ‬ورنکړه‭. ‬د‭ ‬قزاقستان‭ ‬د‭ ‬ځانګړو‭ ‬ځواکونو‭ ‬په‭ ‬طبي‭ ‬ډله‭ ‬کې‭ ‬جراحان،‭ ‬ارواپوهان،‭ ‬د‭ ‬اعصابو‭ ‬جراحان،‭ ‬د‭ ‬بیهوښۍ‭ ‬ورکولو‭ ‬متخصصین‭ ‬او‭ ‬نرسان‭ ‬شامل‭ ‬دي‭. ‬ډیری‭ ‬قزاقانو‭ ‬په‭ ‬انګلیسي‭ ‬ژبه‭ ‬خبرې‭ ‬کوله‭. ‬په‭ ‬پوځي‭ ‬الوتکو‭ ‬کې‭ ‬طبي‭ ‬توکي‭ ‬او‭ ‬تجهیزات‭ ‬هم‭ ‬بار‭ ‬و‭.‬

له‭ ‬قزاقانو‭ ‬څخه‭ ‬د‭ ‬بیروت‭ ‬په‭ ‬نړیوال‭ ‬هوایی‭ ‬ډګر‭ ‬کې‭ ‬د‭ ‬لبنان‭ ‬د‭ ‬وسلوال‭ ‬ځواک‭ ‬مشر‭ ‬برید‭ ‬جنرال‭ ‬ابي‭ ‬کرم‭ ‬او‭ ‬د‭ ‬لبنان‭ ‬د‭ ‬بهرنیو‭ ‬چارو‭ ‬وزارت‭ ‬د‭ ‬استازي‭ ‬علي‭ ‬لیراني‭ ‬لخوا‭ ‬تود‭ ‬هرکلی‭ ‬وشو‭. ‬دا‭ ‬د‭ ‬قزاقستان‭ ‬او‭ ‬لبنان‭ ‬طبي‭ ‬کارکوونکو‭ ‬ترمنځ‭ ‬د‭ ‬دوو‭ ‬اونیو‭ ‬د‭ ‬نږدې‭ ‬همکارۍ‭ ‬پیل‭ ‬وو‭. ‬

د‭ ‬قزاقستان‭ ‬سرطبیب،‭ ‬ډګروال‭ ‬اسکار‭ ‬معروفوف‭ ‬وویل،‭ ‬“په‭ ‬پوځي‭ ‬روغتون‭ ‬او‭ ‬ملکي‭ ‬روغتونونو‭ ‬کې‭ ‬د‭ ‬کار‭ ‬پر‭ ‬مهال،‭ ‬موږ‭ ‬ښه‭ ‬تجربه‭ ‬ترلاسه‭ ‬کړه”‭.‬

له‭ ‬لبنان‭ ‬څخه‭ ‬له‭ ‬بېرته‭ ‬تلو‭ ‬څخه‭ ‬مخکې‭ ‬قزاقستاني‭ ‬ډاکټرانو‭ ‬د‭ ‬لبنان‭ ‬د‭ ‬پوځي‭ ‬صحیې‭ ‬ریاست‭ ‬مشر‭ ‬جنرال‭ ‬جورج‭ ‬یوسف‭ ‬او‭ ‬په‭ ‬بیروت‭ ‬کې‭ ‬د‭ ‬پوځي‭ ‬روغتون‭ ‬له‭ ‬مشر‭ ‬جنرال‭ ‬ابوظاهر‭ ‬نسیم‭ ‬سره‭ ‬وکتل‭. ‬دواړو‭ ‬لوریو‭ ‬په‭ ‬پوځي‭ ‬درملنه‭ ‬کې‭ ‬د‭ ‬لا‭ ‬همکارۍ‭ ‬لپاره‭ ‬پر‭ ‬امکاناتو‭ ‬خبرې‭ ‬وکړې‭.‬

حتا‭ ‬د‭ ‬بندر‭ ‬له‭ ‬چاودنې‭ ‬څخه‭ ‬دمخه،‭ ‬قزاقي‭ ‬ځواکونو‭ ‬له‭ ‬لبنان‭ ‬سره‭ ‬بلدتیا‭ ‬درلوده‭ ‬ځکه‭ ‬چې‭ ‬هغوی‭ ‬په‭ ‬لبنان‭ ‬کې‭ ‬د‭ ‬ملګرو‭ ‬ملتونو‭ ‬په‭ ‬لنډمهاله‭ ‬سوله‭ ‬ساتو‭ ‬ځواکونو‭ ‬کې‭ ‬شامل‭ ‬وو‭.‬

Comments are closed.