یونیپث کارکونکی
اردن او قطر په 2021 سپتمبر کې د امنیتي همکارۍ یو پنځه کلن تړون وکړ چې د جرمونو سره مبارزې لپاره د استخباراتو او ټیکنالوژۍ تبادلې باندې تمرکز لري.
دواړه هیوادونه به د جرمونو ټولو ډولونو سره د مبارزې لپاره شته دوه اړخیزې همکارۍ تقویت لپاره کار کوي: تروریزم او اړوند مالي تمویل؛ منظم جرمونه؛ د وسلو، مهماتو، چاودیدونکي توکو او هستوي توکو، راډیو اکټیو، کیمیاوي او بیولوژیکي توکو غیرمشروع قاچاق؛ انساني قاچاق او غیرقانوني مهاجرت؛ د تریاکو قاچاق، تولید او توزیع؛ د پیسو مینځل؛ او د پاسپورټ، اسعارو او نورو رسمي اسنادو جعل.
د اقتصادي لیدلوري له مخې، دا تړون د معنوي ملکیت، ټیکنالوژي شتمنیو، معلوماتي سیسټمونو، او بندرونو او پولو ګډ محافظت باندې هم تاکید کوي. تړون د سمندري غلا او مجازي جرمونو پر وړاندې تعاوني هڅو یادونه هم کوي.
قطر او اردن په 1971 کې د قطر د خپلواکۍ اخیستلو راهیسې پیاوړې دیپلوماتیک او نظامي اړیکې پاللي دي. د اردن ماهرینو د قطر اقتصاد، تعلیمي او نظامي سیکتور کې مرسته کړې ده.
د اردن پخوانی پاچا جلالتمآب حسین بن تالاف لومړی نړیوال مشر و چې په کال 1995 کې د جلالتمآب حماد بن خلیفه الثاني د واکمن کیدو پرمهال یې د قطر څخه لیدنه وکړه او هغه ته یې مبارکي ورکړه.
د اردن پاچا جلالتمآب عبدالله 2 لومړی عرب مشر و چې په 2013 کال جون میاشت کې دوحه ته ولاړ او د جلالتمآب شیخ تمیم بن حماد الثاني د قطر امیر په حیث نومول کیدو مبارکي یې هغه ته ورکړه.
د اردن اردو او د قطر اردو په منظم ډول ګډو تمرینونو کې برخه اخلي. د قطر د ځانګړي عملیاتو ځواکونو په 2019 سپتمبر کې په اردن کې د څو هیوادونو نظامي تمرین لیواله زمري کې ګډون وکړ، پداسې حال کې چې د اردن ځواکونو د اوه نورو هیوادونو ځواکونو سره یوځای په 2021 مارچ کې په قطر کې په نه ماتیدونکي ساتونکي تمرین کې ګډون وکړ.
Comments are closed.