حوثیان ماشومانو د سرتیري په توګه روزي

د معمر الاریاني لخوا، چې د یمن د اطلاعاتو، فرهنګ او ګرځندوی وزیر دی.

د هر تعلیمي کال په پای کې، د ایران تر ملاتړ لاندې حوثي ملیشې په زرګونو هغه څه چې دوی یې د دوبي مرکزونه بولي په اشغال شوې پلازمینه صنعا او تر خپل کنټرول لاندې د یمن په نورو ولایتونو کې جوړوي. دوی دا مرکزونه کاروي ترڅو د 18 کلونو څخه کم عمره ماشومان د دوی د کورونو او ټولګیو څخه راجلب کړي، په زوره یې استخداموي او په بې رحمانه ډول یې په مختلفو جنګي جبهو کې مرګ ته سپاري.

په 2021 کې، د حوثيانو یو مشر اعلان وکړ چې د ایران د قدس ځواک افسر حسن ارلو (چې د نړیوالو ترهګرو په لیست کې څرګندیږي) تر نظارت لاندې په دغه مرکزونو کې 620,000 ماشومانو نوم لیکنه کړي ده. د جګړې لپاره د ځیني ماشومانو په ګمارلو سره حوثیانو هیله لري چې د یاغیانو سخت کمښت جبران کړي. د جګړې له پیل راهیسې چې کودتا یې لامل و او د معارب ولایت په محاذ کې د جګړې د پراختیا له امله د بشري ځواک دغه کمښت بیساری بلل کیږي.

په حقیقت کې، د دوبې دغه مرکزونه د ماشومانو د روزلو کمپونو په توګه کارول کیږي — چې په انساني تاریخ کې د خپل ډول ترټولو لوی کمپونه دي. دلته حوثیانو او د هغوی ایراني ملاتړ کونکي د ماشومانو ملي هویت تحریفوي او د دوی ذهنونه د مرګ، کرکې، دښمنانه شعارونو او فرقه یې تلقین سره مینځي چې د ایران څخه وارد شوي دي. ځینې به یې اور ته واچول شي او د عکسونو، د بدن غړو او خالي بکسونو په توګه بیرته خپلو کورنیو ته ستانه شي.

د “مرګ پر امریکا” شعار چې حوثي ملیشې یې په دوامداره توګه ماشومانو ته زده کوي داسې یو نسل به رامینځته کړي چې د کرکې او دښمنۍ سره به مخ وي او ډیر ژر به په یوه جدي ستونزه بدله شي چې د ایران لخوا په سیمه کې د ګډوډي د خپرولو لپاره کارول کیږي.

هیڅ څوک باید د دې شعار کارول بابېزه ونه ګڼي. هغه څوک چې د ایران ملېشو سره آشنا دی ښه پوهیږي چې دا شعار د څه شي معنی لري او کوم خطر زیږولی شي. ډیری خلک د ترهګرو ډلو رامینځته کیدل او تشکیلیدل په یاد کې لري لکه القاعده او داعش، چې د ورته شعارونو په کارولو سره په منظم ډول یې ماشومان ته د وژنو، ورانۍ، تاوتریخوالۍ او کرکې د راپارولو لپاره تلقین کوله. نړۍ لاهم د دې ډلو بدې پایلې سره مخ دي.

له هغه وخته چې د دوبي مرکزونه پرانستل شول، د سیمې څخه د راپورونو او د حوثي رسنیو د راپورونو پر اساس د مړه شوي ماشومانو په شمیر کې زیاتوالی راغلی، چې د جنګي تجربې د نه درلودو له امله د معارب په جبهه کې ځانمرګي بریدونو کې ښکیل شوي دي. ډیری خلک ویره لري چې ورته برخلیک د هغو زرګونو نورو ماشومانو په انتظار کې دی چې پدې مرکزونو کې شامل شوي دي.

په یمن کې د ملګرو ملتونو د نړیوال او سیمه ایز ماهرانو ګروپ د حوثي ملیشو لخوا د جنګیالیو په توګه د ماشومانو استخدام مستند کړی دی. دغه ډله د خپل کنټرول لاندې په ټولو ولایتونو کې د ماشومانو استخدام تایید کړ او په امنیتي او استخباراتي ماموریتونو کې د معلوماتو د ترلاسه کولو لپاره د انجونو استخدام په اړه باوري راپورونه نقل کړي دي.

د 2021 په پیل کې، د اروپا-مدیتراني د بشري حقونو څارونکي او د حقونو او آزادیو لپاره د SAM سازمان لخوا یو راپور تایید کړه چې حوثیانو له کال 2014 راهیسې 10,300 ماشومان استخدام کړي. د ګمارل شوي ماشومانو شمیر کیدای شي خورا ډیر وي، ځکه چې حوثیانو د 10 څخه تر 17 کلن پورې د لسګونو زرو ماشومانو لپاره 52 روزنیز کمپونه پرانستي. دوی د کورنیو په ګواښلو او د پیسو په واسطه دماشومانو په غولولو سره دا کار کړی، سربیره پر دې چې د مهاجرو له کیمپونو او یتیم خانو څخه ماشومان استخدام کړی. راپور مستند کړي چې څنګه حوثیانو په ماشوم سرتیري باندې جریمې وضع کوي، پشمول د خواړو څخه محرومیت، قید، فزیکي او جنسي تیري، او د مرګ ګواښونه.

په داسې حال کې چې نړیواله ټولنه د دې جنګ د پای ته رسولو لپاره غوښتنه کوي چې یمن یې تباه کړی، حوثیانو د ماشومانو په استخدام ځکه ټينګار کوي چې غواړي زرګونه ماشومان د یوې وسیلې په توګه وکاروي ترڅو په یمن سیمه او نړۍ کې وژنه، تاوتریخوالۍ، ګډوډۍ او ترهګرۍ خپاره کړي.

دا کار به بې له شکه د جګړې د پراخیدو لامل شي او د لسیزو لپاره به د یمنیانو ترمینځ ټولنیز جوړښت، مدني سوله او د ګډ ژوند ارزښتونه له ګواښ سره مخامخ کړي. دا کار د ایډیالوژیک افراطیانو د یو نسل د رامینځته کیدو څخه خبر ورکوي چې کنټرول نشي کیدلی او په سیمه کې د ایران د توسعه غوښتونکې پروژې او د هغه حرص ته د خدمت لپاره په بې معنی جګړو کې ښکیل کیږي.

زه په نړیواله ټولنه، ملګرې ملتونه، متحده ایالاتو او د یمن لپاره د متحده ایالاتو پر استازی غږ کوم چې د دې ناورین شدت ته پام وکړي چې د لسګونو زرو ماشومانو اوسنی ژوند او راتلونکی ګواښوي. دا سازمانونه باید په دغه ملیشه ډله باندې فشار راوړي ترڅو په جګړو کې د ماشومانو ګمارنه او استعمال پای ته ورسوي کوم چې د نړیوالو قوانینو او تړونونو څخه شرموونکې او بې سارې سرغړونه ده.

زه همداراز د بشري حقونو او د ماشومانو د خوندیتوب پر سازمانونو باندې غږ کوم چې خپله بشري او اخلاقي دنده په غاړه واخلي او د حوثي ملیشو لخوا د یمني ماشومانو پروړاندې د نسل وژنې مخنیوی وکړي او عاملین یې د نړیوال جینایي قانون په چوکاټ کې د جنګي مجرمینو په توګه محاکمې ته راولي.

موږ د زرګونه یمني ماشومانو د خطرونو په هکله خبرداری ورکوو چې داسې بمونه ورنه جوړیدای شي چې د وړاندوینې او کنټرول وړ نه وي، کوم چې کولای شي د سیمې او نړۍ امنیت او سوله له ګواښ سره مخ کړي. موږ نشو کولی چې هغوی وژونکې او ویجاړونکې ملیشې ته یرغمل پریږدو چې ایران ته خپلې پریکړې سپارلي او دا یې ثابته کړې ده چې د سولې په ژبه نه پوهیږي.