د طبیعي پیښو او وسله والو شخړو په جریان کې د مرستې او کمک چمتو کولو کې د مسلکي وړتیا لوړولو لپاره، د بحرین د کورنیو چارو وزارت د 2021 په می کې د دوه ورځنيو بشري عملیاتو ورکشاپ کوربه و.
دغه ورکشاپ د بحرین، متحده عربي اماراتو او متحده ایالاتو څخه د 40 څخه زیاتو نظامي او ملکي مشرانو په ګډون، د متحده ایالاتو د سمندري ځواکونو مرکزي قوماندانۍ (NAVCENT) او د متحده ایالاتو د نړیوالې پراختیا ادارې لخوا چمتو شوی او د بحرین د کورنیو چارو وزارت د عمومي امنیت مرستیال تورن جنرال عبدالله محمد الزاید یې ملاتړ کړی.
په اجنډا کې هغه موضوعات شامل وو چې هدف یې بشري ناورینونو ته د ځواب ویلو لپاره د ګډونوالو مهارتونو او پوهې لوړول وو: بیړني مدیریت، په ناورین کې د غبرګون ښه والی، د ساري ناروغیو د بقا ستراتیژی، بیړنۍ عمومي جراحي او بیړني په هوښ راوستل.
”د NAVCENT قومندان، وایس آډم وویل: “بشري ناورینونه په مهالویش سره نه پیښیږي. دوی عادلانه خبرداری نه وړاندې کوي، او دوی په ځانګړي ظلم سره پر زیانمنونکو کسانو برید کوي. براډ کوپر Brad Cooper په خپلو پرانیستونکو څرګندونو کې.
”خو بیا هم موږ پوهیږو چې ناورینونو ته ځواب په بشریت کې خورا ښه کسان راوړي. د نړۍ له ګوټ ګوټ څخه د خلکو، نړیوالو سازمانونو، حکومتونه او پوځونه سره متحد کوي، ترڅو د یوې ګډې موخې ملاتړ وکړي – هغو کسانو ته مرستې چمتو کړي، چې سخت اړمن دي.
بحرین د بشري ناورینونو او وسله والو شخړو په ځواب کې مهم رول لوبوي. د ملګرو ملتونو د بشري چارو د همغږۍ دفتر (UNOCHA) په وینا، دغه پاچاهي په ټوله نړۍ کې د بشري عملیاتو لپاره د زکات او صدقې له لارې مرسته کوي. له دغو مرستو څخه به تر 33 ډېر هغه هېوادونه چې د وسله والو جګړو او طبیعي پېښو له امله اغېزمن شوي ګټه پورته کړي، چې لبنان، سوډان، سوریه او یمن هم پکې شامل دي. اغیزمنو هیوادونو ته د بحرین مرستې په عمده توګه د بحرین د سرې میاشتې ټولنې او شاهي خیریه سازمان له لارې ورکول کیږي.
سرچینې: د بحرین خبري اژانس، NAVCENT،UNOCHA
Comments are closed.