په اردن او لبنان کې له ملکي-پوځي همکارۍ څخه ملاتړ
لبنان او اردن چې وار دمخه له سوریې څخه د لوی شمیر کډوالو د کوربتوب تر فشار لاندې دي، دې ته اړ ایستل شوي ترڅو د کوویډ- 19 پر وړاندې د یو نه لیدونکي او پټ دښمن سره مبارزه وکړي.
د بلوک بریدمل ستیون کولوین/د متحده ایالاتو د ځانګړو عملیاتو مرکزي قومانده
خو د متحده ایالاتو د ځانګړو عملیاتو مرکزي قوماندې په مرسته – چې له یو نسل راهیسې یې د لبنان او اردن وسلوالو ځواکونو سره پیاوړی مشارکت رامینځته کړی او ساتلی دی، د ویروس ځینې اغیزې کمې شوې وې.
د لبنان ملکي – پوځي همکاریو مرکز او د اردن د ملکي – پوځي همغږۍ مرکز د متحده ایالاتو د 96مې ملکي چارو کنډک څخه د ملکي چارو ټیمونو لپاره مرسته ترلاسه کړې. په ګډه دوی خپل ځان د وېروس پر وړاندې په لومړیو کرښو کې د ملکي ادارو د ملاتړ په نامعلوم رول کې موندلی.
د ملکي چارو ټیمونو د روغتیایي او حفظ الصحې توکو مرستې وویشلې، چې د غیر دولتي سازمانونو لخوا په لبنان او اردن کې ټولنو ته د بسپنې په توګه ورکړل شوي وو. د 2020 د پسرلي پر مهال، د ښوونځي ماشومانو ته له 20000 څخه ډیر د حفظ الصحې کڅوړې وویشل شوې، همداراز 33200 ماسکونه، 152000 لاس ماغو، 11200 بوتله د لاس پریمینځلو دوا، او 19000 د معلوماتو کارتونه ځایي کلینیکونو او روغتیایي مرکزونو ته ورکړل شول ترڅو د ناروغۍ مخه ونیسي.

Comments are closed.