یونیپث کارکونکی
د ازبکستان د خپلواکۍ د 30مې کلیزې په مناسبت، د امریکا د بهرنیو چارو وزیر انتوني بلینکن د دغه هېواد مشران وهڅول چې د یوه پیاوړي سیمهإییز امنیتي شریک په توګه خپل رول ته دوام ورکړي.
بلینکن د 2021 د سپتمبر د کلیزې په مناسبت په یوه بیانیه کې وویل: “موږ د ازبکستان د بنسټیزو آزادیو ملاتړ د اصلاحاتو په ګډون د زړورو اصلاحاتو د دوام ملاتړ کوو.”
هغه په افغانستان کې د بې ثباتۍ له امله د سیمهییز امنیت او ثبات د ټینګښت لپاره له ازبکستان سره د ستراتیژیکو همکاریو د پراختیا په برخه کې د امریکا دوامداره لېوالتیا څرګنده کړه.
بلینکن په خپله وینا کې د متحده ایالاتو لخوا ازبکستان ته له کوویډ- 19 وبا سره د مبارزې لپاره د 3 میلیونه ډوزو واکسینو مرسته تکرار کړه. دغه واکسین ازبکستان ته د COVAX په نامه د توزیع د نړیوال پروګرام د یوې برخې په توګه استول شوي وو.
د وزیر بلینکن دا څرګندونې د جولای په میاشت کې د ازبکستان د بهرنیو چارو له وزیر عبدالعزیز کامیلوف سره په واشنګټن ډي سي کې په بهرنیو چارو وزارت کې تر هغې لیدنې وروسته دي چې ډیپلوماتانو د خپلو هیوادونو ترمنځ د ستراتیژیکو همکاریو او په منځنۍ آسیا کې د سیمهییز امنیت مسلو په اړه خبرې وکړې.
وزیر بلینکن ټینګار وکړ چې ازبکستان “د سیمهییز امنیت او ودې لپاره یو مهم شریک پاتې دی.” بلینکن دې ته په اشارې سره چې دواړو هېوادونو سږکال د ډیپلوماتیکو اړیکو د 30مې کلیزې لمانځنه وکړه، د دوه اړخیزو اړیکو د ژورتیا پر اهمیت ټینګار وکړ، چې په 2016 کې د شوکت میرضیایف د ولسمشر په توګه له ټاکل کیدو راهیسې د پام وړ ښهوالی پکې راغلی دی.
بلنکن د بهرنیو چارو له وزیر کامیلوف سره د کتنې پر مهال ګاونډیو هېوادونو ته د ازبکستان د رسېدنې ستاینه وکړه. پدې کې د C5+1 سیمهيیز ډیپلوماتیک پلیټ فارم شامل دی، چې د ګډو اندیښنو د موضوعاتو د حل لپاره د مرکزي آسیا پنځه هیوادونه او متحده ایالات سره یوځای کوي.
Comments are closed.